jaketaw85

Friday, March 23, 2012

ကွန်ပြူတာကြည့်သူတိုင်းအတွက်

ခု ခေတ်မှာ ကွန်ပြူတာသုံးတဲ့သူ အရမ်းများတယ်နော်။ ကွန်ပြူတာနဲ့ အလုပ်လုပ်နေရတဲ့သူတွေရှိသလို အင်တာနက်ခေတ်ကြီးမှာ အလုပ်ကြောင့်ဖြစ်ဖြစ် အပျင်းပြေဖြစ်ဖြစ် အင်တာနက်သုံးရင်း အချိန်ကုန်နေတဲ့သူတွေကလည်း အများကြီးပဲလေ။ ဂိမ်းကို စွဲစွဲလန်းလန်းကစားနေတဲ့သူတွေကလည်း ဒုနဲ့ဒေးပါပဲ။ အဲဒီတော့ ကွန်ပြူတာအသုံးများလွန်းပြီး မျက်စိပြဿနာတွေနဲ့ ကြုံရပြီပေါ့။ ကွန်ပြူတာအသုံးများလွန်းရင် မျက်စိက အများကြီးဒဏ်ခံရပါတယ်။ မျက်လုံးတွေေ၀၀ါးလာမယ်၊ ကြည့်ရတာလည်း အဆင်မပြေတော့ဘူး၊ မျက်လုံးအိမ်ခြောက်သွေ့လာမယ်၊ မျက်ရိုးကိုက်၊ မျက်ရည်ပူတွေကျမယ်၊ ခေါင်းမူး၊ ခေါင်းကိုက်၊ ဇက်ကြောတွေလည်းတက်မယ်၊ မျက်မှန်သမားတွေဆိုရင်လည်း မျက်မှန်က ကြည့်ရတာအဆင်မပြေတော့ဘူး။ ဒါဆိုရင်တော့ မျက်စိက အလုပ်လုပ်ရလွန်းလို့ ဒဏ်မခံနိုင်တော့ဘဲ ဆန္ဒပြလာပြီပေါ့။ မျက်စိပါဝါတိုးမှာကလည်း သေချာသလောက်ပဲနော်။ ကံကောင်းထောက်မစွာနဲ့ပဲ ဒီလိုအခြေအနေတွေကို ရှောင်လွှဲနိုင်မယ့်နည်းလမ်းတွေ အများကြီးရှိပါတယ်။ အရမ်းလွယ်တယ်နော်။ လုပ်ကြည့်ကြရအောင်..။

Use Flat LCD Monitor

- အရင်သုံးနေတဲ့ Tube Monitor တွေအစား Flat LCD Monitor ကို ပြောင်းသုံးပါ။
- Flat LCD Monitor တွေမှာ အလင်းတာကိုလျှော့ချပေးနိုင်တဲ့ မျက်နှာပြင်ပါရှိလို့ မျက်စိကို ထိခိုက်မှုနည်းစေပါတယ်။
- ဒါကြောင့် ကွန်ပြူတာကို အကြာကြီးသုံးနေရတဲ့သူတွေဟာ Flat LCD Monitor ကိုပဲ သုံးသင့်တယ်နော်။

Clean The Screen Regularly

- ကွန်ပြူတာမျက်နှာပြင်ပေါ်က ဖုန်မှုန့်လေးတွေကြောင့် သင့်မျက်စိထိခိုက်နိုင်တယ်ဆိုရင် အံ့သြသွားမှာပဲနော်။
- ကွန်ပြူတာမျက်နှာပြင်က အမြဲထုတ်လွှင့်နေတဲ့ လျှပ်စစ်လှိုင်းတွေရဲ့ တွန်းကန်အားကြောင့် ကွန်ပြူတာမျက်နှာပြင်ပေါ်က ဖုန်မှုန့်လေးတွေက သင့်မျက်လုံးဆီကို တန်းတန်းမတ်မတ်ကို ရောက်လာမှာပဲလေ။
- အဲဒီဖုန်မှုန့်လေးတွေ မျက်စိထဲဝင်သွားပြီဆိုရင် မျက်စိထဲမှာ ခိုးလိုးခုလုတွေဖြစ်မယ်။ မျက်စိကလည်း ပိုဒဏ်ခံရတာပေါ့။
- အဲဒီတော့ ကွန်ပြူတာမသုံးခင် ကွန်ပြူတာမျက်နှာပြင်ကို အရင်ဆုံး သေချာသုတ်လိုက်နော်။

Position Your Monitor At the Proper Distance & Angle

- ကွန်ပြူတာက သင့်ရှေ့တည့်တည့်မှာပဲရှိပါစေ။
- သင့်မျက်နှာနဲ့ ကွန်ပြူတာက ၂ပေလောက် ကွာနေရမယ်နော်။
- ပြီးတော့ ကွန်ပြူတာရဲ့မျက်နှာပြင်က သင့်မျက်လုံးနေရာထက် နိမ့်ရမယ်။
- ကွန်ပြူတာရဲ့အပေါ်ဘောင်က သင့်မျက်လုံးနဲ့တစ်တန်းတည်းဖြစ်နေရင်တော့ အကောင်းဆုံးပဲပေါ့။
- ဒါမှ သင့်မျက်လုံးနဲ့ လည်ပင်းက ပုံမှန်အနေအထားမှာရှိနေပြီး အားစိုက်စရာလည်းမလိုတော့ဘူးလေ။

Turn Down your Screen’s Brightness & Turn Up The Contrast

- ကွန်ပြူတာမျက်နှာပြင်က အရမ်းလင်းနေရင် မျက်စိကိုထိခိုက်နိုင်ပါတယ်။
- တကယ်လို့ အရောင်ကို အဖြူနဲ့အမည်းကြားမှာ သေချာစွာမချိန်ထားဘူးဆိုရင်တော့ အရောင်တွေကို သေချာခွဲခြားနိုင်ဖို့ အားစိုက်ကြည့်နေရတာနဲ့ မျက်စိကဒဏ်ဖြစ်လာတော့မှာပါ။
- ဒါကြောင့် ကွန်ပြူတာရဲ့ အလင်းရောင်နဲ့ အရောင်တွေကို ကြည့်လို့ကောင်းပြီး သင့်တော်တဲ့အနေအထားရအောင် သေချာလေးချိန်ပေးဖို့ လိုတယ်နော်။

Books And Papers Directly Next To Screen

- တကယ်လို့ စာရွက်တွေ၊ စာအုပ်တွေထဲက စာတွေကို ကွန်ပြူတာထဲ ကူးရိုက်ရမယ်ဆိုရင်တော့ လိုအပ်တဲ့စာရွက်စာတမ်းတွေကို ကွန်ပြူတာရဲ့ဘေးကပ်လျက်မှာ ထားသင့်ပါတယ်။
- သင့်မျက်လုံးတွေ များများလှုပ်ရှားစရာ မလိုအောင်ပေါ့။
- သင်ဟာ ကွန်ပြူတာကိုမကြည့်ဘဲ စာတွေကိုအလွတ်ရိုက်နိုင်လား။ ဒါဆိုရင်တော့ အကောင်းဆုံးပဲနော်။
- စာကူးရိုက်နေတုန်း စာအုပ်ကိုပဲကြည့်ပြီး အမှားစစ်မယ့်အချိန်လောက်ပဲ ကွန်ပြူတာကိုကြည့်ပါ။

