လွှတ်တော်အစည်းအဝေးများ ဖျက်သိမ်း၍ လွှတ်တော်ဥက္ကဋ္ဌနှစ်ဦးနှင့် သမ္မတဦးသိန်းစိန်တို့ သမ္မတ အိမ်တော်တွင် တွေ့ဆုံဆွေးနွေးလျက်ရှိ

ရန်ကုန် (မဇ္ဈိမ) 

 ပြည်သူ့လွှတ်တော်နှင့် အမျိုးသားလွှတ်တော်တို့ ကြာသပတေးနေ့တွင် ဆွေးနွေးရန် အစီအစဉ်များ ချမှတ်ထားပြီးဖြစ်သော်လည်း လွှတ်တော်အစည်းအဝေးများ ဖျက်သိမ်း၍ လွှတ်တော်ဥက္ကဋ္ဌနှစ်ဦးနှင့် သမ္မတဦးသိန်းစိန်တို့ သမ္မတ အိမ်တော်တွင် တွေ့ဆုံဆွေးနွေးလျက်ရှိသည်ဟု နေပြည်တော် သတင်းရပ်ကွက်ကပြောသည်။

ဆွေးနွေးမှုမှာ နံနက် ၁ဝ နာရီက စတင်ပြီး  နံနက် ၁၁း၃ဝ အချိန်အထိ မပြီးပြတ်သေးဟုလည်း သတင်းရပ်ကွက်က ဆိုသည်။

ပြည်သူ့လွှတ်တော်အမတ် ဦးရဲထွန်းက လွှတ်တော်နှစ်ရပ်နှင့် အခြေခံဥပဒေဆိုင်ရာ ခုံရုံးတို့အကြား အငြင်းပွားနေခြင်း ကို သမ္မတ ဦးသိန်းစိန်နှင့် ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ အမျိုးသားလွှတ်တော် ဥက္ကဋ္ဌ ဦးခင်အောင်မြင့်တို့
ဆွေးနွေးနေခြင်းဟု ယူဆကြောင်း မဇ္ဈိမကို ပြောသည်။

ဖွဲ့စည်းပုံ အခြေခံ ဥပဒေ ဆိုင်ရာခုံရုံးက လွှတ်တော်နှစ်ရပ်မှ လွှတ်တော်အမတ်များနှင့် ဖွဲ့စည်းထားသည့် ကော်မတီ၊ကော်မရှင်များသည် ပြည်ထောင်စုအဆင့်မဟုတ်ဟု ဆုံးဖြတ်ခဲ့ရာမှ စတင်သော တင်းမာမှု သည် ကိုးဦးပါ အခြေခံ ဥပဒေခုံရုံးအဖွဲ့ဝင်များ တာဝန်မကျေဟု လွှတ်တော်တွင် စွပ်စွဲပြစ်တင်ရန် ပြင်ဆင်သည်အထိ ဖြစ်လာခဲ့သည်။

အောက်လွှတ်တော် ဥက္ကဋ္ဌ သူရဦးရွှေမန်းက သမ္မတထံတင်ပြခဲ့သော ခုံရုံးအဖွဲ့ဝင်များ အလိုအလျောက် ရာထူးမှနှုတ်ထွက်ပေးရန် ဖိအားပေးရန်အချက်မှာ ပယ်ချခံခဲ့ရပြီး ခုံရုံးအဖွဲ့ဝင်များဘက်ကလည်း ကျူးလွန်မှုမရှိကြောင်းငြင်းဆိုကြကာ ဆက်လက် တာဝန်ထမ်းဆောင်မည်ဟု ထုတ်ပြောခဲ့သည်။

သမ္မတက ဖွဲ့စည်းပုံအခြေခံဥပဒေကို ပြင်ဆင်ခြင်းဖြင့် ဖြေရှင်းရန် တိုက်တွန်းထားသော်လည်း လွှတ်တော်က စွပ်စွဲပြစ်တင်မှုလုပ်ရန် ပိုမိုအားသန်နေသည်။

