Aphrodisiac လိင်စိတ်အားပေး အစာနဲ့ ဆေးများ

အသက် ၁၈ နှစ်ပြည့်မှ ဖတ်ပါ (၃ဝ)

ပုံပြင်နဲ့ စပါရစေ။ သူများ ယဉ်ကျေးမှုတွေမှာ ဖို-မ ဆက်ဆံတာမယ် မေတ္ကာတွေ၊ ချစ်တာတွေ အသာထား၊ Casual, One-night stand “တွေ့တဲ့ဟာနဲ့ ကြုံရာကျပန်း၊ တညတာ စခန်းသွား” နေကြလို့ Love ဆိုတာလေး ရှာတော့ ၃ ရာစုမှာ သွားတွေ့ပါတယ်။

ဖေဖေါ်ဝါရီ ၁၄ ရက်ကို သတ်မှတ်တဲ့ Valentine နေ့ သမိုင်းဟာ မယုံရင် ပုံပြင်မှတ် အစားထဲကပါ။ မူကွဲ မဟုတ်ဘဲ၊ တခုနဲ့ တခုလဲ မတူကြဘူး။ “မျက်မမြင်ကို ဆေးကုပေးတဲ့ သမားပုံပြင်” က ဆေးပညာနဲ့ နီးစပ်လို့ ဘက်လိုက်ပြီး ရွေးပါမယ်။ ဘာသာရေး ယုံကြည်ချက်နဲ့ ထောင်ကျနေရတဲ့ Valentine ဟာ ထောင်အရာရှိ တဦးရဲ့ သမီးကို ဆေးကုပေးစဉ် မေတ္ကာသက်ဝင် ချစ်ခင်လာပါသတဲ့။ ဆေးချက် ကလဲမှန်၊ ယုံကြည်မှုကလဲ ပြင်းထန်တာမို့ ချစ်စရာ ကလေးမ မျက်စိနှစ်ကွင်း အလင်းပြန်ရပြီး၊ “သင့်ရဲ့ Valentine” ဆိုတာကို ဖတ်နိုင်လာသတဲ့။ ဒါပေမဲ့ ဧကရာဇ် Claudius II ကနေ သေဒဏ်ပေးလို့ မသေခင်လေး ရေးခဲ့ရတဲ့ Valentine ရဲ့ စာတစောင်သာ ဖြစ်ပါတယ်။ “မျက်စိမမြင်လဲ အချစ်ရှိတယ်ပေါ့။”
Valentine Foods ဆိုတာက လိင်စိတ်အားပေးတဲ့ အစားအစာတွေပါ။ Aphrodisiac လို့လဲ ခေါ်တယ်။ “အချစ်နဲ့ လိင်ကို စိုးပိုင်တော်မူသော ဂရိ နတ်သမီး” Aphrodite ကနေ လာတာပါ။ သမိုင်းတလျှောက် ဒီအရေးအရာမှာ နာမည်ကြီးခဲ့တဲ့ အသောက်၊ အစား နဲ့ အမူအကျင့်တွေ အများကြီး ရှိခဲ့ပါတယ်။

ညစ်ညမ်းတယ်တော့ မထင်ပါနဲ့။ ကွက်ကနဲ ကွင်းကနဲမြင်အောင် ရေးပါရစေ။ Aphrodisiac တွေထဲမှာ ပုံပန်းကိုက လိင်အင်္ဂါနဲ့ တူတာတွေပါတယ်။ Rhinoceros ကြံချိုကနေ ထုတ်တဲ့ဆေး ရောင်းကောင်းလှတယ်။ Banana ငှက်ပျောသီး နဲ့ Ice-cream ရေခဲမုံ့ကို မော်ဒယ်လှလှ ပါးစပ်နားတေ့ပြ ကြော်ညာတော့လဲ တမျိုးဘဲ။

ကနု-ကမာ Oysters ဆိုတာ မ-အင်္ဂါနဲ့ တူလို့တဲ့။ ၁၈ ရာစု ဥရောပ နန်းတွင်းနဲ့ အထက်တန်းလွှာ အမျိုးသမီး ကြီး-ငယ် ကြားမှာ ရေပန်းစားခဲ့တဲ့ Womanizer မြာပွေသူလို့ သမိုင်းတင်ခဲ့တဲ့ Giacomo Casanova ဟာ မနက်စာ စားရင် Oysters ၅ဝ အစိမ်း စားတယ်လို့ ပြောစမှတ် ရှိတယ်။ (Mr. Bean လို သိုးတာကို သွားမစားနဲ့။) ဒီအစားက Pine nuts လိုဘဲ Zinc သွပ်ဓါတ် များတာမို့ Sperm production သုတ်ထွက်အား ကောင်းစေတယ်။ D-aspartic acid နဲ့ N-methyl-D-aspartate တွေပါလို့ Testosterone ကျား-ဟော်မုန်း များစေတယ်။

Middle Ages အလယ်ခေတ်တုံးက “အထင်တခု” ရှိခဲ့တယ်။ ယောက်ျားရဲ့ ဘယ်ဘက်က အစိကို ထုတ်ထားရင် သား ယောက်ျားလေး မွေးစေသတဲ့။ ကနေ့အထိ ယုံနေကြတာကတော့ အထီးကောင်တွေရဲ့ Testicles အစိ၊ Rocky Mountain Oysters (ရောကီး) တောင်တန်းကလာတဲ့ ကနု-ကမာ ဒီနေရာမှာ ကောင်းပါသတဲ့။ Bull testicles နွားထီး ဟာကို အများဆုံး စားသုံးကြပါတယ်။

Yohimbine ဆိုတာ အမေရိကမှာ တရားဝင် ရောင်းခွင့်ရှိတဲ့ ယောက်ျား လိင်အားတိုးဆေးပါ။ Bremelanotide ကတော့ အမျိုးသား-အမျိုးသမီး သုံးနိုင်တယ်။ Chocolate ချော့ကလက်လဲ စာရင်းထဲ ထည့်တယ်။ ဒါပေမဲ့ သူ့ထဲပါတဲ့ Serotonin, Phenylethylamine တွေဟာ ဦးနှောက် ထဲက Pleasure areas တွေကို သက်ရောက်နိုင်လို့ Sex နဲ့တော့ တူတယ်၊ ဒါပေမဲ့ သူ့ကြောင့် Sex ကို အကျိုး သက်ရောက်တာ ရှာမတွေ့ဘူး။

Club drug (ကလပ်) ဆေးတွေလဲ နာမည်ရှိတယ်။ Alkyl nitrites (Poppers) ဆိုတာကို ရှူရတယ်။ ကြွက်သား အနုစားတွေ လျှော့ပေးစေလို့ သွေးပိုလျှောက်ပြီး၊ Sphincters အထိန်းတွေ ကျယ်စေကာ ဒီစိတ်ကို နိုးဆွပေးပါတယ်။ မူးယစ်အုပ်စုဝင် Cocaine (ကိုကိန်း) နဲ့ Methamphetamine (မက်သမ်ဖတမင်း) တို့လည်း ဒီလိုဘဲတဲ့။ လေ့လာသူတွေက ပြန်ပြောတယ်။ Booze and party drugs ခေါ်တဲ့ Cannabis ဆေးခြောက်၊ Cocaine နဲ့ Ecstasy (MDMA) ဆေးဝါးတွေက Testosterone ကျားဟော်မုန်း လျှော့စေလို့ ပြောင်းပြန်အကျိုး သက်ရောက်စေသတဲ့။ Alcohol, Champaign အရက်မျိုးစုံ နဲနဲဆိုရင် ဖြစ်စေနိုင်ပေမဲ့ များသွားလို့ကတော့ တယောက်ထဲ အိပ်ပျော်သွားမှာ သေခြာတယ်။

Spanish fly ဆိုတဲ့ အင်းဆက်ကို ဆေးပြား၊ ဆေးမှုံ့၊ ဆေးရည်၊ မျိုးစုံကို မပေါ့်တပေါ်ပုံ အဖုံဖုံနဲ့ ရောင်းပါတယ်။ အမှန်က Fly မဟုတ်ဘဲ Beetle ပိုးကောင် ဖြစ်ပါတယ်။ အကောင်တော့ လိုက်ရှာ မနေပါနဲ့။ ဒီအကောင်မှာ ဒီအစွမ်း မရှိဘူးလို့ ထောက်ပြတာ ရှိတယ်။

သဘာဝ လိင်အားတိုး အစာနဲ့ဆေး Natural Aphrodisiac foods and drugs လို့ နာမယ်ပေးတာတွေလဲ မနည်းပါ။ Cinnamon သစ်ကြံပိုးခေါက်၊ Coriander တရုပ်နံနံကြီး၊ Parsley တရုတ်နံနံသေး၊ Clove လေးညှင်းပွင့်၊ Garlic ကြက်သွန်ဖြူ၊ Ginger ချင်း (ဂျင်း)၊ Liquorice Root နွယ်ချိုမြစ်၊ Mace and Nutmeg ဇာတိပ္ဖိုလ် အသီး-အခွံ-အပွင့်၊ Mustard မုံညင်း၊ Pepper ငရုတ်ကောင်း၊ Saffron ကုံကုမံ၊ Orchid သစ်ခွရည်။ Saffron နနွင်းထဲမှာပါတဲ့ Crocin ကိုလည်း ကောင်းတယ်လို့ ဆိုပါတယ်။

Scents အနံ့ကလဲ အားပေးပါသတဲ့။ Wild Rose Shrub နှင်းဆီရိုင်းက ထုတ်တဲ့ရေမွှေး။ Kasturi Mriga သမင်တမျိုးက ထုတ်တဲ့ Musk (Kasturi) ရေမွှေးက “အမျိုးသမီးတွေ ကောက်ကောက်ပါ လိုက်လာစေနိုင်တယ်” လို့ နာမယ်ရနေတာ ရာစုနှစ် တခု ရှိနေပါပြီ။ ကြော်ညာဝင်ပါရစေ။ The Body Shop White Musk, Comptoir Sud Pacifique Cristal dr Musc, Serge Lutens Clair de Musc, Montale White Musk, Les Bains du Maais Musc Blanc, Le Palais des Reines, Il Profumo Musc Bleu တွေက ထိပ်ဆုံး ရေမွှေး ၇ မျိုးပါ။ နောက်ပိုင်း Male musk deer သမင်းဖိုကနေ မဟုတ်ဘဲ တခြားအကောင်တွေရဲ့ Gland အိတ်ကနေ ထုတ်ယူကြတယ်။

လိင်အားပေးတဲ့ Flowers ပန်းတွေလဲရှိတယ်။ Morning glory ပန်းရောင်နဲ့ အပြာရောင် ရောပွင့်တဲ့ပန်း၊ Poppy ဘိန်းပန်း၊ Sunflower နေကြာ၊ Wild Rose Shrub နှင်းဆီရိုင်း။

B-Complex ဗီတာမင်ဘီအုပ်စု၊ Zinc သွပ်ဓါတ်၊ Kelp ပင်လယ်ရေညှိ၊ L-Tyrosine အမိုင်နိုအက်စစ်၊ Spirulina ပင်လယ် ရေညှိအသေး၊ လူတိုင်းစားတဲ့ ဂျုံ ထဲမှာ မဟော်မုန်း Estrogen နဲ့ Vitamine E ပါတယ်။

တိုင်းရင်းဆေးတွေထဲမှာ Ashwagandha အိန္ဒိယ (ဂျင်ဆင်း) လို့လဲခေါ်တဲ့ ဆေးဘက်ဝင်သစ်မြစ်။ ဗမာတွေ မပူနဲ့ Betel palm ကွမ်းရွက်၊ Betel seed ကွမ်းသီးမှာလဲ ဒီတန်ခိုး မဆိုးဘူးတဲ့။

တောင်အမေရိကမှာ ပေါက်တဲ့ Borrachero အပင်၊ အရိုင်းသုံးရင် Get-you-drunk “မူးသွားမယ်နော်” လို့ ပြောနိုင်တယ်။ ဝတ်မှုံရှူတာနဲ့ အိပ်မက်ဆန်းတွေ မက်စေတာက Hallucinogen စိတ်ကို ပြောင်းလဲစေတဲ့သတ္ကိ ပြင်းပြင်း ရှိလို့။ သူ့ထဲမှာ ပါတဲ့ Scopolamine (Hyoscine) ကိုတော့ ဆေးအဖြစ် သုံးတယ်။ အန်ချင်တာ၊ ကားမူးတာ၊ အဆိပ်သင့်တာ၊ အရည်ထွက် များတာ၊ မျက်စဉ်း စတာတွေမှာ သုံးတယ်။ ဒါပေမဲ့ Zombies ဖုတ်ဝင်သလို ဖြစ်စေတဲ့ သတ္ကိရှိလို့ အမေရိကားမှာ ဘာလို့ တရားဝင် ရောင်းခွင့်ပြုသလဲ ဆိုပြီး Drug Safety Society က မေးခွန်း ထုတ်နေတယ်။

စုံတွဲတွေ စားသုံးဘို့ ချက်နည်း-ပြုတ်နည်း Cookbooks for Lovers စာအုပ်တွေလဲ သပ်သပ်ရှိသေးတယ်။ ဒီထဲမှာ Asparagus ကညွတ်၊ Banana ငှက်ပျေားသီး၊ Mushroom မှို၊ (ဒီ သုံးမျိုးက သဏ္ဌာန်အရ ပြောကြတာလား မသိပါ။) Caviar (Sturgeon) ငါးဆားနယ်၊ Creamy wild mushroom soup မှိုရိုင်း (ဆု-ပ်)၊ Figs သင်္ဘောသဖန်းသီး၊ Ginseng (ဂျင်ဆန်း)၊ Lobster ကျောက်ပုဇွန်၊ Oysters ကမာ-မုတ်ကောင်၊ Puffer Fish အဆိပ်ရှိ ပင်လယ်ငါး၊ Radish မုံလာဥ ဖြူ-နီ၊ (အဝါ မဟုတ်)၊ Truffles ညိုမဲမဲ မှိုတမျိုး၊ Veal Marsala နွားပျိုသားဟင်း စတာ-စတာတွေ ပါတယ်။ (မဆလာ ဆိုတာ ရောနှောချက်တာကို ပြောတာပါ။)

လိင်စိတ်အားပေး အစာနဲ့ ဆေးဆိုတာတွေကို သိပ္ပံနည်းကျ ပြောရရင်တော့ Placebo effect စိတ်မှာ သက်သာစေတဲ့ ဆေးမျိုးတွေက များတယ်။ ရောဂါ အတော်များများကို ဒီသဘောမျိုး ဆေးတွေ ပေးပါတယ်။ “လူနာကို ညာတာလား” လို့ မေးရင် မှန်လဲ မှန်တယ်။ မမှန်လဲ မမှန်ဘူး။ ရှေးကတည်းက သုံးခဲ့ကြတာပါ။ ဆေးပေးတာတင်မက ခွဲစိတ်ပေးရတာလည်း ပါသေးတယ်။ လူနာရဲ့ စိတ်မှာ သက်သာတယ်လို့ ထင်သွားစေတာကိုက ထိရောက်တဲ့ ကုသနည်းတခု မဟုတ်ပါလား။

Dr. တင့်ဆွေ
၃ဝ-၁ဝ-၂ဝ၁ဝ

Penis Pump ကျားအင်္ဂါသုံး ကရိယာတွေ

အသက် ၁၈ နှစ်ပြည့်မှ ဖတ်ပါ (၅၁)
Mar 24, 2011 at 6:52 AM
ကျွန်တော့် အင်္ဂါက ပုံမှန်အရွယ်အစား ရှိပါတယ်၊ Penis Pump တစ်ခုဝယ်ထားမိပါတယ်။ သုံးလည်း မသုံးရသေးပါဘူး။ ပြီးတော့ ချောဆီ တစ်မျိုးလည်း (Pjur® superhero lubricant) ဝယ်ထားပါတယ်။ ဘေးထွက်ဆိုးကျိုး မရှိဘူးဆိုရင် စမ်းသပ် ကြည့်ချင်ပါတယ်။ ပန့် အသုံးပြုပြီးနောက်မှာ ကျားအင်္ဂါ ပုံပျက်ပန်းပျက် ဖြစ်သွားမှာကိုလည်း စိုးပါတယ်။ အဆိုးဆုံးက ပန်းသေ ပန်းညှိး ဖြစ်မှာကို ကြောက်မိပါတယ်။ ကျားအင်္ဂါက သဘာဝအတိုင်း မသန်မာနိုင်မှာကိုလည်း စိုးမိပါတယ်။ ထိုင်နေအကောင်းသား ထသွားမှ ကျိုးမှန်းသိလို့ ဖြစ်မှာစိုးမိပါတယ်။ ဘေးထွက် ဆိုးကျိုးတွေကို ညွှန်ပြပေးပါဦး။ အင်တာနက်ထဲမှာ ဆိုးကျိုးရှာရတာ ဘယ်လိုမှ မတွေ့နိုင်သေးလို့ အကူညီတောင်းရတာပါ။ ကျားလိင်အင်္ဂါ အရွယ်အစား ကြီးထွားစေဘို့ နည်းလမ်းတွေ အမျိုးမျိုးရှိတယ်။ Manual exercises လေ့ကျင့်ခန်း လုပ်တာ၊ Stretching devices ပစ္စည်း-ကရိယာနည်းနဲ့ Surgical procedures ခွဲစိတ်-ပြုပြင်နည်းတွေ ဖြစ်တယ်။ ဘယ်ရောဂါကို ကုတာ ဖြစ်ဖြစ် အောင်မြင်တာ-မအောင်မြင်တာ၊ ကောင်းကျိုး-ဆိုးကျိုးတွေ ရှိပါတယ်။

ဒီအရေးအရာမှာ သိပ္ပံနည်းကျ သုတေသနလုပ်ထားတာ သိပ်မများလို့ ဘယ်ဒေါင့်ကနေ ဘာပြောပြော မရေရာ မသေခြာပါ။ အထူး သတိထားဘို့က မေးတဲ့သူ စိုးရိမ်သလို ဝန်ထောက်မင်းကယ်မှ ထောင်ကျတာ မဖြစ်ဘူး မပြောနိုင်ပါ။ Tearing of skin အရေပြား စုတ်ပြဲတာ၊ Scarring အမာရွတ်ဖြစ်တာ၊ Permanent loss of sexual function လိင်ဆက်ဆံလို့ မရတော့တာတွေ ထည့်စဉ်းစားရပါမယ်။

Urologic literature ဆီးလမ်း-အထူးကု ဆေးစာထဲမှာ Penis lengthening လိင်အင်္ဂါ ရှည်စေနည်း နဲ့ Penis widening လိင်အင်္ဂါ ကြီးထွားနည်း ဆိုတာတွေ ရှိနေခဲ့တာ ကြာပါပြီ။ St. Peter's Andrology Centre and Institute of Urology in London ကနေ ကျေနပ်မှု မရတာ များတယ်လို့ ၂ဝဝ၆ စက်တင်္ဘာ တုံးက ထုတ်ပြန်ပါတယ်။

Penis enlargement (girth) surgery ခွဲစိတ်ကုသနည်း
လိင်တံ ထွားစေဘို့ ခွဲစိတ်ကုသနည်းမှာ Silicone, PMMA တွေကို လိင်တံနဲ့ ကပ်ပဲ့အိတ်ထဲ ထိုးပေးနည်း ဖြစ်တယ်။ သာမန် အချိန်မှာ 3.1 လက္မကနေ 4.1 လက္မ၊ သန်မာချိန်မှာ 4.1 လက္မကနေ 4.8 လက္မအထိ တိုးတက်လာ စေနိုင်တယ်။ ဒါပေမဲ့ Loss of sensation ထိတာ-နာတာ မသိဘဲ ထုံနေတာ၊ Inability to perform penetrative intercourse လိင်တံ ထိုးသွင်း ဆက်ဆံလို့ မရတော့တာ၊ Scarring အမာရွတ်တွေ ဖြစ်တာနဲ့ Deformation ပုံသဏ္ဌာန် ပြောင်းလဲ သွားတာတွေ ဖြစ်လာစေနိုင်တယ်။

Penis enlargement (length) surgery ခွဲစိတ်ကုသနည်း
ကျားလိင်တံရဲ့ ခန္ဓာဗေဒအရ ၃ ပုံ ၁ ပုံကနေ တဝက်လောက်အထိ အတွင်းထဲမှာ ကျန်နေတာမို့ ဒါကို ခွဲစိတ် ထုတ်ပေးရင် ပိုရှည်လာစေတယ်။ Fundiform ligament နဲ့ Suspensory ligament အရွတ်တွေကို Pubic bone ဆီးစပ်ရိုးကနေ လွတ်လပ်ပေးရင် ၂-၃ စက်တီမီတာ ပိုရှည်လာတယ်။ ဒါပေမဲ့ ၇ဝ% မက သဘောမကျဘူးလို့ တွေ့ရတယ်။

Weight hanging အလေးဆွဲနည်း
လွန်ခဲ့တဲ့ အနှစ် ၂ဝဝဝ လောက်ကတည်းက အာဖရိကားမှာ သုံးခဲ့တဲ့ ရှေးဟောင်းနည်းဖြစ်တယ်။ လိင်တံအဖျား တနေရာရာမှာ ကြိုးစခြည်၊ အလေးတခုခု ဆွဲထားပြီး တင်ချည်-ချချည်လုပ်တဲ့ လေ့ကျင့်နည်း ဖြစ်တယ်။ တခါလုပ်ရင် ၅-၁ဝ မိနစ်ထက် မကြာရဘူး။ အလေးကလဲ 1/16 ပေါင်ကနေ 1/4 pound ပေါင်အထိသာ ရှိသင့်တယ်။

Jelqing (ဂျဲလ်ကင်း) နည်း
(ဂျဲလ်ကင်း) လေ့ကျင့်ခန်းနည်းကို Milking နို့ညှစ်နည်းလို့လဲ ခေါ်တယ်။ လက်မနဲ့ လက်ညှိုး နှစ်ချောင်းသုံးပြီး တဝက် တပျက် သန်မာနေပြီဖြစ်တဲ့ လိင်တံကို ကိုင်ပါ။ ကိုယ်ခန္ဓာကနေ အဝေးဆီ၊ (ကွမ်းသီးခေါင်ဆီ) ကို ဆွဲယူပါ။ သွေးတွေ ဆွဲယူနေတာဖြစ်တယ်။

Inflatable implants ပစ္စည်းထည့်နည်း
လိင်တံထဲက Corpora cavernosa ဆိုတဲ့ ခပ်ပွပွ-မွမွ (တစ်ရှူး) နှစ်ခုထဲကို Inflatable penile implants ဖေါင်းအောင် လုပ်လို့ရတဲ့ ပစ္စည်း ထည့်ပေးနည်း ဖြစ်တယ်။ Complete impotence လုံးဝ ပန်းသေနေသူတွေကို လုပ်ပေးရတာ ဖြစ်တယ်။

Pills ဆေးသုံးနည်း
Penis enlargement pills, penis patches or ointments စားဆေး၊ ကပ်ခွါဆေး၊ လိမ်းဆေး ကြော်ညာတွေ အင်တာနက်မှာ ရှိပါတယ်။ ဒါပေမဲ့ Mold, Yeast မှို၊ E. coli ဗက်တီးရီးယား၊ Pesticides ပိုးသတ်ဆေးနဲ့ Lead ခဲဓါတ်တွေ တွေ့ရတယ်လို့ သုတေသနက ဆိုလာပါတယ်။ American Urological Association က ဒီဆေးတွေဟာ ငွေအမြတ် ထုတ်ဘို့ သက်သက်ပါလို့ ပြောပါတယ်။

Stretching ဆွဲဆန့်နည်း
လိင်တံကို Constant traction တောက်လျှောက် ဆန့်နေစေအောင် လုပ်ပေးတယ်။ ၂ဝဝ၂ တုံးက International Journal of Impotence Research ကပြောတာကတော့ ရှည်တာရော၊ တုတ်တာပါ တိုးတက်မှု ရှိတယ်။ ၂ဝဝ၉ တုံးက University of Turin ကနေလဲ အဲလိုပြောပါတယ်။ ဒီနည်းမှာ Plastic ring ပလပ်စတစ်ကွင်းတခု နဲ့ ဆွဲပေးတဲ့ Dynamic metallic rods သတ္ထု အချောင်း ၂ ခု ပါတယ်။ တနေ့မှာ ၄ နာရီ၊ ၆ လလုပ်ရင် ၂့၃ စင်တီမီတာ ပိုရှည်လာတယ်။ ရှည်တာကတော့ လက်ခံနိုင်လောက်တယ်၊ ကောင်းတယ်၊ ဒါပေမဲ့ ပိုတုတ်တာတော့ မထူးခြားဘူးတဲ့။

Clamping ကြိုးခြည်နည်း
လိင်တံအရင်းမှာ ကြိုးတခုခုနဲ့ ခြည်ထားနည်းဆိုတာ သန်မာနေပြီးသား လိင်တံကို ပြန်မကျအောင် လုပ်တာဖြစ်တယ်။ တင်းလွန်းရင် အချိန်ကြာရင် မကောင်းပါ။

Penis pump (ပန့်ပ်) သုံးနည်း
လိင်တံကို စွပ်ရတဲ့ Cylinder (ဆလင်ဒါ) တခုပါတယ်။ Manual လက်နဲ့ဖြစ်ဖြစ် မော်တာနဲ့ ဖြစ်ဖြစ် Pump (ပန့်ပ်) လုပ်ပြီး Suction စုပ်အား သက်ရောက်စေတယ်။ လိင်တံကို Partial vacuum တ၀က်တပျက် လေဟာနယ်သဘော ဖြစ်လာစေပြီး သွေးတွေ ပိုဝင်လာစေအောင် ဖန်တီးတာ ဖြစ်တယ်။ Excessive pressure သိပ်များသွားရင် Vascular damage သွေးကြောတွေကို ထိခိုက်နိုင်တယ်။ Penis pump with a translucent cylinder နဲနဲ ပိုကောင်းပြီး ပိုဈေးကြီးတယ်။

လိင်တံ သန်မာလာတာနဲ့ Flexible Compression ring ကွင်းလေးတခု စွပ်ထားရတယ်။ ကွင်းက တချို့မှာ ၁ ကွင်းမက ပါတယ်။ Cock rings လို့လဲ ခေါ်တယ်။ အစမှာ (ဆလင်ဒါ) ထိပ်နေရာ ထားရပြီး၊ Pumping လုပ်လို့ Erection သန်မာမှု ရလာတာနဲ့ Ring ကို လက်နဲ့ ကိုင်ပြီး Base of the erect penis သန်မာနေတဲ့ လိင်တံအရင်းကို ရွေ့ရမယ်။ ပြီးမှ Vacuum လုပ်ထားတာ လျော့လိုက်ရတယ်။ ဒါမှ များနေတဲ့သွေးတွေက လျော့ထွက်မသွားမှာ ဖြစ်တယ်။

ကွင်းစွပ်တာကို နာရီဝက်သာ အထားခိုင်းတယ်။ Lubricant ချောဆီသုံးရတာကတော့ ကွင်း ကျွတ်ထွက် မသွားအောင်နဲ့ ပြန်ချွတ်တော့လဲ ပိုလွယ်မယ်။ လိင်တံအရှည် 10 cm ထက်တိုတဲ့ ယောက်ျား ၃၇ ယောက်ကို ၆ လကြာ Pumps သုံးတော့ ထူးခြားတာ မတွေ့ရပါ။ Follow-up နောက်ပိုင်း ခေါ်ယူစစ်ဆေးတော့ ၃ဝ% က ကျေနပ်ကြတယ်။

• သွေးကြောတွေ မပေါက်စေအောင် ဆန္ဒမစောဘို့ သတိပေးထားတယ်။
• သွေးယိုရင် သွေးခြည်ဥဖြစ်လာနိုင်တယ်။
• ဆလင်ဒါထဲကို မတော်တဆ Testicles အစေ့ပါဝင်ရင် နာလိမ့်မယ်။ ဒါပေမဲ့ တချို့ ကရိယာတွေက ကပ်ပဲ့အိတ် ကိုပါ ထည့်သုံးတာတွေ ရှိနေတာ တွေ့ရတယ်။ ပုံတွေမှာ ရောဂါရနေတဲ့ အင်္ဂါလို မြင်ရတယ်။
• Rim of the cylinder ကြာကြာသုံးရင် ဆလင်ဒါ-နှုတ်ခမ်းက လိင်တံရဲ့ အရေပြားနဲ့ အထဲက Ligaments အရွတ်တွေကို ထိခိုက်တတ်တယ်။
• လေဟာနယ် လုပ်တယ်ဆိုတာ 10 torr/1,333 Pa ထက် နည်းတာကို ဆိုလိုတာ ဖြစ်တယ်။ 10 mm Hg ထက် မများစေရပါ။ များရင် Permanent and irreparable injury ပြန်ပြင်လို့ မရအောင် ပျက်စီးစေမယ်။
• Not normal erections ပုံမှန်မဟုတ်တဲ့ သန်မာမှုလို့ အသိရှိနေစေမယ်။
• Lymph blisters သွေးပြန်ရည် ဖေါင်းတာမျိုး ဖြစ်တတ်တယ်။ ခွဲစိတ်ကုဘို့ လိုနိုင်တယ်။
• နောင်ဆိုရင် ဒါမျိုးမသုံးဘဲ သန်မာမှုရဘို့ ခက်လာနိုင်တယ်။ ပန်းမညှိုးသူတွေ မသုံးသင့်ဘူး။
• Coumadin နဲ့ Aspirin တို့လို သွေးကျဲဆေး သုံးနေရသူတွေ ဒီနည်း မသုံးသင့်ဘူး။
• Sickle cell anemia နဲ့ တခြား သွေးခဲစနစ် ရောဂါ ရှိသူတွေလဲ မသုံးသင့်ဘူး။
• Numbness ထုံနေတာ၊ Coldness အေးနေတာ၊ Bluish-colored skin အရောင်ပြာနေတာ ဖြစ်လာမယ်။
• Lack of firmness at the base of the penis လိင်တံအရင်းမှာ ပျော့နေမယ်။
• Pain of the penis နာနိုင်တယ်။
• Delayed ejaculation သုတ်လွှတ်နှေးစေမယ်။
• Sense of trapped semen during ejaculation သုတ်ရည် အကုန်မထွက်သလို ခံစားရနိုင်တယ်။