Create An Environment That Has Lighting Similar To That Of Your Monitor

- အလုပ်လုပ်ဖို့ အဆင်အပြေဆုံးနေရာမှာ စူးရှတဲ့အလင်းရောင်တွေ မရှိရဘူး။
- သင့်တင့်တဲ့ သဘာဝအလင်းရောင် ရှိရမယ်။
- ရောင်ပြန်နိုင်တဲ့ပစ္စည်းတွေလည်း မရှိရဘူး။
- အခန်းရဲ့အလင်းရောင်ဟာလည်း ကွန်ပြူတာရဲ့အလင်းရောင်နီးပါး လင်းနေရမယ်နော်။
- ပြီးတော့ ပြတင်းပေါက် (သို့) အရမ်းလင်းနေတဲ့နေရာနဲ့ မျက်နှာခြင်းဆိုင် မနေမိစေဖို့လည်း သတိထားပါအုံး။

Take A Rest

- လူတွေတောင် အလုပ်အရမ်းလုပ်ရရင် ပင်ပန်းနွမ်းနယ်လာရောလေ။
- နူးညံ့တဲ့ မျက်လုံးလေးတွေဆိုရင်တော့ ပိုဆိုးပြီပေါ့။
- မျက်လုံးကို ခဏအနားပေးကြရအောင်နော်။
- ကွန်ပြူတာကို ၁၅မိနစ်ကြည့်ပြီးတိုင်း အဝေးတစ်နေရာကို တစ်မိနစ်လောက် စူးစိုက်ကြည့်ပါ။
- ၁နာရီကြာတိုင်းလည်း မျက်လုံးကိုခဏမှိတ်ထားပြီး အနားပေးလိုက်ပါ။Blink More
- မျက်စိပြသနာတစ်ချို့ဟာ မျက်တောင်ခတ်နည်းရာကနေ မျက်လုံးအိမ်ခြောက်သွေ့လာလို့ ဖြစ်တာပါ။
- ကွန်ပြူတာ သို့မဟုတ် တစ်ခုခုကို စူးစိုက်ကြည့်နေစဉ်မှာ မျက်တောင်ခတ်ဖို့ မေ့နေတတ်ကြတယ်လေ။
- ဒါကြောင့် နာရီဝက်ကြာတိုင်း မျက်တောင်အခါ၂၀ ခတ်ပေးသင့်တယ်နော်။ Use Eyeglasses With The Proper Prescription
- သင်ဟာ မျက်မှန်တပ်ရသူဆိုရင်တော့ ကိုယ့်မျက်စိပါဝါနဲ့ကိုက်ညီတဲ့ မျက်မှန်ကိုပဲ တပ်ဆင်သင့်တယ်နော်။
- မျက်မှန်မှာ ရောင်ပြန်ပါတဲ့မှန်ကို အသုံးပြုပြီးတော့လည်း ကွန်ပြူတာကြောင့်မျက်စိထိခိုက်ခြင်းကနေ ကာကွယ်နိုင်ပါတယ်။
- မျက်မှန်တပ်စရာမလိုတဲ့ မျက်စိကောင်းသူတွေလည်း ပါဝါမပါဘဲ ရောင်ပြန်ပါတဲ့ မျက်မှန်လေးနဲ့ ကွန်ပြူတာကြောင့် မျက်စိထိခိုက်တဲ့ဒဏ်ကနေ ကာကွယ်နိုင်ပါတယ်။

Do Eye Exercise

- မျက်လုံးလေးတွေကို အားရပါးရ အသုံးချပြီးရင် မျက်လုံးလေးတွေလည်း ညောင်းနေမှာပဲလေ။
- အဲဒီတော့ မျက်လုံးကြွက်သားလေးတွေ အညောင်းပြေအောင် လေ့ကျင့်ခန်းလေးလုပ်ပေးကြရအောင်နော်။
- အလွယ်ဆုံးနဲ့ အကောင်းဆုံးလေ့ကျင့်ခန်းကတော့ ဖြေလျော့တဲ့လေ့ကျင့်ခန်းပါပဲ။
- လက်ဝါးနှစ်ဘက်ကို ပူနွေးလာတဲ့အထိ ပွတ်ပေးပါ။
- ပူနွေးလာရင် မျက်စိမှိတ်ပြီး မျက်လုံးလေးတွေပေါ် ဖွဖွလေးတင်လိုက်ပါ။
- အားနဲ့တော့ မဖိလိုက်နဲ့နော်။
- ပြီးတော့ လက်ချောင်းလေးတွေကြားကနေ အလင်းရောင်မ၀င်နိုင်လောက်အောင်လည်း လက်ချောင်းလေးတွေကို ကပ်ထားရပါမယ်။
- ဒါဆိုရင်တော့ သင့်မျက်လုံးလေးတွေ အညောင်းပြေသွားလောက်ပြီနော်။

ကြာကြာဝါးမယ့်သွားက ဘာစားစား အရိုးကြည့်ရှောင်ရမယ်လေ။ ဒီလိုပဲ မျက်လုံးတွေကိုလည်း တသက်လုံး ကောင်းကောင်းသုံးနိုင်ဖို့ မျက်စိကို ဒဏ်ဖြစ်စေမယ့်အရာတွေကို ရှောင်မှဖြစ်မယ်နော်။ အဲဒီတော့ အထက်ပါနည်းလမ်းလေးတွေကိုလည်း လိုက်နာမယ်၊ မျက်စိအားကောင်းစေတဲ့အစားအစာတွေကိုလည်း အများကြီးစားသုံးပေးမယ်ဆိုရင် သင့်မျက်လုံးလေးတွေဟာ တစ်သက်လုံးအန္တရာယ်ကင်းနေမှာ သေချာပါတယ်။

Myanmar Sky Link
(Myanmar Health & Beauty Website)
www.myanmarskylink.com မှ ကူးယူဖော်ပြပါသည်

Friday, March 16, 2012

ကိုယ်ဝန်ဆောင်စဉ်သုံးနိုင်သောအနေအထားများ

အသက် ၁၈ နှစ်ပြည့်မှ ဖတ်ပါ (၆၂)

1) သတင်းတခုမှာ ဖတ်လိုက်ရလို့ပါ။ ပါးစပ်မှာ ပိုးတွေ အများကြီး ရှိတယ်လို့။ ဆက်ဆံရာမှာ ပါးစပ်သုံးတာ ရောဂါ ရနိုင်ပါသလား။ နောက်တခုက လိင်တံ-အရစ်ကြားက ရှိတဲ့ အဖတ်လေးတွေကိုတော့ သူက အမြဲသန့်တာ တွေ့ဘူးပါတယ်။ အဲတာကကော သမီးတို့မိန်းကလေးတွေကို ရောဂါရစေတတ်လား ဆိုတာလဲ သိချင်ပါတယ်။ သူငယ်ချင်း တယောက်က အဲဒါက သားအိမ်မှာ ကင်ဆာတို့ ဘာတို့ ဖြစ်တတ်တယ်ပြောလို့ပါ။ အဲဒါကော ဟုတ်ပါသလား။

