မလေးမှာ မြန်မာအလုပ်သမားတွေ ဖမ်းဆီးခံရ

19 July 2016

မလေးရှားနိုင်ငံ ကွာလာလမ်ပူမြို့မှာ တရားမဝင်နေထိုင်သူတွေကို ဖမ်းဆီးတဲ့စီမံချက်အရ ၂ဝ၁၃ စက်တင်ဘာ ၂ ရက်နေ့က ရဲဖမ်းဆီးထားတဲ့ မြန်မာနိုင်ငံသားတချို့ကို တွေ့ရစဉ်

မလေးရှားနိုင်ငံမှာ ဒီတစ်ပတ်အတွင်း မြန်မာနိုင်ငံသား ၁၅၀ လောက် ဖမ်းဆီးထိန်းသိမ်းခံထားရတယ်လို့ ကပုန်း ၇ ရက် သားသမီးနာရေးကူညီမှုအသင်း တာဝန်ရှိသူတွေက ပြောပါတယ်။

ဖမ်းဆီးခံရတဲ့ အလုပ်သမားတွေထဲက တရားဝင်အလုပ်လုပ်ခွင့်ရှိထားသူတွေကို ပြန်လွှတ်မှာဖြစ်ပြီး တရား မ၀င်နေထိုင်သူတွေဟာ ထောင် သုံးလကနေ ၆ လအထိ ကျခံရနိုင်တယ်လို့ ကပုန်း ၇ ရက် သားသမီး နာရေးကူညီမှုအသင်း ဥက္ကဌ ဦးဆန်းဝင်း က ပြောပါတယ်။

ပြီးခဲ့တဲ့ ဇူလိုင် ၁၆ရက်နေ့က ကွာလာလမ်ပူမြို့က မိုင်းကုန်တိုက်မှာ မြန်မာအလုပ်သမား ၆၀ ကျော်၊ မနေ့ညက ပီနမ်ခရိုင်က ဘီအမ်ပလာဇာမှာ မြန်မာအလုပ်သမား ၈၀ ကျော် အဖမ်းခံရတာဖြစ်ပါတယ်။

မလေးရှားအစိုးရက ဇန်န၀ါရီကနေ ဇွန်လအထိ တရားဝင်အလုပ်လုပ်ခွင့် ပါမစ်လျှောက်ထားခွင့် ပြုထား တာဖြစ်ပါတယ်။ အခုသတ်မှတ်ထားတဲ့ကာလ ကုန်ဆုံးသွားတဲ့အတွက် တရားမ၀င် လုပ်ကိုင်နေသူတွေကို ဖမ်းဆီးတာဖြစ်ပါတယ်။

တရားဝင်အလုပ်လုပ်ခွင့်လျှောက်ထားမယ်ဆိုရင် မလေးရှားငွေ ရင်းဂစ် ၆ ထောင်လောက်(မြန်မာငွေ ကျပ် ၁၈ သိန်းကနေ သိန်း ၂၀ အထိ) ကုန်ကျတာဖြစ်ပြီး ပွဲစားတွေရဲ့ အလိမ်ခံရတာတွေရှိတာကြောင့် မြန်မာအလုပ် သမားတွေ ပါမစ်လျှောက်ထားဖို့ အခက်အခဲရှိနေတာဖြစ်ပါတယ်။

မလေးရှားနိုင်ငံမှာ သွားရောက်အလုပ်လုပ်ကိုင်နေတဲ့ မြန်မာနိုင်ငံသား ၂သန်းကျော်ရှိပြီး အဲ့ဒီထဲမှာ တရားဝင်သွားရောက်လုပ်ကိုင်သူ တစ်သန်းလောက်ရှိပါတယ်။

