အေးရှားဝေါလ် ဆိပ်ကမ်း ရှေ့ဆန္ဒပြမှုဖြစ်ပွားပြီး ကမ်းနားလမ်း ပိတ်နေ

ည ၈နာရီခွဲ၊ သြဂုတ် ၂၄၊ ၂၀၁၂၊ YPI (သူရမျိုး)

အေးရှားဝေါလ် ဆိပ်ကမ်းမှ ပိတ်ထားသည့် ရေထွက်မြောင်းကို ဖွင့်ပေးရန် လူရာနှင့်ချီ ဆန္ဒပြနေကြရာ သီရိမင်္ဂလာဈေးဟောင်းရှေ့ ကမ်းနားလမ်းတလျှောက် လမ်းလုံးဝ ပိတ်နေသည်ကြောင်း YPI သတင်းထောက်က သတင်းပေးပို့သည်။

ည ၈ နာရီခွဲဝန်းကျင် အချိန်တွင် လူစုလူဝေး အရေအတွက်မှာ ခန့်မှန်းခြေအားဖြင့် လူဦးရေ ၇၀၀၊ ၈၀၀ ၀န်းကျင်ရှိမည်ဟု ဆိုသည်။

ဆန္ဒပြသူ အချို့က ခဲများဖြင့် ပစ်ပေါက်နေကြသဖြင့် ရပ်ကွက်ခံများက မလုပ်ကြရန် တားမြစ်နေကြရသည်ဟုလည်း သိရသည်။

အေးရှားဝေါလ် ကုမ္ပဏီမှ ကွန်ကရစ်တုံးများ သံချောင်းများကို ဖယ်ရှားပေးနေသော်လည်း ယခု သတင်းပေးပို့ ချိန်ထိ မပြီးစီးသေးဟု သိရသည်။

အမည်မဖေါ်လိုသည့် စည်ပင်သာယာ ၀န်ထမ်းတဦးကမူ ယခုလို မြောင်းပိတ်ဆို့ခြင်းမှာ စည်ပင်သာယာရေး ကော်မတီမှ မဟုတ်ပဲ အေးရှားဝေါလ်ကုမ္ပဏီမှ လုပ်ဆောင်ခဲ့ခြင်းသာဖြစ်သည်ဟု ပြောသည်။

ဆန္ဒပြမှု နောက်ဆက်တွဲသတင်း

အလုံနှင့် ကြည့်မြင်တိုင်မြို့နယ် အကြားရှိ ရန်ကုန်မြစ်အတွင်းသို့ စီးဝင်သည့် မြောင်းကြီးတစ်ခု၏ ရေထွက်ပေါက်အား Aisa World ကုမ္ပဏီမှ ပိတ်ထားသဖြင့် သီရိမင်္ဂလာဈေးဟောင်းအနီးရှိ လူနေအိမ်အချို့ ယနေ့ညနေပိုင်း မိုးရွာသွန်းမှုကြောင့် ရေနစ်မြုပ်မှုများ ဖြစ်ပွားနေကြောင်း သိရှိရသည်။ အဆိုပါ ကိစ္စနှင့် ပတ်သက်ပြီး ရေနစ်မှုခံရသည့် သီတာရပ်ကွက်နေသူအချို့မှ သီရိမင်္ဂလာဈေးဟောင်းနှင့် ကပ်လျက်တည်ရှိသည့် Asia World ကုမ္ပဏီ ဆိပ်ကမ်း ဂိတ်ဝတွင် ည ၈နာရီ ၁၅ မိနစ်ခန့်အချိန်အထိ ဆန္ဒပြမှု ပြုလုပ်နေကြကြောင်း အဆိုပါနေရာသို့ ရောက်ရှိနေသော သတင်းထောက်မှ သတင်းပေးပို့ပါသည်။