Dr. တင့်ဆွေ
၂၈-၃-၂ဝ၁၁

Honeymoon Cystitis ဟန်းနီးမွန်းမှာ ဆီးအောင့်တာ

အသက် ၁၈ နှစ်ပြည့်မှ ဖတ်ပါ (၆၁)

မင်္ဂလာဆောင်ပြီး၊ တချို့က ခရီးထွက်တယ်။ တချို့လဲ ခွင့်ယူ၊ အလုပ်နား၊ ပျော်ပါးကြပါတယ်။ (ဟန်းနီးမွန်း) ဆိုတာ တသက်မှာတခါ ပျော်ကြရတဲ့နေ့ ဖြစ်တယ်။ တချို့ကြ အခါခါ။ (အဲလိဇဘက်-တေလာ) ကိုးခါထဲနဲ့ တနေ့ကဘဲ ဆုံးသွားရရှာတယ်။ ပျော်ရတာနဲ့ တဆက်ထဲ ငိုရတာလဲ တွဲတတ်တယ်။ ငိုရမဲ့ အကြောင်းတွေထဲမှာ ဆရာဝန်နဲ့ ဆိုင်မှာက ဆီးအောင့်တာ ဖြစ်တယ်။ အဖြစ်များလှတယ်။ ဒုတိယ-တရားခံ ဖြစ်တဲ့ ခင်ပွန်းသည်နဲ့ လိင်ဆက်ဆံရာကနေ ဖြစ်လာတယ်။ ယောက်ျားရဲ့ လိင်တံ၊ တံတွေး၊ လက်ချောင်း၊ ဆက်ဆံရာမှာ သုံးတဲ့ ကရိယာပစ္စည်းတွေကနေ ရောဂါပိုး ဝင်နိုင်တယ်။ (ကွန်ဒွမ်)၊ ချောဆီ၊ ထုံဆေး၊ သုတ်ပိုးသေဆေး တွေကတော့ ဆေးမတည့်တာသာ ဖြစ်စေနိုင်တယ်။ ပိုဆိုးမှာက ဆက်ဆံတဲ့အခါ စအိုရော (ဗဂျိုင်းနား) ရောသုံးလို့ ဖြစ်ရပါတယ်။ အဆိုးထဲက အကောင်း ပြောရရင် ဒီအမျိုးသမီး အရင်က ယောက်ျားနဲ့ မနေဘူးခဲ့တာ ဖြစ်ဘို့များတယ်။

သတို့သမီးကိုယ်တိုင် တတိယ-တရားခံ ဖြစ်နိုင်သေးတယ်။ မ-အင်္ဂါကို ရေဆေးရင်းနဲ့ လက်ကို ရှေ့ပြန်-နောက်ပြန် လုပ်တာကနေ ဖြစ်စေနိုင်တယ်။ အဲလို မလုပ်ရဘူး။ လက်ကို ရှေ့ကနေ နောက်ဆီကိုသာ တလမ်းသွား လုပ်ပါလေ။ အိမ်ထောင် ကျကာစမှ မဟုတ်ဘူး၊ နောင်လဲဘဲ ဆီးအောင့်တာ ထပ်ထပ်ဖြစ်နိုင်သေးလို့ ဒီနည်းကိုသာ သုံးပါ။

တရားခံ အစစ်က ဗက်တီးရီးယား၊ နာမည်တပ် ပြောရရင် E. coli ဆိုတဲ့ အကောင်ဖြစ်တယ်။ ပိုးဝင်လာပြီး၊ ၁-၂ ရက်ဆိုရင် လက္ခဏာတွေ ပြတယ်။ ဆီးသွားရတာ ပူလောင်၊ နာကျင်နေမယ်။ ဆီးခဏခဏလဲ သွားချင်နေမယ်၊ သွားချင်လာရင်လဲ Bathroom ရေချိုးခန်း တန်းပြေးမှ မဟုတ်ရင် တစက်တစက် လမ်းမှာ ထွက်မယ်။ ကြာတော့ ဆီးကထွက်စရာ မရှိတော့ဘူး။ ဆီးထဲမှာ အနယ်ပါနေမယ်။ အနံ့လဲ ဆိုးလာမယ်။ တခါတလေ ဆီးထဲမှာ သွေးပါမယ်။

အငိုတိတ်အောင် လုပ်ရတာ ရောဂါကြောင့် ဆိုရင်တော့ သိပ်မခက်ပါ။
• အဝတ်ကို ရေခပ်နွေးနွေး ဆွတ်ပြီး နာနေတဲ့ ဆီးစပ်နေရာမှာ အုပ်ပေးပါ။
• ခင်ပွန်းနဲ့ မဆက်ဆံခင်နဲ့ ဆက်ဆံအပြီးတိုင်း ဆီးသွားပေးပါ။
• ရေ-အရည် အများကြီးသောက်ပါ။
• Cranberry juice ဖျော်ရည်ကို ညွှန်းတယ်။ ကိုယ့်ဆီမှာရှိတဲ့ လိမ်မော်၊ သံပုရာ၊ ကမ္ဗလာ၊ ငှက်ပျောသီး၊ ဖရဲသီး၊ အာလူး၊ ချော့ကလက်၊ ပဲတောင့်ရှည် ကောင်းပါတယ်။
• အသား၊ ငါး၊ ဥ၊ အစေ့အဆံ၊ ပြောင်း-ပြောင်းဖူး၊ စပျစ်သီးခြောက်၊ ဘယ်ရီသီး၊ ကော်ဖီ၊ ချဉ်တဲ့ (ခရင်မ်)၊ ဝိုင်၊ ဒိန်ချဉ် (ရောဂတ်)၊ (ဘတ်တား-မစ်လ်ခ်)၊ တွေက အက်စစ် များစေလို့ လျှော့ရ-ရှောင်ရမယ်။
• Medication ဆီးလမ်းပိုးဝင်ခြင်းအတွက် ပဋိဇီဝဆေးတွေက အသုံးများတာတွေမို့ ဝယ်လို့ လွယ်ပါတယ်။
o Co-trimoxazole = Septrin (Trimethoprim 160 mg + Sulfamethoxazole 800 mg) တခါသောက် ၁ ပြား၊ တနေ့ ၂ ကြိမ်၊ ၄-၅ ရက် သောက်ပါ၊ ဒါမှမဟုတ်
o Amoxacilin 500 mg တခါသောက် ၂ ပြား၊ တနေ့ ၂ ကြိမ်၊ ၄-၅ ရက် သောက်ပါ၊ ဒါမှမဟုတ်
o Ciprofloxacin 500 mg တခါသောက် ၂ ပြား၊ တနေ့ ၂ ကြိမ်၊ ၄-၅ ရက် သောက်ပါ၊ ဒါမှမဟုတ်
o Nitrofurantoin 100 mg တနေ့ ၂-၄ ကြိမ်၊ ၇ ရက် သောက်ပါ။
• ပိုးသေဆေးတွေကို ဖြစ်မှမဟုတ်ဘဲ ကြိုတင် ကာကွယ်တဲ့အနေနဲ့ သောက်နိုင်ပါတယ်။
• နာတာသက်သာဘို့ အများဆုံးသုံးကြတာက Pyridium (Phenazopyridine hydrochloride) ဆေးပြား၊ တခါသောက် 200 mg ကို တနေ့ ၃ ကြိမ်၊ ၂ ရက်။ Spasmogin နဲ့ Buscopan ဆေးတွေလဲ သုံးနိုင်တယ်။ တခါသောက် ၁ ပြား၊ တနေ့ ၂-၃ ကြိမ် သောက်ပါ။
• ဆီး အက်စစ်ဓါတ် များနေရင် ပိုးက ကြိုက်တယ်။ ဒါ့ကြောင့် အက်စစ်ဓါတ် နည်းအောင် ရေအများကြီး သောက်တာအပြင် Cystopurin (Potassium citrate) ဆေးပါသောက် သင့်တယ်။
• အစာအိမ် လေနာအတွက် ပေးတဲ့ အက်စစ်ပျယ်ဆေး Antacids တွေကလည်း ကောင်းတယ်။ Magnesium hydroxide တခါသောက် ၁ ပြား၊ တနေ့ ၃ ကြိမ်၊
• Acidic Urine ဆီး အက်စစ်ဓါတ်များနေခြင်း ကိုလဲ ဖတ်ပါ။

ဆီးအောင့်လို့ ခဏခဏသွားရ၊ ကြာတော့ ဆီးကမရှိတာမို့ မထွက်လာ၊ ဒါကို အရပ်ထဲမှာ ဆီးအတင်းသွားစေတဲ့ဆေးမျိုး အသောက်ခိုင်းတတ်တာ လုံးဝမှားပါတယ်။ Lasix လို Diuretic ဆေးတွေက ကိုယ်ရောင်တာ၊ သွေးတိုးတာတွေမှာသာ သုံးရတာ ဖြစ်တယ်။ ဒီရောဂါမှာ မသောက်ရပါ။ ပိုဆိုးစေတယ်။

Feb 6, 2011 at 7:53 PM
သမီးအသက် ၂၉၊ အိမ်ထောင်သက် ၂ နှစ်ပါ။ Honeymoon က ပြန်လာပြီးကတည်းက ဆီးကျင်တာ မကြာခဏ ဖြစ်ပါတယ်။ ဖြစ်တိုင်းလည်း ပိုးရှိနေပြီး ပိုးသတ်ဆေးသောက်လိုက်ရင် ကောင်းသွားပါတယ်။ ဆေးခန်းပြပေမယ့်လဲ မကြာခဏ ပြန်ဖြစ်နေလို့ စိတ်ညစ်ရပါတယ်။ ပိုးသတ်ဆေးတွေကိုလည်း မကြာခဏ မသောက်ချင်ပါဘူး။ သမီးတို့က ကလေးရဖို့လဲ ကြိုးစားနေတော့ ဆရာ့စာတွေထဲကအတိုင်း အမျိုးသားနဲ့ နေပြီးရင် ချက်ချင်းဆေးရမှာလား။ ဆက်ဆံတိုင်းလိုလို လက်နဲ့ ကစားတတ်ပါတယ်။ အဲဒါကြောင့် ဆီးကျင်တာပါလား။ ပိုးသတ်ဆေးတွေ ခဏခဏ သောက်ရလို့ ကလေး မရသေးတာလား။ အမျိုးသားက လွန်ခဲ့တဲ့ ၁ဝ နှစ်ကျော်က ငှက်ဖျား အကြီးအကျယ်ဖြစ်လို့ ဆေးသွင်းကုခဲ့ရတယ်လို့ ပြောပါတယ်။ အဲဒါကြောင့် ကလေးမရတာရော ဖြစ်နိုင်လား။ ပိုးသတ်ဆေးတွေရဲ့ ဆိုးကျိုးတွေကိုလဲ ပြောပြပေးပါနော်။

ဆီးအောင့်လို့ သောက်ရတဲ့ ဆေး ၄ မျိုးရဲ့ ဘေးထွက်ဆိုးကျိုးတွေ ရေးပြပါမယ်။ ကလေးမရတာ မပါပါ။ ဒီဆေးတွေက သိပ်ဆိုးတာတွေတော့ မဟုတ်ပါ။ သောက်ဖူးလို့ ဘေးထွက်ဆိုးကျိုး ခံနိုင်ရင် သောက်တာ သောက်ပါ။ ရေးပြတာတွေဟာ လူတိုင်းမှာ ဖြစ်ကြတာ မဟုတ်ပါ။ လူတွေအများကြီးကို သုတေသန လုပ်ထားတာမို့ များနေတာပါ။
1. Co-trimoxazole = Septrin (Trimethoprim + Sulfamethoxazole) ရဲ့ဘေးထွက်ဆိုးကျိုးများ = ခေါင်းကိုက်၊ အနီပြင်ထွက်၊ ဝမ်းပျက်၊ ပျို့-အန်၊ မှိုပိုးဝင်တတ်၊ ပိုတက်ဆီယမ်များစေ၊ ဆိုဒီယမ်နည်းစေ၊ သကြားဓါတ်နည်းစေ၊ အစားပျက်၊ လျှာနာ၊ ခေါင်းမူး၊ စိတ်ကျ၊ ချောင်းဆိုး၊ ကြွက်သားနာ၊ တက်၊ ကျောက်ကပ်-အသဲထိခိုက်၊ အရေပြား အဖူးပေါက်၊
2. Nitrofurantoin ရဲ့ဘေးထွက်ဆိုးကျိုးများ = ဝမ်းအရည်သွား၊ အသက်ရှူမဝ၊ ရင်ပတ်အောင့်၊ ကိုယ်ပူ၊ ကိုက်ခဲ၊ ပိန်၊ ခြေဖျား လက်ဖျားထုံ၊ အသားဝါ၊ အစားပျက်၊ ဆီးနီ၊ ဗိုက်နာ၊ အားနဲ၊ အရေပြားနီ-ဖြူ၊ ခေါင်းကိုက်၊ ခေါင်းမူး၊ မျက်စိ ကြည့်မကောင်း၊ အစာမကျေ၊ အန်၊ ဝမ်းပျက်၊ ဆီးနီ၊ မွေးလမ်းကြောင်းယား၊ အဖြူဆင်း၊
3. Doxycycline ရဲ့ဘေးထွက်ဆိုးကျိုးများ = ခေါင်းကိုက်၊ ခေါင်းမူး၊ မျက်စိကြည့်မကောင်း၊ ကိုယ်ပူ၊ ချမ်း၊ အရေပြားနီ၊ ဆီးနဲ၊ အသားအရေ ဖြူဖျော့၊ အားယုတ်၊ ဗိုက်နာ၊ ပျို့-အန်၊ အစားပျက်၊ အသားဝါ၊ သွေးယို၊ လျှာနာ၊
4. Amoxacilin ရဲ့ဘေးထွက်ဆိုးကျိုးများ = အရေပြား အနီပြင်ထွက်၊ ယား၊ အသက်ရှူခက်၊ ဆီးနီ၊ တက်၊ ဝမ်းအရည်သွား၊ ဆီးသွားရခက်၊ သွေးယို၊ အားယုတ်၊ ဆီး-အသားအရေ-မျက်လုံးဝါ၊ ခေါင်းမူး၊ ခေါင်းကိုက်၊ ဗိုက်အောင့်၊ အိပ်မရ။