2) ကျွန်မ အမျိုးသားနှင့် လိင်ဆက်ဆံတိုင်း ပြီးမြောက်သည်းအဆင့်ကို ရောက်ပါသည်ရှင့်။ ကိုယ်ဝန် ဘယ်နှစ်လမှာ စရှောင့်သင့်လဲ ဆိုတာကို သိချင်ပါတယ်။
3) ဆရာ Post တခုမှာ ဖတ်လိုက်ရတဲ့ ကိုယ်ဝန် ပထမ ၃ လမှာ ယောက်ကျားနဲ့ အတူတူနေလို့မရဘူးဆိုပြီး။ သူနဲ့လဲ အတူတူ နေချင်ပါတယ်။ ကလေးကိုလဲ လိုချင်တယ်။ တခုခု ဖြစ်သွားမှာလဲ ကြောက်တယ်။ ခုဆို Oral sex ပါးစပ်တို့ လက်တို့ပါ မသုံးရဲပါဘူး။ ပိုးဝင်ပြီး ကလေး တခုခုဖြစ်သွားမှာ စိုးလို့ပါ။ ခုသမီးမှာက ကိုယ်ဝန်က ၂ လ လောက် ရှိနေပါပြီ။ သားဦးဆိုတော့ သူကော သမီးမှာပါ အတွေ့အကြုံမရှိဘူး ဖြစ်နေလို့ပါ။ အနားမှာ တိုးတိုး မေးစရာ လူကြီးကလဲ မရှိလို့ပါ။ အမျိုးသားက အမြဲခရီးသွားနေရလို့ သူရှိတဲ့ အချိန်မှာတော့ သူနဲ့ အတူတူ နေချင်တာပေါ့။ တကယ်လို့ အတူတူနေလို့ ရတယ်ဆိုရင် ဘယ်လို ပုံစံမျိုးက ကိုယ်ဝန်ဆောင်တွေအတွက် အဆင်ပြေနိုင်မလဲ ဆိုတာပါ ပြောပြပါနော်။

ပွင့်ပွင့်လင်းလင်း မေးကြတာ ချီးကျူးပါတယ်။ ဖြေတာမှာလည်း ရှင်ရှင်းရေးဘို့ အားမနာရတာပေါ့။ တယောက် မေးတာ Sep 13, 2010 at 5:47 PM ကတည်းကပါ။ အခုမှ (ဘလော့ခ်) မှာ တင်ပါတယ်။

(၁) Oral sex လုပ်ရင် STDs လိင်ကတဆင့် ကူးစက်ရောဂါတွေ အပါအဝင် တချို့ရောဂါတွေ ကူးစက်နိုင်ပါတယ်။ သီအိုရီအရ ပြောရရင် HIV, Hepatitis B, Hepatitis C တွေဖြစ်တယ်။ လက်တွေ့မှာ ရာခိုင်နှုန်း မများလှပါ။ အပြုခံသူမှာ မဆက်ဆံခင်နဲ့ ဆက်ဆံချိန် ထွက်တဲ့အရည်တွေမှာ ပိုးပါနေမှ ကူးတယ်။ လိင်အင်္ဂါတွေနဲ့ ပါးစပ်က အပေါ်ယံ အဖုံးလွှာမှာ အနာ-အဆာ ရှိနေရင် ကူးတယ်။ (ကွန်ဒွမ်) နဲ့ ကာကွယ်နိုင်ကြတယ်။

Oral sex ပါးစပ်သုံးတာ နဲ့ HIV
ပိုးရှိနေသူရဲ့ လိင်တံကို ပါးစပ်မှာ ထည့်သုံးရင်လဲ ကူးစေနိုင်တယ်။ အလားတူဘဲ အမျိုးသမီးရဲ့အရည်လဲ ပါးစပ်ထဲ ဝင်ရင် ဖြစ်ခြင်တယ်။ အခွင်အလမ်းတော့ မများပါ။ ပါးစပ်မှာ အနာအဆာရှိတာ၊ သွားဖုံးသွေးယိုတာမျိုးမှာ ကူးမယ်။ Deep or open-mouthed kissing နှုတ်ခမ်းခြင်း စုပ်တာနဲ့လဲ အခွင့်အလမ်း နည်းနည်းလေး ရှိသေးတယ်။ သွားရည်မှာ ပိုးအရေအတွက် နဲနဲတော့ ပါတယ်။ သွားရည်ကြောင့် မဟုတ်ဘဲ သွေးထွက်စရာရှိရင်သာ ဖြစ်ပါမယ်။ လိင်မဆက်ဆံမီ ထွက်တဲ့ ကျားအရည် Precum ထဲမှာ ပိုး ပါနေပေမဲ့ ကူးလောက်အောင် များ-မများဆိုတာ မသေခြာပါ။

ပါးစပ်သုံးတာကနေ အကူးစက်နိုင်ဆုံး STD ဟာ Herpes ရေယုံပါ။ ၂ မျိုးရှိတယ်။ HSV type 1 နဲ့ HSV type 2 ဖြစ်တယ်။ Type 1 က ပါးစပ်တဝှိုက်မှာ Cold sores မနာတဲ့အနာ ပေါက်စေပြီး၊ Type 2 ကနေ Genital herpes လိင်လမ်း ရေယုံ ဖြစ်စေတယ်။ Human Papilloma Virus (HPV) ဆိုတာလဲ ပါးစပ်လမ်းကနေကူးပြီး Genital warts လိင်လမ်းကြွက်နို့ ပေါက်နိုင်တယ်။ ပါးစပ်လမ်းသုံးရင် (ဂနိုရီးယား) ပိုးက လည်ချောင်းမှာ ကူးလာစေ နိုင်ပြီး၊ လည်ချောင်းကနေ (ပါတနာ) ရဲ့ တခြားလိင်လမ်းတွေ ကူးမယ်။ လည်ချောင်းမှာ ဖြစ်တာကို ဆေးမကုဘဲ ၃ လနဲ့ ပျောက်စေနိုင်ပေမဲ့ ဒီပိုးဘဲ လိင်လမ်း ရောက်ရင် Antibiotics ဆေးမပေးဘဲ မပျောက်တော့ဘူး။ Chlamydia ပိုးလဲ ပါးစပ်သုံးလို့ လည်ချောင်းကို ကူးနိုင်တယ်။ နည်းတော့ နည်းပါတယ်။ Syphilis (ဆစ်ဖလစ်) ကလဲ ပါးစပ်သုံးတာမှာ အနာအဆာရှိရင် ကူးနိုင်တယ်။

မိန်းမအင်္ဂါကို ယောက်ျားက လက်နဲ့ ပွတ်သပ်တာ ကိစ္ခမရှိပါ။ STD ရောဂါ မရှိရင် Oral sex ကို နှစ်ယောက်လုံး ကိုယ်ဝန်ဆောင်-မဆောင် လုပ်နိုင်တယ်။ မိန်းမကနေ ယောက်ျားကို လုပ်ပေးတာကြောင့် ပိုးမဝင်တတ်ဘဲ၊ ကျားကနေ လုပ်ပေးတာက ပိုးဝင်လွယ်တယ်။ များသောအားဖြင့် မှိုပိုးပါ။ အဖြူဆင်းမယ်။ ယားမယ်။ ဖြစ်ရင်လဲ ကုလို့ရပါတယ်။

သားအိမ်ကင်ဆာ သိပ်မစိုးရိမ်ပါနဲ့။ ငယ်သူတွေ အဖြစ်နည်းတယ်။ လိင်ဆက်ဆံတာကနေ ဖြစ်ရတာတော့ မဟုတ်ပါ။ မသန့်လို့လဲ မဟုတ်ပါ။ ကင်ဆာ ဆိုတာ ဖြစ်ချင်လို့ ဖြစ်တာလို့သာ ပြောရမှာပါ။