လွှတ်တော်ရေးရာကော်မတီများ ပြည်ထောင်စုအဆင့် ဟုတ်၊ မဟုတ်နှင့် ပတ်သက်၍ အခြေခံဥပဒေခုံရုံး၏ မတ်လ အတွင်းက ဆုံးဖြတ်ချက်ကို သွားရောက်ကြားနာခဲ့သူ အောက်လွှတ်တော် ဒုဥက္ကဋ္ဌ ဦးနန္ဒကျော်စွာက လွှတ်တော်သို့ အစီရင်ခံရာတွင် "မှားယွင်းတဲ့ ဆုံးဖြတ်ချက်ကို တနာရီလောက်ကြာအောင် မတ်တတ်ရပ် နားထောင်ခဲ့ရတာနှင့် မတန်စွာကြားနာ ခဲ့ရပါတယ်။" ဟုပါရှိသည်။

ခုံရုံးအဖွဲ့ဝင်များကို စွပ်စွဲပြစ်တင်မည့်အဆိုကို သောကြာနေ့တွင် အမျိုးသားလွှတ်တော်၌ တင်သွင်းရန်ရှိသည်ဟုလည်း အထက်လွှတ်တော်အမတ် ဦးဖုန်းမြင့်အောင်က မဇ္ဈိမကိုပြောသည်။
ဖွဲ့စည်းပုံအခြေခံဥပဒေတွင် အဓိပ္ဗါယ်ဖွင့်ဆိုထားခြင်း မရှိသော်လည်း လွှတ်တော်နှစ်ရပ်လုံး၏ နည်းဥပဒေအသီးသီးတွင် လွှတ်တော်ရေးရာကော်မတီများသည် ပြည်ထောင်စုအဆင့် အဖွဲ့အစည်းများ ဖြစ်သည်ဟု  ပြဌာန်းထားသည်။

"ပြည်ထောင်စု အဆင့် အဖွဲ့အစည်း ဆိုသည်မှာ ဖွဲ့စည်းပုံ အခြေခံ ဥပဒေအရ ဖွဲ့စည်းသော ပြည်ထောင်စု အစိုးရအဖွဲ့၊  အမျိုးသားကာကွယ်ရေးနှင့် လုံခြုံရေးကောင်စီ၊ ဘဏ္ဍာရေးကော်မရှင်၊ ပြည်ထောင်စု တရား လွှတ်တော်ချုပ်၊ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံး၊ ပြည်ထောင်စုရွေးကောက်ပွဲ ကော်မရှင်၊ ပြည်ထောင်စု စာရင်းစစ်ချုပ်ရုံးနှင့်
ပြည်ထောင်စု ရာထူးဝန်အဖွဲ့တို့ကို လည်းကောင်း၊ ပြည်ထောင်စု လွှတ်တော်၊ ပြည်သူ့လွှတ်တော်နှင့် အမျိုးသား လွှတ်တော်တို့က ဖွဲ့စည်းသည့် ကော်မတီ၊ ကော်မရှင်နှင့် အဖွဲ့တို့ကို လည်းကောင်း ဆိုသည်” ဟူ၍ ဖြစ်သည်။

မန္တလေး လူမှုရေး၊ ဘာသာရေး အသင်းအဖွဲ့ ၁၀ဖွဲ့ နိုင်ငံတော် သမ္မတ ပုံပါ တီရှပ်များ ရောင်းချ

