Thursday, July 21, 2016
သင့်ကလေးများ KG အတွက် အသင့်ဖြစ်နေပြီလား
KG တွေခေတ်စားလာတော့ ကျောင်းစတက်ဖို့ ပြင်ဆင်နေတဲ့ မိဘတွေ ကိုယ့်ကလေး ကျောင်းထားဖို့ အသင့်ဖြစ်နေပြီလားလို့ မေးရင် ဘယ်လိုဖြေမလဲဆိုတာ သိချင်မိတယ်။ ကျောင်းသွားမယ့် ကလေးအတွက် ခဲတံပဲ ချွန်ပေးလိုက်ရမလို၊ စာအုပ်ပဲ ပြင်ပေးလိုက်ရမလို။ ဒါပေမဲ့ စနစ်သစ် ပညာရေးကြီးက စာမသင်ဘူးဆိုတော့ မိဘတွေ အူကြောင်ကြောင် ဖြစ်ကုန် ကြရပြန်တယ်။
ကျောင်းဆိုတာ စာတတ်ဖို့ လွှတ်တယ်ဆိုပြီး အစွဲရှိနေတဲ့ မိဘတွေ အဖို့တော့ ကျောင်းလွှတ်လိုက်ပါတယ်၊ စာတတ်ပါ့မလားဆိုတဲ့ စိုးရိမ်သောက တွေ ဖြစ်လာနိုင်ပါတယ်။ ဒီတော့ ကိုယ့်ကလေးကလည်း KG ဆိုတဲ့ အဆင့်ကို အသင့်ဖြစ်နေပြီလားဆိုတာ ပြန်ပြီး သုံးသပ်စေချင်တယ်။
အမေရိကန်ပြည်ထောင်စု National Center for Education Statistics မှာ ကလေးတွေဟာ မူလတန်း KGကို ဝင်လာချိန်မှာ သူတို့ရဲ့ တတ်မြောက်ကျွမ်းကျင်မှု အမျိုးမျိုးရှိကြပြီး အဆင့်ချင်းလည်း မတူညီလို့ ဆိုထားတယ်။ ဒါကလည်း သူတို့ ကျင်လည်ကြီးပြင်းခဲ့ကြရတဲ့ ဝန်းကျင်နဲ့ ဆိုင်ပါတယ်။ အချို့က မူကြိုတက်နိုင်ခဲ့ကြတယ်။ အချို့ကလည်း မတက်နိုင်ကြဘူး၊ မူကြိုတက်ခဲ့တယ်ဆိုတာတောင် ဘယ်လိုမူကြိုမှာ တက်ခဲတယ် ဆိုတဲ့ အပေါ်မူတည်ပြီး ကွဲပြားနိုင်သေးတယ်။
ကလေးတွေ ဆိုတာက ၅နှစ်နေမှ ကျောင်းကို ရောက်လာကြရတာ၊ ကြိုသင်လာတဲ့ ကလေးက ကြိုတတ်နေလိမ့်မယ်။ စာရေးစာဖတ် တတ်လာတဲ့ ကလေးတွေရှိသလို၊ မတတ်လာတဲ့ ကလေးတွေလည်း ပါလာရင် သူတို့ကို ဘယ်လိုခွဲခြားပြီး တစ်သားတည်း သင်ကြားမလဲဆိုတာလည်း စဉ်းစားစရာ။ ဒါကြောင့် KG သင်မယ့် ဆရာဆရာမတွေ ယာ အများကြီး အခက်အခဲတွေ စိန်ခေါ်မှုတွေနဲ့ရင်ဆိုင်ကြုံတွေ့ရနိုင်တယ်။
ကလေးတွေဟာ KG လာမတက်မီ စာရေးစာဖတ် တတ်မလာသင့်ဘူးလား ဆိုတဲ့ ပြဿနာဟယ ကမ္ဘာအနှံ့ ရင်ဆိင်နေကြရတဲ့ ပြဿနာပါ။ အသက် ၅နှစ် မပြည့်မီ မပြောနဲ့ ဝမ်းဗိုက်ထဲက ကလေးတွေကိုတောင် စာဖတ်ပြနေကြတဲ့ မိဘတွေဆိုရင် စာကြိုမသင်ပါနဲ့လို့ ပြောလို့ကို ရမှာ မဟုတ်ဘူး။ စကားပြောတတ်တာနဲ့ စာတွေ ဖတ်နိုင်၊ ကဗျာတွေရွတ်နိုင်တာကိုပဲ မိဘာတွေက ဂုဏ်ယူနေကြတာ မဟုတ်လား။ ၁၉၉၈ခုနှစ်က ( Snow,Burns,and Griffin) ဆိုတဲ့ အစီရင်ခံစာမှာတော့ အရေးအဖတ်အတွက် ကလေးတွေကို မသင်မီ အခြေခံလောက်တော့ သင်ပေးလိုက်သင့်တယ်။ လှေကားတစ်ထစ်တက်ဖို့ဆိုတာ လှမ်းတက်နိင်တဲ့ စွမ်းအင်တော့ ရှိရမယ်။ လေးဘက်ထောက်တက်လာမလား၊ မတ်မတ် လျှောက်တက်လာမလား ကွဲပြားနိုင်တယ်လို့လည်း ဆိုကြတယ်။
အခြေခံ ကျွမ်းကျင်မှုတွေ ပြဌာန်းထားတာတွေ ရှိပြီး ဖြစ်မှာပါ။ ပုံနှိပ်ထုတ်ထားတဲ့ ဖတ်စာတွေရှိရင် ကြိုတင်လေ့လာဖို့ ဆိုတာ တားမြစ်လို့ မရနိုင်ပါဘူး။ အင်္ဂလိပ်စာဖြစ်စေ၊ မြန်မာစာဖြစ်စေ အခြေခံ စာလုံးတွေလောက်တော့ အနည်းဆုံး သင်ကြမှာပဲ။ စာကို ဘေးတတိုက်ဘယ်မှ ညာကိုဖတ်ရသလား၊ အပေါ်မှ အောက်ကိုဖတ်ရသလား အခြေခံလောက်တော့ သိထားသင့်တယ်။
-A , B, C, D ဖြစ်စေ က ၊ ခ၊ ဂ၊ ဃ၊ င ဖြစ်စေ စာလုံးတွေရဲ့ အသံနဲ့ အက္ခရာကို မှတ်မိနေရင် ကောင်းပါတယ်။
-စာလုံးတစ်လုံးကို အသံထုတ်ပြီး ရွတ်ဆိုနိုင်ရင် ပိုကောင်းတာပေါ့ ။အလွတ်ရသည်ဖြစ်စေ ၊ ကြည့်ဖတ်နိုင်သည် ဖြစ်စေ ကောင်းပါတယ်။
-စားမယ်၊သွားမယ်၊ အိပ်မယ် ၊ကစားမယ် ဆိုတဲ့ အခြေခံစကားလေးတွေကနေ ပြောဆိုဆက်သွယ်နိုင်တဲ့ စကားတွေအားလုံး၊ သိထားသင့်တဲ့ စကားတွေအားလုံး၊ သင်ထားပေးသင့်တယ်။ ကလေးကို အပေါ့အလေး သွားချင်တာကိုတောင် မပြောနိုင်ဘူးဆိုရင် ကျောင်းတက်ဖို့ အဆင်ပြေမှာ မဟုတ်ဘူး။
ကလေးဆိုတာ ဉာဏ်ရည်အလိုက် မှတ်မိနိုင်စွမ်း မတူပါဘူး။ ကလေးတွေကို သင်လို့ မတတ်ဘူးဆိုပြီးတော့လည်း စိတ်ဓာတ်မကျစေချင်ဘူး။ ဖိအားလည်း မပေးစေချင်ဘူး။
ကလေးတွေကို ကျောင်းမပို့မီ သင်ပေးထား သင့်တာလေးတွေကတော့ -
- ပုံပြင်လေးတွေ ပြောပြ နားထောင်တတ်အောင် လုပ်ပေး
- ကဗျာလေးတွေ ရွတ်ပြ ၊ ကာရန်နဲ့ အသံတွေပါပြီး ရွတ်လို့ ဆိုလို့ ကောင်းတဲ့ ကဗျာတွေ ရွေးသင်
- စာလုံး ၅လုံးကနေ ၆လုံးလောက်ပါတဲ့ စကားတွဲလေးတွေကို ပြောနိုင်အောင်သင်
- ရုပ်ပုံတွေကို ပြပြီး အကြောင်းအရာတွေကို ပြောပြ ၊ အရုပ်ကိုကြည့်ပြီး သူ့တို့ စိတ်ကူးလေးတွေနဲ့ ပြောလာအောင် လုပ်ပေး။
- စာလုံး၊ စကားသံ၊ အသံများများကြားနိုင်အောင် စီစဉ်ပေး၊
- စာလုံး၊ အက္ခရာ မှတ်မိပြီး ရွတ်နိုင်အောင်သင် (ဥပမာ- ကကြီး၊ ခခွေး၊ဂငယ် စသည်ဖြင့်)