RFA Burmese

မလေးရှားရောက် မြန်မာလုပ်သားများ ကူညီရေး သံရုံးဦးစီး

20 July 2016

တစ်နိုင်ငံလုံးအတိုင်းအတာနဲ့ မလေးရှားရောက် မြန်မာအလုပ်သမားတွေ ကြုံနေရတဲ့ အခက်အခဲ ပြဿနာတွေကို အချိန်နဲ့တပြေးညီ ကူညီဖြေရှင်းပေးရေး မလေးရှားနိုင်ငံဆိုင်ရာ မြန်မာသံရုံးက မြန်မာသံအမတ်ကြီး စစ်သံမှူးတို့ဦးဆောင်ပြီး မလေးရှားရောက် မြန်မာလူမှုအဖွဲ့အစည်း (၅၀) ကျော် ပူးပေါင်းပါဝင်တဲ့ မြန်မာနိုင်ငံသားများ ကာကွယ်စောင့်ရှောက်ရေးအဖွဲ့ စတင် ဆောင်ရွက်နေပြီ ဖြစ်ပါတယ်။

အစိုးရသစ်လက်ထက် ပထမဆုံး မြန်မာအစိုးရ သံအရာရှိတွေနဲ့ အလုပ်သမား ကိုယ်စားလှယ်တွေ ပူးပေါင်းပြီး အလုပ်သမားရေး ဆောင်ရွက်ကြတာလည်း ဖြစ်ပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန်က ပြောပြပေးပါမယ်။
မလေးရှားနိုင်ငံကို သွားရောက် အလုပ်လုပ်ကိုင်နေကြတဲ့ မြန်မာအလုပ်သမားတွေရဲ့ အခက်အခဲ ပြဿနာတွေကို ကူညီဖြေရှင်းပေးနိုင်ဖို့ မလေးရှားနိုင်ငံဆိုင်ရာ မြန်မာသံရုံးက မြန်မာသံအမတ်ကြီး၊ ဒုသံအမတ်ကြီး၊ စစ်သံမှုးနဲ့ အတွင်းဝန်တို့ ဦးဆောင်တဲ့ မြန်မာနိုင်ငံသားများ ကူညီစောင့်ရှောက်ရေး အဖွဲ့ကို ဒီသီတင်းပတ်ထဲ ယာယီ ဖွဲ့စည်းလိုက်ပါတယ်။

ဒီအဖွဲ့ထဲမှာ မလေးရှားနိုင်ငံရောက် မြန်မာလူမှုအဖွဲ့အစည်း ငါးဆယ်ကျော် ပူးပေါင်းပါဝင်ပြီး ကွာလာလမ်ပူ၊ ပီနန်၊ မလေးနယ်စပ် ဂျိုဟိုး ခရိုင်တွေမှာ ဇုန်ကြီးသုံးဇုန်ခွဲပြီး ကူညီဆောင်ရွက် သွားမှာဖြစ်တယ်လို့ ကွာလာလမ်ပူ တာဝန်ခံအဖြစ် ဆောင်ရွက်မယ့် ကပုန်းနာရေးကူညီမှုအသင်း ဥက္ကဋ္ဌ ဦးဆန်းဝင်းက ဗွီအိုအေ မြန်မာပိုင်းကို အခုလို ပြောပါတယ်။
“နာယကအနေနဲ့ကတော့ သံအမတ်ကြီး၊ ဒုတိယ သံအမတ်ကြီးနဲ့ စစ်သံမှူးကနေပြီးတော့ ပါဝင်ပါတယ်။ သံရုံးကနေပြီးတော့ အတွင်းဝန် ဦးတင်ဝင်းအောင်နဲ့ အလုပ်သမားရေးရာ သံအရာရှိတို့ ပါဝင်ပါတယ်။ အဖွဲ့ဝင်တွေအနေနဲ့ကတော့ ကျနော်တို့ ဇုန် (၃) ဇုန် လောလောဆယ် ခွဲထားပါတယ်။ ဇုန် (၃) ဇုန်မှာဆိုရင် ကွာလာလမ်ပူဇုန်ရယ်၊ ပီနန်းဇုန်ရယ်၊ ဂျိုဟိုးဘာတူးလို့ခေါ်တဲ့ စင်ကာပူနယ်စပ်မှာရှိတဲ့ ဇုန်တဇုန်ဆိုပြီး၊ ဇုန် (၃) ဇုန်ခွဲထားပြီး ထောက်ခံမဲ ရရှိတဲ့ လူ ၃ ယောက်ကို သူတို့ ရွေးချယ်ပြီး ခေါင်းဆောင်အနေနဲ့ တင်ထားပါတယ်။ နောက်ပြီး ကွာလာလမ်ပူက ကျနော် ဦးဆောင်ပါမယ်ခင်ဗျ။ ထိုင်းနယ်စပ်ဘက်၊ ပီနန်းဘက်မှာဆိုရင် ဒါနကုသလ နာရေးကူညီမှုအသင်းက ဦးဆောင်မှာ ဖြစ်ပါတယ်။ ကျနော်တို့ ဂျိုဟိုးဘာထူးမြို့ဘက်၊ စင်ကာပူနယ်စပ်ဘက်မှာဆိုရင်တော့ အသောက ကျန်းမာရေး ဖောင်ဒေးရှင်းက ဦးဆောင်ပါမယ်ခင်ဗျ။”

