မိုးသီးဇွန်နှင့် ပြည်တော်ပြန်များ သတင်းစာရှင်းလင်းပွဲ

ဖွဲ့စည်းပုံ အခြေခံဥပဒေခုံရုံးဆိုင်ရာ ပြည်သူ့လွှတ်တော် စုံစမ်းစစ်ဆေးရေးအဖွဲ့ ဥက္ကဌ ပြောင်းလဲ

နိုင်ငံတော်ဖွဲ့စည်းပုံအခြေခံဥပဒေခုံရုံးအပေါ်စွပ်စွဲပြစ်တင်မှုများကိုဆက်လက်ဆောင်ရွက်ရန် ပြည်သူ့ လွှတ်တော်တွင် စုံစမ်းစစ်ဆေးရေးအဖွဲ့ကို ဦးနန္ဒကျော်စွာကို ဥက္ကဌအဖြစ် တာဝန်ယူကာ ဖွဲ့စည်းခဲ့သည်။ 

သို့သော် ဖွဲ့စည်းပုံ အခြေခံဥပဒေဆိုင်ရာခုံရုံးမှ စက်တင်ဘာလ ၁ရက်နေ့တွင် ပေးပို့လာသည့် သ၀ဏ်လွှာတွင် ပါဝင်သော အချက်ဖြစ်သည့် ဦးနန္ဒကျော်စွာနှင့် အဖွဲ့ဝင်များသည် ခုံရုံးကို စွပ်စွဲပြစ်တင်ရန် လက်မှတ်ရေးထိုးထားသူများဖြစ်ခြင်း၊ ၄င်းအဆိုကို တင်သွင်းသူနှင့် ထောက်ခံသူများဖြစ်ခြင်းတို့ကြောင့် ကန့်ကွက်ကြောင်း အချက်တို့ကြောင့် ဥက္ကဌနေရာတွင် ဦးနန္ဒကျော်စွာအစား အမ်းမြို့နယ်မဲ ဆန္ဒနယ် မှ ပြည်သူ့လွှတ်တော် ကိုယ်စားလှယ် ဦးသိန်းဆွေကို ခန့်အပ် တာဝန်ပေးလိုက်ကြောင်း ၊ကျန်အဖွဲ့ဝင် များကို ပြောင်းလဲရန် မလိုကြောင်း၊ အဆိုပါအဖွဲ့အနေဖြင့် စုံစမ်းစစ်ဆေးမှုများကိုဆက်လက်ပြု လုပ်နေပြီ ဖြစ်ကြောင်း ယနေ့ကျင်းပသည့် ပြည်သူ့လွှတ်တော် အစည်းအဝေးတွင် ပြည်သူ့လွှတ်တော် ဥက္ကဌက ပြောကြားခဲ့သည်။

ယနေ့ ပြည်သူ့လွှတ်တော်အစည်းအဝေး ဦးအောင်သိန်းလင်း၏ အဆို

 စက်တင်ဘာလ ၃ ရက်နေ့(ယနေ့) ပြည်သူ့လွှတ်တော်အစည်းအဝေးတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ တောင်ဥက္ကလာပမြို့နယ် မဲဆန္ဒနယ်မှ ဦးအောင်သိန်းလင်း၏ 'တိုင်းနှင့် ပြည်နယ်အသီးသီးတွင် စားကျက်မြေများကို ဌာနဆိုင်ရာ အမည်ဖောက်၍ လည်းကောင်း၊ ကုမ္ပဏီ အမည်ဖောက်၍ လည်းကောင်း၊ ခွဲဝေချထားပြီး တောင်သူလယ်သမားများကို ထိုမြေများ၌ စိုက်ပျိုးစေပြီး ဌာနဆိုင်ရာများ၊ ကုမ္ပဏီများမှ သီးစားခ ရယူနေခြင်းများ ရှိနေပါသဖြင့် လယ်ယာမြေများကို အမှန်တကယ် လုပ်ကိုင်နေသူများကို ဦးပိုင်အမည်ပေါက် သတ်မှတ်၍ လုပ်ကိုင်ချထားပေးသင့်ကြောင်း' အဆိုတင်သွင်းခဲ့သည်။