- စာအုပ်နှင့် စာဖတ်တာကို စိတ်ဝင်စားအောင် သူတို့အနားမှာ ဖတ်ချင်စရာ စာအုပ်တွေထားပေး၊
- အခြေခံ သိသင့်တဲ့ စာလုံးတွေသိအောင်လုပ်ပေး(ဥပမာ- အီးအီးပါမယ်၊ ရှူးရှူးပေါက်မယ်)
- စာလုံးတွေ အလွတ်ရရင် လက်တွေ သန်စွမ်းအောင်ဆိုတာ အရေးလေ့ကျင့်ခိုင်းလို့လည်း ရပါတယ်။
- ၁မှ ၁၀ အထိ ရေတွက်တတ်အောင်သင်
- အရောင်တွေကို ကွဲပြားစွာ ခွဲခြားနိုင်အောင် လုပ်ပေး။
ကျောင်းစတက်တဲ့ အရွယ်မှာ ဘဝထဲကို ခခြတစ်လှမ်း လှမ်းလိုက်တယ်လို့ ယူဆပြီး လွတ်ပေးရတော့မှ ဖြစ်တဲ့အတွက် အလွန်အရေးကြီးပါတယ်။KG မှာ ကလေးတွေကို ကစားခိုင်းတာကောင်းပါတယ်။ ဒါပေမဲ့ အထက်မှာ ပြောခဲ့သလို ကစားရင်းစာသင်နိုင်တဲ့ နည်းလမ်းတွေကိုလည်း ရှာကြံသင့်ပါတယ်။A,B,C,D ကို ဘောပေါ်မှာရေးပြီး လက်ထောက် သင်တာထက် ကလေးတွေ ကိုယ်တိုင်က အေ ၊ဘီ၊ စီ၊ဒီတွေလို့ မြင်နေအောင် သင်ရင် ပိုကောင်းပါတယ်။
KG ကလေးတွေ အတွက် ဘာတွေ ပြင်ဆင်ထားသင့်သလဲဆိုရင် စာဖတ်တတ်အောင် ၊ စာဖတ်တာကို မြတ်နိုးအောင် လုပ်ပေးထားပါ။ သူတို့နဲ့ အနီးကပ် နွေးနွေးထွေးထွေးနေပြီး သင်ပေးပါ။ ပုံပြောပြနိုင်အောင် အချိန်ပေးပါ။ ပုံပြောပြနေတာဟာ သူတို့ဘဝအတွက် အကောင်းဆုံး လေ့ကျင့် ပြင်ဆင်ခြင်းလို့ ယူဆနိုင်ပါတယ်။
လူကြီးတွေကလည်း ကလေးတွေကို ဘာတွေ ပြောပြသင့်တယ်ဆိုတာ စာအလျင်ဖတ်ထားကြစေလိုပါတယ်။
မောင်ခေတ်
ဇူလိုင်လ ၂၁ရက်နေ့ထုတ် The Voice Daily
အလုပ်ရှာသူများ အဆင်ပြေရေး အွန်လိုင်းမှတစ်ဆင့် ဆောင်ရွက်ပေးနိုင်ရန် ဝန်ကြီးဌာနစီစဉ်
အလုပ်ရှာသူများ
အဆင်ပြေစေရေးအတွက် အွန်လိုင်းမှတစ်ဆင့် ဆောင်ရွက်ပေးနိုင်ရန်
လုပ်ဆောင်လျက်ရှိကြောင်း အလုပ်သမားဝန်ကြီးဌာနမှ သိရသည်။ လက်ရှိတွင်
ဝန်ကြီးဌာနအနေဖြင့် နေပြည်တော်အပါအဝင် တိုင်းဒေသကြီး/ပြည်နယ် ၁၅ ခုရှိ
ခရိုင်/မြို့နယ်များတွင် အလုပ်အကိုင်နှင့် အလုပ်သမားရှာဖွေရေး ရုံး (LEO) ၇၈
ရုံးဖွင့်လှစ်ကာ ဆောင်ရွက်ပေးလျက်ရှိပြီး အလုပ်အကိုင်ပြပွဲများပြုလုပ်ခြင်း၊
သွားလာရခက်ခဲ၍ ရုံးဖွင့်လှစ်နိုင်ခြင်းမရှိသောဒေသများသို့ Mobile Team ဖြင့်