မလေးရှားရောက် မြန်မာအလုပ်သမားတွေ ကြုံတွေ့နေရတဲ့ ကျန်းမာရေး၊ ထိခိုက်ဒဏ်ရာရတာတွေ၊ မတော်တဆ ထိခိုက်သေဆုံးမှု၊ အသတ်ခံရမှုစတဲ့ နာရေး၊ အလုပ်လုပ်ခွင့်ဆိုင်ရာ လက်မှတ် အထောက်အထား မခိုင်လုံလို့ အချုပ်၊ ထောင်နဲ့ ထိန်းသိမ်းရေးစခန်းတွေမှာ ဖမ်းဆီးထိန်းသိမ်းခံနေရတဲ့ အချိန် ကြုံနေရတဲ့ အခက်ခဲတွေနဲ့ အမိနိုင်ငံကို ပြန်ခွင့်ရရေး စတဲ့ အခက်အခဲတွေကို မြန်မာသံရုံးရဲ့ တာဝန်ခံမှုနဲ့ ထိထိရောက်ရောက် ထဲထဲဝင်ဝင် ဖြေရှင်းနိုင်တော့မှာ ဖြစ်တယ်လို့ ပီနန်တာဝန်ခံ ဒါနကုသလမြန်မာအဖွဲ့ ဥက္ကဋ္ဌ ဦးရဲမင်းထွန်းကလည်း ပြောပါတယ်။