  EMG

ဆန္ဒပြမှု နောက်ဆက်တွဲသတင်း

သီရိမင်္ဂလာဈေးဟောင်းအနီးရေထွက်မြောင်းကို အေးရှားဝေါလ် ဆိပ်ကမ်းမှကွန်ကရစ်ဘလောက်တုံးများဖြင့် ပိတ်ဆို့လိုက်ခြင်းကြောင့် အနီးရှိ လူနေရပ်ကွက် ရေလျှံလာပြီးနောက် ယနေ့ မွန်းလွဲ ၃နာရီမှစတင်ကာ အေးရှားဝေါလ် ကုမ္ပဏီကို လူရာနှင့်ချီ ဆန္ဒပြလျှက်ရှိသည်။

ရေမြောင်းဖွင့်ပေးရန် ဆန္ဒပြ ကြွေးကြော်နေကြသည့်ပြင် ည ၈ နာရီကျော်ဝန်းကျင်တွင် ခဲများဖြင့် ပစ်ပေါက်လျှက်ရှိသည်ကိုလည်း တွေ့ရကြောင်း ရောက်ရှိနေသည့် သတင်းထောက်က ပြောသည်။

ယနေ့ မွန်းလွဲပိုင်း မိုးရွာသွန်းပြီးနောက် အေးရှားဝေါလ် ဆိပ်ကမ်းအနီးရှိ ရပ်ကွက်နှင့် လမ်းများ ရေကြီးလာရာ ရေထွက်မြောင်း ပိတ်ဆို့လိုက်သည့် အေးရှားဝေါလ် ကုမ္ပဏီ အား ရပ်ကွက်ခံများက လူစုလူဝေးဖြင့် ဆန္ဒပြခဲ့ကြရာ ယခုည ၈နာရီကျော်သည်အထိ လူရာနှင့်ချီရှိနေဆဲ ဖြစ်သည်ဟု YPI သတင်းထောက်က သတင်းပေးပို့သည်။

ဆန္ဒပြမှု ဖြစ်ပွားသည့်နောက်ညနေ ၅ နာရီဝန်းကျင်မှ စတင်ကာ အေးရှားဝေါလ် ဆိပ်ကမ်းမှ ကွန်ကရစ်တုံးများအား ဖယ်ရှားနေခဲ့သည်။ သို့ရာတွင် ဆန္ဒပြသူ လူစုလူဝေးမှာ တဖြည်းဖြည်း များပြားလာကာ ည ၈ နာရီဝန်းကျင်အချိန်တွင် လူ ၁ ထောင်နီးပါးရှိသည်ဟု YPI သတင်းထောက်က ပြောသည်။

အေးရှားဝေါလ် ကုမ္ပဏီမှ ယင်းရေထွက်မြောင်းကို မည်သည့်အကြောင်းကြောင့် ပိတ်ဆို့လိုက်သည်ဟု မသိရှိရသော်လည်း ကုန်သေတ္တာတင်ကားများ ၀င်ထွက်နိုင်ရန် ဖြစ်သည်ဟု ရပ်ကွက်နေသူ တဦးက ဆိုသည်။

သတင်းဓါတ်ပုံများ

ခုံရုံးကိစ္စ မည်သို့ ဆက်ဆောင်ရွက်မည်ကို ပြည်သူ့လွှတ်တော်၌ အရေးကြီး အဆိုတင် မေးခွန်းထုတ်

နေပြည်တော်၊ သြဂုတ် ၂၄

နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၏ ဆုံးဖြတ်ချက်နှင့် ပတ်သက်၍ ပြည်သူ့လွှတ်တော် ဥက္ကဌက မည်သို့ ဆက်လက် ဆောင်ရွက်သွားမည်ကို လွှတ်တော် ကိုယ်စားလှယ်များက သိရှိလိုကြောင်း ပြည်သူ့လွှတ်တော်၌ အရေးကြီး အဆိုတင်သွင်း၍ မေးခွန်းထုတ်သည်။

သြဂုတ်လ ၂၄ ရက်နေ့က ကျင်းပသည့် ပထမအကြိမ် ပြည်သူ့လွှတ်တော် စတုတ္ထပုံမှန် အစည်းအဝေး၌ ပြည်သူ့လွှတ်တော် ကိုယ်စားလှယ် ဦးဝင်းသန်းက အရေးကြီး အဆို တင်သွင်းရာတွင် ပြည်သူ့လွှတ်တော် ဥက္ကဌ သူရ ဦးရွှေမန်းကို အထက်ပါအတိုင်း မေးမြန်းခဲ့ခြင်း ဖြစ်သည်။

နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးက လွှတ်တော်အသီးသီး က ဖွဲ့စည်းထားသော ကော်မတီ၊ ကော်မရှင် နှင့် အဖွဲ့အစည်းများသည် ပြည်ထောင်စုအဆင့် မဟုတ်ဟု ဆုံးဖြတ်ခဲ့မှုနှင့် ပတ်သက်၍ ယနေ့အထိ ပြည်သူ့လွှတ်တော် ဥက္ကဌ ထံမှ ထူးခြားသော တုန့်ပြန်မှု မရရှိသည့်အတွက် လွှတ်တော် ကိုယ်စားလှယ်များ၏ ဆန္ဒကို မည်ကဲ့သို့ သဘောထားသည်ကို သိလိုကြောင်း မေးမြန်းရခြင်း ဖြစ်သည်ဟု ဦးဝင်းသန်းက ပြောဆိုသည်။

ပြည်သူ့လွှတ်တော် အခွင့်အရေး ကော်မတီ အတွင်းရေးမှူးဖြစ်သူ ပြည်သူ့လွှတ်တော် ကိုယ်စားလှယ် ဒေါက်တာစိုးရင် ကလည်း သြဂုတ်လ ၂၀ ရက်နေ့က ပြည်သူ့လွှတ်တော် ဥက္ကဌထံ ပေးပို့သော နိုင်ငံတော် သမ္မတ၏ သဝဏ်လွှာ ရောက်ရှိလာပြီးနောက် ပြည်သူ့ လွှတ်တော် ဥက္ကဌ အနေနှင့် သဘောထား ရှင်းလင်းချက် ပေးရန် လိုအပ်ကြောင်း ဦးဝင်းသန်း၏ အဆိုကို ထောက်ခံ ဆွေးနွေးရာတွင် ထည့်သွင်း ပြောကြားသည်။

ယခု ရက်ပိုင်းအတွင်း အမျိုးသား လွှတ်တော်က စတင်ကာ နိုင်ငံတော် ဖွဲ့စည်းပုံ အခြေခံ ဥပဒေခုံရုံး ဥက္ကဌနှင့် အဖွဲ့ဝင်များကို စွပ်စွဲ ပြစ်တင်မှု ပြုလုပ်မည်ဟု ကြားသိရပြီး ပြည်သူ့လွှတ်တော်သို့ ရောက်ရှိလာသည့် အခါ လုပ်ဆောင်ရမည့် ကိစ္စရပ်များ ရှိလာမည် ဖြစ်သည့်အတွက် သည်းခံ စောင့်ဆိုင်းပေးရန် ပြည်သူ့လွှတ်တော် ဥက္ကဌ သူရဦးရွှေမန်းက ပြည်သူ့လွှတ်တော် ကိုယ်စားလှယ်များကို အလေးအနက် ပြောကြားသည်။

၎င်းအနေနှင့် အားလုံး၏ ဂုဏ်သိက္ခာနှင့် ထိခိုက်မှု နည်းစေရန် ဆောင်ရွက်ခဲ့၊ ဆောင်ရွက်ဆဲ ဖြစ်ကြောင်း သူရဦးရွှေမန်းက ရှင်းလင်း ပြောဆိုသည်။

အဆိုပါ အဆိုတင်သွင်းသည့် သြဂုတ်လ ၂၄ ရက်နေ့တွင်ပင် အမျိုးသား လွှတ်တော်၌ နိုင်ငံတော် ဖွဲ့စည်းပုံ အခြေခံ ဥပဒေ ဆိုင်ရာ ခုံရုံးကို စွပ်စွဲ ပြစ်တင်မှု အဆို တင်သွင်းခဲ့ရာ လွှတ်တော်ကိုယ်စားလှယ် ၁၅၆ ဦး ထောက်ခံသဖြင့် ယင်းအဆိုကို အမျိုးသား လွှတ်တော်၌ ဆက်လက် ဆွေးနွေးမည်ဖြစ်ကြောင်း လွှတ်တော် ကိုယ်စားလှယ်များ ထံမှ သိရသည်။

