မဲဆောက်က မြန်မာတွေ ဖမ်းဆီးခံနေရ

ထိုင်းနိုင်ငံတွင် အလုပ်လုပ်ကိုင်ကြသည့် မြန်မာရွှေ့ပြောင်း အလုပ်သမားတချို့ကို မဲဆောက်-မြ၀တီနယ်စပ်တွင် တွေ့ရစဉ်။

ထိုင်းနိုင်ငံ မဲဆောက်မြို့က ဈေးတွေမှာ မြန်မာနိုင်ငံသားတွေကို ဈေးရောင်းချခွင့်မပြုပဲ ထိုင်းအစိုးရက လိုက်လံဖမ်းဆီးနေတယ်လို့ မဲဆောက်မှာ အလုပ်လုပ်ကိုင်နေတဲ့ မြန်မာနိုင်ငံသားတွေက ပြောပါတယ်။

မြန်မာနိုင်ငံသားတွေ ကိုယ်ပိုင်ဈေးဆိုင်တွေနဲ့ ဈေးရောင်းခွင့်မရှိဘူးလို့ပြောပြီး နေ့စဉ် ဖမ်းဆီး နေတာဖြစ်တယ်လို့ မဲဆောက်မှာ အငှားယာဉ်မောင်း လုပ်ကိုင်နေတဲ့ ကိုအချိုင်းက ပြောပါတယ်။

ရနောင်းလူသတ်မှုတွင် စွပ်စွဲခံထားရသည့် မြန်မာနိုင်ငံသား ၄ ဦး၏ DNA လုံးဝမတူ

ထိုင်း-မြန်မာ နယ်စပ်မြို့ ရနောင်းမြို့တွင်ဖြစ်ပွားခဲ့သော လူသတ်မှုတွင် ကျူးလွန်သည်ဟု စွပ်စွဲခံထားရသည့် မြန်မာနိုင်ငံသား ၄ ဦး၏ မျိုးရိုးဗီဇ DNA နှင့် သေဆုံးသူ မအဲပဲလ်ကို သတ်ဖြတ်ရာတွင် အသုံးပြုခဲ့သော တုတ်၊ ဓားများတွင် ရှိနေသည့် မျိုးရိုးဗီဇ DNA တို့မှ လုံးဝ (လုံးဝ) တူညီခြင်းမရှိကြောင်း ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (FED) မှ ထုတ်ပြန်သည်။