ကွင်းဆင်း၍ အလုပ်ရှာ ဖွေပေးခြင်းတို့ကို ဆောင်ရွက်ပေးလျက်ရှိကြောင်း သိရသည်။
အလုပ်ရှာဖွေသူများ
သင့်တော် ကောင်းမွန်သော အလုပ်ရရှိရေး နှင့် အလုပ်ရှင်များ သင့်တော်သော
အလုပ်သမားများရရှိနိုင်ရန် ရည် ရွယ်၍ ထိုသို့ဆောင်ရွက်ပေးခြင်းဖြစ်ပြီး ထိရောက်သော
အလုပ်အကိုင် ဝန်ဆောင်မှုပေးနိုင်ရေးအတွက် Labour Exchange Management System တစ်ရပ်
ထူထောင်ကာ အွန်လိုင်းမှတစ်ဆင့်ဆောင်ရွက်နိုင်ရန်လုပ်ဆောင်လျက်ရှိကြောင်း
ဝန်ကြီးဌာနက သတင်းထုတ်ပြန် ထားသည်။ ဝန်ကြီးဌာန၏ LEO ရုံးများသည် အစိုးရ၊ ပုဂ္ဂလိကကဏ္ဍ
နှစ်ခုစလုံးအတွက် အလုပ်ရှာဖွေ ပေးနေခြင်းဖြစ်ပြီး ဇွန်လအတွင်း အစိုးရအလုပ်အကိုင်
၉၈၈ ခု၊ ပုဂ္ဂလိကအလုပ်အကိုင် ၁၆၉၁၃ ခု ရှာဖွေပေးနိုင်ခဲ့ကြောင်း သိရသည်။
အလုပ်ရရှိမှုတွင် ရန်ကုန်တိုင်းဒေသကြီးမှ အများဆုံးဖြစ်ပြီး စုစုပေါင်း အလုပ်အကိုင်
၁၂၁၈၅ ခု ရှိခဲ့ကြောင်းသိရသည်။
ဒီခုံသမာဓိ ကိုယ်စားလှယ်အဖြစ် ဒီလူတွေကို အတည်ပြုလိုက်ပြီလို့ မပြောသေးပါဘူး။
ဒုတိယ ညွှန်ကြားရေးမှူးချုပ် ဦးညွန့်ဝင်း အားတွေ့ဆုံမေးမြန်းခြင်း
အစိုးရသစ်လက်ထက်မှာ
ပထမဦးဆုံးကျင်းပဖြစ်တဲ့ အလုပ်သမားအငြင်းပွားမှုညှိနှိုင်းဖြေရှင်းရေး
ခုံသမာဓိကောင်စီ (အလုပ် သမားကိုယ်စားလှယ်) ရွေးချယ်ပွဲကတော့
ကန့်ကွက်မှုပေါင်းများစွာ နဲ့ ပြီးဆုံးခဲ့ပြီဖြစ်ပါတယ်။ ခုံသမာ ဓိကောင်စီဟာ ၂
နှစ်တစ်ခါ ရွေး ချယ်ပွဲပြုလုပ်ပြီး အလုပ်ရှင်၊ အလုပ် သမားအငြင်းပွားမှုတွေကို
ဖြေရှင်းရာမှာ နောက်ဆုံးအဆင့်လို့ပြောလို့ရတဲ့ ဖြေရှင်းရေးကောင်စီ လည်းဖြစ်ပါတယ်။
ခုံသမာဓိကောင်စီရဲ့ဆုံး ဖြတ်ချက်ကို မကျေနပ်လို့ရှိရင် တော့ ထပ်မံတက်ရောက် စစ်ဆေးဖို့ရာ
တရားလွှတ်တော်ချုပ်နဲ့ စာချွန်တော်အဆင့်ပဲ ကျန်ပါတော့တယ်။ ယခင်အစိုးရလက်ထက် ကတည်းကရှိခဲ့တဲ့
ခုံသမာဓိကောင်စီဟာ တရားမျှတမှုမရှိဘူး၊ ရွေးချယ်ထားတဲ့ ကိုယ်စားလှယ်တွေက အလုပ်သမားတွေကို
ကိုယ်စားမပြုဘူးစသဖြင့် ဝေဖန်မှုပေါင်းများစွာခံခဲ့ရပါတယ်။ ယခုတစ်ကြိမ်ပြုလုပ် တဲ့
ခုံသမာဓိကောင်စီကိုလည်း ကိုယ်စားလှယ်ရွေးချယ်ပွဲ စတင်ခဲ့ တဲ့နေ့ကတည်းက အလုပ်သမား အဖွဲ့တချို့က