Ref:The Voice

မောင်တောတောင်ပိုင်း ကိုင်းကြီးတွင် ဆူပူလိုသူများကို စစ်တပ်က သေနတ် ပစ်ဖေါက် လူစုခွဲခဲ့ရ

မောင်တောမြို့နယ် တောင်ပိုင်း ကိုင်းကြီးရွာတွင် ဆူပူ အကြမ်းဖက်ရန် ကြိုးစားခဲ့ကြသော လူအုပ်စု တစ်ခုကို စစ်တပ်က သေနတ် မိုးပေါ်ထောင်ပစ်ကာ လူစုခွဲခဲ့ရသည်ဟု ဒေသခံများက ပြောသည်။

မောင်တောမြို့နယ်တွင် ရခိုင်ကျေးရွာများ မီးရှို့ခံနေရစဉ်။

“ဖြစ်တာက ဒီလ ၁၈ ရက်နေ့ ညနေမှာ ဖြစ်ပွားတာပါ။ ကိုင်းကြီးရွာမှာ ဘုန်းတော်ကြီးကျောင်းကို မီးရှို့ခံရတဲ့ ဓါတ်ပုံတွေ ပြသထားတဲ့ နေရာကို သြဂုတ်လ ၁၇ ရက်နေ့ ညက ၀င်ရောက် ဖျက်ဆီး သွားခဲ့ပါတယ်။ နောက်တစ်နေ့  ၁၈ ရက်နေ့ ညနေမှာ ကင်းပုန်း ၀ပ်နေတဲ့ အခါ ရွာနားကို ကပ်လာတဲ့ မွတ်ဆလင် ဘင်္ဂလီ (၃) ဦးကို စစ်တပ်က ဖမ်းမိပါတယ်။ အဲသလို ဖမ်းဆီးတဲ့ နောက်ပိုင်း ဇော်မတက် ရွာက ဘင်္ဂလီတွေ ၀ိုင်းလိုက်လာတဲ့ အတွက် စစ်တပ်က သေနတ် သုံးလေးချက် မိုးပေါ်ထောင်ပစ်ပြီး လူစုခွဲလိုက်ရပါတယ်” ဟု ဒေသခံ တစ်ဦးက ပြောသည်။

ဓါတ်ပုံများမှာ ကိုင်းကြီးကျေးရွာ ဘုန်းတော်ကြီးကျောင်းအား  မီးရှို့ ဖျက်ဆီးခံခဲ့ရသည့် ပုံများ ဖြစ်ပြီး နိုင်ငံတော် အကြီးအကဲများနှင့် နိုင်ငံခြားမှ ဧည့်သည်များ လာရောက်သော အခါ ကြည့်ရှု့နိုင်ရန် ရွာလမ်းထိပ် အဆောက်အအုံတစ်ခုတွင် ပြသထားသော ဓါတ်ပုံများ ဖြစ်ကြောင်း  ရွာသားက ဆိုသည်။

“ သူတို့ ဒီလို ဓါတ်ပုံတွေကို ပြသထားတာကို မကြိုက်တဲ့ အတွက် ၀င်ရောက် ဖျက်ဆီးတာ ဖြစ်ပါတယ်။ လုံခြုံရေး ယူထားတဲ့ စစ်တပ်က ၁၈ ရက်နေ့ မနက်မိုးလင်းမှ ဖျက်ဆီးခံရတာကို သိပါတယ်။ နောက်တစ်နေ့ ညဥ့်မှာ စစ်တပ်က ရွာအ၀င် ကင်းပုန်းဝပ်တော့ ရွာထဲ ၀င်လာတဲ့ ဘင်္ဂလီ လူမျိုး သုံးဦးကို မိပါတယ်။ အခုတော့ သူတို့ကို ရဲလက်ထဲ လွဲပေးလိုက်ပြီ ဖြစ်ပါတယ်” ဟု ဆိုသည်။
အလားတူ မောင်တောတောင်ပိုင်း အလယ်သံကျော် အနီး ဥဒေါင်းရွာတွင်လည်း သြဂတ်စ်လ ၁၇ ရက်နေ့က နစက တာဝန်ရှိသူ တစ်ဦးကို ဖမ်းဆီးရန် အလိုရှိနေသူ ၀ရမ်းပြေး တစ်ဦးက ဓါးနှင့် ခုတ်သဖြင့် သေနတ် ပစ်ခတ်မူ ဖြစ်ပွားခဲ့သည်။