၂။ ငှက်ဖျားဆေးတွေရဲ့ ဘေးထွက်-ဆိုးကျိုးတွေမှာလဲ ကလေးမရစေတာ မပါပါ။
1. Quinine ရဲ့ဘေးထွက်ဆိုးကျိုးများ = ခေါင်းမူး၊ ခေါင်းကိုက်၊ မျက်နှာနီ၊ ပျို့၊ ချွေးထွက်၊ (အလာဂျီ) ရ၊ ဝမ်းအရောင်မဲ၊ ဝမ်းထဲသွေးပါ၊ မျက်စိကြည့်မကောင်း၊ ရင်ပတ်နာ၊ ဆံပင်ကျွတ်၊ နှလုံးခုန်မြန်၊ အားယုတ်၊ ဖျား၊ ချမ်း၊ လည်ပင်းနာ၊ စိတ်မူပြောင်း၊ တက်၊ နှာခေါင်းသွေးယို၊
2. Chloroquine ဘေးထွက်ဆိုးကျိုးများ = အစားပျက်၊ ဝမ်းပျက်၊ ခေါင်းမူး၊ ခေါင်းကိုက်၊ ပျို့၊ ဗိုက်နာ၊ အန်၊ (အလာဂျီ) ရ၊ ဝမ်းပျက်၊ အမူအယာပြောင်း၊ အရေပြားအရောင်ပြောင်း၊ ဖျား၊ သွေးယို၊ နားအကြားချို့ယွင်း၊ ပိန်၊
3. Artemether/Lumefantrine ရဲ့ဘေးထွက်ဆိုးကျိုးများ = ချောင်းဆိုး၊ ဝမ်းပျက်၊ အားယုတ်၊ ခေါင်းကိုက်၊ အဆစ်-ကြွက်သားနာ၊ အစားပျက်၊ ပျို့၊ ဗိုက်နာ၊ မော၊ အအိပ်ပျက်၊ အန်၊ အားယုတ်၊ (အလာဂျီ) ရ၊ ဖျား၊ နှလုံးခုန်မမှန်၊ လည်ပင်းနာ၊ အသားအရေဖြူရော်၊ ခေါင်းကိုက်၊ ကြွက်သားနာ၊ စကားပြောခက်၊ ခေါင်းမူး၊ ယား၊ လေပွ၊

၃။ Clitoris နဲ့ Vagina ကို လက်နဲ့ ကစားတာကြောင့် လက်မသန့်ရင် ဆီးလမ်း-မွေးလမ်း ပိုးဝင်နိုင်ပါတယ်။ လက်ဆေးပါ။ တံတွေး-ဆီ မသုံးပါနဲ့။ မွေးလမ်းကိုလဲ ဆေးပါ။

၎။ ဆက်ဆံပြီးလို့ (ဗဂျိုင်းနား) ကို ရေဆေးတာက သုတ်ရည်အပြင်ထွက်စေနိုင်တယ်။ ချက်ချင်းဆေးတာ ပိုဖြစ်စေမယ်။ ပက်လက်အ နေအထားနဲ့ ရေစိုဝတ်သုံးပြီး အပြင်ပိုင်းကို သန့်ရှင်းပေးတာလဲ လုပ်နိုင်ပါတယ်။ ကလေးရဘို့နဲ့ ဆီးအောင်တာ နှစ်ခုမှာ အရေးကြီးတာ ရွေးရပါမယ်။ အိမ်ထောင်ကျစသာ ဆီးအောင့်တတ်တာမို့ နောင်ဆို ရေဆေးဘို့ မလိုတော့ပါ။

၅။ Infertility (1) ကလေးမရနိုင်သေးခြင်း (၁) နဲ့ Infertility (2) ကလေးမရနိုင်သေးခြင်း (၂) ကိုလဲ ဖတ်နိုင်ပါတယ်။

ကျန်းမာ-ချမ်းသာပြီး၊ သားသမီးရတနာတွေ ရကြပါစေ။

Dr. တင့်ဆွေ
၁-၃-၂ဝ၁၁
၁၉-၄-၂ဝ၁၁

Female Libido အမျိုးသမီး “စိတ်” နည်းနေခြင်း

အသက် ၁၈ နှစ်ပြည့်မှ ဖတ်ပါ (၂၃)
ကျနော့် မိန်းမ ဒီစိတ်တွေ ကုန်နေတာ နှစ်နဲ့ချီနေပါပြီ။ အသက် ၃ဝ ကျော်ဘဲ ရှိပါသေးတယ်။ တခြားမှာ ငွေပေးပြီး၊ ဝယ်စားဘို့ ပြောပါတယ်။ နောက်တယောက် ယူဘို့လဲ ပြောပါတယ်။ သူ့ကို မထိရင် ရပြီတဲ့။ ဘာရောဂါ ဖြစ်နိုင်မလဲ။

အမျိုးသမီးတွေမှာ လိင်ဆက်ဆံလိုစိတ် နည်းလာတာကို သဘာဝဘဲ ထင်တတ်ကြသူတွေ ရှိတယ်။ နိုင်ငံတိုင်းမှာပါ။ ဒီလို ဖြစ်နေသူတွေ မနည်းလှလို့ ဒီလိုဘဲ ထင်တတ်တာပေါ့။ အမှန်က ပြင်လို့ ရနိုင်ပါတယ်။ မပြင်နိုင်ရင် အိမ်ထောင်ရေးမှာ အဆင်မပြေမှုတွေ ဖြစ်မှပြင်ရင် ဆေးမင်ရည်စုပ်ထိုးပြီးသား ပြင်ချင်သလို ဖြစ်မယ်။ မေးတဲ့သူရဲ့ဇနီးကတော့ ရှာမှရှား အစားထဲကပေါ့။ Female Libido ဘာ့လို့ နည်းသလဲ။ အဖြေထုတ်ဘို့ မလွယ်လှပါ။ တယောက်နဲ့ တယောက်က မတူကြလို့။ အိမ်မှုကိစ္စ၊ မိသားစုတာဝန်၊ လူမှုရေးအလုပ်၊ သားရေး-သမီးရေး၊ ဝန်ပိနေရင်။ သူ့မှာက အိပ်အလုပ်-ရုံးအလုပ် နှစ်ခုလုံး ထမ်းနေရရင်။ များလှတဲ့ လုပ်စရာ-ကိုင်စရာတွေထဲက တခုခု စွန့်ရမယ်ဆိုရင် ဒီဟာကို စွန့်တတ်ကြတယ်။

၂ဝ၁ဝ ဇူလိုင်လ ထဲမှာ Proctor and Gamble နဲ့ University of North Carolina, Chapel Hill တို့ကနေ အမျိုးသမီးပေါင်း ၂၂ဝဝ ယောက်ကို သုတေသန လုပ်ကြည်ရာမှာ အရွယ်ရှိသူ ၂၆့၇% နဲ့ သွေးဆုံးပြီး ၅၂% တို့မှာ Low sexual desire လိင်စိတ် နည်းနေတယ်လို့ တွေ့လာတယ်။ မ-မျိုးဥအိမ်ထုတ်ထားရတဲ့ အမျိုးသမီးတွေမှာတော့ ၁၂့၅% သာ အဲလို နည်းနေတာကို ထူးထူး ဆန်းဆန်း တွေ့ရတယ်။ အရွယ်ရှိသေးသူတွေကို မျိုးဥအိမ်ထုတ်လိုက်ရင် ၂့၃% နဲ့ သွေးဆုံးသူတွေ မှာတော့ ၁့၂% သာ အဲလို စိတ်နည်းရောဂါ HSDD ဖြစ်တယ်။ Distress ဆိုတဲ့ စိတ်ဖိအားများနေသူတွေလို့ ပြောနိုင်တယ်။ ချုပ်လိုက်ရင် Hypoactive sexual desire disorder (HSDD) ဆိုတာ တကယ့် ကျန်းမာရေးပြဿနာ ဖြစ်နေပါတယ်။ စိတ်တခုထဲကြောင့်တော့ မဟုတ်ပါ။

တခြား ကျန်းမာရေးဘက်က တွက်ရမှာတွေလည်း ရှိသေးတယ်။ သွေးတိုး၊ ဆီးချို၊ ခေါင်းကိုက်၊ မိုင်ဂရင်း၊ စိတ်။ ရောဂါတချို့အတွက် သောက်ရတဲ့ဆေးတွေကြောင့်။ သူ့ဘဝအတွက် ကြီးမားတဲ့ ဖြစ်စဉ်တွေ ဆိုပါစို့ ကလေးဆုံးတာ၊ မိဘ နာမကျန်းဖြစ်တာ၊ ဆုံးပါးတာ၊ ယောက်ျားက ဖေါက်ပြားတာ။

Childbirth ကလေးမွေးဖွါးခြင်း။ ကလေးမွေးရတာ လွယ်လိုက်သမှ တရွှတ်ရွှတ်ဆိုသူတွေ ရှိသလို ယောက်ျား-ဖေါင်စီး၊ မိန်းမ-မီးနေ ဆိုတာမျိုး ဒုက္ခ အကြီးအကျယ် ခံစားရတတ်သူတွေ ရှိတယ်။ ကလေးတယောက် မွေးရတာမှာ သူ့ကိုယ်ခန္ဓာ အမေမွေးတာနဲ့ မတူတော့ဘဲ ရင်းစား ပြန်မရအောင် ပြောင်းလဲသွားပြီ။ မွေးလမ်း ချဲ့မွေးရသူ၊ နာတာကို သူများတွေထက် ထူးပြီး နာတတ်သူတွေမှာ ကလေးဖွါးလိုက်ရတာကြောင့် ယောက်ျားနဲ့ အရင်လို နေချင်စိတ်တွေ နည်းလာစေတယ်။ သားဖွါးခန်းထဲမှာ ကိုယ့်ယောက်ျားကို ဆဲရေးသူတွေ ခဏခဏ တွေ့ရဘူးတယ်။

Depression စိတ်ကျရောဂါ ဖြစ်နေရသူ။ အများဆုံးဖြစ်စေတဲ့ အကြောင်းခံတခုပါ။ သူတို့တတွေမှာ ဘာဘဲ လုပ်နေနေ၊ ကောင်းမှာ မဟုတ်ပါဘူး၊ သာယာစရာလဲ ရှိမှာမဟုတ်ဘူး၊ အလကားပါဘဲ ထင်မှတ်နေတယ်။ လိင်စိတ် နည်းနေတာလဲ ကုစားလို့ ဘာထူးမှာလဲ ထင်မြင်နေကြတယ်။ အဲလို အမျိုးသမီးတွေ စိတ်ရောဂါ ကုစားသလို Counseling ဆွေးနွေး-မေးမြန်းနည်း လုပ်ဘို့ လိုတယ်။ ဆရာဝန် (တစိမ်း) နဲ့ ဒီအကြောင်းအရာမျိုး ပြောရဲတဲ့ သတ္တိမျိုးက တော်တော့လူ မရှိတတ်ဘူး။

Anti-depressants စိတ်ကျတာ ကုတဲ့ဆေး ပေးတာ ထိရောက်နိုင်ပါတယ်။ စိတ်ကျဆေးကို ယောက်ျားတွေထက် အမျိုးသမီး အရေအတွက်တွေက ၂ ဆ သောက်နေကြရတယ်။ တချို့ Antidepressants စိတ်ကျဆေးတွေကြောင့် ဖြစ်ရတဲ့ လိင်စိတ် နည်းနေသူတွေလည်း ရှိပြန်ပါတယ်။ Viagra ဆိုတဲ့ ယောက်ျားတွေ ပန်းညိုး-ပန်းသေ အတွက်ပေးတဲ့ ထိရောက်လှတဲ့ ဆေးဟာ အဲလို အမျိုးသမီးတွေမှာလည်း အသုံးကျတာ တွေ့လာရတယ်။

Guilt အပြစ်လို ခံစားနေမှု။ အတိတ်တုံးက လိင်မှုဆိုင်ရာ မတရားမှု ပြုခံရဘူးခံရဘူးရင် အပြစ်ကြီးကို စိတ်မှာ စွဲထင်နေမယ်။

Lack of arousal စိတ်ဖြစ်ပေါ်မှု နည်းနေခြင်း။ အမျိုးသမီးတိုင်းလိုလို ဘဝရဲ့တချိန်မှာ နည်းလာတာ ဖြစ်လေ့ရှိတယ်။ အရွယ်ရလာရင် ပိုဖြစ်တတ်တယ်။ သွေးဆုံးချိန်မှာ အတော်များများ ဖြစ်ကြတယ်။ လူတိုင်း မဟုတ်ပါ။ ဟော်မုန်း နည်းလာ-ပြောင်းလာလို့၊ အင်္ဂါမှာ ခြောက်လာမယ်၊ ဆန့်နှိုင်-ကြုံ့နှိုင်စွမ်း နည်းလာမယ်၊ စိတ်ခေါင်းပါးလာမယ်။ ဒီအရွယ်မှာ ဒါတွေ မလိုတော့ဘူးလို့ တရားသေ မှတ်လာတတ်တယ်။

အဲလို လိင်စိတ် နည်းနေတာကို ကုစားနည်းတွေ ရှိပါတယ်။ ဖြစ်စေတာ ဘာ့ကြောင့်လဲ အပေါ်မူတည်ပြီး၊ ကုရတာ မတူဘူး။ ဖြစ်ကြတာ များလို့လား၊ ရောင်းကောင်းလို့လား မသိဘူး၊ အင်တာနက်မှာ ပေါသလား မမေးနဲ့ ကြော်ညာတွေ။

Libido Enhancers စိတ်များ ဆေးများ
အမျိုးသမီးတွေအတွက် ယောက်ျားတွေလို (Viagra, Cialis, Levitra) ဆေးမျိုး မပေါ်သေးတော့ ဆေးကုမ္ပဏီတွေ အပြိုင်အဆိုင် Female Viagra-like drugs တွေ ထုတ်ဘို့ လုံးပမ်းနေကြပါတယ်။ ဒါပေမဲ့ အမျိုးသမီးတိုင်းက ဒီစိတ်မျိုး နည်းရတာဟာ ယောက်ျားတွေနဲ့ အကြောင်းခံ မတူကြပါ။ Viagra ဆေးက အင်္ဂါနေရာမှာ သွေး ပိုလျှောက်လာအောင် လုပ်ပေးတာ။ အမျိုးသမီးကို ပေးရင် Vagina မှာ သွေးပိုများလာပြီး၊ အဲဒီက ကြွက်သားတွေ လျှော့-ပြော့စေနိုင်တယ်။ နေရာမှာ ခြောက်လို့ စိတ်နည်းတာ ဆိုရင်တော့ အကျိုးရှိပါတယ်။

Estrogen patches, pills and gels မ-ဟော်မုန်းဆေး၊ သူ့တန်ခိုးက အင်္ဂါစိုစွမ်မှု၊ စိတ်ဖြစ်ပေါ်မှု၊ ခံစားမှုတွေ ကောင်းလာ စေတယ်။ ဆိုင်ရာ (တစ်ရှူး) တွေ ကျန်းမာစေသေးတယ်။ ဒါပေမဲ့ ထင်တိုင်း မပေါက်တာတွေလည်း ရှိတယ်။ အဆင်ပြေသူတွေမှာ ကောင်းသွားစေတယ်။