 “ဒီလို ပူးပေါင်းတဲ့အတွက်ပေ့ါနော်၊ သုံရုံးအနေနဲ့ပေါ့နော် အနောက်ကနေ Supporting (ထောက်ခံ) ပေးတဲ့အတွက် အရမ်းကို ကောင်းမွန်ပါတယ်။ ကောင်းမွန်တယ်ဆိုတာ ကျနော်တို့က အရင်တုန်းက ရဲစခန်းဝင်တာတို့၊ Immigration (လူဝင်မှုကြီးကြပ်ရေး) ရုံးတွေ ၀င်တဲ့အခါကျတော့ ကျနော်တို့ အသင်းရဲ့ ကဒ်နဲ့ပဲ ကျနော်တို့က ၀င်ရတာပေါ့။ ကျနော်တို့ I.D. နဲ့ပဲပေါ့။ သိပ်ပြီးတော့ ပါဝါက မထိရောက်ဘူးပေါ့။ ပြောရရင်တော့ လေးစားမှု သိပ်မခံရဘူးပေါ့နော်။ အခုလိုမျိုး သံရုံးအနေနဲ့ Authority (အခွင့်အဏာ) ပေးပြီးတော့ ပေးလုပ်မယ်၊ ရဲတွေနဲ့လည်း ပေးတွေ့တဲ့အခါကျတော့ သူတို့ရဲ့ ဆက်ဆံမှုအပိုင်းမှာလည်း ကျနော်တို့ကို ပြောင်းလဲသွားတယ်။ ပြောရရင်တော့ အနောက်ကနေ အင်အားတခုရှိသလိုပေါ့ ခံစားရတာပေါ့ ကျနော်တို့အနေနဲ့လည်း။ နောက်ပြီးတော့ ၀င်ရ ထွက်ရတာလည်း လွယ်ကူတယ်၊ နယ်မြေခံရဲတွေနဲ့လည်း ကျနော်တို့က အခု Contact (ဆက်သွယ်ရမယ့်သူ) တွေ၊ မနေ့က ကျနော်တို့ ကလေးတွေ တွေ့ဖို့ လိုက်လုပ်ရင်းနဲ့ တခါထဲ ကျနော့်ကို အပ်ပေးတဲ့အခါကျတော့ နယ်မြေခံရဲတွေကလည်း ကျနော်တို့ကို အသိအမှတ်ပြုတဲ့အခါကျတော့ နောက်ပိုင်းလုပ်တဲ့ Case တခုခု၊ မြန်မာပြည်သား တယောက်ယောက်၊ တခုခုဖြစ်ပြီဆိုတာနဲ့ သူတို့က ကျနော်တို့ကို စတင် အကြောင်းကြားမယ်။ အကြောင်းကြားတဲ့အချိန်မှာ ကျနော်တို့ပါ သူတို့နဲ့ ၀င်ပြီးတော့ ပူးပေါင်း ဆောင်ရွက်မယ်ဆိုတဲ့အခါကျတော့ ပိုပြီးတော့ အလုပ်သမားအရေးကို ထိထိရောက်ရောက် ကူညီနိုင်တာပေါ့။ ပိုပြီးတော့လည်း မြန်ဆန်အောင် လုပ်ဆောင်လို့ ရတာပေါ့။”

အရင်တုန်းကတော့ မြန်မာအစိုးရသံရုံးဘက်က အချိန်နဲ့တပြေးညီ ဖြေရှင်းနိုင်မှု ပူးပေါင်းဆောင်ရွက်မှု အားနည်းခဲ့ပေမဲ့လို့ အခုလိုမျိုး အစိုးရသစ်လက်ထက်မှာ သံရုံးဘက်က အလုပ်သမားရေး ဆောင်ရွက်နေသူတွေနဲ့ အတူ လက်တွဲ ဆောင်ရွက်လာတဲ့အတွက် ပိုပြီးတော့မှ အဆင်ပြေ ချောမွေ့လာတယ်လို့လည်း ကွာလာလမ်ပူ တာဝန်ခံ ဦးဆန်းဝင်းက ပြောပါတယ်။

“အခု အစိုးရလက်ထက်မှာ ရုံးပိတ်ရက်တွေ ဖြစ်နေပါစေဦး သွားပြောတာနဲ့ ချက်ခြင်း သူတို့က စာတွေ ထုတ်ပေးတယ်၊ လိုက်လံကြည့်ရှုတယ်ပေါ့လေ။ အဲဒီတော့ ကျနော်တို့ ဖြစ်ပါတယ်။ အခုလို ဖွဲ့စည်းလိုက်တဲ့အခါမှာ သံအမတ်ကြီးအနေနဲ့ ဒီ မလေးရှား ရဲတို့၊ လ၀ကတို့၊ ဆေးရုံ ဆေးခန်းတို့ကို အချိန်မှီဝင်ရောက်ပြီး ကူညီပေးနိုင်ဖို့အတွက် စာရွက် စာတမ်းတွေကို ထုတ်ပေးထားမယ်၊ လိုအပ်တဲ့နေရာမှာဆိုရင် သူတို့နဲ့ နီးစပ်ရင် ချက်ခြင်း အချိန်ပိုင်းအတွင်းကို ရောက်အောင် လာခဲ့ပြီး သံရုံးအနေနဲ့လည်း ကူညီ ဆောင်ရွက်မယ်ဆိုတာကို ပြောထားပါတယ်။”