အဆိုပါအမှုကို လိုက်ပါဆောင်ရွက်ပေးနေသည့် ရှေ့နေများ၏ ပြောပြချက်နှင့် ၄င်းတို့ တွက်ချက်ပြမှုများအရ မိမိတို့ မြန်မာရွှေ့ပြောင်းအလုပ်သမားများသည် အပြစ်ကျူးလွန်သူများ မဟုတ်ကြောင်းနှင့် ၂၀၁၅ ခုနှစ်က ကမ္ဘာကျော် လိပ်ကျွန်းလူသတ်မှုတွင် ပါဝင်သည်ဟု စွပ်စွဲချက်ဖြင့် သေဒဏ်ကျခံနေရသည့် မောင်ဇော်လင်းနှင့် မောင်ဝေဖြိုးတို့၏အမှုထက် များစွာလွယ်ကူမည်ဟု သုံးသပ်ကြောင်း သိရသည်။
ရနောင်းလူသတ်မှု့တွင် အပြစ်ရှိသည်ဟု မတရားစွပ်စွဲခံထားရသော မြန်မာရွှေ့ပြောင်းအလုပ်သမား ၄ ဦး လွတ်မြောက်ရန်အတွက် လက်ရှိ မြန်မာနိုင်ငံအစိုးရ၊ သက်ဆိုင်ရာအဖွဲ့အစည်းများ၊ နိုင်ငံရေးပါတီများမှ နည်းလမ်းပေါင်းစုံဖြင့် အမိန့်မချမှီ အမှုရင်ဆိုင်နေချိန်ကတည်းက အားကြိုးမာန်တက်နှင့် စနစ်တကျ စုစုစည်းစည်း ၀ိုင်းဝန်းကူညီဖြေရှင်းကာ ကြိုးစားပေးသင့်ကြောင်း ထုတ်ပြန်ချက်တွင် ဖော်ပြထားသည်။
မိမိတို့ ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း (FED) အနေဖြင့်လည်း လူ့အခွင့်အရေးများ ဆုံးရှုံးခြင်း၊ လူကုန်ကူးခံရခြင်း၊ မတရားအနိုင်ကျင့်ခံရခြင်း၊ လုပ်အားခမရရှိခြင်းတို့နှင့် မတရားစွတ်စွဲမှုများခံနေရသော မြန်မာနိုင်ငံအတွင်းမှ မည်သည့်ဘာသာ၊ လူမျိုး၊ တိုင်းရင်းသားများမဆို ကိုယ်စွမ်း ဥာဏ်စွမ်းရှိသလောက် တတ်နိုင်သည့်ဘက်မှ ကူညီဆောင်ရွက်ပေးမည်ဖြစ်ပြီး မြန်မာရွှေ့ပြောင်း အလုပ်သမားများအရေးကို စိတ်ဝင်စားသည့် မည်သည့်အဖွဲ့အစည်း လူပုဂ္ဂိုလ်များနှင့်မဆို ပူးပေါင်းဆောင်ရွက်မည်ဖြစ်ကြောင်း ထုတ်ပြန်ကြေညာသည်။

ပြီးခဲ့သည့် ၂၀၁၅ ခုနှစ် စက်တင်ဘာလ ၂၈ ရက်နေ့တွင် ရနောင်းခရိုင်၊ စွိုင်လုံကျင်း ရပ်ကွက်တွင် နေထိုင်သော မိခင် (မြန်မာ) နှင့် ဖခင် (ထိုင်း) လူမျိုးတို့၏ သမီးထိုင်း-မြန်မာ ကပြားမလေး အက်ပဲလ်(ခ) အိပုတ် အသက်(၁၆)နှစ်အရွယ် ထိုင်းအထက်တန်းကျောင်းသူလေး အသတ်ခံခဲ့ရသည့် အမှုကို ရနောင်းခရိုင် ရဲတပ်ဖွဲ့မှ အမှုဖြစ်ပွားခဲ့သည့်ပတ်ဝန်းကျင်ရှိ ထိုင်းနှင့် မြန်မာရွှေ့ပြောင်း အလုပ်သမားများကြား တစ်လခန့် စုံစမ်းစစ်ဆေးမှုများပြုလုပ်ခဲ့သော်လည်း ပြစ်မှုကျူးလွန်သူများကို ဖမ်းဆီးနိုင်ခြင်းမရှိဘဲ ၂၀၁၅ ခုနှစ် အောက်တိုဘာလ ၂၀ ရက်တွင် ထိုင်းရဲတပ်ဖွဲ့များ၏ လုပ်ရိုးလုပ်နည်းအတိုင်း ဘာသာစကားမတတ်သည့် မြန်မာရွှေ့ပြောင်း အလုပ်သမား ၄ ဦးကို ဖမ်းဆီးအရေးယူခဲ့ကြောင်း သိရသည်။
ဝသန်
The Ladies News

အလုပ်သမားခုံသမာဓိကောင်စီနှင့် အလုပ်သမား ကိုယ်စားလှယ် ရွေးချယ်မှု ပြန်လည်သုံးသပ်မည်

အလုပ်သမားကိုယ်စားလှယ်များ ရွေးချယ်မှုနှင့်ပတ်သက်၍ ဆွေးနွေးနေကြစဉ် (ဓာတ်ပုံ - မိုးမင်း)