ကန့်ကွက်မှုတွေ ပြုလုပ်ခဲ့ပါတယ်။ ဒီလိုကန့်ကွက်မှု တွေကြားမှာ ခုံသမာဓိကောင်စီ
ကိုယ်စားလှယ်ရွေးချယ်ရေးကိစ္စနဲ့ပတ်သက်ပြီး ဘယ်လိုတွေ ဆောင်ရွက်ဖို့ရှိတယ်၊ ဒီပြဿနာတွေကို
ဘယ်လိုဖြေရှင်းဖို့ရှိတယ် ဆိုတာတွေကိုသိရဖို့ အလုပ်သမားနှင့် လဝကဝန်ကြီးဌာန၊
အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနက ပြောရေးဆိုခွင့်ရှိသူ ဒုညွှန်ချုပ်
ဦးညွန့်ဝင်းကို ပေါ်ပြူလာ နယူးစ်က ဆက်သွယ်မေးမြန်းထားပါတယ်။
အခုနှစ်အတွက် ခုံသမာဓိ ကောင်စီ (အလုပ်သမား ကိုယ်စားလှယ်)ကို
ပြီးခဲ့တဲ့ ဇူလိုင်လ ၁၂ ရက်နေ့က ရွေးချယ်ခဲ့ပြီးပြီလို့သိရပါတယ်။ ဒါပေမယ့်ခုံသမာဓိကောင်စီ
ကိုယ်စားလှယ်ရွေးတာ တရားမျှတမှုမရှိဘူး ဆိုပြီး အလုပ်သမားအဖွဲ့အစည်း
တချို့ကကန့်ကွက်မှုတွေ လုပ်နေကြပါတယ်။ အဲဒါနဲ့ပတ်သက်ပြီး ရှင်းပြပေးပါခင်ဗျ။
ဒါကစောဒကတက်တာပေါ့ဗျာ။
ကျွန်တော်တို့ဘက်က လုပ်သင့်လုပ်ထိုက်တာတွေ လုပ်ပေးခဲ့တယ်။ ဖိတ်စာပို့တာလည်းပို့တယ်။
ဖိတ်စာမရတဲ့အဖွဲ့အစည်း တွေအတွက်လည်း ရုပ်မြင်သံကြားတွေ၊ သတင်းစာတွေကနေ ကြေညာပေးတယ်။
ဒီတော့နောင်ဒီလို မျိုးကိစ္စမျိုးတွေ မဖြစ်အောင်လို့ ကျွန်တော် တို့ဘက်က ဆောင်ရန်ရှောင်ရန်တွေ
သတိထားပြီး ပြင်ဆင်လုပ်ဖို့ပဲ ရှိတာပေါ့ဗျာ။
အခုရွေးချယ်ပြီးသွားတဲ့ အလုပ်သမားကိုယ်စားလှယ်တွေအပေါ်မှာ
ကန့်ကွက်နေကြတဲ့ကိစ္စကိုရော ဘယ်လိုမျိုး ဖြေရှင်းသွားဖို့ ရှိပါသလဲ။
ဒါကိုတော့
လူကြီးတွေ စိစစ်နေတုန်းပါ။ ပြောဆိုနေကြတုန်းပါပဲ။ အခုရွေးချယ်ထားတဲ့အတိုင်းပဲ
အတည်ပြုမလား၊ ဒါမှမဟုတ် တခြားဘယ်လိုနည်းလမ်းနဲ့ စဉ်းစားလုပ်မလဲဆိုတာ ပြန်လည် သုံးသပ်နေတုန်းပါပဲ။
ဒီအပေါ်မှာ အလုပ်သမားတွေ အနေနဲ့စောင့်မလား၊ မစောင့်ဘူးလား၊ ဝေဖန် စရာတော့မရှိပါဘူး။
ကျွန်တော်တို့ ဘက်ကလည်း သုံးသပ်နေတုန်းပါပဲ။ ဒီခုံသမာဓိမှာပါတဲ့ အလုပ်ရှင်
ကိုယ်စားလှယ်၊ အလုပ်သမား ကိုယ်စားလှယ်၊ အစိုးရကိုယ်စားလှယ် ဒါတွေကို အတည်ပြုဖို့
အတွက် စဉ်းစားသုံးသပ်နေတာကလည်း မပြီးပြတ်သေးပါဘူး။
ခုံသမာဓိကောင်စီဟာဆိုရင် အရင်အစိုးရလက်ထက်ကလည်း ဝေဖန်မှုတွေ
အများကြီးခံခဲ့ ရပါတယ်။ အဓိကကတော့ တရားမျှတမှု မရှိဘူးဆိုတာပါ။ ဒီအပေါ်မှာ