မလေးရှားနိုင်ငံကို နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လာရောက်မယ်ဆိုတဲ့ သတင်းတွေ ထွက်ပေါ်နေတဲ့အတွက်လည်း အလုပ်သမားတွေဘက်က သူတို့ကြုံတွေ့ရင်ဆိုင်နေရတဲ့ အလုပ်သမားရေး အခက်အခဲတွေကို ဒေါ်အောင်ဆန်းစုကြည်ဘက်က ကူညီဖြေရှင်းပေး နိုင်မယ်လို့လည်း ယုံကြည် မျှော်လင့်နေကြကြောင်း အလုပ်သမားရေး လှုပ်ရှားသူတွေက ပြောပါတယ်။
အခုဆိုရင် မလေးရှားနိုင်ငံမှာ အကြောင်းအမျိုးမျိုးနဲ့ လာရောက် အလုပ်ကိုင်နေသူပေါင်းက သိန်းချီရှိနေပြီး မလေးရှားနိုင်ငံတွင်းက လူဝင်မှုထိန်းသိမ်းရေး စခန်းတွေမှာ ဖမ်းဆီးထိန်းသိမ်း ခံထားရတဲ့ မြန်မာတွေက ထောင်ချီ ရှိနေတယ်လို့လည်း သိရပါတယ်။ အခုဆိုရင်တော့ ထိန်းသိမ်းရေးစခန်းထဲ ဒုက္ခရောက်နေတဲ့ မြန်မာတွေ နေရပ်ရင်း အမြန်ဆုံးပြန်နိုင်ရေး မြန်မာသံရုံးနဲ့ အလှူရှင်တွေ၊ လူမှုအဖွဲ့အစည်းတွေ ပူးပေါင်းပြီးလည်း ဆောင်ရွက်နေချိန် ဖြစ်ပါတယ်။

 မဆုမွန် / ဗွီအိုအေ (မြန်မာပိုင်း)

အလုပ်ရှင် အလုပ်သမား ခုံသမာဓိကောင်စီဝင် ရွေးချယ်ပွဲကို အလုပ်သမားအဖွဲ့ငါးဖွဲ့ သပိတ်မှောက်ကန့်ကွက်

Thursday, July 14, 2016
jaketaw85

အလုပ်ရှင်နှင့် အလုပ် သမားအကြား အငြင်းပွားမှုများ ကို ဖြေရှင်းပေးမည့် ခုံသမာဓိ ကောင်စီဝင်ရွေးချယ်ပွဲကို ဇူလိုင် ၁၂ ရက်က ရွှေပြည်သာမြို့နယ် ကနောင်ခန်းမ၌ ပြုလုပ်ခဲ့ရာ အ လုပ်သမားသမဂ္ဂအဖွဲ့ချုပ်ခြောက် ခုတက်ရောက်ခဲ့သည့်အနက် ငါး ခုမှာ အဆိုပါရွေးချယ်ပွဲကို ကန့် ကွက်၍ ခန်းမအတွင်းမှ ပြန်လည် ထွက်ခွာခဲ့ကြောင်း သပိတ်မှောက် ခဲ့သော အလုပ်သမားသမဂ္ဂ တာ ၀န်ရှိသူများကပြောသည်။