အလုပ်သမားအငြင်း ပွားမှုကို ဖြေရှင်းဆောင်ရွက်ရ မည့် ခုံသမာဓိကောင်စီ၊ အလုပ် သမားကိုယ်စားလှယ်ရွေးချယ်မှု ကို ပြန်လည်သုံးသပ်သွားမည်ဖြစ် ကြောင်း ရန်ကုန်တိုင်းဒေသကြီး ရခိုင်တိုင်းရင်းသားရေးရာနှင့်အလုပ်သမားဝန်ကြီး  ဦးဇော်အေးမောင် ကပြောသည်။

ခုံသမာဓိကောင်စီ၊ အလုပ် သမားကိုယ်စားလှယ်ရွေးချယ်မှု ကို ဇူလိုင် ၁၂ရက်တွင် ပြုလုပ်ခဲ့ ရာ အလုပ်သမားအဖွဲ့ချုပ်တစ်ခု တည်းမှ တင်သွင်းသည့်ကိုယ်စား လှယ်များသာရွေးချယ်ခံရသည့် အပေါ် အငြင်းပွားမှုနှင့် ကန့်ကွက် မှုများရှိခဲ့၍ ပြန်လည်သုံးသပ်သွားမည်ဟု ၎င်းကပြောသည်။

  ‘‘ကန့်ကွက်တဲ့အသံတွေ ထွက်တာနဲ့ ပတ်သက်လို့ ကန့် ကွက်ရတဲ့အကြောင်းအရင်းဖြစ် တဲ့အလုပ်သမားတွေ အသံနား ထောင်တယ်။ ဒီရွေးချယ်ပွဲမှာဘာ တွေလိုအပ်ချက်ရှိခဲ့လဲ၊ ဘာတွေ ပြင်ဆင်ဖို့လိုလဲပေါ့။ အလုပ်သ မားတွေ တင်ပြတဲ့တင်ပြချက်ကို ပြည်ထောင်စုဝန်ကြီးကို တင်ပြ မယ်။ အခုရွေးကောက်ပွဲရလဒ် ဘယ်လိုသတ်မှတ်မလဲဆိုတာဝန် ကြီးက ဆုံးဖြတ်ပါလိမ့်မယ်’’ဟု ဦးဇော်အေးမောင်က ဇူလိုင် ၃၁ရက်တွင် ဒဂုံမြို့သစ်မြောက်ပိုင်းပင်လုံခန်းမ၌ ပြုလုပ်သောအဆိုပါရွေးချယ်ပွဲနှင့်ပတ်သက်၍ ၀န်ကြီးဌာနတာဝန်ရှိသူများနှင့်ကန့်ကွက်သူများ တွေ့ဆုံဆွေးနွေးပွဲတွင်ပြောသည်။

ခုံသမာဓိကောင်စီ၊အလုပ် သမားကိုယ်စားလှယ်ရွေးချယ်ပွဲ ပြုလုပ်ရာတွင် အလုပ်သမားအဖွဲ့ အစည်းဝင်များထံ ဖိတ်စာများမ ရောက်ရှိခြင်းကြောင့် ရွေးချယ်ပွဲ ပြုလုပ်ကြောင်း မသိလိုက်ရသ ဖြင့် အလုပ်သမားကိုယ်စားလှယ် ရွေးချယ်မှုသည် ပွင့်လင်းမြင်သာ မှုမရှိဟုဆိုကာ အဆိုပါတွေ့ဆုံပွဲ ၌ တက်ရောက်ခဲ့ကြသည့်အ လုပ်သမားခေါင်းဆောင်အချို့က ဝေဖန်ထောက်ပြခဲ့ကြသည်။