အလုပ်သမားဝန်ကြီး ဌာနအနေနဲ့ ဘယ်လို ဖြေရှင်းချင်ပါသလဲ။
အလုပ်သမားတွေက
တစ်ခုသိဖို့လိုပါတယ်။ ခုံသမာဓိကောင်စီဆိုတာ လွတ်လပ်တဲ့အဖွဲ့အစည်းပါ။ ဒီအဖွဲ့ နဲ့ပတ်သက်ပြီး
ဝန်ကြီးဌာနဘက်က တိုက်တွန်းတာတွေ အကြံပေးတာတွေမရှိပါဘူး။ ဒီတော့
ခုံသမာဓိရဲ့ဆုံးဖြတ်ချက်ကို မကျေနပ်ရင် တရားလွှတ်တော်ချုပ်၊ စာချွန်တော်စသဖြင့်
အဆင့်ဆင့် ထပ်ပြီးတက်လို့ရပါတယ်။ ပြီးတော့ အလုပ်သမားတွေကနေပြည်တော်ကိုလာတယ်။ နေ
ပြည်တော်ထဲကို ဝင်လာရင် ရပ်ရွာ အေးချမ်းသာယာရေးအရ မဖြစ်သင့်တာတွေ မဖြစ်ရအောင်လို့
တားဆီးတာပဲရှိတာပါ။ ခုံသမာဓိရဲ့ ဆုံးဖြတ်ချက်ကို ထိန်းချုပ်ထားတာ မျိုးမရှိပါဘူး။
ဝန်ကြီးဌာနက တရားရေးဆိုင်ရာကိစ္စနဲ့ ပတ် သက်ပြီးဘာမှ စွက်ဖက်တာမရှိပါ ဘူး။အဓိကကတော့
အလုပ်သမားတွေက အနည်းဆုံးလုပ်ခ ၃၆ဝဝ ကိုလောက်တယ်၊ မလောက်ဘူး အော်နေမယ့်အစား
တိကျသေချာတဲ့ သုံးသပ်ချက်၊ အစီရင်ခံစာ တင်ပေါ့ဗျာ။ အဲဒီလိုမှ မဟုတ်ဘဲ ၄ဝဝဝ၊ ၅ဝဝဝ
စသဖြင့် တောင်းနေရင်အဆင်မပြေဘူး။ အလုပ်ရှင် ကိုရန်သူလို သွားထင်နေရင်လည်း
အဆင်မပြေဘူး။ မိဘနဲ့သားသမီး၊ ဆရာနဲ့ တပည့်လိုပဲ မုန့်ဖိုးတောင်း သလိုပေါ့ဗျာ။ ၁ဝဝ
တောင်းတယ်၊ ၅ဝ ပေးနိုင်တဲ့အချိန် ၅ဝ ၊ ဒီကနေ ၇ဝ ပေးနိုင်တဲ့အချိန် ၇ဝ စသဖြင့်
တိုးသွားမှာပေါ့ဗျာ။ အလုပ်သမားတွေက တစ်ခါတလေရန်တွေ့သလိုပြောတယ်။ ကျွန်တော်တို့
အလုပ်သမားဝန်ကြီးဌာနက ကြားထဲကငထွားခါးနာတာပေါ့ဗျာ။ အလုပ်ရှင်ဆိုတာကလည်း
ဘတ်ဂျက်နဲ့သွားတာမဟုတ်ဘူး။ ဒီတော့သူတို့ရဲ့ ရောင်းရငွေ၊ ငွေကြေးဈေးနှုန်း
ဒါတွေအပေါ်မှာ မူတည်နေတာ။ ပြီးတော့အားလုံးက ရပိုင်ခွင့်နဲ့ ရနိုင်ခွင့်ကို
ခွဲခြားသိမြင်ဖို့လိုတယ်။ ဥပဒေမှာ ပါတာက ရပိုင်ခွင့်၊ ရကိုရမှာ။ မပါတာက
ရနိုင်ခွင့် ဒါတွေကိုခွဲခြားသိဖို့လိုတယ်။ ဒါတွေသိရင် ခုံသမာဓိထိလည်း မရောက်တော့ဘူး။
ပြောချင်တာကတော့ ခုံသမာဓိရဲ့ဆုံးဖြတ်ချက်က ကျွန်တော်တို့ ဝင်စွက်ဖက်လို့ မရပါဘူး။
ခုံသမာဓိ ရွေးချယ်တဲ့ကိစ္စနဲ့ ပတ်သက်ပြီးတော့လည်း အလုပ် သမားတွေက
သတင်းစာရှင်းလင်းပွဲတွေ လုပ်ပါတယ်။ ကန့်ကွက်ကြောင်း ဆန္ဒထုတ်ဖော်သွားဖို့ လည်းရှိတယ်လို့