‘‘ရွေးချယ်ပွဲထဲရောက်မှသိရ တာတစ်ခုက အဖွဲ့စုံ၊ သမဂ္ဂစုံ မ တက်ရောက်နိုင်ကြဘူးဆိုတာ။ ၀န်ကြီးဌာနက ဒီရွေးချယ်ပွဲအ တွက် နိုင်ငံပိုင်သတင်းစာ၊ Sky Net ရုပ်သံလိုင်းတွေကတစ်ဆင့် ထုတ်ပြန်ကြေညာတယ်လို့ ပြော တယ်။ သိပြီး မလာတာရှိသလို မသိလို့မလာတဲ့ အဖွဲ့အစည်းတွေ လည်း အများကြီးရှိပါတယ်။ အဲဒီ အတွက် အစ်ကိုတို့ကရက်နောက် ဆုတ်ပေးဖို့ပြောတယ်။ မရတာနဲ့ သပိတ်မှောက်ပြီး ထွက်လာခဲ့ တာ’’ဟု မြန်မာနိုင်ငံ စက်မှုလက် မှုနှင့် ၀န်ဆောင်မှု လုပ်ငန်းပေါင်း စုံသမဂ္ဂအဖွဲ့ချုပ် (MICS)ဒုဥက္ကဋ္ဌ ဦးနော်အောင်ကပြောကြားသည်။

အဆိုပါရွေးချယ်ပွဲတွင် မြန် မာနိုင်ငံလုံးဆိုင်ရာ အလုပ်သမား သမဂ္ဂများအဖွဲ့ချုပ် (CTUM) ၏ အဖွဲ့ဝင်အလုပ်သမား အများစု သာ ခန်းမအတွင်းကျန်ရှိခဲ့ပြီး ၎င်း တို့က ဆက်လက်၍ မဲပေးရွေး ချယ်ခဲ့သောကြောင့် ခုံသမာဓိ ကောင်စီဝင်အဖြစ် CTUM တင် မြှောက်သော ရွေးချယ်ခံငါးဦးပေါ် ထွက်လာခဲ့သည်။

‘‘အစ်မတို့အဖွဲ့ချုပ်က ရွေး ချယ်လိုက်တဲ့ ပုဂ္ဂိုလ်ငါးဦးရဲ့ လို အပ်တဲ့ အချက်အလက် Form တွေဖြည့်ပြီး ၀န်ကြီးဌာနကိုတင် လိုက်ပြီ။ ကန့်ကွက်တဲ့သူ အဖွဲ့ အစည်းတွေကတော့ သူတို့လုပ် ချင်တာလုပ်ကြတာပေါ့။ အစ်မ တို့အနေနဲ့က အလုပ်သမားထု အတွက် လုပ်စရာတွေ ဆက်လုပ် သွားမယ်။ ယုံကြည်ချက်ရှိရှိနဲ့ ဆက်လျှောက်လှမ်းမယ်’’ဟု CTUM နိုင်ငံလုံးဆိုင်ရာ စည်းရုံးရေးမှူး တာဝန်ခံ ဒေါ်ခင်စုစုလှိုင်ကပြောသည်။

CTUM က ရွေးချယ်တင် မြှောက်သော ခုံသမာဓိကောင်စီဝင်ငါးဦးမှာ ဦးရဲကျော်သူ၊ ဦးသင်းမောင်ဆွေ၊ ဦးမောင်မောင်အေး၊ ဦးတင်ထွန်းနှင့် ဦးသိန်းကြွယ်တို့ဖြစ်ကြောင်း ဒေါ်ခင်စုစုလှိုင်က အတည်ပြုသည်။
မြန်မာတစ်နိုင်ငံလုံးရှိ အ လုပ်သမားများကို ကိုယ်စားပြု သော ၎င်းတို့၏ သဘောထားဆန္ဒ ပါဝင်သော ရွေးချယ်ပွဲဖြစ်ရန် အ ချိန်ယူပြင်ဆင်သင့်ပြီး အလုပ်သ မားနှင့် အဖွဲ့အစည်းများအားလုံး သို့ အသိပေးအကြောင်းကြားရန် လိုအပ်ကြောင်းနှင့် ယင်းကဲ့သို့ ဆောင်ရွက်ခဲ့ခြင်းမရှိ၍ ရွေးချယ် ပွဲကို ရက်ရွှေ့ဆိုင်းရန် တောင်း ဆိုခဲ့ခြင်းဖြစ်ကြောင်း မြန်မာနိုင်ငံ တောင်သူလယ်သမား စိုက်ပျိုး ရေးနှင့် စားသောက်ကုန်ထုတ် လုပ်ငန်းဆိုင်ရာ အလုပ်သမား သမဂ္ဂအဖွဲ့ချုပ် (AFFM-IUF) အ ထွေထွေအတွင်းရေးမှူးချုပ် ဦး ဇာနည်သွေးကပြောသည်။