အလုပ်သမား ကိုယ်စား လှယ်အဖြစ် ခုံသမာဓိကောင်စီအ တွက် ရွေးချယ်ခံရသူငါးဦးမှာ မြန် မာနိုင်ငံလုံးဆိုင်ရာအလုပ်သမားသမဂ္ဂများအဖွဲ့ချုပ်(CTUM)မှ အဖွဲ့ဝင်များဖြစ်နေခြင်းကြောင့် အခြားအလုပ်သမား အဖွဲ့အစည်းများအပေါ် လက်ဝါးကြီးအုပ်မှုဖြစ်သည်ဟုလည်း ၎င်းတို့က စွပ်စွဲကြသည်။

‘‘ဒီအလုပ်သမားကိုယ်စား လှယ်ရွေးချယ်မှုက အလုပ်သမား အားလုံးကို ကိုယ်စားပြုတဲ့ရွေး ချယ်မှုပဲဖြစ်သင့်တယ်’’ဟု လှိုင် သာယာမြို့နယ်အလုပ်သမားအ ငြင်းပွားမှုညှိနှိုင်းဖျန်ဖြေရေးအဖွဲ့ မှ ကိုယ်စားလှယ် မ၀င်းသိင်္ဂီစိုးကပြောသည်။

အဆိုပါ အလုပ်သမားအ ငြင်းပွားမှုဖြစ်စဉ်များကိုဖြေရှင်း ဆောင်ရွက်ရမည့် ခုံသမာဓိ ကောင်စီတွင် အစိုးရ၊ အလုပ်ရှင်၊ အလုပ်သမားကိုယ်စားလှယ်ငါး ဦးစီဖြင့် ဖွဲ့စည်းခြင်းဖြစ်သည်။

ပထမဆုံးခုံသမာဓိကောင်စီ ရွေးချယ်ပွဲကို ၂၀၁၂တွင် လည်းကောင်း၊ ဒုတိယရွေးချယ်ပွဲကို ၂၀၁၄တွင်လည်းကောင်းပြုလုပ်ခဲ့ပြီး ယခုတတိယအကြိမ်မြောက်ရွေးချယ်မှုပြုလုပ်ခြင်းဖြစ်သည်။

ယင်းအဖွဲ့၏ သက်တမ်းမှာ ၂နှစ်ဖြစ်ပြီး ဒုတိယအကြိမ်ရွေးချယ်ခံရသူများသည် အောက်တိုဘာလတွင် သက်တမ်းပြည့်မည်ဖြစ်ကြောင်း သတင်းရရှိသည်။

ယင်းအဖွဲ့အတွက် အလုပ် ရှင်ကိုယ်စားလှယ်ရွေးချယ်မှုတွင် တစ်စုံတစ်ရာအငြင်းပွားမှုမရှိခဲ့ဘဲ အလုပ်သမားကိုယ်စားလှယ်ရွေးချယ်ရာ၌ ထိုသို့မကျေလည်မှုများဖြစ်လာခဲ့ရကြောင်း အလုပ်သမားညွှန်ကြားရေးဦးစီးဌာနညွှန်ကြားရေးမှူးချုပ်ဦးမျိုးအောင်က ပြောသည်။

‘‘အခုလိုဖြစ်ရတဲ့အကြောင်း ရင်းမှာ ၀န်ကြီးဌာနရဲ့အားနည်း ချက်ကြောင့်လည်းပါတယ်။ အခု ပြည်တွင်းအလုပ်သမားဥပဒေ ရေးရာကိစ္စတွေက အားကောင်း အောင်အစပြုတဲ့အဆင့်ပဲရှိသေး တယ်။ လိုအပ်ချက်တွေရှိနေတဲ့ ကြားက ဌာနအနေနဲ့ကလည်း ဘယ်ဘက်မှ ထိခိုက်နစ်နာမှုမရှိ အောင် ထိန်းညှိဆောင်ရွက်နေရ တာကိုလည်း နားလည်ပေးစေချင် တယ်’’ဟု ၎င်းကပြောသည်။