(၂) ကိုယ်ဝန်ဆောင်ချိန် ၉ လ လုံးလုံး လင်-မယား အတူမနေကြရဘူးဆိုတာ မဟုတ်ပါ။ အခြေအနေ အသစ်တမျိုးမှာ ယာယာမှု အသစ်အဆန်းကို ရှာနိုင်ကြပါတယ်။ နည်းသစ် ဆိုတာတွေပါ တွေ့လာပါလိမ့်မယ်။ ကိုယ်ဝန်မရှိတုံးကနဲ့ မတူတာတော့ သတိပြုကြရပါမယ်။ ကျန်းမာရေးအရ Perfectly safe လုံးဝ စိတ်ချနိုင်ပါတယ်။ ကိုယ်ဝန်ဆောင်နေသူရော အထဲကကလေး အတွက်ပါ ပြောတာပါ။

ကိုယ်ဝန် ပထမ ၃ လမှာ ယောက်ကျားနဲ့ အတူနေရင် ပျက်ကျမှာ စိုးရိမ်ရတယ်၊ နောက်ဆုံး ၃ လ ဆိုရင် စောပြီးမွေးမှာ စိုးရိမ်ရတယ် ဆိုတာ ယေဘုယျ ပြောတာပါ။ ပုံမှန် ဆက်ဆံတာကြောင့် ပျက်မကျနိုင်ပါ။ ကိုယ်ဝန်ဆိုတာ ပုံမှန် ဖြစ်နေရင် အလွန် လုံခြုံပါတယ်။
• Amniotic Sac အထူ နဲ့ အပါး
• Sex and Pregnancy ကိုယ်ဝန်ဆောင်စဉ် အရင်လို နေလို့ရသလား နဲ့
• Sex after delivery ကလေးဖွါးပြီး အတူနေခြင်း တွေလဲကို ဖတ်ပါ။

(၃) ကိုယ်ဝန်ရှိစဉ် ဆက်ဆံနိုင်တဲ့ (ပိုဇေရှင်) များ
ကိုယ်ဝန်ဆောင်တုံး သုံးနိုင်တဲ့ ဆက်ဆံနည်းတွေကို (အင်တာနက်) မှာ အမျိုးမျိုး အကြံပေးကြတယ် မတူတာတွေလဲ ရှိတယ်။ တချို့ဟာ ကျန်းမာရေးအရ မကိုက်ပါ။ အခြေခံကျတာကို ပြောရရင် လှေကြီးထိုးနည်း (မ-အောက်-ပက်လက် + ကျား-အထက်) နည်းကို ရှောင်ပြီး၊ ပြောင်းပြန်နဲ့ ဘေးတိုက်နည်းတွေ သုံးနိုင်တယ်လို့ ပြောနိုင်တယ်။

1) Missionary လှေကြီးထိုး၊ ရိုးရိုး၊ (မ-အောက်-ပက်လက် + ကျား-အထက်) နည်းမှာ အင်အားသုံးတာ မဖြစ်စေရပါ။

2) New Missionary ယောက်ျားက အပေါ်အနေအထားကို ဆန်းသစ်ထားတဲ့ နည်းပါ။ အမျိုးသမီးက ခြေထောက်ကို အထက်ကို ဆန့်တန်း ထားရတယ်။ ယောက်ျားရဲ့ အလေးချိန်က မိန်းမအပေါ် လာမဖိစေဘူး။ ယောက်ျားက ဆောင်ကြောင့်ထိုင်တာ ရပါတယ်။ မိန်းမက ဒူးနှစ်ဖက်ကို ရင်ပတ်ဆီ ရောက်အောင် ကွေးပေးရင်၊ နောက်ပြီး မိန်းမရဲ့ တင်ပါးစွန်းအောက်မှာ အခုအခံတခုခု ထားပေးရင်၊ ဗိုက်ကို ဖိတာ နည်းစေမယ်။

3) Bed edge မိန်းမက ကုတင်စွန်းမှာနေ၊ ယောက်ျားက မတ်တပ်ရပ်အနေထား ဆိုတာ အသင့်ဆုံး ဖြစ်နိုင်တယ်။ အမျိုးသမီးက ဒူးကွေးတာဖြစ်ဖြစ် ဆန့်တာဖြစ်ဖြစ် တင်စရာတခုမှာ ဖြစ်ဖြစ် ထားနိုင်ပါတယ်။ ကိုယ်ဝန် ဘယ်အရွယ်ဖြစ်ဖြစ် ဆက်ဆံလို့ ရပါတယ်။

4) Woman on Top အမျိုးသမီးကအပေါ် အနေအထား။ Cow-girl position လို့လဲ ခေါ်တယ်။ ကိုယ်ဝန်နုချိန်မှာ ရပါတယ်။

5) Side by Side အမျိုးသမီးက ပက်လက်နေ၊ ယောက်ျားက ဘေးက၊ ဆိုပါစို့ ယောက်ျားက ညာဘက်က ဆိုရင် မိန်းမရဲ့ ညာဘက် ပေါင်တဖက်က ယောက်ျားရဲ့ ခါးလောက်ကနေ ဘေးထုတ်-ကားတင်ထားပါ။ ယောက်ျားက အောက်က ဘယ်ဘက်ပေါင်ကို ဆန့်ထား၊ ညာဘက်ပေါင်က မိန်းမရဲ့ ပေါင်ခြံလောက်မှာ ကန့်လန့်ဖြတ် ခွတင်ထားရတယ်။ နှစ်ယောက်သား အပြိုင်၊ V, X ပုံ အနေအထား ဖြစ်တယ်။ ကိုယ်ဝန်ရင့်လဲ ဖြစ်ပါတယ်။

6) Spooning အမျိုးသမီးက ဘေးတိုက် အိပ်နေပါ၊ ပေါင်နဲ့ ဒူးတွေ ကွေးထားပါ။ ယောက်ျားက နောက်ကနေပါ။ သမားရိုးကျ ဆက်ဆံနေရင်းကနေ ဒီအနေအထားကို ပြောင်းပြီးသုံးသင့်တယ်။ မ-အင်္ဂါ စိုစွပ်မှုကလဲ လုံလောက်နေပြီ၊ ယောက်ျားဖြစ်သူကလဲ အတို-အရှည် ပိုအဆင်ပြေလာပြီ။ မိန်းမက လိုအပ်ရင် ဒူးကြားမှာ ခေါင်အုံးထားနိုင်ပါတယ်။

7) From Behind, Hands & Knees, Doggy ကိုယ်ဝန်ရှိသူက ကုတင်မှာ လေးဘက်ထောက် နေပါ။ ခေါင်းအုံး အခုအခံ လိုရင်သုံးပါ၊ ယောက်ျားဖြစ်သူက ကုတင်အောက်မှာ မတ်တတ် အနေအထားနေပါ။ ဒါမှမဟုတ် သူကလဲ ကုတင်ပေါ်မှာ ဒူးထောက်ပါ။ ဒီနည်းကို Medically termed a maximum penetration position အဆုံးစွန်အထိ အထဲဝင်တဲ့နည်းလို့ ဆေးစာအလိုက ဆိုပါတယ်။