၎င်းအဆိုနှင့် ပတ်သက်၍ လွှတ်တော်က လက်ခံဆွေးနွေးရန် သင့် မသင့်ကို ဆုံးဖြတ်ရာ အမျိုးသားဒီမိုကရေစီအဖွဲ့ချုပ်မှ ကိုယ်စားလှယ်တစ်ဦးက ''ယင်းအဆိုတွင် စားကျက်မြေများဟု ဆိုထားသော်လည်း ဆွေးနွေးရာတွင် လယ်ယာမြေများဟု ဆွေးနွေးခဲ့သဖြင့် လယ်ယာမြေဥပဒေကို ကျော်လွန် ဖောက်ဖျက်ရာရောက်ကြောင်း၊ စားကျက်မြေများနှင့်ပတ်သက်၍ ယခုခေတ်တွင် ကျွဲနွားများ ပိုနေသည်ဆိုသည်မှာ လုံးဝမှားယွင်းနေကြောင်း၊ ကျေးလက်နေပြည်သူများနှင့် ယင်းတို့နှင့် ထိတွေ့ဆက်ဆက်နေရသူများမှာ ထိုအကြောင်းကို ပိုမိုသိရှိပြီးဖြစ်ကြောင်း၊ လက်ရှိနိုင်ငံတွင် စက်မှုလယ်ယာအဆင့်သို့ လုံးဝပြောင်းလဲနိုင်ခြင်း မရှိသေးပါကြောင်း၊ ကျွဲနွားများမှာ မိရိုးဖလာလုပ်ငန်းများအတွက် အဓိကဖြစ်ကြောင်း၊ ၄င်းတို့၏ အစားအစာအတွက် စားကျက်မြေများကို မည်သည့်ခေတ် မြေယာဥပဒေများတွင်မှ ထိပါးခြင်း၊ ဖျက်သိမ်းခြင်း မပြုခဲ့ကြောင်း၊ ထို့ကြောင့် ဦးအောင်သိန်းလင်း၏ အဆိုကို ကန့်ကွက်ပါကြောင်း၊ စားကျက်မြေနှင့် ပတ်သက်သည့် ဥပဒေများတွင် စားကျက်မြေများကိုဒီအတိုင်းထားရှိဖို့ကိုလည်း ဖော်ပြထားပါကြောင်း၊ တောင်သူလယ်သမားများအပါအ၀င်၊ ကုမ္ပဏီများ၊ ဌာနဆိုင်ရာများက စားကျက်မြေများကို ဖျက်သိမ်း၍ အခြားမြေများအဖြစ် ဖန်တီးခြင်းငှာ မသင့်သည့်အတွက် အဆိုကို လက်ခံဆွေးနွေးရန် မသင့်ပါကြောင်း ကန့်ကွက်တင်ပြခဲ့သည်။