ဓါတ်ပုံ-ဧရာတီဘလော့

မန္တလေး၊ သြဂုတ် ၂၃

မန္တလေးမြို့ပေါ်ရှိ ရဟန်းတော် ထောင်ချီ သီတင်းသုံးလျက် ရှိသော မစိုးရိမ် တိုက်သစ် ဆရာတော် အရှင်ဝီရသူ ဦးဆောင်မှုဖြင့် လူမှုရေးနှင့် ဘာသာရေး အသင်းအဖွဲ့ ၁၀ ဖွဲ့က နိုင်ငံတော် သမ္မတကြီး ဦးသိန်းစိန်ပုံပါ တီရှပ်များကို ယနေ့တွင် စတင် ရောင်းချခဲ့ကြောင်း ဆရာတော် အရှင်ဝိရသူက မိန့်ကြားသည်။ အဆိုပါ တီရှပ်များ ရောင်းချသည့် အဖွဲ့အစည်းများမှာ မြတောင်ကျောင်း ဘေးရှိ သာမဏေ စောင့်ရှောက်ရေး အဖွဲ့၊ ၉၆၉ လူငယ် ပရဟိတ အဖွဲ့နှင့် ရခိုင် လူငယ်များ ပါဝင်သည့် အသင်းအဖွဲ့ ၁၀ ဖွဲ့တို့ဖြစ်ပြီး ယင်းကဲ့သို့ ရောင်းချရခြင်းမှာ ရခိုင် အရေးအခင်းတွင် သမ္မတကြီး၏ ရပ်တည်ချက် လုံးဝ မှန်ကန်စေရေး အတွက်နှင့် အကြမ်းဖက်မှုကို လုံးဝ ရှုံ့ချ လိုသည့်အတွက်ကြောင့် ဖြစ်ကြောင်း၊ ယင်းတီရှပ်၏ အရှေ့ခြမ်းတွင် ရခိုင်အလံပေါ်တွင် သမ္မတကြီးပုံနှင့် ရခိုင်ရင်ထိုးပါ တံဆိပ် တပ်ထားသော ဓာတ်ပုံနှင့် နောက်ကျောတွင် UN ကိုယ်စားလှယ်ကင်တားနား၏ ခွဲခြား ဆက်ဆံမှုကို ကန့်ကွက်သည့် အနေဖြင့် ကင်တားနားပုံကို ကြက်ခြေခတ်ထားသည့် ပုံ ပါဝင်ကြောင်း၊ တစ်ထည်လျှင် ၁၅၀၀ ကျပ်ဖြင့် အထည် ၇၀၀ ကို ရောင်းချမည် ဖြစ်ကြောင်း ၄င်းက မိန့်ဆိုသည်။

ယင်းတီရှပ် ၀တ်ဆင်ပြီး မန္တလေးရှိ UN ရုံးရှေ့တွင် ဆန္ဒပြမည့် အစီအစဉ်ကိုလည်း ထပ်မံ ရှင်းလင်းမည်ဟု ၄င်းထံမှ သိရသည်။

 

Ref:The Voice

ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီ၏ ၃/၂၀၁၂ ကြိမ်မြောက် လုပ်ငန်းညှိနှိုင်း အစည်းအဝေးကျင်းပ

နေပြည်တော်၊ သြဂုတ် ၂၃
ပြည်ပတွင်အလုပ်လုပ်ကိုင်မှုကြီးကြပ်ရေးကော်မတီ၏ ၃/၂၀၁၂ ကြိမ်မြောက် လုပ်ငန်း ညှိနှိုင်းအစည်းအဝေးကို၂၂-၈-၂၀၁၂ ရက်နေ့ မွန်းလွဲ ၁၃းဝ၀ နာရီတွင် နေပြည်တော် အလုပ်သမားဝန်ကြီးဌာန၊ ပြည်ထောင်စုဝန်ကြီးရုံး၊ အစည်းအဝေးခန်းမ၌ကျင်းပရာ ကော်မတီ ဥက္ကဋ္ဌ အလုပ်သမားဝန်ကြီးဌာနနှင့်လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန   ပြည်ထောင်စုဝန်ကြီး ဦးအောင်ကြည် နှင့် ကော်မတီဝင် ဒုတိယဝန်ကြီးများ၊ ညွှန်ကြားရေးမှူးချူပ်များတက်ရောက်ကြသည်။