• အမျိုးသမီး အတော်များများဟာ ကိုယ်ဝန်ဆောင်ချိန်မှာ Nipples ရင်သားထိပ်က Incredibly sensitive ပိုပြီး အထိအတွေ့ ကောင်းလွန်းလာကြလို့ အမျိုးသားက ရင်သားကို ကစားသင့်တယ်။
• ကိုယ်ဝန်ဆောင်ချိန်မှာရတဲ့ Orgasm က တမျိုးလို့ မှတ်သူတွေ ရှိတယ်။ အဲဒီတော့မှ (အော်ဂဇင်) ရဘူးသူတွေလဲ ရှိမယ်။ ပိုကဲသူတွေက ဒီကာလမှာ ခဏခဏရသေးသတဲ့။ အားပေးသူတွေကလဲ ပြောတယ် Orgasms ရတာက ကလေးအတွက်ပါ ကောင်းတာတဲ့။
• ကိုယ်ဝန်ဆောင်စဉ် Oral sex လုပ်တာလဲ ဘာမှ အန္တရာယ်မဖြစ်စေပါ။ (ကွန်ဒွမ်) သုံးတာ စိတ်ချရမယ်။
• ကိုယ်ဝန်ဆောင်နေတုံး အမျိုးသမီးက Masturbate ဖါသာ-အာသာဖြေလို့ ရမလား မေးတာကို လုပ်ချင်လုပ်ပါ၊ Great release of sexual energy သိပ်ကောင်းတဲ့ လိင်စိတ်လျှော့နည်း ဖြစ်ပါတယ်လို့ ဆရာဝန်တချို့က အကြံပေးပါတယ်။
• Can I have anal sex while pregnant? စအိုသုံးနည်းကော ကောင်းပါသလား အမေးကို အဲဒီဆရာဝန် ဖြေတာကတော့ That's a tough one ပြောရမှ ခပ်ခက်ခက်ဘဲ။ လေ့လာမှု သိပ်မရှိသေးလို့ တဲ့။

Dr. တင့်ဆွေ
၁၄-၉-၂ဝ၁ဝ
၂ဝ-၄-၂ဝ၁၁

Vasectomy ယောက်ျား သားကြောဖြတ်ခြင်း

အမျိုးသားတွေ သားကြောဖြတ်ခြင်းအကြောင်းကို သိချင်ပါတယ်။ ကျွန်မအမျိုးသားက အသက် ၃၄ နှစ်ပါ။ ကျွန်မတို့ နှစ်ယောက်လုံး ဗမာ၊ ဗုဒ္ဓဘာသာပါ။ သူ့ကို သားကြောဖြတ်စေချင်ပါတယ်။ မလုပ်ခင်မှာ အမျိုးသားတွေ သားကြောဖြတ်ခြင်းကြောင့် ဖြစ်တတ်တဲ့ ကောင်းကျိုး၊ ဆိုးကျိုး၊ စိတ်ခံစားမှုတွေ အကြောင်းနဲ့၊ သားကြော ဖြတ်နည်း ဘယ်နှစ်မျိုး ရှိတယ်ဆိုတာကို ဖြေကြားပေးစေချင်ပါတယ်။ အဲ့ဒါနဲ့ ပတ်သက်ပြီး အခြား သိသင့်တာတွေ ရှိရင်လည်း ဖြည့်စွက် ပြောကြားပေးပါ။ လုပ်သင့်၊ မသင့် ဆရာ့အမြင်ကိုလည်း ပြောကြားပေးပါ။

ခွဲစိတ်ကုသမှုတွေကို (မေဂျာ) လား (မိုင်နာ) လား ခွဲခြားသတ်မှတ်ရင် ယောက်ျား သားကြောဖြတ်တာ Vasectomy ဟာ အသေးစား ဖြစ်ပါတယ်။ Vasa deferentia ပြွန်ကို Sperm သုတ်ပိုး သွားမရအောင် လုပ်လိုက်တာပါ။ တိရစ္ဆာန်တွေကို သင်းသတ်နည်းလို သုတ်ပိုး ပေါက်ပွါးဖြစ်တည်ရာ အစေ့ Testis ကို ထုတ်ပြစ်-ဖျက်ပြစ်တဲ့ Castration နဲ့ မတူပါ။

ဘာဘဲလုပ်လုပ် ဒီလိုလုပ်လိုက်ရင် ဘယ်အကျိုး၊ ဘာအပြစ်တွေ ရှိလာနိုင်သလဲ ဆန်းစစ်-သိမြင်ထားတာဟာ အင်မတန် ကောင်းတဲ့ အကျင့်တခု ဖြစ်တယ်။ ယေက်ျား သားကြော ဖြတ်တာမှာ မကောင်းဘူးဖြစ်စရာ အလွန်တရာ နည်းပါတယ်။ ကျားအစေ့ကနေ ကျားဟော်မုန်း Testosterone ထုတ်နေတယ်။ ဟော်မုန်းက ဖြတ်ပြစ်တဲ့ အကြော (ပြွန်) ကို အသုံးမချပါ။ သွေးထဲကို တိုက်ရိုက် ဝင်သွားတာမို့ ဟော်မုန်းသတ္တိကို မထိခိုက်ဘူး။ ဆက်ဆံလိုစိတ်ကို သူ့ကြောင့် တိုက်ရိုက် ထိခိုက်စရာ မရှိနိုင်ပါ။ ၁ဝ ယောက် ၁ ယောက် နည်းသလို ဖြစ်နိုင်တယ်လို့ ပြောကြတယ်။ ဒါကလည်း စိတ်နဲ့သာ ဆိုင်တယ်။

Ejaculation ဆက်ဆံလို့ပြီးတိုင်း ထွက်တာထဲမှာ သုတ်ပိုးတွေပါတဲ့ အရည်က ၁ဝ% သာရှိလို့၊ အသွင်သဏ္ဌာန်၊ အရသာ၊ အစေး-အပြစ်၊ အနံ့၊ ဘာမှ မပြောင်းလဲဘဲ၊ ထုထည် ၁ဝ% သာ လျာ့နည်းနိုင်တယ်။

သားကြောဖြတ်လိုက်ရင် ဆက်ထွက်နေမဲ့ သုတ်ပိုးတွေ ဘယ်ရောက် သွားသလဲ မေးရင်၊ သူ့ဖါသူ ပျက်စီးပြီး၊ အသွေး အသားကနေ စုပ်ယူသွားပါလိမ့်မယ်။ မုတ်ရောဂါ Hydrocele ကို ခွဲရင် အရည်တွေကို ထုတ်ပြစ်တာကြောင့် ပျောက်တာ မဟုတ်ပါ။ အရည်ထွက်မဲ့ မျက်နှာပြင်ကို ပြောင်းပြန်လှန် ချုပ်ပေးတော့ ထွက်လာနေမဲ့ အရည်ကို အသွေးအသားကနေ စုပ်ယူပေးနေလို့ အရည်အောင်းစရာလည်းမရှိဘဲ၊ မုတ္တရောဂါ ပျောက်သွားရတာပါ။ ဖိတ်ခြင်းဖိတ် ကိုယ့်အိပ်ထဲမှာဘဲ ဖိတ်တာမျိုးပေါ့။

ယောက်ျား သားကြောဖြတ်တာ ဘယ်လောက် ထိရောက်ပါသလဲ။ ဗြိတိသျှ ဆေးသုတေသန တခုအရ ၂ဝဝဝ မှာ ၁ ယောက်၊ စာမေးပွဲကျသတဲ့။ အမျိုးသမီးတွေနဲ့ စာရင် အောင်ချက်က အင်မတန် ကောင်းပါတယ်။ သားအိမ်ပြွန် ဖြတ်တာမှာ ၂ဝဝ-၃ဝဝ လုပ်ရင် ၁ ယောက်က မအောင်-မမြင် ဖြစ်ရတယ်။ ဒါတောင် ယောက်ျား သားကြောဖြတ်တာ လုပ်အပြီး၊ အတူနေတာ သိပ်စောလို့ ကိုယ်ဝန်ရတာကိုပါ ထည့်တွက်လို့တဲ့၊ ဖြတ်လိုက်တဲ့ ပြွန်ပြန်ဆက်တယ်ဆိုတာ ဒိထက် နည်းပါတယ်။