ထို့ကြောင့် အဆိုကို ဆွေးနွေးရန်မသင့်ကြောင်း ကန့်ကွက်သဖြင့် မတ်တပ်ရပ်စေခြင်းဖြင့် ဆန္ဒမဲခွဲဆုံးဖြတ်ခဲ့ရာ အစည်းအဝေးတက်ရောက်သူ ၁၈၃ ဦးရှိသည့်အနက် အစည်းအဝေး ခန်းမအတွင်းရှိသူ ၃၅၂ ဦးရှိပြီး ၁၇၇ ဦးက ထောက်ခံခဲ့သဖြင့် လိုအပ်သည့် သုံးပုံတစ်ပုံ ကျော်လွန်ခဲ့သဖြင့် ဆက်လက်ဆွေးနွေးရန် လွှတ်တော်က ဆုံးဖြတ်ခဲ့သည်။ ထိုသို့ ကန့်ကွက်ကသူများတွင် အမျိုးသားဒီမိုကရေစီအဖွဲ့ချုပ်မှ လွှတ်တော်ကိုယ်စားလှယ်များအပြင် တပ်မတော်သား လွှတ်တော်ကိုယ်စားလှယ်များနှင့် တိုင်းရင်းသားပါတီမှ လွှတ်တော်ကိုယ်စားလှယ်များလည်း ပါဝင်သည်။''လိုအပ်တဲ့ သုံးပုံတစ်ပုံကျော်လွန်တဲ့အတွက် ဆက်လက် ဆွေးနွေးရမည်ဖြစ်ကြောင်း၊ သို့ရာတွင် ယင်းအဆိုကို အတည်ပြုရန်အတွက် ဆွေးနွေးချက်များပေါ်တွင်သာ မူတည်ကြောင်း ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောကြားခဲ့သည်။

မန္တလေးမြို့ ရခိုင်အရေးနဲ့ ပတ်သက်၍ ဆန္ဒထုတ်ဖော်ခြင်းအမိန့်အား ပြန်လည်ပိတ်သိမ်း

မန္တလေးမြို့တွင် စက်တင်ဘာလ ၂ ရက်နေ့မှ ၄ ရက်နေ့အထိ ရိုဟင်ဂျာအရေးနှင့်ပတ်သက်၍ တရားဝင်ဆန္ဒထုတ်ဖော် ခွင့်ပြုခဲ့သော်လည်း စက်တင်ဘာလ ၂ ရက်နေ့တွင် ပြုလုပ်ခဲ့သော ငြိမ်းချမ်းစွာ စီတန်းလှည့်လည်ဆန္ဒထုတ်သူအရေအတွက်များပြားမှုကြောင့်ဆန္ဒထုတ်ဖော်ခြင်းအမိန့်အား ပြန်လည် ပိတ်သိမ်းခံခဲ့ရကြောင်း သိရသည်။

''ရခိုင်အရေးနဲ့ ပတ်သက်ပြီး ဆန္ဒဖော်ထုတ်တဲ့နေရာမှာ ခွင့်ပြုထားတဲ့လူဦးရေထက်ပိုလို့ သက်ဆိုင်ရာကနေ တားမြစ်ခဲ့တာပါ။ ခွင့်ပြုထားတဲ့လူဦးရေ ၁၀၀ ထက်ပိုလာတဲ့ သံဃာထုနဲ့လူထုကိုမပါဝင်ဖို့ ဆန္ဒထုတ်ဖော်ဖို့ ကျန်နေတဲ့ မြို့နယ် ၄ မြို့နယ်က တာဝန်ခံ ၄ ဦးကို ကနေ့မနက်(သန်းခေါင်)၁နာရီမှာ ခေါ်ယူတွေ့ဆုံပြီး ညှိနှိုင်းကြတဲ့ အဆင်မပြေတဲ့အတွက် ဆန္ဒပြခွင့်ကို ပြန်လည်ရုတ်သိမ်းလိုက်တာပဲ။ ဆန္ဒထုတ်ဖော်တဲ့သူတွေကို ငြိမ်းငြိမ်းချမ်းချမ်းနဲ့ စည်းကမ်းရှိဖို့ပဲ တာဝန်ယူနိုင်ပေးနိုင်တယ်။ သူတို့ကို မပါဝင်ကြဖို့ဆိုတာ ဘယ်လိုမှမဖြစ်နိုင်ဘူး''ဟု ဆရာတော်ဦးဝီရသူက မိန့်ကြားခဲ့ပါသည်။
၂.၉.၂၀၁၂ ရက်နေ့မန္တလေးမြို့တွင်ဆန္ဒထုတ်ဖော်နေသူများ
REF: EMG