သိရပါတယ်။ ဒီအပေါ်မှာ ဝန်ကြီးဌာနအနေနဲ့ အလုပ်သမားတွေကို ဘာများပြောချင်ပါသလဲခင်ဗျ။
ကျွန်တော်တို့ဘက်က
လောလောဆယ် သုံးသပ်နေတုန်းပဲဆိုတော့ ဒါကိုစောင့်မလား၊ မစောင့်ဘူးလား
တခြားမှတ်ချက်တော့ ပေးစရာမရှိပါဘူး။ ဒါပေမယ့် ဒါကိုကျွန်တော်တို့က
အတည်မပြုသေးဘူးနော်။ ဒီခုံသမာဓိ ကိုယ်စားလှယ်အဖြစ် ဒီလူတွေကို အတည်ပြုလိုက်ပြီလို့
မပြောသေးပါဘူး။ ဒါလေးကို ဆောင်ရွက်နေတုန်းကာလမှာ တစ်ဖက်ဖက်ကို
ထိခိုက်နိုင်တဲ့ကိစ္စမျိုးတွေမလုပ်ဖို့၊ မဖြစ်စေဖို့ မျှော်လင့် ပါတယ်။
ရဲ လွ င်ေ တွ့ ဆုံေ မး မြ န်း သ ည်
မန္တလေးတိုင်းရှိ အလုပ်သမားအဖွဲ့အစည်းအချို့က သမ္မတနှင့် ဒေါ်အောင်ဆန်းစုကြည်ထံ တိုင်ကြားစာပို့မည်
Friday, July 22, 2016
ခုံသမာဓိကောင်စီအလုပ်သ မားကိုယ်စားလှယ်များ ရွေးချယ်ရာတွင် အလုပ်သမားအဖွဲ့အစည်းများအား ဖိတ်ကြားခြင်းမရှိသည့်ကိစ္စနှင့်ပတ်သက်၍ ဇူလိုင် ၁၉ရက်က မန္တလေးမြို့ 88ကဖေး၌ မန္တလေးတိုင်းဒေသကြီးရှိမြို့နယ်ခုနစ်ခုမှ အလုပ်သမားအ
ဖွဲ့၃၀ခန့်က သတင်းစာရှင်းလင်းပွဲပြုလုပ်ကန့်ကွက်ခဲ့ရာတွင် ယခုကဲ့သို့ ပြောကြားခဲ့ခြင်းဖြစ်သည်။
‘‘အရင်အစိုးရလက်ထက် တုန်းကတောင် အခြေခံအဖွဲ့အ ထိ ဖိတ်စာပို့ပြီးဖိတ်ခဲ့တယ်။ အခု ပြည်သူတွေ ရွေးချယ်ထားတဲ့၊ ပွင့် လင်းမြင်သာတဲ့ အစိုးရလက်ထက်ကျမှ အလုပ်သမားအဖွဲ့အ စည်းတွေကို တရားဝင်အကြောင်း ကြားဖိတ်ကြားခြင်းမရှိဘဲ လက် သိပ်ထိုးရွေးချယ်သွားတယ်။ ဒါနဲ့ ပတ်သက်ပြီး ၀န်ကြီးဌာနကို ကန့် ကွက်စာပေးပို့ပြီး နိုင်ငံတော်အစိုး ရကို တိုင်ကြားသွားမယ်’’ဟု ကျောက်ဆည်မြို့နယ် ဆင်မင်း ဘိလပ်မြေစက်ရုံမှ အလုပ်သမား ခေါင်းဆောင်ဦးအောင်သူဝင်းက အဆိုပါသတင်းစာရှင်းလင်းပွဲ ၌ ပြောကြားသည်။
ထိုသို့ အောက်ခြေအလုပ် သမားအဖွဲ့အစည်းများသို့စာဖြင့် အသိပေးအကြောင်းကြားခြင်းမရှိဘဲ ကိုယ်စားလှယ်များရွေးချယ်ခဲ့ ခြင်းကို ကန့်ကွက်ကြောင်း မန္တ လေးတိုင်းဒေသကြီးရှိ အလုပ်သ မားအဖွဲ့အစည်း များက အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနသို့ ဇူလိုင်တတိယအပတ်က အသိပေးအကြောင်းကြားစာများပေးပို့ခဲ့ပြီး ယင်းကိစ္စနှင့် ပတ်သက်၍ တိုင်ကြားစာများကိုလည်း ယခုအပတ်အတွင်း နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ်တို့ထံသို့ ပေးပို့တိုင်ကြားမည်ဟု အလုပ်သမားအဖွဲ့ခေါင်းဆောင်များကပြောသည်။