ဘယ်တော့ အတူပြန်နေနိုင်သလဲ။ “ခွဲစိတ်ထားတာကို ခံနိုင်ရင်တော့ သဘောဘဲ” ဆိုပြီး ဆေးစာက မရေမရာ ရေးပါတယ်။ ဒေါက်တာတိကျ တွေကတော့ ၇ ရက်တပါတ်။ ဘာလို့ ပြောရလဲဆိုတော့ သုတ်ပိုး ဇီးရိုး မဟုတ်ရင် ကိုယ်ဝန် ရနိုင်သေးလို့ပါ။ ဒါ့ကြောင့် ၃ လ၊ ဒါမှမဟုတ် သုတ်အကြိမ် ၂ဝ လွှတ်ပြီးမှ သေခြာတယ်။ ဖြတ်ပြီးတဲ့နောက် ထွက်တာထဲမှာ သုတ်ပိုးပါနေ-မနေ စစ်ဘို့ ကောင်းတယ်။

သတိပေးချင်တာက အတူနေလို့ ကလေး မရနိုင်တော့ပေမဲ့ အကာအကွယ်မဲ့ ဆက်ဆံတာမျိုးကို သတိထားရပါအုံးမယ်။ အဖေါ်မှာ HIV, Hepatitis B, Hepatitis C အပါအဝင်၊ လိင်ကတဆင့် ကူးစက်ရောဂါရှိနေရင် ကိုယ့်ကို ကူးလာစေမယ်။ ကိုယ့်မှာ ရှိရင်လဲ ဖြန့်ပေးလိမ့်မယ်။ Condom ဆက်သုံးသင့်တယ်။ တိုင်းပြည် တချို့မှာ အိမ်ထောင်သည်တွေ အဲလို ဖြတ်နည်း သုံးရင် ဇနီးရဲ့ ခွင့်ပြုချက် လိုတယ်လို့ ဥပဒေလုပ်ထားတယ်။

နည်းကတော့ တနည်းထဲလို့ ပြောနိုင်ပါတယ်။ ထုံဆေးနဲ့ ခွဲပါတယ်။ Scrotum ကပ်ပဲ့အိပ်၊ Testis အစေ့အထက်မှာ ခွဲတာ များတယ်။ တချို့လဲ အထက်နား သွားခွဲသေးတယ်။ Hernia, Hydrocele ခွဲရင်း စေတနာ ပိုတာလည်း လုပ်လေ့ရှိတယ်။ ကပ်ပဲ့အိပ်မှာဆို ဒါးရာ တခုထဲဖြစ်ဖြစ် ၂ ခုဖြစ်ဖြစ်ရတယ်။ ဖြတ်မဲ့ အကြောကို သေသေခြာခြာ ရွေးထုတ်ပြီး၊ ဖြတ်-ခြည်တာ ဖြစ်ဖြစ်၊ ထိပ်ကို မီးရှို့ပိတ်နည်း ဖြစ်ဖြစ်၊ လုပ်ပြီး အစသေးလေး ထုတ်ပြစ်ရတယ်။ အကြောကို ရွေးရတာက ပညာပါ။ ဘေးမှာ အရောင် ဆင်တူတွေ ရှိတယ်။ လက်နဲ့စမ်း ခွဲခြားရတယ်။ ထုံဆေး ထိုးထားတော (တစ်ရှူး) တွေ ဖေါင်း-ရောင်နေလို့ သတိကြီးရတယ်။ ဒါးရာသေးရင် တချို့က အရေပြားကို ပြန်တောင် မချုပ်ဘူး။ ခွဲစိတ်ဆရာဝန်တွေထဲမှာ ဒါးရာ သေးသေးနဲ့ ခွဲနိုင်တာကို ဂုဏ်ယူသူတွေ ရှိတယ်။ တချို့ကလည်း ကွင်းကျယ်ကျယ်မှာ ကစားရမှ အားရတယ်။

ခွဲပြီး နာရင် ရေခဲ ကပ်ရတယ်။ ပဋိဇီဝဆေးပေးပါမယ်။ အနာသက်သာဆေး သတိနဲ့ သောက်ရမယ်။ Athletic supporter ဝတ်ထားသင့်တယ်။ ၃-၄ ရက် ငြိမ်ငြိမ်နေတာ ကောင်းတယ်။ ၇-၁ဝ ရက် အလေးအပင် မမပါနဲ့။

ဆေးစာရေးတာ မပြည့်စုံရင် ထိန်ချန်မှု ရောက်နိုင်တယ်။ ဒီလိုလုပ်တာ (မိုင်နာ) ဖြစ်ပေမဲ့ ခွဲတာ-စိတ်တာတိုင်းမှာ ကြုံရတတ်တဲ့ နောက်ဆက်တွဲ သတိထားစရာတွေ ရှိပါတယ်။ သွေးခြည်ဥတာ၊ သွေးယိုတာ၊ ရောင်တာ၊ ရင်းတာ၊ နာတာ၊ စသဖြင့်။ နာတာက ထူးဖြစ်တတ်တာကို Post-vasectomy pain syndrome ခေါ်တယ်။ အကြာကြီး နာနေတာ၊ ထိရင် နာတာ၊ သုတ်လွှတ်ရင် နာတာ၊ ဆက်ဆံတဲ့အခါ နာတာ။ ရှားတော့ အလွန်မတန် ရှားပါတယ်။ ဖြစ်လည်း ကုလို့ရပါတယ်။

အမျိုးသမီးတွေကို သားကြောဖြတ်တာထက် နောက်ဆက်တွဲဖြစ်မှာတွေ သိသိသာသာ နည်းတယ်။ မိသားစုစီမံကိန်း နည်း အမျိုးမျိုးကို (သူများဆီမှာ) သုတေသန လုပ်ထားတယ်။ ယောက်ျား သားကြောဖြတ်နည်းက မအောင်မြင်မှု ဝ့ဝ၂-ဝ့၁% နဲ့ စိတ်ချရဆုံး၊ အမျိုးသမီး သားကြောဖြတ်နည်း = ဝ့၂%၊ အမျိုးသမီး စားဆေးနည်း = ဝ့၁%၊ ယောက်ျား ကွန်ဒွန်နည်း = ၁-၃%၊ အမျိုးသမီး (ဒိုင်ယာဖရမ်) နည်း = ၁-၆%၊ အမျိုးသမီး သုတ်ပိုးသေဆေးနည်း ၃%၊ အမျိုးသမီး ဟော်မုန်း ကပ်ခွါနည်း = ဝ့၂%၊ အမျိုးသမီး သားအိမ်ထဲ ပစ္စည်းထည့်နည်း IUCD = ဝ့၆-၁့၅%၊ ရက်ရှောင်နည်း = ၃%၊ ယောက်ျား သုတ်ရည် အပြင်ထုတ်နည်း = ၄%၊ ဘာမှ မသုံးရင် ၈၅% ကလေးရနိုင်တယ်။