အစည်းအဝေးတွင် ကော်မတီဥက္ကဋ္ဌ ပြည်ထောင်စုဝန်ကြီးမှလက်ရှိအခြေအနေ ၌ ပြည်ပ ရောက် မြန်မာအလုပ်သမားများတွင် ပညာတတ်များ၊ ကျွမ်းကျင် လုပ်သားများအနေဖြင့်၎င်းတို့၏အလုပ်သမားအခွင့်အရေးများအတွက်မည်ကဲ့သို့ဆောင်ရွက်ရမည်ကို  သိရှိသော်လည်းအထွေထွေ အလုပ်သမားများအနေဖြင့် မည်ကဲ့သို့တောင်းဆိုရမည်၊ ဆောင်ရွက်ရမည်ကို သိရှိခြင်းမရှိသည် ကို တွေ့ရှိနေရပါကြောင်း၊ လွှတ်တော်တွင်လည်း အဆိုပါပြည်ပရောက်အလုပ်သမားများအရေးကို အလေးထား ဆွေးနွေးလျက်ရှိကြောင်း၊ ထို့ပြင်၎င်းတို့အား နိုင်ငံတကာစံများ၊ အာဆီယံ၏ သတ်မှတ်ပြဌာန်းချက်များနှင့်အညီကာကွယ်စောင့်ရှောက်မှုများပေးနိုင်ရေးအတွက် ဆောင်ရွက် ထားရှိမည့်အစီအမံများကိုလည်းဆောလျင်စွာ ဆောင်ရွက်သွားရန်လိုအပ်နေကြောင်း၊ နိုင်ငံတကာ စံ များအရ Labour Migration Policy ချမှတ်ဆောင်ရွက်ရာတွင် အလုပ်သမားဝန်ကြီး ဌာန တစ်ခုတည်းဖြင့် ဆောင်ရွက်နိုင်မည် မဟုတ်ဘဲ အခြားသက်ဆိုင်ရာ ဝန်ကြီးဌာနများ၊ လွှတ်တော် ကိုယ်စားလှယ်များ၊ နိုင်ငံရေးပါတီများ၊ အပြည်ပြည်ဆိုင်ရာအဖွဲ့အစည်းများ၊ လူထုလူတန်းစား အဖွဲ့အစည်းများ၊ ကျွမ်းကျင်သူပညာရှင်များနှင့် ပူးပေါင်းဆောင်ရွက်သွားရမှာဖြစ်ကြောင်း၊ ထိုကဲ့သို့ရေးဆွဲ ဆောင်ရွက်ရာတွင် ဥပဒေနှင့်ညီညွှတ်ခြင်း၊ ဖြစ်နိုင်ဖွယ်ရှိခြင်း၊ နိုင်ငံတကာသို့ ရှင်းလင်းဖော်ပြနိုင်ခြင်းနှင့် အများထောက်ခံ အားပေးမှုရရှိနိုင်ခြင်းတို့ကို အခြေခံရမည် ဖြစ်ကြောင်း၊ မကြာမီ ထိုင်းနိုင်ငံတွင်(၁၂) ကြိမ်မြောက် မြန်မာ-ထိုင်းနှစ်နိုင်ငံ အလုပ်သမားရေးရာ ညှိနှိုင်းအစည်းအဝေး ကျင်းပသွားရန် ရှိကြောင်း၊သက်ဆိုင်ရာဌာနများမှအဆုံးအဖြတ် ပေးနိုင်မည့် အဆင့်မြင့်အရာရှိကြီးများပါဝင် တက်ရောက်စေလိုကြောင်း သို့မှသာ လက်ရှိဖြစ်ပေါ်နေသော အလုပ်သမားရေးရာ ကိစ္စရပ်များအား ထိထိရောက်ရောက်ဆွေးနွေး အကောင်အထည် ဖော်နိုင် မည်ဖြစ်ကြောင်းပြောကြားပါသည်။