‘‘ဖိတ်ကြားမှုပုံစံက စနစ်မ ကျဘူး။ ပုံစံမှားနေတယ်။ ၀န်ကြီး ဌာနကိုလည်း မေးချင်တယ်။ ၀န်ကြီးဌာနရပ်တည်ချက်က အ လုပ်သမားအချင်းချင်း၊ အဖွဲ့အ စည်းအချင်းချင်းကို ရန်တိုက်ပေး နေတာလား၊ ခုံသမာဓိကောင်စီ ဆိုတာ လွတ်လပ်တဲ့အဖွဲ့ဖြစ်ရ မယ်။ အစိုးရက မောင်းနှင်တဲ့ပုံစံ မျိုးမဖြစ်ရဘူး။ ကျွန်တော်တို့က တော့ ဒီရွေးချယ်ပွဲကို ကန့်ကွက် တယ်။ ထွက်ပေါ်လာမယ့်သူတွေ ကိုလည်း အသိအမှတ်မပြုဘူး’’ဟု ဦးဇာနည်သွေးကဆိုသည်။
မြန်မာနိုင်ငံလုံးဆိုင်ရာ ခုံ သမာဓိကောင်စီကိုဝန်ကြီးဌာန ကိုယ်စားငါးဦး၊ အလုပ်ရှင်များ ကိုယ်စားငါးဦးနှင့် အလုပ်သမား များကိုယ်စားငါးဦး စုစုပေါင်း ၁၅ ဦးဖြင့် ဖွဲ့စည်းထားပြီး ၂ နှစ် တစ် ကြိမ် ရွေးချယ်ခြင်းဖြစ်ကာ ယခု တစ်ကြိမ်သည် တတိယအကြိမ် မြောက်ဖြစ်သည်။

အလုပ်သမားများကိုယ်စား ရွေးချယ်တင်မြှောက်ခံပုဂ္ဂိုလ်မှာ အလုပ်သမားသမဂ္ဂများနှင့် အ နည်းဆုံး တစ်နှစ်ပတ်သက်ခြင်း မရှိသူ (သို့မဟုတ်) ဥပဒေပညာရှင်(သို့မဟုတ်) ပြင်ပပညာရှင်ဖြစ်ရန်လိုကြောင်း သတ်မှတ်ထားသည်။
ဇူလိုင် ၈ ရက်က ပြုလုပ်ခဲ့ သော ရန်ကုန်တိုင်းခုံသမာဓိအဖွဲ့ အလုပ်သမားကိုယ်စားလှယ်ရွေး ချယ်ပွဲတွင်လည်း CTUM မှ ရွေး ချယ်သည့်အလုပ်သမားအများစု ပါဝင်ခဲ့သောကြောင့် ယင်းရွေး ချယ်ပွဲကို ကန့်ကွက်ကြောင်းနှင့် အသိအမှတ်မပြုကြောင်း CTUM နှင့် မြန်မာနိုင်ငံလုံးဆိုင်ရာအလုပ် သမားသမဂ္ဂများကွန်ရက်တို့က သဘောထားကြေညာချက် ထုတ် ပြန်ထားသည်။