ရှုံ့ချည်နှပ်ချည် လုပ်ခြင်သူတွေ အတွက်လည်း ရေးပါမယ်။ USA မှာ ၅% လောက်ရှိတယ်။ သားကြောဖြတ်တယ်ဆိုတာ ရှင်ခန်းဖြတ် မဟုတ်ပါ။ ပြန်ဆက်လို့ မရဘူး မဟုတ်ပါ။ (သီအိုရီ) အရ ဖြစ်နိုင်ပေမဲ့၊ လက်တွေ့မှာ အတော်ကြီး ခက်ပါတယ်။ (မိုက်ခရို-ဆာဂျရီ) အနုစိတ် လုပ်ရလိမ့်မယ်။ ကရိကထ များတယ်၊ လက်ဝင်တယ်။ အမေရိကားမှာဆို တနှစ်မှာ လူ ၆ သိန်းက $300 ကနေ $1,000 အကုန်ခံ ဖြတ်နေကြတယ်။ ပြန်ဆက်ဘို့ ဆိုရင်တော့ $7,000 ကုန်မယ်။ အောင်မြင်မှုနှုန်း စောစောပြန်လုပ်သူတွေက ပိုများတယ်။ ဖြတ်ထားပြီး ၃ နှစ်အတွင်း ပြန်ဆက်ချင်သူတွေက ၇၆%၊ ၁၅ နှစ် ကြာမှ လုပ်ရင် ၃ဝ% ကလေး ပြန်ရနိုင်တယ်။

စာတွေ သုတေသနတွေမှာ ရှိတာရေးပြီးတော့ ရွှေတွေ အပြင်ထွက်တဲ့ တိုင်းပြည်က သူတွေအတွက် ရေးပါအုံးမယ်။ ဗမာပြည်မှာ ကျန်းမာရေးနဲ့ ဆေးဆိုတာ လူတိုင်းအတွက် မဟုတ်ဘူး။ ဟုတ်လမ်းလည်း မမြင်ရသေးဘူး။ ဆင်းရဲတော့ ဈေးချိုတဲ့နည်း၊ ပညာရည် နှိမ့်ထားတော့ တော်တဲ့သူတွေ မတော်ရာ သွားရလို့ လက်လှမ်းမီတဲ့လူနဲ့ လုပ်ရတဲ့နည်း၊ မသိအောင်-မကြားအောင် လုပ်ထားတော့ ကြားဘူး-နားဝနည်း၊ ဆန်းစစ်တာ လက်မခံတော့ ကောင်း-မကောင်း၊ တော်-မတော် မသိတဲ့နည်းတွေသာ အားကိုးစရာ ရှိနေကြရပါတယ်။

ယောက်ျား သားကြောဖြတ်တဲ့အခါ ဗမာပြည်မှာ ပြဿနာက အကြော မှားဖြတ်မိတာ ဖြစ်ပါတယ်။ ဖြတ်ပြီးမှ ထပ်ကိုယ်ဝန် ရတယ်။ ရိုးသားတဲ့ ဇနီး ဗိုက်သာမက မျက်နှာပါပူရရော။ ခိုးကြောင်-ခိုးဝှက်၊ လက်လှမ်းမီတဲ့၊ ဆရာဝန် မဟုတ်တဲ့၊ ဆရာဝန် ဖြစ်အုံးတော့ အတွေ့အကြုံ နည်းတဲ့ သူတွေဆီမှာ လုပ်ကြရလို့ပါ။

“မလိုချင်တာ မှန်သမျှ စနစ်တကျ ပြတ်အောင် ဖြတ်ကြပါလေ။”

Dr. တင့်ဆွေ
၁၄-၈-၂ဝ၁ဝ

Child birth ယောက်ျား ဖေါင်စီး၊ မိန်းမ မီးနေ

ကလေးမီးဖွါးရတာ ဘယ့်လောက် အန္တရာယ်များလဲဆိုတာကို တင်စားပြောလိုက်တဲ့ စကားပါ။ အတော်ကို မှန်ပါတယ်။ တကမ္ဘာလုံး ၁ နှစ် ၁ နှစ်၊ သန်းတဝက်မက ကလေးမီးဖွါးရင်း ကိုယ်ဝန်ဆောင်တွေ သေနေရဆဲပါ။ ဟိုအရင် ခေတ်ဟောင်း သမိုင်းမှာ ၁ဝဝ မှာ ၁ ယောက် သေနိုင်ခဲ့နိုင်တယ်လို့ ထင်ကြတယ်။ ၁၈ဝဝ ခုနှစ်များ ကတော့ အဆိုးဆုံးမို့ ၄ဝ%တောင် သေဆုံးရသတဲ့။ ၁၉ဝဝ ပြည့်နှစ်တွေမှာတော့ ၁% ရှိခဲ့တယ်။

ကလေးဖွါးရင်း မိခင်တွေ ဘာ့လို့ သေဆုံးရသလဲဆိုတဲ့ အကြောင်းတွေထဲမယ် Bleeding (Hemorrhage) သွေးသွန် (သွေးလွန်) တာက ထိပ်ဆုံးကပါ။ Sepsis ရောဂါပိုးဝင်တာက ဒုတိယ၊ Abortion ကိုယ်ဝန်ပျက်တာဖြစ်ဖြစ် ဖျက်တာဖြစ်ဖြစ် မှားလို့ သေရတာကလဲ ဒုတိယ အဆင့်နဲ့ အတူတူဘဲ။ ကိုယ်ဝန်ဆောင်တုံး ကိုယ်တွေရောင်၊ သွေးဖိအားတွေ တက်တဲ့ PET and Eclampsia ကိုယ်ဝန် သွေးဆိပ်တက်ရောဂါ ဆိုတာက တတိယလိုက်တယ်။ Obstructed labor မွေးလမ်းကနေ မမွေးနိုင်လို့က စတုတ္ထနေရာမှာ ရှိတယ်။

“ယောက်ျား ဖေါင်စီး၊ မိန်းမ မီးနေ” ဒီစကားက ပေါ်တာ ကြာပြီနဲ့ တူပါတယ်။ ကနေ့ခေတ်မှာ ကလေး မီးဖွါးရတာက အဲလောက် အဖိတ်အစင် မများတော့ပါ။ Antiseptics ပိုးသတ်ဆေးတွေ ပေါ်လာတာရယ်၊ Blood transfusion သွေးသွင်း ပေးနိုင်လာတာရယ်၊ ANC ကိုယ်ဝန်ဆောင်တွေကို ပိုပြီး ကောင်းကောင်း စောင့်ရှောက် ပေးနိုင်လာတာတွေကြောင့် မအေတွေ အသေနဲလာရတာပါ။ အရင်လောက် သိပ်မဆိုးတော့ဘူး။

ဆိုးတယ်၊ မဆိုးဘူးဆိုတာကို တိတိကျကျပြောရင် ဆေးပညာမှာ Maternal mortality ratio (MMR) လို့ ခေါ်တာနဲ့ စာရင်းကောက် တွက်ချက်ရတယ်။ ကလေး ၁ သိန်းမွေးတိုင်း မွေးရင်းသေဆုံးရတဲ့ မိခင် ဘယ်လောက် ရှိလဲဆိုတာကို ပြောတာပါ။