အစည်းအဝေးသို့တက်ရောက်လာသူများကထိုင်းနိုင်ငံတွင် ရောက်ရှိလုပ်ကိုင်နေကြသော မြန်မာ အလုပ်သမားများကိစ္စ၊ မြန်မာအလုပ်သမားအသစ်များ စေလွှတ်ရေးကိစ္စ အပါအဝင် ပြည်ပနိုင်ငံများသို့အလုပ်သမားစေလွှတ်ရေး လုပ်ငန်းစဉ်များ အပေါ်ကျယ်ကျယ်ပြန့်ပြန့် ဝိုင်းဝန်း ဆွေးနွေးကြသည်။ ပြည်ပရောက်မြန်မာအလုပ်သမားများအနက် မလေးရှားနိုင်ငံ၊ စင်ကာပူနိုင်ငံနှင့်ထိုင်းနိုင်ငံတို့တွင်အလုပ်လုပ်ကိုင်နေသောအလုပ်သမားများက၎င်းတို့ မိသားစုများထံ သို့မြန်မာနိုင်ငံရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ်၊ ဧရာဝတီဘဏ်၊ အာရှစိမ်းလန်း ဖွံ့ဖြိုးရေးဘဏ်၊ သမဝါယမဘဏ်၊ ကမ္ဘောဇဘဏ်တို့မှတဆင့် ၂၀၁၂ ခုနှစ် ဧပြီလမှ ဇူလိုင်လ အထိ ငွေလွှဲပေးခဲ့သောမိသားစုလွှဲပို့ငွေ စုစုပေါင်းမှာ ကျပ်သန်းပေါင်း ၁၈၃၄ သန်းကျော် ဖြစ်ကြောင်း သတင်းရရှိပါသည်။

ပြည်ပတွင်အလုပ်လုပ်ကိုင်မှု ကြီးကြပ်ရေးကော်မတီ၏ (၃/၂၀၁၂)ကြိမ်မြောက်လုပ်ငန်းညှိနှိုင်း အစည်းအဝေးတွင် ကော်မတီဥက္ကဋ္ဌ အလုပ်သမားဝန်ကြီးဌာန နှင့် လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန  ပြည်ထောင်စုဝန်ကြီး ဦးအောင်ကြည် အမှာစကားပြောကြားစဉ်

လယ်သမားများ စီတန်းလှည့်လည် ဆန္ဒပြခွင့် လျှောက်ထားမှု ငြင်းပယ်ခံရ

 

                     ဓါတ်ပုံမင်းနောင်ရိုး

2012-08-22

လယ်ယာမြေ သိမ်းခံထားရတဲ့ လယ်သမားကြီး ၆၀၀ ခန့် ဒီလ ၂၇ ရက်ကျရင် ပြည်မြို့မှာ စီတန်းလှည့်လည် ဆန္ဒပြဖို့  ၁၉ ရက်နေ့က လျှောက်ထားခဲ့တာကို ငြင်းပယ်ကြောင်း ပြည်မြို့နယ် ရဲတပ်ဖွဲ့မှူးရုံးက မနေ့ညက ထုတ်ပြန်ကြေညာ လိုက်ပါတယ်။

ဆန္ဒပြပွဲကို ဦးဆောင်မယ့် သူလည်းဖြစ် ခွင့်ပြုမိန့် လျှောက်ထားသူ တစ်ဦးလည်းဖြစ်သူ ကိုရဲထင်ကျော်က အမိန့်စာ ရရှိပုံကို အခုလို ပြောပြပါတယ်။

"ကျွန်တော်တို့ ကို ၂၁ ရက် ၈ လပိုင်း ၂၀၁၂ ရက်စွဲနဲ့ ပေါ့နော်။ ပြည်မြို့နယ် ရဲတပ်ဖွဲ့ မှူးရုံး ကနေပြီးတော့ပေါ့၊ ဒီငြင်းပယ်တဲ့ အကြောင်းပေ့ါနော်၊ သဘောထား ပြန်ကြားလိုက်ပါတယ်။ ည ၈ နာရီ ၁၀ မိနစ် လောက်က လာပေးရပါတယ်။ ပြည်မြို့နယ် ရဲတပ်ဖွဲ့ မှူးရုံးက ဒီ ကျွန်တော်တို့  ဒု တပ်ကြပ် တစ်ယောက်နဲ့ ပေးခိုင်းလိုက်တာပါ စာအိတ်နဲ့ ပေါ့"