သမ္မတရဲ့ ရခိုင်အရေး ရပ်တည်ချက် မန်းသံဃာနဲ့လူထု ထောက်ခံဆန္ဒဖော်ထုတ်

2012-09-02

သမ္မတ ဦးသိန်းစိန်ရဲ့ ရခိုင်အရေး ရပ်တည်ချက်အပေါ် ထောက်ခံတဲ့ ဆန္ဒပြပွဲတွေကို မန္တလေးမြို့ မဟာအောင်မြေမြို့နယ်နဲ့ အောင်မြေသာစံမြို့နယ်တွေမှာ ဒီကနေ့ မနက်ပိုင်းက ကျင်းပခဲ့ပြီး သံဃာတော် (၅) ထောင်ကျော်အပါအ၀င် ပရိသတ် အင်အား စုစုပေါင်း (၁) သောင်းကျော်လောက် ဆန္ဒပြပွဲမှာ ပါဝင်အားပေး ခဲ့ကြပါတယ်။

ပထမဆန္ဒပြပွဲကို မဟာအောင်မြေမြို့နယ် (၃၅) လမ်းနဲ့ (၈၄) လမ်းထောင့်မှာ စတင်စုဝေးပြီး (၃၅) လမ်းအတိုင်း အရှေ့ဘက်ကို (၈၁) လမ်း အထိချီတက်ခဲ့ကြတာ ဖြစ်ပါတယ်။ ဒုတိယဆန္ဒပြပွဲကိုတော့ အောင်မြေသာစံမြို့နယ် လမ်း (၈၀) နဲ့ (၁၂) လမ်းကျုံးထောင့်ကနေ တောင်ဘက် (၁၉) လမ်းအထိ၊ အဲဒီကနေ အနောက်ဘက် (၈၆) လမ်းအထိ ချီတက်ခဲ့ပြီးတဲ့နောက် မူလစုရပ် ကျုံးထောင့်ကို ပြန်လည် ချီတက်ခဲ့ကြတာ ဖြစ်ပါတယ်။ ဒီဆန္ဒပြပွဲနဲ့ ပတ်သက်လို့ ဦးဆောင်သူ နိုင်ငံရေး အကျဉ်းသားဟောင်း ဆရာတော် ဦးဝီရသူက RFA ကို အခုလို မိန့်ကြားခဲ့ပါတယ်။
"ဆန္ဒပြတယ်ဆိုတာ မိမိရင်ထဲက ဆန္ဒတွေပါ။ ကောင်းတာတွေရော မကောင်းတာတွေရော။ ထောက်ခံတာ မထောက်ခံတာတွေရော၊ အားလုံးကို ဖော်ထုတ်တာ ခေါ်ပါတယ်။ အခု ဆန္ဒပြပွဲဟာ နိုင်ငံတော် အစိုးရကို ဆန့်ကျင်တဲ့ ဆန္ဒပြပွဲ မဟုတ်ပါဘူး။ ရခိုင်အရေး နဲ့ ပတ်သက်ပြီး နိုင်ငံတော်အစိုးရ ခေါင်းဆောင် သမ္မတကြီး ဦးသိန်းစိန်ရဲ့ ရပ်တည်ချက်ကို မန္တလေး သံဃာထုရော လူထုရော လုံးဝထောက်ခံတယ်ဆိုတဲ့ ဆန္ဒပြတဲ့ ဆန္ဒဖော်ထုတ်ပွဲ ဖြစ်ပါတယ်။ "

အာဏာပိုင်တွေဘက်က ဆန္ဒပြအင်အား (၁၀၀) ပဲ ခွင့်ပြုထားခဲ့ပေမယ့် ချီတက်ရာလမ်းကြောင်းတွေ တလျှောက် လိုက်ပါအားပေးတဲ့ ရဟန်းရှင်လူတွေကြောင့် အင်အားသောင်းနဲ့ချီ ရှိခဲ့တာဖြစ်ပြီး၊  နေ့လည်ပိုင်း ဆန္ဒပြပွဲမှာ မနက်ပိုင်းကထက် အားပေးတဲ့ ပရိသတ် ပိုမို များပြားလာခဲ့ပါတယ်။