Testosterone patches and pills ယောက်ျား-ဟော်မုန်းလို့ ခေါ်တဲ့ ဆေးပေးနည်းလည်း သုံးတယ်။ သားအိမ် ထုတ်ထားရတဲ့ အမျိုးသမီးတွေမှာ မ-မျိုးဥအိမ်ပါ ထုတ်ရရင်၊ ဒီနည်းက အကျိုးရှိစေတယ်။ ငြင်းသူတွေလည်း ရှိပါတယ်။ ဟော်မုန်း တမျိုးထဲကြောင့် လိင်စိတ်နှိုးကြွစေတာ မဟုတ်ဘူး။ နောက်ပြီး ကျားဟော်မုန်း များသွားရင် အသံသြမယ်၊ မျက်နှာမှာ အမွှေးတွေ ပေါက်လာမယ်၊ ယောက်ျားနဲ့ နဲနဲ နဲနဲ တူလာတတ်တယ်။ အချိန်အဆ တိကျရမယ်။
Natural libido enhancement pills သဘာဝဆေးများ။ HerSoution Pills တွေ ပေါ်လာတယ်။ ကြောညာတာကတော့ “သိပ်ကောင်းပါတယ်၊ ဘေးထွက်ဆိုးတာလဲ မရှိပါ။ တနေ့ တလုံးသာ သောက်ပါ” တဲ့။ HerSoution Gel ဆေးကလည်း ခြောက်နေတာအတွက် လိမ်းပေးပါတဲ့။ ကောင်းတာဘဲတဲ့။ တီဗွီ ကနေ ပြည်သူချစ်တဲ့ မင်းသမီးတွေ ကြော်ညာနေရလို ဘယ်ဆေးဖြစ်ဖြစ် အကောင်းချည်းဘဲ။

Libido ဆိုတဲ့ လိင်စိတ်ဟာ ကျားနဲ့မ မတူတတ်ဘူး။ အမျိုးသမီးတွေက “မာယာ မှာသာ သဲကိုးဖြာ” မဟုတ်သေးဘူး၊ ဒီအရေး-အရာမှာလည်း မိန်းကလေးတွေက ပိုရှုတ်ထွေးပါတယ်။ အခုထိတောင်မှ ဆေးပညာရှင်တွေ သူတို့အကြောင်း အကုန်လိုက် မသိနိုင်တာတွေ ရှိသေးတယ်။ ယောက်ျားတွေမှာ လိင်စိတ်ဖြစ်တာမျိုးက Physiological response ဇီဝကမ္မဖြစ်စဉ် အတိုင်းပါ။ Female libido က ဇီဝကမ္မဖြစ်စဉ်ထက်မက ရှိပုံရတယ်။ စိတ်ဖြစ်ပေါ်မှုသာ ဟုတ်ဘူး။ စိတ်ကျေနပ်မှု မှာလည်း အချိန် ပိုယူကြတယ်။ ရုပ်-စိတ်-ဟော်မုန်း၊ သုံးမျိုးလုံး စုစည်းဖြစ်ပေါ်တယ်။ Emotional factors စိတ်ပိုင်းက အတော်ကြီး နေရာယူတယ်။ ရုပ်ဝါဒ နဲ့ ရုပ်ဓန ထွန်းကာရာ တိုင်းပြည်တွေက မိန်းမတွေလဲ စိတ်ရဲ့ဦးဆောင်မှု အတူတူခံကြရပါတယ်။

Aphrodisiac ဆိုတာ “လိင်စိတ်တိုးစေတဲ့ဆေး” ဆေးဝေါဟာရ ဖြစ်ပါတယ်။ Aphrodite “အချစ်နဲ့ လိင်ကို စိုးပိုင်တော်မူသော ဂရိနတ်ဘုရား” ကနေလာတာပါ။ သမိုင်းတလျှောက် ဒီအရေးအရာမှာ နာမည်ကြီးခဲ့တဲ့ အစား၊ အသောက် နဲ့ အမူအကျင့်တွေ ရှိခဲ့ပြီးသားပါ။ သိပ္ပံနည်းကျ ပြောရရင် Placebo effect စိတ်ကိုက သက်သာစေတယ် ထင်တဲ့ ဆေးမျိုးတွေသာ များပါတယ်။ ရောဂါ အတော်များများမှာ ဒီသဘောမျိုး ဆေးနည်းတွေ ရှိတယ်။ လူနာကို ညာတာလို့ ပြောရင် မှန်လဲ မှန်တယ်။ မမှန်လဲ မမှန်ဘူး။ ရှေးကတည်းက သမားတော်ကြီးတွေ သုံးခဲ့ကြတာပါ။ ဆေးပေးတာတင် မဟုတ်ဘူး ခွဲစိတ်တာလည်း ပါသေးတာ။ လူနာရဲ့စိတ်မှာ သက်သာတယ်လို့ ထင်စေတာကိုက ထိရောက်တဲ့ ကုစားနည်းတခုဘဲ မဟုတ်ပါလား။

ညစ်ညမ်းတယ်တော့ မထင်ပါနဲ့။ စာဖတ်ရတာ မပြင်းအောင် ထည့်ရေးပါရစေ။ ပုံပန်းကိုက အင်္ဂါနဲ့တူတာမျိုး၊ Rhinoceros ကြံချို၊ Banana ငှက်ပျောသီး၊ Ice-cream ရေခဲမုံ့၊ ဒါ့ကြောင့် ကြံချိုက ထုတ်တဲ့ဆေး၊ ကျားအင်္ဂါက ထုတ်တဲ့ဆေး ရောင်းကောင်းတာပေါ့။

Yohimbine ဆိုတာ အမေရိကမှာပါ တရားဝင် ရောင်းခွင့်ရှိတဲ့ ယောက်ျား အားတိုးဆေးပါ။ Bremelanotide ကတော့ အမျိုးသား-အမျိုးသမီး သုံးနိုင်တယ်။ Saffron နနွင်းထဲမှာပါတဲ့ Crocin ကိုလည်း ကောင်းတယ်လို့ ဆိုပါတယ်။ Alkyl nitrites (Poppers) ဆိုတာကို Club drug (ကလပ်) သုံးဆေး ခေါ်ကြတယ်။ ရှူရတယ်။ ကြွက်သားအနုစားတွေ လျှော့ပေးစေလို့ သွေးပိုလျှောက်ပြီး၊ Sphincters အထိန်းတွေ ကျယ်စေကာ ဒီစိတ်ကို နိုးဆွပေးပါတယ်။ (ကလပ်) သုံးဆေးတွေထဲမှာ မူးယစ်အုပ်စုဝင် Cocaine (ကိုကိန်း)၊ Methamphetamine (မက်သမက်ဖတမင်း) တို့လည်း ဒီလိုဘဲ။ အရက်နဲ့ Cannabis ဆေးခြောက်ကတော့ ပြောင်းပြန်ဖြစ်စေတယ်။ သုံးသူတွေလည်း ရှိပါတယ်။

မေးတဲ့ပုဂ္ဂိုလ် လက်လှမ်းမီတာနဲ စပေတော့။ ရမှာပါ။

Dr. တင့်ဆွေ
၁၉-၈-၂ဝ၁ဝ
၂ဝ-၈-၂ဝ၁ဝ

Pregnancy and Sex ကိုယ်ဝန်ဆောင်စဉ် အရင်လို နေလို့ရသလား

အသက် ၁၈ နှစ်ပြည့်မှ ဖတ်ပါ (၂၇)

Q 1: ဆရာရှင့် ကိုယ်ဝန်ဆောင်ချိန်မှာ အမျိုးသား(ခင်ပွန်း)နဲ့ ဆက်ဆံလို့ရပါသလား။ တကယ်လို့ ဆက်ဆံခဲ့ရင် ဗိုက်ထဲက ကလေးကို ထိခိုက်နိုင်ပါသလား။

Q 2: ဆရာ Post တခုမှာ ဖတ်လိုက်ရတဲ့ ကိုယ်ဝန် ပထမ ၃ လမှာ ယောက်ကျားနဲ့ အတူတူနေလို့ မရဘူးဆိုပြီး။ အခု ကိုယ်ဝန်က ၂ လ လောက် ရှိနေပါပြီ။ သားဦးဆိုတော့ အတွေ့ အကြုံမရှိဘူး ဖြစ်နေလို့ပါ။ တကယ်လို့ အတူတူနေလို့ ရတယ်ဆိုရင် ဘယ်လို ပုံစံမျိုးက ကိုယ်ဝန်ဆောင်တွေအတွက် အဆင်ပြေနိုင်မလဲ ဆိုတာပါ ပြောပြပါနော်။ A 1: ပုံမှန်ကိုယ်ဝန်ဆောင်နေစဉ် အတူနေတာ ပုံမှန်ပါ။ ပုံမှန်ကိုယ်ဝန်ဆိုရင် အထဲကကလေးမှာ လိုအပ်တဲ့ အကာအကွယ်တွေ အစုံရှိတယ်။ ရေမြွှာအိတ်က ပါးပေမဲ့ ခိုင်တယ်၊ ကာကွယ်နိုင်တယ်။ သားအိမ်အဝမှာလည်း မပွင့်သရွေ့ အချွဲနဲ့ ပိတ်နေတယ်။ ဒါ့ကြောင့် ကျားအင်္ဂါဖြစ်ဖြစ် တော်တော့တန်တန် ပိုးမွှားဖြစ်ဖြစ် ကလေးဆီ မရောက်နိုင်ပါ။ ဆက်ဆံတာ သာမက ဆန္ဇပြည့်ဝသွားခြင်းဆိုတဲ့ Orgasm ဖြစ်တာကြောင့်လည်း ကိုယ်ဝန်ကို ပြဿနာ မတက်ပါ။

ဒါပေမဲ့ “အရင်အတိုင်းသာ ဆက်လုပ်ပါ၊ ဘာမှ မဖြစ်ပါဘူး”လို့ တိုက်တွန်းတာတော့ မဟုတ်ပါ။ အတွင်းသိ လင်မယား ဆိုရင် ထားတော့ နောက်ကြောင်း ရာဇဝင် ဘာမှမသိသူနဲ့ ကိုယ်ဝန်ဆောင်စဉ် ဆက်ဆံမိရင် လိင်ကတဆင့် ကူးစက်ရောဂါ ရှိလို့ကတော့ မအေသာမက ကလေးကိုပါ ကူးတော့မှာပါ။

ကိုယ်ဝန်ဆောင်ပြီဆိုတာနဲ့ တားဆေး၊ တားနည်းတွေအတွက် ဝါယမစိုက်စရာမလို၊ မရှိသင့်ဘဲ ရှိသွားမှာမျိုးလည်း စိုးရိမ်စရာ မရှိ၊ ရာသီရက်လည်း ကြည့်မနေနဲ့၊ ဆိုတော့ ပိုတောင် အဆင်ပြေသလို ဖြစ်လာတယ်။ နောက်တခါ နှစ်ယောက်လုံးမှာ ရောဂါဘယ ကင်းနေရင် (ကွန်ဒွန်) မလို ဖြစ်နေလို့ အတူပိုနေတာ ဖြစ်လာနိုင်တယ်။

ပုံမှန် ကိုယ်ဝန်ဆောင် မဟုတ်တာ လာပါမယ်။ အထစ်အငေါ့ရှိတဲ့ အမျိုးသမီးရဲ့ မွေးဖွါးရာဇဝင် Bad Obstetric history တခုခုရှိနေရင်။ ဥပမာ Miscarriage/Abortion ကိုယ်ဝန်ပျက်တာ၊ Pre-term labor လမစေ့ (၃၇ ပါတ် ထက်စော) ကလေး မွေးဘူးတာမျိုး။ တချို့ အမျိုးသမီးတွေရဲ့သားအိမ်အဝဟာ မလုံဘူး၊ ကိုယ်ဝန် ရင့်လာတာကို ထိန်းမထားနိုင်ဘူး။ ဒီလိုဖြစ်ရင် သားအိမ်အဝကို မမွေးမချင်း ပိတ်ချုပ်ပေးတားရတယ်။ ဒီတော့ ဆက်ဆံလိုက်ရင် သေချာပေါက် စောမွေးလာနိုင်တယ်။ နောက်ထပ် ပုံမှန် မဟုတ်တာတွေက ကိုယ်ဝန်ဆောင်နေတုံး သွေးဆင်းလာတာ၊ အရည်ဆင်းတာ။ (အာလ်ထွာဆောင်း) ရိုက်လိုက်တော့ အမွှာကိုယ်ဝန်ဆောင်နေတာနဲ့ အချင်းက သားအိမ်အဝနား ရှိနေတာတွေကို ဆိုလိုတယ်။

အကြမ်းဖျင်း ပြောရရင် ကိုယ်ဝန်တခုကို ၃ လစီ၊ ၃ ပိုင်း၊ သတ်မှတ်တာမို့ “ဒုတိယ ၃ လမှာ ဆက်ဆံတာ ဘာမှ ဖြစ်စရာ မရှိဘူး” လို့ ပြောနိုင်ပါတယ်။ ကိုယ်ဝန်ဆောင်စ ပဌမ ၃ လမှာ အမျိုးသမီးဟာ Morning sickness ကိုယ်ဝန်ဆောင်စ လက္ခဏာတွေ ခံစားနေရလို့ ဆက်ဆံချင်စိတ် အပါအဝင် အာရုံငါးပါး၊ နည်းပါးနေလိမ့်မယ်။ ကိုယ်ဝန်ဆောင် နောက်ဆုံး ရက်တွေမှာ အရှောင်ခိုင်းတာကတော့ လိုရမယ်ရ သဘောပါ။ သီအိုရီအရ ယောက်ျားရဲ့ Semen ထဲပါတဲ့ ဓါတ်က သားအိမ်ကို ညှစ်စေအောင် ဆွပေးမလားလို့ပါ။ ကိုယ်ဝန်သည်မှာ နေရထိုင်ရတာ လေးလံလာပြီ၊ အသွားအလာလည်း ခက်လာပြီမို့၊ စိတ်အလိုလည်း နည်းပါးနိုင်တယ် မဟုတ်လား။

ဇနီးသည် ကိုယ်ဝန်ရှိချိန်လိုက်ပြီး၊ ယောက်ျားသားတွေမှာလည်း စိတ်ကစားမှု ပြောင်းတတ်သေးတယ်။ သူငယ်ချင်း တယောက် ဆေးကျောင်းနဲ့ မနီးမဝေးက ကိုယ်ဝန်ဆောင် မိန်းကလေးတယောက်ကို “သိပ်လှတယ်ကွ” ဆိုပြီး၊ တဖွဖွ ပြောခဲ့ဘူးတယ်။ တမျိုးမထင်ပါနဲ့ အပြောသက်သက်သာပါ။ ကာယကံရှင် ခင်ပွန်းတချို့မှာတော့ မွေးလာမဲ့ကလေး အနာဂတ်ရေး စဉ်းစားရ၊ ဇနီးသည် ကျန်းမာရေးအတွက် ကြောင့်ကြရနဲ့ သီလသာ စောင့်နေချင်ကြတယ်။

“ကျန်းမာရေးနဲ့ ဘာသာရေး ရှုဒေါင့်တွေ အသာထား၊ ကိုယ်ဝန်ဆိုတာ လိင်ဆက်ဆံတာက စတယ် မဟုတ်လား” လို့ ပြောကြတာလည်း ရှိတယ်။ အားပေးတဲ့ဘက်ကနေ ထပ်ပြောတာက “(ဗဂျိုင်းနား) ဟာ ပိုပြီး စိုစွတ်နေတယ်။ နေရာက အင်္ဂါမှန်သမျှ အမြင်အရ ပိုမို ဖေါင်းကြွနေတယ်။ ဒီအချိန်ကြမှ ပဌမ Climax ရောက်ရတယ်။” စသဖြင့်။