ပြည်ထောင်စုအဆင့် အ လုပ်သမားရေးရာအငြင်းပွားမှု ဖြေရှင်းရေးခုံသမာဓိကောင်စီဝင် ကိုယ်စားလှယ် ၁၅ဦးကို အလုပ် ရှင်များဘက်မှ ငါးဦး၊ အလုပ်သ မားများဘက်မှ ငါးဦး၊ ၀န်ကြီးဌာ နမှ ငါးဦးရွေးချယ်ရခြင်းဖြစ်ပြီး အလုပ်သမားကိုယ်စားလှယ်များ ရွေးချယ်ရာတွင် တရားဝင်အ ကြောင်းကြားခြင်းမရှိဟုဆိုကာ မန္တလေးတိုင်းမှ အလုပ်သမားအ ဖွဲ့အစည်းအချို့က ကန့်ကွက်ခြင်း ဖြစ်သည်။
နိုင်ငံတစ်ဝန်းလုံးရှိ အလုပ် သမားအဖွဲ့အစည်းများ မဲပေးရွေး ချယ်ခွင့်ရှိသည့် အလုပ်သမားရေး ရာအငြင်းပွားမှုဖြေရှင်းရေး ခုံသ မာဓိကောင်စီဝင် အလုပ်သမားကိုယ်စားလှယ်ငါးဦးရွေးချယ်ခြင်းကို ဇူလိုင် ၁၂ရက်က ရန်ကုန်မြို့ တွင် ကျင်းပခဲ့သည်။ ထိုသို့ရွေး ချယ်ရာတွင် အလုပ်သမားအဖွဲ့ အစည်းများကို အလုပ်သမားဦးစီး ဌာနက တရားဝင်အကြောင်း ကြားစာမပေးပို့ခဲ့ကြောင်း မန္တ လေးတိုင်းဒေသကြီးအလုပ်သ မားခေါင်းဆောင်များကဆိုသည်။
‘‘ကျွန်တော်တို့ ဥပဒေအ တွင်းက တိုင်ကြားတယ်၊ ကန့် ကွက်တယ်။ ဥပဒေနဲ့အညီ ကန့် ကွက်တာကို ဥပဒေနဲ့အညီ အ ရေးယူပေးချင်ပါတယ်’’ဟု CCTU အလုပ်သမားအဖွဲ့အစည်း ဦး ဆောင်သူဦးစောလှအောင်က ပြောသည်။
နေပြည်တော် အလုပ်သ မားရေးရာ ဆက်ဆံရေးဌာန ဒုတိယဦးစီးမှူးဦးမြင့်အောင်က ‘‘ကျွန်တော်တို့ တစ်နိုင်ငံလုံးမှာအ ခြေခံအလုပ်သမားအဖွဲ့ ၂,၀၃၇ဖွဲ့၊ မြို့နယ်အဖွဲ့အစည်း ၁၁၅ဖွဲ့၊ တိုင်းဒေသကြီး/ပြည်နယ်က ၁၄ ဖွဲ့၊ အဖွဲ့ချုပ်က ရှစ်ဖွဲ့ရှိတယ်။ မြန်မာနိုင်ငံလုံးဆိုင်ရာအဖွဲ့တစ် ဖွဲ့ရှိတယ်။ အဲဒီတော့ ၂,၁၇၅ဖွဲ့ကို ဖိတ်စာပေးမယ်ဆိုရင် မရောက်နိုင်ဘူးလို့ ယူဆနိုင်တယ်။ အဲဒါကြောင့် သတင်းစာနဲ့ SkyNet ကပဲကြော်ငြာခဲ့တာပါ’’ဟု ပြောကြားခဲ့သည်။
အလုပ်သမားရေးရာ အငြင်းပွားမှု ဖြေရှင်းရေးခုံသမာဓိ ကောင်စီဝင်များကို ၂နှစ်တစ်ကြိမ်အလုပ်သမား၊အလုပ်ရှင်နှင့် ၀န်ကြီးဌာနမှ ငါးဦးစီရွေးချယ်တင်မြှောက်ရခြင်းဖြစ်ကြောင်း သိရသည်။
Subscribe to:
Posts (Atom)