ဆန္ဒပြပွဲ တလျှောက်မှာ ပရိသတ်တွေက ရေသန့်ဗူးနဲ့ အချိုရေတွေ ပေးကမ်းကြသလို လက်ခုပ်သြဘာသံတွေနဲ့လည်း ထောက်ခံ အားပေးခဲ့ကြပါတယ်။
ဒီကနေ့ ဆန္ဒပြပွဲဟာ ၂၀၀၇ ရွှေဝါရောင် တော်လှန်ရေး နောက်ပိုင်း အင်အားအကြီးမားဆုံး သံဃာထု ဆန္ဒပြပွဲကို ပထမဆုံးအကြိမ် ပြန်လည်မြင်တွေ့ရတာ ဖြစ်တယ်လို့ မန္တလေးမြို့ခံတွေက ပြောပါတယ်။ ဆန္ဒပြပွဲကို လုံခြုံရေးရဲအင်အား (၂၀) ကျော်လောက်ချထားခဲ့ပြီး အာဏာပိုင်တွေနဲ့ ဆန္ဒပြသူတွေအကြားမှာ ပဋ္ဋိပက္ခ တစုံတရာ ဖြစ်ပွားမှု မရှိခဲ့ဘူးလို့ သိရပါတယ်။ မနက်ဖြန်မှာတော့ ပြည်ကြီးတံခွန်မြို့နယ်နဲ့ ချမ်းအေးသာစံမြို့နယ်၊ သဘက်ခါမှာတော့ ချမ်းမြသာစည်နဲ့ အမရပူရမြို့နယ်တွေမှာ ဆန္ဒပြပွဲတွေ ဆက်လက်ပြုလုပ်သွားဖို့ရှိတယ်လို့လည်း သိရပါတယ်။

Copyright © 1998-2011 Radio Free Asia. All rights reserved.

ဘက်လိုက်ခွဲခြား ဆက်ဆံမှု လှိုင်သာယာ စက်မှုဇုန်လုပ်သားများ ဆန္ဒပြ

 အလုပ်သမားတွေအပေါ် အလုပ်ရှင်တွေဖက်က ဖိနှိပ်နေတာတွေ အဆုံးသတ်ပေးဖို့ တောင်းဆိုတဲ့အနေနဲ့ ရန်ကုန်တိုင်း လှိုင်သာယာမြို့နယ် အတွင်း စက်မှုဇုန် အသီးသီးမှာ အလုပ်လုပ်ကိုင်နေကြတဲ့ အလုပ်သမား ကိုယ်စားလှယ် (၂၀၀) လောက်ဟာ ဆိုင်းဘုတ် ပိုစတာတွေ ကိုင်ဆောင်ပြီး လှိုင်သာယာ ဘီအိုစီအ၀ိုင်း အနီးကနေ ရက်ကွက်တွေအတွင်း ဒီကနေ့ မနက်ပိုင်းက ပထမဆုံးအကြိမ် ငြိမ်းချမ်းစွာ စီတန်းလှည့်လည် ဆန္ဒပြခဲ့ကြပါတယ်။

ဘီအိုစီ အ၀ိုင်းကနေ ရန်ကုန်-ပုသိမ် အဝေးပြေးလမ်း မြို့နယ်
အားကစားကွင်းဝင်းအထိ ကြွေးကြော် သံတွေနဲ့ အတူ တောင်းဆို ဆန္ဒပြခဲ့ကြတာပါ။

အလုပ်ရှင်တွေဖက်က အလုပ်သမား အချင်းချင်းကြား ခွဲခြားဆက်ဆံမှုတွေ အများအပြား ရှိနေတဲ့အတွက် အလုပ်ရှင်တွေ သိရှိဖို့ အခုလို ဆန္ဒ ထုတ်ဖော်ရတာလို့ ဆန္ဒပြ အလုပ်သမတစ်ဦးက RFA ကို ပြောပါတယ်။