ကိုယ်ဝန်ဆောင်ရတာက ကိုယ်ခန္ဓာ အပြင်ပုံသဏ္ဌာန်သာမက အတွင်းစိတ်မှာပါ အပြောင်းအလဲတွေ ရှိလာတယ်။ ဟော်မုန်းတွေလည်း အပြောင်းကြီး ပြောင်းလာတယ်။ မတူတာက စိတ်အလို နည်းသူတွေက နည်းလာသလို၊ များချင်သူကလည်း များနိုင်တယ်။ အမှန်က ကိုယ်ဝန် မဆောင်ချိန်မှာလည်း စိတ်အလိုဆိုတာ အတက်အကျ ရှိတာပါ။ ခင်ပွန်းသည်က ပိုပြီး နားလည်မှု ရှိရပါမယ်။ ကာမပိုင်ဘဝ ရောက်ကြပြီဆိုတာနဲ့ “ငါပိုင်တာဘဲ ငါ့သဘောဘဲ” လို့ မဖြစ်သင့်ပါ။ သာယာမှုဆိုတာ ကျေနပ်မှုကင်း၊ ပျော်ရွှင်ခြင်းမပါ၊ တဖက်သတ် ချည်းသာဆိုရင် အကြင်လင်မယားရဲ့ ဓမ္မတာ မဟုတ်နိုင်တော့ပါ။

စုံအောင်ထည့် ရေးပါရစေ။ အတူနေတာမှာ “အကြမ်းဘရမ်း” ဆက်ဆံတာမျိုး ရှောင်ရပါမယ်။ အနေအထား Position ကို သင့်အောင် ရွေးတတ်ရမယ်။ (အိုရယ်လ်) နည်းသုံးရင် လေသွင်းမှုတ်တာမျိုး ဖြစ်မသွားစေရပါ။ Air embolism ဆိုတာ ရတတ်တယ်။ လေက သွေးကြောထဲ သွားပိတ်ပြီး၊ အသက်ကိုပါ အန္တရာယ်ပေးနိုင်လို့ပါ။

ဒီကျန်းမာရေးအကြောင်း ပြောတဲ့အခါ သူများဆီမှာတော့ နှစ်ယောက်သား စကားပြောကြပါ။ ဆွေးနွေးကြပါ။ (ဝပ်ရှော့ခ်) တက်ပါ စသဖြင့် အကြံပြုတာတွေ ရှိတယ်။ ကျွန်တော်တို့ ယဉ်ကျေးမှုမှာ သူတို့ပြောသမျှ လိုက်လုပ်လို့ မရပါ။ မရတော့ “မကောင်းဘူး။ သိပ် အောက်တယ်” ဆိုချင်သူတွေက ဆိုမယ်။ အဲလိုမဟုတ်ပါ။ ခေတ်အမီဆုံး၊ ရှေ့ဆုံးရောက် တိုင်းပြည်တွေနဲ့ ပြောင်းပြန်သာရှိတဲ့ တိုင်းပြည်တွေမှာ ကိုယ်ဝန်ဆောင်စဉ် ဆက်ဆံမှုကြောင့် ဖြစ်စေတဲ့ အပေါင်း-အနုတ်တွေဆိုတာ သိပ်ကြီးထူးတာ မဟုတ်ပါ။

သူများတွေ လုပ်တာကို လိုက်မလုပ်နိုင်လို့ စိတ်အား မငယ်သင့်ပါ။ မလုပ်နဲ့ဆိုတာကို ခေတ်နောက်ပြန်ဆွဲလို့ မထင်သင့်ပါ။ သစ်တိုင်း၊ ဆန်းတိုင်း၊ သူများတိုင်းပြည်တွေကလူတွေ ပြောတိုင်း-လုပ်တိုင်း-ခိုင်းတိုင်း အဟုတ်ကြီး မထင်သင့်ကြပါ။ သူများတွေ မလုပ်နိုင်တာတွေလည်း ကိုယ့်ဆီမှာ ရှိပါတယ်။ ရောဂါ အဆန်းတွေကို လက်ရပ်ခေါ်နေတဲ့ အကျင့်စရိုက် အဆန်း အပြားတွေဟာ ကိုယ့်ဆီမှာ ရှားတယ်။ မိသားစုရဲ့ နွေးထွေးမှုမျိုး၊ လူကြီးသူမ၊ အာစရိယတွေရဲ့ ထိန်းကွပ်မှုမျိုး ဆိုတာက ကိုယ့်ယဉ်ကျေးမှုမှာသာ ရှိပါတယ်။

အင်္ဂလိပ်လို တွဲခေါ်လို့ ကောင်းတဲ့ စာလုံးနှစ်လုံးရှိတယ်။ Intercourse ဆိုတဲ့ အင်္ဂါချင်းဆက်ဆံမှုကို အရှောင်ခိုင်းပြီး၊ Intimacy ဆိုတဲ့ နှစ်ဦးနှစ်ဝ ရင်းနှီးကြွမ်းဝင်ကြဘို့ကိုတော့ ကိုယ်ဝန်ရှိစဉ် တလျှောက်လုံး မဖြစ်အနေလုပ်ဘို့ အကြံပြုတယ်။

A 2: ကိုယ်ဝန် ပထမ ၃ လမှာ ယောက်ကျားနဲ့ အတူနေရင် ပျက်ကျမှာ စိုးရတယ်၊ နောက်ဆုံး ၃ လ စောမွေးမှာ စိုးရတယ် ဆိုတာ ယေဘုယျ ပြောတာပါ။ ပုံမှန် ဆက်ဆံတာကြောင့် ပျက်မကျနိုင်ပါ။ ကိုယ်ဝန်ဆိုတာ (နော်မယ်) ဖြစ်နေရင် အလွန် လုံခြုံပါတယ်။ ရေမြွာရည်ကနေ ကလေးကို အကာအကွယ် ပေးနေတယ်။ “ကိုယ်ဝန်ရှိစဉ် ဆက်ဆံနိုင်တဲ့ (ပိုဇေရှင်) များ” ဆိုပြီး သပ်သပ် သိဘို့ လိုတာ အမှန်ပါ။ ကိုယ်တိုင် ကြံဆနိုင်ကြပါတယ်။ ဆက်ဆံသင့်တဲ့ အနေအထားတွေဆိုတာ အများဖတ်ဘို့ ရေးတင်တာ သိပ်မကောင်းလှဘူး ထင်လို့ မေးသူဆီကိုသာ တိုက်ရိုက် ပြန်လိုက်ပါမယ်။

Dr. တင့်ဆွေ
၃ဝ-၄-၂ဝ၁ဝ
၁၇-၉-၂ဝ၁ဝ

Calendar method ပြက္ခဒိန်နည်း

အသက် ၁၈ နှစ်ပြည့်မှ ဖတ်ပါ (၅ဝ)

2011/3/17
ကျနော် သိချင်တာက Calendar Method ပါ။ ကျနော့်ကို ဆရာဝန်နဲ့ အိမ်ထောင်သည် တချို့ပြောတဲ့ နည်းမတူဘူး ဖြစ်နေတယ်။ နောက်ပြီး ကျနော်ကိုယ်တိုင်က တွက်ချက်မှု ညံ့ဖျင်းတာလား မသိဘူး သိပ်မရှင်းလင်းဘူး ဖြစ်နေတယ်။ ကျေးဇူးပြု၍ ရှင်းပြပေးပါ။ သို့မဟုတ်ပါက ဆရာရေးထားတဲ့ Post ထဲက သက်ဆိုင်ရာတစ်ခုခုကို ညွှန်ပြပေးပါ။

ကိုယ်ဝန်မရစေဘို့ ရက်ရှောင်နည်း Standard Days method လို့လဲခေါ်တယ်။ အမျိုးသမီးတိုင်း အပျိုဖြစ်ပြီးနောက် သွေးမဆုံးခင်အထိ အကြမ်းအားဖြင့် လတိုင်း လလယ်ရက်မှာ မမျိုးဥ ထွက်တယ်။ အဲဒီမျိုးဥနဲ့ ကျားသုက်ပိုး တွေ့မှသာ ကိုယ်ဝန် ရှိနိုင်တယ်။ ဒါ့ကြောင့် ကလေးမရချင်ရင် လလည်ရက် မတိုင်ခင် ၅ ရက်နဲ့ နောက်ထပ် ၅ ရက် အတွင်း အတူမနေသင့်ဘူး။

လလည်ရက် တွက်တယ်ဆိုတာ ရာသီစဆင်းတဲ့နေ့ကနေ တွက်ရတယ်။ သွေးဆင်းတာက ၃-၄-၅ ရက်ကြာ တတ်တယ်။ နောက်ဆုံးရက် ဆိုတာ ပြောဘို့၊ မှတ်ဘို့က မတိကျတတ်ဘူး။ စွန်းယုံလေး စွန်းတော့တာကိုလား၊ (ဒိုင်ယာပါ) မသုံးရတဲ့နေ့ ခေါ်မလား။ ရာသီသွေး စဆင်းတဲ့နေ့ ဆိုတာ မှားစရာ မရှိဘူး။

ရက်ရှောင်ပြီး သားဆက်ခြားနည်းဟာ အကုန်အကျ အနည်းဆုံးဖြစ်တယ်။ Sexual act လိင်ဆက်ဆံမှုနဲ့ Orgasm ဆန္ဓပြည့်ဝမှုကို အနှောင့်အယှက် မဖြစ်စေသလို၊ ဘေးထွက် ဆိုးကျိုးလည်း မရှိပါ။ ဒါပေမဲ့ မတော်တဆ ကိုယ်ဝန် ရနိုင်နှုန်းက အမြင့်ဆုံး ဖြစ်တယ်။ STDs လိင်ကတဆင့် ကူးစက်ရောဂါတွေကို အကာအကွယ်မပေးနိုင်ပါ။ Condom (ကွန်ဒွမ်) သုံးနည်းက အကောင်းဆုံး ဖြစ်တယ်။

The Institute for Reproductive Health သုတေသနအရ တိတိကျကျ ပြောရရင် -
• ၃ဝ% သော အမျိုးသမီးတွေက လလယ်ရက် အတိအကျမှာ မျိုးဥ ထွက်တယ်။
• ၆ဝ% က လလယ်ရက်ထက် ၁ ရက်စောထွက်တယ်။
• ၇၈%က လလယ်ရက်ထက် ၂ ရက်စောထွက်တယ်။
• ၈ ရက်မြောက်နေ့ကနေ ၁၉ ရက်အတွင်းဟာ ကိုယ်ဝန် အရနိုင်ဆုံး ရက်တွေ ဖြစ်တယ်။
• ၈ ရက်မြောက်ကနေ ၁၉ ရက်မြောက်အတွင်း “မဆက်ဆံသူ” တွေထဲက ၄့၇% ကိုယ်ဝန်ရကြတယ်။
• ၈ ရက်မြောက်ကနေ ၁၉ ရက်မြောက်အတွင်း “ဆက်ဆံသူ” တွေထဲက (ကွန်ဒွမ်) နည်း သုက်ရည်ကို အပြင်ထုတ်နည်း သုံးသူတွေမှာ ၅့၆% ကိုယ်ဝန် ရကြတယ်။
• ၈ ရက်မြောက်ကနေ ၁၉ ရက်မြောက်အတွင်း ဘာအကာအကွယ်မှ မသုံးသူတွေထဲက ၁၁့၉% ကိုယ်ဝန် ရကြတယ်။
• မျိုးဥထွက်ရက်အတိမှာ ဆက်ဆံသူတွေ ၈-၁ဝ% ကိုယ်ဝန်ရကြတယ်။
• မျိုးဥမထွက်ခင် ၅ ရက် အလိုမှာ ဆက်ဆံသူတွေ ၄% ကိုယ်ဝန်ရကြတယ်။
• မျိုးဥမထွက်ခင် ၄ ရက်အလိုမှာ ဆက်ဆံသူတွေ ၁၅% ကိုယ်ဝန်ရကြတယ်။
• မျိုးဥမထွက်ခင် ၂ ရက်အလိုမှာ ဆက်ဆံသူတွေ ၂၅-၂၈% ကိုယ်ဝန်ရကြတယ်။

Dr. တင့်ဆွေ
၁၇-၃-၂ဝ၁၁

Vaginal rings သန္ဓေတား သားရေကွင်း

အသက် ၁၈ နှစ်ပြည့်မှ ဖတ်ပါ (၇၁)

V-Rings လို့လဲ အတိုခေါ်တဲ့ Vaginal rings သားရေကွင်းတွေဆိုတာ အမျိုးသမီး မွေးလမ်းကြောင်း (ဗဂျိုင်းနား) ထဲမှာ ထည့်ပေးထားရတဲ့ သန္ဓေတားနည်းတခု ဖြစ်တယ်။ သားရေကွင်းလို့ ပြောရပေမဲ့ ဆေးပါနေတဲ့ Polymeric devices (ပေါ်လီမက်ထရစ်) ပစ္စည်း ဖြစ်တယ်။ အချင်း ၂ လက္မ ရှိတယ်။ ကိုယ်ဝန်အတွက် မဟုတ်တာတွေလဲ ရှိသေးတယ်။ 1. NuvaRing ဆိုတာက Contraceptive vaginal ring ကိုယ်ဝန်တားပစ္စည်း ဖြစ်တယ်။ Poly-ethylene-co-vinyl acetate နဲ့ လုပ်ထားပြီး၊ Etonogestrel (Progesterone) နဲ့ Ethinyl estradiol (Estrogen) ဟော်မုန်းတွေ ထုတ်ပေးနေတယ်။ မျိုးဥအိမ်ကနေ မျိုးမထွက်စေဘူး။ သားအိမ်အဝက အချွဲကို စေးပျစ်စေတယ်။ သားအိမ် အတွင်းဆုံးအလွှာကို ပါးလျစေမယ်။ ကိုယ်ဝန်မရအောင် တားပေးမယ်။
2. Femring ဆိုတာက သွေးဆုံးချိန်မှာ မျက်နှာတွေ နီမြန်းတာ၊ မွေးလမ်းကြောင်း ကြုံလှီတာတွေ သက်သာဘို့ Estradiol-acetate ဟော်မုန်း နဲနဲလေး ထုတ်ပေးနေမဲ့ Silicone elastomer ကနေလုပ်တာ ဖြစ်တယ်။ လင်မယား အတူမနေခင် ခဏထုတ်ထားနိုင်တယ်။

အဲလို ပစ္စည်းမျိုးကို မွေးလမ်းကြောင်းထဲမှာ ထည့်ထားလို့ ရတယ်။ သားရေကွင်းလို ပစ္စည်းကရော (ဗဂျိုင်းနား) အတွင်း နံရံရောက ဆန့်နိုင်ကြုံ့နိုင်စွမ်းရှိလို့ ထွက်မကျစေအာင် ထိန်းထားနိုင်တယ်။ ရေချိုးတာ၊ လေ့ကျင့်ခန်း လုပ်တာ ကိစ္စမရှိပါ။ ရှိနေတာ သေခြာချင်ရင် လက်ကို ဆေးကြောပြီး ကိုယ့်ဖါသာ စမ်းကြည့်နိုင်သေးတယ်။