“သြဂုတ်လ ၁၇ရက်နေ့ ည ၁၂နာရီခန့်မှာ ဥဒေါင်း ဘင်္ဂလီရွာကို နစက ဗိုလ်လေးလို့ လူသိများတဲ့ ဒုရဲအုပ် ဖြိုးဝေအောင် တပ်ဖွဲ့က ပဋိပက္ခအတွင်းက အကြမ်းဘက်၊ မီးရှို့ရာမှာပါတဲ့ ဆော်လီမူလာကို သတင်းအရ ဖမ်းဖို့သွားပါတယ်။ အိပ် နေတဲ့ ဆော်လီကို လက်နဲ့ လှမ်းနှိုး လိုက်တော့ အသင့် အိပ်ရာဘေးမှာ ချထားတဲ့ ဓါးနဲ့ ထပြီး ဓါးနဲ့ လှမ်းခုတ်တာပါ။ နစက ဗိုလ်လေး လက်မောင်းကို ထိသွားပါတယ်။ ပါလာတဲ့ သူတွေက သေနတ်နဲ့ ပစ်ခတ်ဖမ်းဆီးတော့ ဆော်လီမူလာမှ လက်မောင်းမှာ ဒဏ်ရာ ရရှိသွားပါတယ်” ဟုပြောသည်။

နစက ဗိုလ်အား ဓါးနှင့် ခုတ်သူ ဆော်လီမူလာ(ဓါတ်ပုံ- မောင်ကျောက်ခဲ– မြန်မာပြည်)

အခင်း ဖြစ်ပွားပြီးနောက် ဒုရဲအုပ် ဖြိုးဝေအောင်နှင့် ဆော်လီမူလာတို့ကို ဆေးရုံသို့ ပို့ပေးခဲ့ရပြီး ဆော်လီမူလာအား ယခုအခါ ဖမ်းဆီးထားကြောင်း သိရသည်။ ဖြိုးဝေအောင်တွင် ၀ဲဘက် လက်မောင်းတွင် ၂ လက်မခန့် ဒဏ်ရာ ရရှိသွားကြောင်း  သိရသည်။

ဗိုလ်ကလေးခေါ် ဖြိုဝေအောင် (ဓါတ်ပုံ- မောင်ကျောက်ခဲ- မြန်မာပြည်)

လက်ရှိ မောင်တော တောင်ပိုင်း အခြေအနေမှာ အေးချမ်းနေပြီး စစ်တပ် တပ်ရင်း (၂) ခု မှ လုံခြုံရေးကို တာဝန် ယူထားပြီး  မီးရှို့ခံထားရသော ကျေးးရွာများမှ နေအိမ်များကို ၀ိုင်းဝန်း ဆောက်ပေးနေကြကြောင်း ကျေးရွာသားများက ပြောသည်။
မောင်တော မြို့နယ် တောင်ပိုင်း သရေကုန်ဘောင်တွင် မွတ်ဆလင် ဗလီများနှင့် ဘာသာရေး ကျောင်းတစ်ခုအား စစ်တပ်နှင့် နတလ ရွာသားများက သြဂတ်စ်လ ၂၂ ရက်နေ့က ဖြိုဖျက်လိုက်ကြောင်း ပြည်ပ အခြေစိုက် သတင်းဌာန တစ်ခုတွင် ဖေါ်ပြထားမူနှင့် ပတ်သက်ပြီး ကျေးရွာ သားများအား မေးမြန်းရာ အဆိုပါ သတင်းမှာ လုံးဝ မဟုတ်မှန်ကြောင်းနှင့် မည်သူမျှ ဖျက်ဆီးခြင်း မရှိကြောင်း ပြောကြားသွားသည်။

နိရဉ္စရာ သတင်းဌာန