"စက်ရုံမှာက ဖိအားပေးမှုတွေ ရှိပါတယ်။ ဘက်လိုက်မှုတွေပေါ့နော်။ ဒီအလုပ်ကို လုပ်ရတာချင်း အတူတူကို အတော်ဆုံးဆိုပြီးတော့ရွေးထုတ်ပြီးတော့ အလုပ်သမား အချင်းချင်းကို သွေးခွဲတယ်။
နောက်ပြီးတော့ ခေါင်းဆောင်တွေ ကျူတီပိုင်းဆိုင်ရာတွေက သူဌေးဘက်ကနေ ရပ်တည်ပြီးတော့ကို ဘက်လိုက်မှုတွေ များပါတယ်။ အဲဒါတွေကလည်း ဗမာတွေပါပဲ။ တရုတ်ဘက်ကနေလိုက်ပြီး မြန်မာ သစ္စာဖောက်တွေပေါ့။ ဒီနေ့အထိကတော့ အလုပ်သမားအားလုံးရဲ့ နစ်နာဆုံးရှုံးမှုတွေကို ဆန္ဒထုတ်ဖော်မှုလုပ်တာကို အဓိကထား လုပ်ကြတာပါ။"

စက်ရုံတွေမှာ တစ်နေ့ကို (၈) နာရီပဲ အလုပ်ခိုင်းစေဖို့၊ အနည်းဆုံးလုပ်ခ လစာ (၃) သောင်း ရရှိဖို့၊ နေ့စား အလုပ်သမားတွေကို လခစား အဖြစ်ပြောင်းလဲ သတ်မှတ်ပေးဖို့ ၊ အလုပ်ထုတ်ပစ်တာတွေ ရပ်ဆိုင်းပေးဖို့၊ ကလေးအလုပ်သမား အရေး ကာကွယ်ဖြေရှင်းပေးဖို့စတဲ့ အချက်တွေကို
လည်း ဒီကနေ့ ဆန္ဒပြပွဲမှာ အလုပ်သမား ကိုယ်စားလှယ်တွေတောင်းဆိုခဲ့ကြပါတယ်။

မြန်မာနိုင်ငံမှာ အလုပ်သမား အခွင့်အရေး ချိုးဖောက်ခံရမှုတွေ၊ အလုပ်ရှင်ဘက်က ဖိနှိပ်မှုတွေ ရှိနေတဲ့အတွက် အခုနှစ် မေလနောက်ပိုင်းက စလို့ လှိုင်သာယာ၊ ရွှေပြည်သာ စတဲ့ စက်မှုဇုန်တွေမှာ တောင်းဆို ဆန္ဒပြမှုတွေ အကြိမ်ကြိမ် ဖြစ်ပွားခဲ့ပါတယ်။

 RFA

ကေအိုင်အို-ပလောင် လွတ်မြောက်ရေးပူးပေါင်းတပ်နဲ့ အစိုးရတပ်အကြား တိုက်ပွဲဆက်

ရှမ်းပြည်မြောက်ပိုင်းမှာ ကေအိုင်အိုနဲ့ ပလောင် လွတ်မြောက်ရေး တပ်မတော် ပူးပေါင်းတပ်တွေနဲ့ မြန်မာအစိုးရတပ်တွေအကြားတိုက်ပွဲတွေမကြာခဏ ဖြစ်နေတာကြောင့် ဒေသခံ ပြည်သူ   ထောင်ဂဏန်းလောက် ပြည်တွင်း တောတောင်တွေအတွင်း စစ်ဘေးလွတ်ရာ တိမ်းရှောင်နေရတယ်လို့ သိရပါတယ်။