NuvaRing ကို ဘယ်လိုထည့်မလဲ။
• လက်ဆေးပါ၊ ခြောက်သွေ့စေပါ။ NuvaRing foil pouch ကို ဖေါက်ပါ။
• ပက်လက်အိပ်ပါ။ တခြား အဆင်ပြေတဲ့ အနေအထားလဲ ဖြစ်ပါတယ်။
• ကွင်းကို လက်မနဲ့ လက်ညှိုးကြားထား ကိုင်ပါ။ ရှည်မျောမျော ဖြစ်သွားအောင် ဖိလိုက်ပါ။
• (ဗဂျိုင်းနား) ထဲကို အသာအယာ ထိုးသွင်းပေးပါ။ အနေရအထိုင်ရ သက်တောင့်သက်သာရှိပါစေ။
• ၃ ပါတ်တိတိ မထုတ်ဘဲထားပါ။

NuvaRing ဘယ်လို ထုတ်မလဲ။
• ၃ ပါတ်ကြာရင် ထုတ်ရမယ်။ ထည့်ချိန်နဲ့ ထုတ်ချိန် နာရီတူတာ ပိုကောင်းတယ်။
• ပက်လက်အိပ်ပါ။ တခြား အဆင်ပြေတဲ့ အနေအထားလဲ ဖြစ်ပါတယ်။
• လက်ဆေး-ခြောက်သွေ့စေပါ။
• လက်ညှိုးကို ကွေးပြီး မွေးလမ်းကြောင်းထဲ သွင်းပါ။ ကွင်းနဲ့ အနီးဆုံးနေရာကို လက်ခလည်နဲ့ပါ ညှပ်ပြီး ဆွဲထုတ်ပါ။
• စွန့်ပြစ်ပါ။ ရေအိမ်သာမှာ မပြစ်ပါနဲ့၊ ကလေးတွေ တိရစ္ဆာန်တွေနဲ့ ဝေးပါစေ။
• နောက်လမှာလဲ ကလေးမလိုချင်သေးရင် ၇ ရက်ထက်မကွာဘဲ နောက်ကွင်းသစ်တခု ထပ်ထည့်ပါ။

အဆင်မသင့်လို့ ရေအိမ်သာဝင်ချိန်၊ လိင်ဆက်ဆံချိန်၊ ရာသီလာတုံးသုံးတဲ့ Tampon ထုတ်ချိန်မှာ ထွက်ကျရင် ညွှန်ကြားချက်အတိုင်း လိုက်နာပါ။
• ထွက်ကျတာ ၃ နာရီအတွင်းဆိုရင် NuvaRing ကို ရေနွေး (သိပ်အပူကြီးမဟုတ်) ထဲမှာ ဆေးပြီး ပြန်ထည့်ပါ။
• ရှာမတွေ့ရင် အသစ်ထည့်ပါ။
• ထွက်ကျတာ ၃ နာရီကျော်သွားရင် နောက်ပြီး ရာသီစက်ဝန်းရဲ့ ပဌမ ၂ ပါတ်မှာ ဖြစ်နေရင် ကိုယ်ဝန်ထားဘို့ မသေခြာတော့ပါ။ ကွင်းအသစ်လည်းထည့်ပါ၊ တခြားတားနည်းတခုခု ဥပမာ (ကွန်ဒွမ်)၊ Spermicide သုတ်ပိုးသေဆေး တခုခုသုံးပါ။
• တကယ်လို့ ထွက်ကျတာက ရာသီစက်ဝန်းရဲ့ တတိယပါတ်မှာ ၃ နာရီကြာမှသိရင် ကွင်းကို စွန့်ပြစ်လိုက်ပြီး၊ သေခြာအောင် တခြားတားနည်းတခုခု သုံးပါ။ (ကွန်ဒွမ်)၊ သုတ်ပိုးသေဆေး။ နောက်ပြီး အောက်ကနည်း တခုခုလုပ်ပါ။
o ကွင်းအသစ်တခုထည့်ပါ။ ဒါက နောက်ထပ် ၃ ပါတ်အတွက်သဘော ဖြစ်သွားတယ်။ ရာသီ မလာဘဲ နေချင်နေနိုင်တယ်။ ကြားရက်ဆင်းတာလဲ ဖြစ်နိုင်တယ်။
o ဒါမှမဟုတ် ရာသီလာတာ စောင့်ပါ။ ကွင်းအသစ်ထည့်ပါ။ ထွက်ကျတဲ့ အရင်ကွင်းနဲ့ နောက်ကွင်းသစ် ကြားမှာ ၇ ရက်ထက် မကွာစေနဲ့။ သတိထားဘို့က အရင်ကွင်းကိုလဲ အနည်းဆုံး ၇ ရက် ဆက်တိုက် သုံးခဲ့သူ ဖြစ်ရမယ်။
• ထုတ်ဘို့မေ့သွားတာက ၃ ပါတ်ထက်ကျော်သွားရင် စထည့်ခဲ့တဲ့ရက်ကနေ ၄ ပါတ်ထက် မကျော်သေးရင် ချက်ချင်း ထုတ်ပါ။ ၇ ရက်ခြာပြီး ကွင်းသစ်ထည့်ပါ။
• မထုတ်ဘဲနေတာ ၄ ပါတ်ထက် ကျော်သွားရင် နောက်ဆုံး ၁ ပါတ်ထဲမှာ ဆက်ဆံမှုရှိခဲ့ရင် မသေခြာတော့ပါ။ ကိုယ်ဝန်ရှိ-မရှိ ဆီးစစ်ပါ။ ကိုယ်ဝန်မရှိတာ သေခြာရင် အဟောင်းကိုထုတ်ပြီး ကွင်းသစ်ထည့်ပါ။
• NuvaRing ကို ၇ ရက်ဆက်တိုက် ထည့်ထားတာ မဟုတ်ရင် မသေခြာသေးလို့ တခြားတားနည်းတခုခုလဲ သုံးပါ။ (ကွန်ဒွမ်)၊ သုတ်ပိုးသေဆေး တခုခုသုံးပါ။ Diaphragm နဲ့ တွဲမသုံးပါနဲ့။

ဒီလိုလူတွေ မသုံးပါနဲ့ -
1. နှလုံး (အတက်ခ်)၊ နှလုံး (စထုပ်ခ်) ရဘူးသူ၊
2. ခြေထောက်၊ အဆုပ် မှာ သွေးခဲပိတ်တာ ဖြစ်ဘူးသူ၊ နှလုံးသွေးကျောကျဉ်းရောဂါရှိသူ၊
3. သွေးတိုး များလွန်းသူ၊
4. ဆီးချိုရှိရာကနေ ကျောက်ကပ်၊ မျက်စိ၊ အာရုံကြော၊ သွေးကြောရောဂါ တခုခု ရဘူးသူ၊
5. ရင်သားကင်ဆာ၊ သားအိမ်ကင်တာ၊ မျိုးဥအိမ်ကင်ဆာ၊ မွေးလမ်းကင်ဆာ ရှိသူ၊ သံသယရှိသူ၊ အရင်ကရှိခဲ့သူ၊
6. မွေးလမ်းက အကြောင်းမသိ သွေးဆင်းနေသူ၊
7. ကိုယ်ဝန်ဆောင်စဉ်၊ တခြားကိုယ်ဝန်တားနည်းတွေကြောင့် အသားဝါဖြစ်ဘူးသူ၊
8. အသဲကင်ဆာရှိသူ၊ အသဲရောဂါရှိနေသူ၊
9. နှလုံးအဆို့ရှင်ရောဂါ၊ နှလုံးခုန်မမှန်ရောဂါရှိသူ၊
10. အိပ်ရာထဲ အကြာကြီးနေဘို့လိုနေသူ၊
11. ကိုယ်ဝန်ရှိသူ၊ ကိုယ်ဝန်ရှိတယ် ထင်ရသူ၊
12. (မိုင်ဂရင်း) ခေါင်ကိုက်ရောဂါရှိသူ၊
13. စိတ်ကျရောဂါရှိသူ၊
14. သားအိမ်ကျနေသူ၊
15. ကလေးနို့တိုက်နေရသူ၊

Disadvantages: မကောင်းတတ်တာတွေ -
• လိင်လမ်းရေယုံ၊ လိင်လမ်းကြွက်နို့၊ (ကလာမိုင်ဒီးယား)၊ (ဂနိုးရီးယား)၊ အသဲရောင် ဘီ၊ ဆစ်ဖလစ်၊ (အိတ်ခ်ျအိုင်ဗွီ) ဖြစ်တဲ့ (STDs) လိင်ကတဆင့် ကူးစက်ရောဂါတွေကို မကာကွယ်နိုင်ပါ။
• သားအိမ်ကျနေသူတွေဆို ထွက်ကျတတ်တယ်။
• ရင်သားတင်း-နာတာ၊ ခေါင်းကိုက်တာ၊ ကိုယ်အလေးချိန် များတာ-နည်းတာ၊ ပျို့ချင်တာ၊
• စိတ်မူပြောင်းလဲတတ်တာ၊
• မွေးလမ်းက အရည်ထွက်များတာ၊ မွေးလမ်းပိုးဝင်တာနဲ့ အနေရခက်တာ၊ မွေးလမ်းခြောက်တာ၊
• သွေးကြောထဲ သွေးခဲပြီး နှလုံး (အတက်ခ်)၊ နှလုံး (စထုပ်ခ်)၊
• သားအိမ်ပြင်ပ သန္ဓေတည်တာ၊
• မျိုးဥအိမ်-ကင်ဆာ၊ သားအိမ်-ကင်ဆာ၊
• ရာသီလာရင် နာတာ၊ ရာသီမလာခင် စိတ်ဓါတ်ကျတာ၊ ကြားရက်သွေးဆင်းတာ၊
• ဝက်ခြံ၊ ကိုယ်မွှေးများတာ၊ အရိုးအားနည်းတာ၊
• မျိုးဥအိမ်-အကျိတ်၊ ရင်သားမှာ ကင်ဆာမဟုတ်တဲ့အကျိတ်ဖြစ်တာ၊

Advantages ကောင်းချက်တွေ -
• ရိုးရှင်းတယ်၊ စိတ်ချရတယ်၊
• နေ့တိုင်းဆေးသောက်စရာမလိုဘူး။
• ဆရာဝန်မပါဘဲ ကိုယ်တိုင်လုပ်နိုင်တယ်။
• လင်မယား အတူနေတာမှာ ပြဿနာမရှိဘူးလို့ ၁ဝ ယောက်မှာ ၉ ယောက်က ပြောကြတယ်။
• ကိုယ်ဝန်တားဘို့ ၉၂-၉၉့၇% စိတ်ချရတယ်။
• ပြန်ထုတ်ပြီးနောက် ၁၃-၂၈ ရက်အတွင်း ကလေးရနိုင်လာမယ်။

Dr. တင့်ဆွေ
၁၆-၅-၂ဝ၁၁

Q and A Pills တားဆေး အမေး-အဖြေ

အသက် ၁၈ နှစ်ပြည့်မှ ဖတ်ပါ (၄၅)
9 Feb 11, 20:08
သမီးအသက် ၂၅။ အိမ်ထောင်နဲ့ပါ။ ၁ လဆေး သောက်ပါတယ်။ ဒီလက ဆေးသောက်ဖို့ ၃ ရက် ပျက်သွားပါတယ်။ ပထမ တရက်က ၂ ရက်မြောက်။ ဒုတိယရက်က ၇ ရက်မြောက်။ တတိယတရက်က အလယ်ရက်ကြီး။ အခုဆေးအဖြူ ကုန်သွားတယ်။ ရာသီမလာသေးဘူး။ • The combined oral contraceptive pill (COCP), the birth-control pill, the Pill မှာ Estrogen (Oestrogen) နဲ့ Progestin (Progestogen) ဟော်မုန်း ၂ မျိုးတွဲပါတယ်။
• တနေ့ ၁ လုံး ၂၁-၂၈ ရက် သောက်ရမဲ့ ဟော်မုန်း ၂ မျိုးတွဲ ကိုယ်ဝန်တားဆေးကို ဆေးသောက်ရမှာ ၁၂ နာရီ နောက်ကျရင်ကို ကိုယ်ဝန်ရလမ်း စရှိလာတယ်။ အဲလိုဖြစ်ရင် စိတ်အချရဆုံးက နောက် ၇ ရက်အတွက် တခြား တားနည်း တခုခုကိုပါ သုံးပါ။ Condom (ကွန်ဒွမ်)၊ Spermicide သုတ်ပိုးသေဆေး၊ Withdrawl သုတ်ရည်အပြင်ထုတ်နည်း၊ Diaphragms and caps သားအိမ်ဝအဖုံးများ။
• ဆေးသောက်ဘို့ ၂၄ နာရီ မကျော်သေးရင် ဆေး ၂ လုံးကို တခါထဲ သောက်လိုက်ပါ။ နောက်ရက်ကျ ပုံမှန်သာ ဆက်သောက်ပါ။
• တကယ်လို့ ၁ ရက်ခြားမှာ၊ သောက်ရမဲ့အချိန်အတိုင်း တိတိကျကျ သတိရတယ်ဆိုရင်တော့ ၁ လုံးထဲသာ သောက်ပါ။
• ဆေး မသောက်မိတာ ၂၄ နာရီကျော်သွားမှ သတိရတယ်ဆိုရင် ၁ ပြားထဲသာသောက်ပါ။ ရက်ကျော်သွားတဲ့ ဆေးလုံးကို လွင့်ပြစ်လိုက်ပါ။
• တကယ်လို့ သတိမေ့တာက နောက်ဆုံး ရက်သတ္တပါတ်မှာဆိုရင် ဆေးအဖြူတွေ ကုန်အောင် သောက်ပါ။ အရောင်ရင့် (ဟော်မုန်း မပါတာ) ၇ လုံးကို မသောက်ပါနဲ့တော့။ သွေးဆင်းမှာကို စောင့်မနေတော့ဘဲ နောက်တကပ် အသစ်ကို ပုံမှန် ဆက်သောက်ပါ။ အဲဒီဆေးကပ်အသစ်ကုန်မှ ရာသီလာလိမ့်မယ်။
• ဒီလိုဆေးမျိုးကို သောက်ရက်သားနဲ့ ကိုယ်ဝန်ရနိုင်တာဟာ ဆေးစသောက်တဲ့ရက် နောက်ကျလို့ ဖြစ်တယ်။
• ဆေးကပ်အသစ်သောက်ရမှာ ၁ ရက်နောက်ကျရင် ၂ လုံးတခါထဲသောက်ပါ။ နောက် ၁-၂ ပါတ်အတွက် တခြား တားနည်း တခုခုကိုပါ သုံးပါ။
• ဆေးကပ်အသစ်သောက်ရမှာ ၂ ရက်နောက်ကျရင် ၂ လုံးတခါထဲ၊ ၂ ရက်ဆက်သောက်ပါ။ နောက် ၁-၂ ပါတ်အတွက် တခြား တားနည်း တခုခုကိုပါ သုံးပါ။
• ဆေးကပ်အသစ်သောက်ရမှာ ၃-၅ ရက် နောက်ကျရင် အတူနေပြီးလဲဖြစ်ရင် အရေးပေါ်တားဆေး Plan B = Emergency contraception (EC), Morning-after pill, E Pills, i-pill, Preventol, ECee2, Pill 72, ECee2 သောက်ပါ။ ကိုယ်ဝန်ရှိ-မရှိ ဆီးစစ်ပါ။
• ဆေးသောက်ဘို့ မေ့တဲ့ရက်က လ လယ်ရက် ဖြစ်နေရင် အတူနေပြီးလဲဖြစ်ရင် အရေးပေါ်တားဆေး သောက်ပါ။ ကိုယ်ဝန်ရှိ-မရှိ ဆီးစစ်ပါ။
• Progestin only oral contraceptives, POP, Minipill, Micronor, Noriday, Femulen, Norgeston, Cerazette ဟော်မုန်း ၁ မျိုးထဲပါတဲ့ ဆေးအမျိုးအစား သောက်နေတာ ဆိုရင်လဲ ၁ ရက်ကျော်ရင် တခါထဲ ၂ လုံးသောက်ပါ။ တခြားတားနည်းကို နောက် ၂ ရက်မှာသုံးပါ။
• မေးတဲ့သူ ဆီးစစ်ပါ။ ဆရာဝန် ညွှန်သလိုလုပ်ပါ။ သတိမေ့တတ်သူဖြစ်လို့ တခြားနည်းလမ်းတခုခုကို သုံးသင့်တယ်။