ယခုဖြစ်ပေါ်ရသော အ ကြောင်းရင်းများတွင် ရွေးကောက် ပွဲပြုလုပ်ရန်ကြိုတင်စီမံချက်ရေး ဆွဲလုပ်ဆောင်မှုအားနည်းချက် များရှိခဲ့၍ နောင်ပြုလုပ်သည့်အကြိမ်များတွင် ပိုမိုစနစ်တကျဖြစ်စေရန် ပြင်ဆင်ဆောင်ရွက်သွားမည်ဟု ဦးမျိုးအောင်က ဆက်လက်ပြောကြားသည်။

အဆိုပါခုံသမာဓိကောင်စီ အတွက် အလုပ်သမားကိုယ်စား လှယ်ရွေးချယ်မှုအပေါ်လက်မခံ သည့်အလုပ်သမားအဖွဲ့အစည်း အချို့က ယင်းနေ့မွန်းလွဲပိုင်း၌ ရန်ကုန်မြို့တော်ခန်းမရှေ့တွင် ဆန္ဒထုတ်ဖော်ခဲ့ကြသည်။

ခုံသမာဓိ အလုပ်သမား ကိုယ်စားလှယ်ရွေးချယ်မူ နဲ့ပက်သက်ပြီး အလုပ်သမား သမဂ္ဂ ကွန်ရက် ဆန္ဒပြဖော်ထုတ်မူ ရပ်ဆိုင်းခြင်းခံရ

ခုံသမာဓိ အလုပ်သမား ကိုယ်စားလှယ် ရွေးချယ်မူ နဲ့ ပက်သက်ပြီး အလုပ်သမား သမဂ္ဂ ကွန်ရက်က ဆန္ဒထုတ်ဖော်ခဲ့ရာ မြို့နယ် ရဲတပ်ဖွဲ့ရဲ့ တားမြစ်မူကြောင့် ဆန္ဒပြမူ ရပ်ဆိုင်းခဲ့ရပါတယ်။

" နေရာက ကျွန်တော်တို့ ခွင့်ပြုထားတဲ့ နေရာ မဟုတ်ပါဘူး။ ဗိုလ် စိန်မှန် ကွင်းမှာ ပါ" လို့ ကျောက်တံတားမြို့နယ်က ရဲအရာရှိ ဦးသန်းဌေးက အဆိုပါ စုဝေးရာနေရာမှာ ရပ်ဆိုင်းဖို့ ပြောဆိုခဲ့ပါတယ်။

ခုံသမာဓိအဖွဲ့ အလုပ်သမား ကိုယ်စားလှယ် နှင့် ခုံသမာဓိ ကောင်စီ အလုပ်သမား ကိုယ်စားလှယ် ရွေးချယ် ပွဲနှင့် ပက်သက်ပြီး အလုပ်သမဂ္ဂ ကွန်ရက်က မကျေနပ်တာကြောင့် သည်ကနေ့ နေ့ တစ်နာရီခွဲက စပြီး မဟာဗန္ဓုလ ပန်းခြံရှေ့မှာ လူအင်အား သုံးရာကျော် ဆန္ဒဖော်ထုတ်ခဲ့ကြပါတယ်။ 

အဆိုပါ ဆန္ဒပြပွဲကို ဦးဆောင်တဲ့ မလှလှက ဒီနေရာမှာ ဆန္ဒပြဖို့ အထွေထွေ အုပ်ချုပ်ရေးမှူး ရုံးကို လျောက်ထားခဲ့တာဖြစ်ပါတယ်။အ ခုမှ ရဲစခန်းက တာမွေက ဗိုလ်စိန်မှန်ကွင်းမှာ ခွင့်ပြုပေးတာဖြစ်ပြီး အလုပ်သမား တွေရဲ့ ရှေ့ရေးအတွက် သက်ဆိုင်ရာက တရားဝင်တားလို့ ရပ်ဆိုင်းလိုက်တာပါလို့ ပြောပါတယ်။

author မေဘယ်လ် နေရဲရင့်
photo ကိုမျိုးခိုင်

အိမ်ပြန်မြန်မာလုပ်သားများ ငွေညစ်နေသော ထိုင်းရဲတပ်ဖွဲ့ဝင်နှင့် AAC တို့ မဲဆောက် -မြဝတီ ချစ်ကြည်ရေးတံတားအနီးမှာ ထိပ်တိုက်တွေ့ဆုံ။