ရှမ်းပြည်မြောက်ပိုင်း မန်တုံမြို့နယ်နဲ့ နမ့်ဆန်မြို့နယ် အတွင်းမှာ မြန်မာ
အစိုးရတပ်တွေ အင်အားတိုးချဲ့လာပြီး လှုပ်ရှားနေတာကြောင့်
ကေအိုင်အေ တပ်တွေနဲ့ ပူးပေါင်းထားတဲ့ ပလောင်ပြည်နယ် လွတ်မြောက်ရေးတပ်ဦး အဖွဲ့ရဲ့ လက်အောက်ရှိ တအာင်း အမျိုးသား
လွတ်မြောက်ရေးတပ်မတော် (TNLA) အဖွဲ့တွေနဲ့ အခုတလော မကြာခဏ တိုက်ပွဲဖြစ်ပွါးနေတဲ့ အကြောင်း TNLA အဖွဲ့ရဲ့ တပ်မှူးတစ်ယောက်က
ပြောပြပါတယ်။

"ပြီးခဲ့တဲ့၃၀၊ ၃၁ ရက်နေ့ကတော့ တိုက်ပွဲအငယ်လေးတွေ ဖြစ်တယ်ခင်ဗျ။ နမ့်ဆန်မြို့နယ်မှာ တနေရာ မန်တုံဘက်မှာလည်း ဖြစ်တယ်။ မန်တုံဘက်မှာ
ဖြစ်တာတော့ ကေအိုင်အို တပ်ရင်း ၃၄ အဓိက ဦးဆောင်ပြီး နေရာ
ချထားတဲ့ နေရာပေါ့။ နမ့်ဆန်၊ မန်တုံနောက်ကြောဘက်မှာ အဓိက လှုပ်ရှားတာကတော့ ကျောက်မဲအခြေစိုက် ၅၀၁နဲ့ ၅၀၂ ပြီးတော့ မန်တုံတပ် ခလရ ၁၃၀၊ ကျနော်တို့ ပလောင်တပ်ဖွဲ့နဲ့ ကေအိုင်အေ အခြေချနေတဲ့
ဒေသတွေကို သူတို့က ၀င်လာတာ နမ့်ဆန်၊ မန်တုံ ကွတ်ခိုင်ဒေသက။ ကျနော်တို့ တအာင်းဒေသက သြဂတ်လ ဒုတိယ အပတ်ကနေ စပြီးတော့ ထိုးစစ်တွေက အများကြီးဝင်လာတယ်။ ကျနော်တို့ တွက်ကြည့်တာ တပ်ရင်းပေါင်း ၁၆ ရင်းထက်တော့ မနည်းတော့ဘူး။ အကုန်လုံးစုစုပေါင်း ၁၀၀၀ ကျော်လောက်တော့ ရှိမယ်ခင်ဗျ။"

သြဂုတ်လ ၂၈ ရက်နေ့ကလည်း မန်တုံမြို့နယ်အတွင်းမှာ ၂ ဘက်တပ်တွေ တိုက်ပွဲ ဖြစ်ပွါးခဲ့တယ်လို့ သိရပါတယ်။

အဲဒီဒေသမှာ SSA ရှမ်းပြည်မြောက်ပိုင်းလို့ လူသိများတဲ့ SSPP/SSA တပ်၊ အခု တအာင်းအမျိုးသား လွတ်မြောက်ရေးတပ်နဲ့ ကေအိုင်အေ တပ်တွေ ပူးတွဲ လှုပ်ရှားနေထိုင်တဲ့ ဒေသ ဖြစ်ပါတယ်။