အမိန့်စာထဲမှာ မြို့ နယ်ရဲတပ်ဖွဲ့မှူးက အချက်သုံးးချက် အကြောင်းပြ ငြင်းဆိုခဲ့ရာမှာ ဦးဆောင်မဲ့သူတွေဟာ ပန်းတောင်းမြို့မှာ နေထိုင်သူတွေ ဖြစ်တာရယ်၊ ပြည်မြို့နယ်မှာ လယ်ယာမြေ သိမ်းဆည်းခံရတဲ့ ကိစ္စ ကြီးကြီး ငယ်ငယ် မရှိတာရယ်၊ သိမ်းဆည်းထားတဲ့ လယ်ယာမြေတွေဟာ သက်ဆိုင်ရာ ဥပဒေနဲ့အညီ ဆောင်ရွက်တဲ့ကိစ္စ ဖြစ်တာရယ်တို့ကြောင့် ငြင်းပယ်တာလို့ ဆိုပါတယ်။

ဒီနောက်ဆုံး အကြောင်းပြချက်ဟာ မိမိတို့ ရဲ့လုပ်ပိုင်ခွင့် ဘောင်ကို ကျော်လွန် အကြောင်းပြခြင်း ဖြစ်ကြောင်း ကိုရဲထင်ကျော်က ပြောပါတယ်။

"ဒီ သိမ်းဆည်းပြီး လယ်ယာမြေများ သည်လည်း သက်ဆိုင်ရာဋ္ဌာနမှ ဥပဒေနဲ့ အညီ ဆောင်ရွက်သည့် ကိစ္စများဖြစ်ခြင်း ဆိုတာသည် သူတို့ လုပ်ရမယ့် သူတို့ ပြောရမယ့်စကား မဟုတ်ပါဘူး။ သူတို့ အကြောင်းပြရမယ့်ကိစ္စ မဟုတ်ပါဘူး။ ဘာဖြစ်လို့လဲဆိုတော့ ဒီလယ်ယာမြေ သိမ်းပြီးသားတွေက ဥပဒေနဲ့ ညီ၏၊ မညီ၏ ပေါ့။ လူသူပိုင်၏၊ မပိုင်၏ ဆိုတာကို ဆုံးဖြတ်ရမည့် တာဝန်နဲ့ လုပ်ပိုင်ခွင့်သည် ပြည်တောင်စုလွှတ်တော် အဆင့်မှာသာလျှင် ရှိပါတယ်။ အခုပုံစံ အရဆိုရင် ကျွန်တော်တို့ ပြည်ထောင်စုလွှတ်တော် ကနေပြီးတော့ လယ်ယာမြေ ပြဿနာနဲ့ ပတ်သက်လို့  ဒီဖြေရှင်းဖို့အတွက် စုံစမ်း စစ်ဆေးရေးကော်မရှင်တွေနဲ့ တွေ့ဖို့အတွက် အတည်ပြုလိုက်ပြီ ဆိုတော့လေ။ အဲဒီတော့ အဲဒီအပေါ်မှာ သူတို့ပယ်တယ်ဆိုရင် တစ်ခြားနည်းဥပဒေနဲ့ ညီ၏၊ မညီ၏ ပေါ့နော်။ ကျွန်တော်တို့ လျှောက်ထားတဲ့ပုံစံ မှန်၏၊ မမှန်၏ ဆိုတာကို ကြည့်ပြီးတော့ သူတို့ အနေနဲ့ ပယ်ရမယ်လို့ ကျွန်တော်တို့ ယူဆတယ်"

အခုလို ငြင်းပယ်ခံရတဲ့ကိစ္စနဲ့ ပတ်သက်လို့  ပြည်ထောင်စုလွှတ်တော်နဲ့ နိုင်ငံတော် သမ္မတထံ အိတ်ဖွင့်ပေးစာ တစ်စောင်ပေးပို့ တင်ပြမှာဖြစ်ပြီး ဆန္ဒပြပွဲ နည်းဥပဒေအရ တိုင်းရဲတပ်ဖွဲ့မှူးထံ အယူခံတင်ဖို့ ကိုတော့ အာဏာပိုင်များအပေါ် ယုံကြည်မှု မရှိလို့ လောလောဆယ် စဉ်းစားဆဲပဲ ဖြစ်တယ်လို့ သိရပါတယ်။