  ထိုင်းနိင်ငံ မဲဆောက် မြဝတီနယ်စပ် ချစ်ကြည်ရေး တံတားအနီး ကားမှတ်တိုင်မှာ
နေ့စဉ်မနက်တိုင်း စောင့်၍ အိမ်ပြန် မြန်မာလုပ်သားတွေကို မြန်မာအလုပ်သမား များအား အကြောင်းမဲ့ ငွေညှစ်နေသော မဲဆောက် ရဲများနှင့် မြန်မာသံရုံး အလုပ်သမား ကူညီစောင့်ရှောက်ရေးကော်မတီ ''AAC''တို့ ထိပ်တိုက် တွေ့
ခဲ့ကြောင်း သိရပါတယ်။ 

လက်မှတ်များပြည့်စုံပါလျှက်နဲ့ ဖမ်းဆီးငွေညှစ်ခံနေကြောင်း အိမ်ပြန်မြန်မာလုပ်သား တဦးက ဖုန်းဆက်အကူအညီတောင်းခံလာရာ AAC အဖွဲ့ဝင် ကိုရဲမင်းနှင့် ကိုကိုနိုင်တို့က ချက်ချင်းလိုက်သွားပြီး မဲဆောက်ထိုင်းရဲများနှင့် ထိပ်ထိုက်တွေ့ဆုံ ခဲ့တယ်လို့ AAC ရဲမင်းက ဆိုပါတယ်။

ဘာကြောင့်ဖမ်းဆီးလဲ ဘာအပြစ်ရှိလို့လဲ စာရွက်စာတမ်း ပြည့်စုံပါလျှက်နဲ့ ဘာဖြစ် လို့ ငွေးတောင်းခံသလဲ စသဖြင့် AAC က မေးမြန်းခဲ့ရာ ပြန်မဖြေနိုင်တဲ့ ထိုင်းရဲများက အလုပ်သမားထံမှ မတရား ရယူထားသော ငွေများကို ပြန်ပေး ခဲ့ရတယ်လို့ သိရပါတယ်။

အိမ်ပြန်မြန်လာလုပ်သားတွေကို ဝါ့ပါ့မစ်သက်တမ်း ကုန်တယ်ဆိုပြီး ဘတ် ၁၀၀၀၊ ထော်လော်ဆန်စိပဲ့ မပါလို့ ဆိုပြီး ဘတ်ငွေ ၅၀၀၊ ရက် ကိုးဆယ် တုံးထုရန် ၁ ရက်ကျော်လွန်တယ်လို့ပြီး ဘတ်ငွေ ၂၀၀၀ အသီးသီး တောင်းခဲ့တယ်လို့ ဆိုပါ တယ်။

ယ္ခု လိုစောင့်ပြီး ဆက်ဖမ်းနေမယ်ဆိုရင် အထက်လူကြီးများကို တိုင်ကြား သွားမယ်လို့ AACက ပြောဆိုလိုက်ရာ ထိုင်းရဲများက စစ်ဆေးနေခြင်းကို ချက်ချင်း ရပ်လိုက်ပြီး ပြန်လည်တောင်းပန်ခဲ့တယ်လို့ သိရပါတယ်။ 

ပုံစာ- အိမ်ပြန်မြန်မာလုပ်သားများအား မဲဆောက်တံတားအနီး စောင့်ဖမ်းသော ထိုင်းရဲများနှင့် ရင်ဆိုင်နေသော AAC အဖွဲ့ဝင် ရဲမင်းနှင့် ကိုကိုနိုင် PHOTO-AAC