အခုတလော မြန်မာအစိုးရတပ်က ဒေသခံ ပလောင်လူမျိုးတွေကို လမ်းပြခေါ်ခိုင်းတာ၊ ပေါ်တာ ထမ်းခိုင်းတာတွေလည်း လုပ်နေတယ်လို့ သူကပြောပါတယ်။ အခုလို တိုက်ပွဲတွေ မကြာခဏ ဖြစ်နေတာကြောင့်
ဒေသခံပြည်သူ အများစု စစ်ဘေးလွတ်ရာ တောတောင်တွေထဲ ထွက်ပြေး တိမ်းရှောင်နေကြရတာ အခုဆိုရင် ထောင်ဂဏန်းလောက်ရှိပြီး အကူအညီတွေလည်း အများအပြား လိုအပ်နေတဲ့အကြောင်း အဲဒီ ပလောင်တပ်မှူးက ဆက်ပြောပြပါတယ်။

"နမ့်ဆန်နဲ့ မန်တုံအောက်ပိုင်းကတော့ ကိုယ့်ရွာမှာပဲ ကိုယ်နေရတယ်။ ဒါပေမဲ့ ရွှေလီမြစ်နဲ့ နဲနဲနီးတဲ့ မန်တုံ အထက်ပိုင်းတွေမှာတော့ တုံဟုန်းတို့ ကုန်းဘောင်တို့ အဲဒီဘက်မှာတော့ ဒုက္ခသည်ကတော့ ၁၀၀၀ ၀န်းကျင်
လောက်တော့ ရှိတယ်ခင်ဗျ။ ပလောင်ရွာတွေ ကချင်ရွာတွေမှာရှိတဲ့
ပြည်သူတွေက စစ်ဘေး ရှောင်နေရတယ်။ ကေအိုင်အေ တိုက်ပွဲ
ဖြစ်ကတည်းက သုံးလေးငါးလောက် ရှိတယ်။ ဒီနောက်ပိုင်းမှာတော့ ထပ်တိုးလာတာပေါ့။ အကူအညီတွေကတော့ ပလောင် အမျိုးသမီးအဖွဲ့တို့ လူငယ်အဖွဲ့တို့ မန်တုံမှာရှိတဲ့ ဒေသခံအချို့၊ သူတို့ဝိုင်းကူကြတယ်။ ပြီးတော့ ကချင်ခရစ်ယန် အဖွဲ့တွေပေါ့။ အ၀တ်အစားတွေ ဆေးတွေ နဲနဲဝင်ကူတာ ရှိတယ်။ ဒုက္ခသည်တွေက ဖြစ်သလိုပဲ တောထဲမှာ ရွာပုံးရွာရှောင်တွေ
ပြေးနေရတယ်ဆိုတော့ ငှက်ဖျားတွေ ဖြစ်တာတို့ ၀မ်းလျှောတာတို့ အများကြီးတော့ ဒုက္ခတွေ ရောက်နေတာပေါ့ "

ဒုက္ခသည်တွေ တိမ်းရှောင်နေတဲ့ ဒေသဟာ နယ်စပ်နဲ့ ဝေးတဲ့အပြင် လမ်းပန်း ဆက်သွယ်ရေး ခက်ခဲတဲ့ နေရာဖြစ်တယ်လို့ သိရပါတယ်။

မြန်မာအစိုးရဟာ အခုလို စစ်အင်အား တိုးချဲ့ပြီး ထိုးစစ်ဆင်နေတာဟာ ရှမ်းပြည်မြောက်ပိုင်းမှာ လက်နက်ကိုင် အဖွဲ့အစည်း မရှိရေး ရည်မှန်းချက်
နဲ့ ပြည်သာယာ စစ်ဆင်ရေး စီမံချက်အတိုင်း လုပ်ဆောင်နေတာ
ဖြစ်ကြောင်း၊ ဒီလိုစစ်ရေးနဲ့ ဖိအားပေးပြီး ပြည်တွင်းငြိမ်းချမ်းရေး တည်ဆောက်တာဟာ ဘယ်တော့မှ ပြေလည်သွားနိုင်မှာ မဟုတ်ကြောင်း အဆိုပါ ပလောင်တပ်မှူးက ပြောပါတယ်။

(ဓာတ်ပုံ- Courtesy of Kachinmedia)