Q: ကျွန်တော့ အသက် ၂၇ ရှိပါပြီ။ မိန်းမ ရာသီလာပြီးတဲ့ နေကစပြီး ၇ ရက်နဲ့ မလာခင် ၇ ရက်အတွင်းကို ဆက်ဆံရင် ကိုယ်ဝန် ရနိုင်တယ်လို့ ဆိုလိုတာလား။ ရာသီလာပြီး ၇ ရက်၊ မလာခင် ၇ ရက် အတွင်း ဆက်ဆံရင် ကိုယ်ဝန်မရနိုင်ဘူးလို့ ဆိုလိုတာလား သိချင်ပါတယ်။ သဘာဝအတိုင်း ဆက်ဆံမှုမျိုးနဲ့ ယောက်ျားလေးက ဘယ်လို နည်းလမ်း သုံးပြီး ဆက်ဆံသင့်ပါသလဲ။ ကိုယ်ဝန် တားဆေးကို အမြဲသုံးနေရင် ကလေး လိုချင်တဲ့အခါ အခက်တွေ့နိုင်ပါသလား။

ရာသီမလာခင် ၇ ရက်ကနေ လာပြီး ၇ ရက်အတွင်းမှာ ဆက်ဆံရင် သီအိုရီအရ ကိုယ်ဝန် မရနိုင်ပါ။ ကိုယ်ဝန်တားဆေး သုံးပြီးတဲ့နောက် ကလေးယူချင်ရင် ရနိုင်ပါတယ်။ ဆေးတွေက ၁ လအတွက်ဆေးနဲ့ ၃ လအတွက် ဆေးတွေသာ ဖြစ်တယ်။ ဆေးသုံးတာကို ရပ်လိုက်တာနဲ့ ကိုယ်ဝန်မဆောင်အောင် လုပ်နိုင်စွမ်း မရှိတော့ပါ။

ဒါပေမဲ့ တချို့အမျိုးသမီးတွေက ဆေးရပ်လိုက်တာနဲ့ နောက်လကစပြီး ကိုယ်ဝန်ဆောင်တယ်။ တချို့က အချိန်ကာလ တခုကို စောင့်ရတယ်။ ဘာလို့လဲဆိုတော့ တယောက်နဲ့တယောက်က သူ့သဘာဝအတိုင်း ဟော်မုန်းအခြေအနေ ပြန်ရောက်အောင် အချိန်ယူတာချင်း မတူကြလို့ပါ။ တချို့ဆိုရင် ၁ လ မဟုတ်ဘဲ ၁ နှစ်အထိ အချိန်ယူတာလဲရှိတယ်။

ကောင်းတာက အမျိုးသမီးဟာ ဆေးမကူဘဲ သဘာဝအတိုင်း ရာသီ ၂ လ၊ ၃ လ ပြန်ဆင်းပြီဆိုမှ ကလေးယူတာ ပိုကောင်းတယ်။ ဒီကြားကာလမှာ (ကွန်ဒွမ် )နည်းစတာကို သုံးရမယ်။ ဟော်မုန်းအပိုတွေ မရှိတော့ဘဲ၊ နောက်ကိုယ်ဝန်မှာ ဘာမှ သက်ရောက်မှု မရှိစေတော့ဘူး။ ဟော်မုန်းပါတဲ့ ကိုယ်ဝန်တားဆေးတွေ မသုံးတော့တာတောင် ကိုယ်ဝန်မရနိုင်သေးတာကတော့ ရပ်လိုက်ပေမဲ့ အမျိုးသမီးရဲ့ကိုယ်ထဲမှာ အခိုက်အတန့်အားဖြင့် သက်ရောက်မှု ဆက်ရှိနေနိုင်သေးလို့ ဖြစ်ရတာပါ။ ဟော်မုန်း ၂ မျိုးတွဲ စားဆေး သုံးသူဆိုရင် အများအားဖြင့် ၂ လ၊ ၃ လ နောက်မှ ကိုယ်ဝန် ပြန်ရနိုင်တယ်။ Depo-Provera ထိုးဆေး ဆိုရင် ၆ လ၊ ၁ နှစ်ကြာမှ ကိုယ်ဝန်ပြန်ရတတ်တယ်။ ဒီကြားကာလမှာ သွေးမဆင်းဘဲနေတာလဲ ရှိနိုင်သေးတယ်။

နည်းဆိုတာ အမေးက သိပ်မရှင်းပါ။ ဒါပေမဲ့ ဒီလိုဖြေပါရစေ။ လှေကြီးထိုး ရိုးရိုးနည်း၊ သဘာဝနည်းတွေသာ အကောင်းဆုံး ဖြစ်ပါတယ်။ (ကာမသျှတြ) နည်းလမ်း ခြောက်ဆယ့်လေးသွယ် ဆိုတာ S Positions and S poses အဖြစ် ရာဇဝင် တွင်တယ်။ နှစ်ဦးနှစ်ဘက် အလိုကျတာကို သုံးသင့်ပါတယ်။

Q: ဆေးစားရင်းနဲ့ ကိုယ်ဝန်ရခဲ့ရင် ကလေးကို ထိခိုက်နိုင်ပါသလား သိပါရစေရှင်။ ကိုယ်ဝန်တားဆေးကို ပြောတာပါဆရာ။ Family Planning Pills 3 cycles Microgynon Fe အဲဒီဆေးတွေက လင်မယားတွေ အတူမနေခင် ကတည်းက စားရတာ ပါလား။ အတူနေမှ စားပြီး ကိုယ်ဝန်ရခဲ့ရင် ကလေးနဲ့ လူကြီး ထိခိုက်မှာစိုးလို့ပါ။

ပဋိသန္ဓေတားဆေးတွေထဲမှာ Estrogen နဲ့ Progestogen ဟော်မုန်းနှစ်မျိုး ပူးတွဲပါတာကို COC လို့ ခေါ်တယ်။ Microgynon ဆေးက Progestogen-only pill (POP) ခေါ်တဲ့ ဟော်မုန်း တမျိုးတည်းပါ စားဆေးဖြစ်တယ်။ အမျိုးမျိုး ရှိတယ်။ ဒီဆေးကြောင့် သားအိမ်အဝမှာ ရှိနေတဲ့ ချွဲကျိတဲ့ အရည်ကို ပြစ်စေးလာစေပြီး၊ ကျားသုက်ပိုးကို သားအိမ်ထဲ မဝင်စေအောင် ထားဆီးတယ်။ နောက်ပြီး သားအိမ် အတွင်းသား နံရံကို ပါးလွှာစေပြီး၊ သန္ခေဥတွယ်ကပ်ခြင်းကိုလည်း တားဆီးပေးတယ်။ ၉၉% ထိရောက်တယ်။

လစဉ်ရာသီ စလာတဲ့နေ့ကစ ဆေးသုံးရတယ်။ နေ့စဉ် ဆေး ၁ ပြားကို အချိန်မှန်မှန် ဆေးကပ် ကုန်တဲ့အထိ သောက်ရတယ်။ ဆေးကပ် ကုန်တာနဲ့ နောက်ထပ်တကပ် ဆက်သောက်ပါ။ ကလေးနို့တိုက်နေစဉ်လည်း သောက်နိုင်တယ်။ နို့ထွက် မနည်းစေပါ။ အသက်ကြီးရင်လည်း သောက်နိုင်တယ်။ ရာသီမလာမီဖြစ်တဲ့ လက္ခဏာတွေ ကိုလည်း သက်သာစေတယ်။

ရင်သားတင်းခြင်း၊ အရေပြားပေါ် အစက်အပျောက် ပေါ်ခြင်းတို့ဖြစ်စေတတ်တယ်။ ရာသီနည်းခြင်း၊ မလာခြင်း၊ ရှားရှားပါးပါး မျိုးဥအိမ် အကျိတ်အလုံးပေါ်ခြင်း ဖြစ်တတ်တယ်။ အခု ဒါမှမဟုတ် အရင်က ရင်သား-ကင်ဆာရှိနေရင်၊ ကိုယ်ဝန် ရှိနေရင်၊ အသဲ၊ သဲခြေအိတ် ရောဂါ ရှိနေရင်၊ မျိုးဥအိမ် အကျိတ် အလုံးရှိဘူးရင်၊ (မိုင်ဂရင်း) အမူးရောဂါရှိရင် မသုံးသင့်ပါ။

ဆေးသောက်ပါလျက် ကိုယ်ဝန်ရှိတာ အတော်ကြီးနည်းတယ်။ ကိုယ်ဝန်ရှိပြီးမှ ဆေးသောက်လို့လည်း ဖြစ်နိုင်တယ်။ ဒီဆေးသောက်တာ ရက်မကျော်ရပါ။ အစပိုင်းလတွေမှာ ကြားရက် သွေးနဲနဲဆ င်းတာ ဖြစ်တတ်ပေမဲ့ နောက်ဆို မဖြစ်တော့ဘူး။ ဆေးထဲမှာပါတဲ့ ဟော်မုန်း အနည်းအများက တိုင်းပြည်တခုနဲ့တခုမှာ မတူကြပါ။

ဆေးက ကိုယ်ဝန်ဖြစ်လာမှာကိုသာ တားဆီးတယ်။ ကိုယ်ဝန်ဖြစ်လာပြီးတာကို သက်ရောက်မှာ မဟုတ်ပါ။ ကိုယ်ဝန် ဆောင်နေတုံးမှာ ကိုယ်ကထုတ်ပေးနေတဲ့ ဟော်မုန်းတွေမှာ ဒါမျိုးလည်း ပါတယ်။ ဒီဆေးသောက်မိရင် အချိုးအဆ ပြောင်းသွားစေနိုင်တယ်။ ဒါ့ကြောင့် ကိုယ်ဝန်မရှိမှ အသောက်ခိုင်းတာ။ မတော်တဆ သောက်ခဲ့ရင် ကိုယ်ဝန်-မိခင်ကို ထိခိုက်တာအတွက် သုတေသန လုပ်ထားတာ မတွေ့သေးပါ။

Dr. တင့်ဆွေ
၁ဝ-၂-၂ဝ၁၁

Sex after delivery ကလေးဖွါးပြီး အတူနေခြင်း

21 Dec 10, 12:43
ကလေး ဗိုက်ခွဲစိတ်မွေးပြီး ဘယ်လောက်ကြာရင် ဆက်ဆံလို့ ရမလဲဆိုတာ သိချင်ပါတယ်။
• LSCS (CS) ဗိုက်ခွဲမွေးပြီးနောက် လင်-မယားအတူနေတာ တလခွဲ (၆) ပါတ်စောင့်ပါလို့ ဆရာဝန် အများဆုံးက အကြံပေးပါတယ်။
• ချုပ်ရိုးလဲကောင်း၊ ကလေးအမေလဲ နေကောင်းနေမှ ဒီရက်ကို ပြောတာပါ။
• မဟုတ်ရင် ၈-၁၂ ပါတ်ထိ စောင့်ရပါမယ်။
• အနေအထားလဲ ရွေးရင် ကောင်းပါတယ်။
• Normal labor ရိုးရိုးလမ်းကနေ ကလေးဖွါးပြီးနောက် ဘယ်တော့ ပြန်ဆက်ဆံနိုင်သလဲ ဆိုတဲ့မေးခွန်းကို ဆရာဝန် မဟုတ်သူတွေလဲ ဖြေတတ်ပါတယ်။ Folk wisdom လို့ ခေါ်တယ်။ သုတေသနလုပ် ပြောရတာ မဟုတ်ဘူး။
• ကာယကံရှင် အမျိုးသမီးကို ဆုံးဖြတ်စေသင့်တာ တရားမျှတတယ်။ သူက စောနိုင်တယ်ဆိုရင် ရတာပါ။
• ဒါ့ကြောင့် ၃ ပါတ်လို့ Williams Obstetrics က အကြံပြုတာ ရှိတယ်။
• နောက်ကျချင်သူတွေလဲ ရှိပါတယ်။
• ခွဲမွေးတာ မဟုတ်ဘဲ မွေးလမ်းကနေ မွေးပေမဲ့ Episiotyomy လမ်းကြောင်း ချဲ့မွေးရတာ၊ Tear and repair လမ်းကြောင်း စုတ်လို့ ချုပ်ရတာ၊ Forceps delivery ညှပ်ဆွဲမွေးတာ၊ Vaccum လေစုပ်ကရိယာသုံး မွေးတာတွေကိုပါ ထည့်စဉ်းစားရမယ်။
• နောက်ပြီး Lochia လို့ ခေါ်တဲ့ မွေးဖွါးပြီး ဆင်းတာက အနီရောင်ကနေ ပန်းရောင်ဖြစ်လာရင်ပြီး နည်းလာရင် သိပ်ကိစ္စမရှိတော့ပါ။
• ပုံမှန်အားဖြင့် ၂ ပါတ် ဆိုရင် အဲလိုဖြစ်လာပါပြီ။ ဆင်းတာက များမယ်၊ အနံ့အသက်ရှိမယ်၊ ဖျားနေမယ်ဆိုရင် ဆေးကုပါအုံး။
• သုတေသန မရှိတာတော့ မဟုတ်ပါ။ ၁၉၉၈ တုံးက Sexuality during Pregnancy and the Year Postpartum ဆိုတာ ထုတ်ပြန်ခဲ့တယ်။ တိတိကျကျ အားလုံးလက်ခံတဲ့ ရက်ကာလ မရှိဘူးတဲ့။ အကြမ်းဖျဉ်း ၅ ပါတ်ကနေ ၇ ပါတ်လို့ ဆိုတယ်။ ဒါတောင်မှ အမျိုးသမီး ၅ဝ% ကသာ ပြန်ဆက်ဆံမှု ပြုပါသတဲ့။
• ၆ ပါတ် စောင့်ရရင် နောက်ကိုယ်ဝန် မရစေမဲ့နည်း တခုခုသုံးရမှာကို မမေ့ပါနဲ့။

Dr. တင့်ဆွေ
၂၁-၁၂-၂ဝ၁ဝ