7 Day News

ပန်းရောင်ကတ်သက်တမ်းတိုးဖို့ မြန်မာအလုပ်သမားတွေ အခက်အခဲရှိ

14 July 2016
jaketaw85

ထိုင်းနိုင်ငံမှာ အလုပ်လုပ်နေတဲ့ နိုင်ငံခြားသားတွေကို တရားဝင်အလုပ်လုပ်ခွင့် ပန်းရောင်ကတ်သက်တမ်းတိုးဖို့ ထိုင်းအလုပ်သမားရေးဝန်ကြီးဌာနက ဇူလိုင်လ ၂၉ ရက်နေ့ နောက်ဆုံးထားသက်တမ်းတိုးကြဖို့ ကြေညာထားပေမယ့် မြန်မာ အလုပ်သမားတွေအနေနဲ့ အခက်အခဲရှိနေတယ်လို့ မြန်မာအလုပ်သမားအရေးဆောင်ရွက်ပေးနေသူတွေက ပြောပါတယ်။

အချို့အလုပ်သမားတွေဟာ ခရီးလွန်နေပြီး အချို့က သက်တမ်းတိုးဖို့ ငွေကြေးအခက်ခဲရှိတာကြောင့် သက်တမ်းတိုးချိန် နောက်ထပ်တစ်လ သြဂုတ်လအထိ ထပ်တိုးပေးဖို့ ခွင့်တောင်းထားခဲ့တယ်လို့ ထိုင်းနိုင်ငံအခြေစိုက် ပညာရေးနဲ့ ဖွံ့ဖြိုးရေးဖောင်ဒေးရှင်းအဖွဲ့ အမှုဆောင်ဒါရိုက်တာ ဦးထူးချစ်က ပြောပါတယ်။

ထိုင်းနိုင်ငံ အလုပ်သမားရေးဝန်ကြီးဌာနက ပန်းရောင်ကတ်သက်တမ်းတိုးဖို့ သတ်မှတ်ထားတဲ့ ဇူလိုင် ၂၉ ရက်နေ့ကျော်ရင်တော့ ထိုင်းအာဏာပိုင်တွေက ဖမ်းဆီးအရေးယူတာမျိုးတွေလုပ်မှာဖြစ်ပြီး ဖမ်းဆီးခံရတဲ့ အလုပ်သမားတွေကို မြန်မာနယ်စပ်မြို့တွေဆီ ပြန်ပို့ခံရမှာဖြစ်တယ်လို့လည်း ပြောပါတယ်။

ဒါ့အပြင် တရားမဝင်အလုပ်သမားတွေကို ခန့်ထားတဲ့ အလုပ်ရှင်တွေကိုတော့ ဘတ်ငွေ တစ်သိန်းအထိ ငွေဒဏ်ချမှတ်ခံရနိုင်တဲ့အတွက် ပန်းရောင်ကတ်မရှိတဲ့အလုပ်သမားတွေကို အလုပ်မခန့်တော့တာမျိုးတွေဖြစ်လာမယ်လို့လည်း ပြောပါတယ်။

ပန်းရောင်ကတ်သက်တမ်းတိုးဖို့အတွက် ဘတ်ငွေ ၃ ထောင်လောက်ကုန်ကျပေမယ့် တချို့အလုပ်သမားတွေဟာ အလုပ်ရှင်အတုနဲ့လုပ်ရတဲ့ အခက်ခဲတွေကြောင့် ပွဲစားတွေနဲ့လုပ်မယ်ဆိုရင် ဘတ်ငွေ ၅ ထောင်လောက်အထိ ကုန်ကျနိုင်တယ်လို့ ပြောပါတယ်။

လက်ရှိထိုင်းနိုင်ငံမှာ ပန်းရောင်ကတ်သတ်တမ်းတိုးထားပြီးတဲ့ ကမ္ဘောဒီးယား၊ မြန်မာ၊ လာအိုနိုင်ငံတွေက အလုပ်သမားပေါင်း ၈ သိန်းနီးပါးရှိတယ်လို့ သိရပါတယ်။

RFA Burmese