ကလေးမီးဖွါးပြီး သေတယ်ဆိုတာ အဆန်းတော့ မဟုတ်ပါ။ သိဒ္ဓတ္ထမွေးပြီး၊ မယ်တော် မဟာမာယာဒေဝီ လဲ လုမ္ဗိနီသာမော အင်ကြင်းတောထဲမှာ သေဆုံးခဲ့ရတာ နှစ်ပေါင်း ၂၅ဝဝ ကျော်က တကဲ့ အဖြစ်အပျက်ပါ။ ပုံပြင်တွေ၊ ဝတ္ထုတွေထဲမှာလဲ တကူးတက ထည့်ရေးကြတာ တွေ့ရပါမယ်။ မင်းသမီးလေး (စနိုးဝှိုက်) အမေက ဆုံးသွားလို့ ဘုရင်က နောက်မိန်းမ ယူရတာက ချောတော့ ချောပေမဲ့ စိတ်က အကျဉ်းတန်၊ ကဝေပညာလဲ တတ်သတဲ့။ စစ်နဲ့ငြိမ်းချမ်းရေး ထဲမယ် မင်းသား (အင်ဒရူး) ဇနီးဟာ သားလေး (နီကိုလိုင်) ကို မွေးပြီး သေဆုံးသွားရတယ်။ (အိုလီဗာ တွစ်) ကလဲ မိတဆိုးဘဲ မဟုတ်လား။

ရုပ်ရှင်တွေမှာလဲ ပါတာဘဲ။ (ဇောရိုး မျက်နှာဖုံး)ထဲမယ် လူဆိုးကြီး (ရဖယ်လ် မွန်တဲရိုး)ကနေ (အလီနာ) အမေကို ပြစ်သတ်၊ ကလေးမွေရင်း သေရတာလို့ လိမ်ပြောပြီး၊ မွေးစားခဲ့တယ်။ (ဟယ်ရီပေါ်တာ) ထဲမှာလဲ (လော့ဒ် ဗိုလ်ဒမ်မော့တ်) ရဲ့အမေ (မာရုပ် ဂေါက်-ရစ်ဒယ်လ်) ကလဲ ကလေးမွေးပြီး သေသွားရတယ်။

ထင်ကြမဲ့အတိုင်း အဆိုးမှန်သမျှ အာရှ၊ အာဖရိကမှာဘဲပေါ့။ အကောင်းဆုံးက အအေးဆုံးဖြစ်တဲ့ အိုက်စလန် မှာ ၁ သိန်း မွေးလို့ ၁ ယောက်တောင်မှ မသေဘူးတဲ့။ အမေရိကားမှာတော့ ၁၁ ယောက်သေတယ်။ သေရတဲ့ မိခင် ၉ဝ-၉၉% က ဖွံ့ဖြိုးဆဲနိုင်ငံတွေမှာပါ။ ဗမာပြည်ဟာ ၁၉၈၇ ခုနှစ်ကတည်းက စာရင်းဝင်ခဲ့ရပြီး၊ ကနေ့အထိ ပြန်မထွက်နိုင်သေးတဲ့ အဆင်းရဲဆုံးတိုင်းပြည် LDC ဖြစ်တယ်။ ချမ်းသာတဲ့ တိုင်းပြည်တွေထက် LDC တွေက အဆ ၃ဝဝ ပိုဆိုးပါသတဲ့။ ဒါ့ကြောင့်လဲ “မိန်းမမီးနေ” ဆိုတာကို ဗမာစကားနဲ့ တိတိကျကျ ရှိနေသေးတာ ဖြစ်မှာပေါ့။

ကုလသမဂ္ဂ အဖွဲ့အစည်းတွေဖြစ်တဲ့ WHO, UNICEF, UNFPA နဲ့ ကမ္ဘာ့ဘဏ်တို့က ပြုစုထားတဲ့ ၂ဝဝ၅ ခုနှစ် စာရင်း အရဆိုရင် ကလေး ၁ သိန်းအရှင်မွေးရင် မီးတွင်း သေဆုံးရတဲ့ မိခင်ပေါင်း ၅ဝဝ ကျော်တာ ၆၅ နိုင်ငံ ရှိတဲ့ထဲမယ် မြန်မာနိုင်ငံက ၅၁ဝ နဲ့ပါတယ်။ ပိုဆိုးတာက ၁ဝဝဝ ကျော်ရှိတာ ၃၃ နိုင်ငံ၊ ၂ ထောင်ကျော် ၆ နိုင်ငံနဲ့ ဘိတ်ဆုံးဟာ ၃၇ဝဝ နဲ့က (ဆာရာလီအွန်) ဖြစ်တယ်။

ကျွန်တော်တို့ တိုင်းပြည်မှာက သုတေသနဆိုတာ အတော်ကြီး နည်း၊ အတော်ကြီး ခက်ခဲနေသေးတယ်။ တာဝန်ရှိသူတွေ ကနေသာ ကိုင်တွယ် ထုတ်ပြန်လေ့ရှိတဲ့အပြင် မကောင်းတဲ့ စာရင်းဆို မပြတတ်တဲ့ အကျင့် ပါနေတယ်။ တာဝန်ရှိသူတွေလို့ ပြောတာကိုက မှားနေတယ်။ ကျန်းမာရေး ပြဿနာကို ကောင်းမွန် တိုးတက်အောင် ဖြေရှင်းရာမှာ အုပ်ချုပ်သူတွေနဲ့ ကျန်းမာရေးနယ်မှာ လုပ်နေကြသူတွေချည်းနဲ့ မလုံလောက်ပါ။

မအေတွေ အသေနဲလာရတဲ့ တခြား အရေးကြီးတဲ့ အကြောင်းတခုကတော့ နိုင်ငံရေးပါ။ အမျိုးသမီးတွေကို ပိုဂရုစိုက်ပေးဘို့ လိုတယ်ဆိုတဲ့ နိုင်ငံရေးအမြင်၊ လူမှုရေးအသိ ကောင်းလာလို့ ဖြစ်တယ်။ နိုင်ငံရေး အဖွဲ့ အစည်းတွေ၊ လူမှုရေး အသင်းအပင်းတွေ၊ အမျိုးသမီး အစုအစည်းတွေဟာ နေရာတိုင်းမှာ အရေးပါလှပါတယ်။ သူ့အသိစိတ်နဲ့သူ ဖွဲ့ကြရတာဖြစ်ဘို့လဲ လိုပါမယ်။

CEDAW လို့ခေါ်တဲ့ အမျိုးသမီးများ ခွဲခြားဆက်ဆံခံရမှုမျိုးစုံ ပပျောက်ရေး ကော်မတီဆိုတာ ရှိတယ်။ ကမ္ဒ္ဘာ့ ကုလသမဂ္ဂ အောက်ကပါ။ ၂ဝဝဝ ခုနှစ်က မြန်မာကိုယ်စားလှယ်ကနေ ၁ဝဝဝ မှာ ၁ ယောက် သေနေတာက ၂ဝဝဝ မှာ ၁ ယောက်သာ သေအောင်လုပ်မယ်လို့ နယူးယော့မှာ ကတိပေးခဲ့တယ်။ ဘယ်လောက် ကောင်းသလဲ။ နားထောင်လို့။

လက်လှမ်းမီသလောက် စာရင်းလိုက်ရှာတော့ မြန်မာပြည်မယ် ၁၉၉၅ မှာ MMR ၁၇ဝ ယောက်လို့ UNDP စာရင်းတခုမှာ တွေ့တယ်။ ၁၉၉၉ တုံးက (ဆာဗေး) လုပ်တော့ ၂၅၅ ယောက်လို့ ထုတ်ပြန်ခဲ့တယ်။ နောက်ထပ် တွေ့ရတာက ၁၉၉ဝ မှာ ၅၈ဝ၊ ၂ဝဝဝ မှာ ၃၆ဝ၊ ၂ဝဝ၇ မှာ ၃၂ဝ ဆိုပြီး တွေ့ရတယ်။ ဒီထဲမှာ ၁၉၉၅ နဲ့ ၁၉၉၉ က စာရင်းတွေကို ထည့်မရေးတာ သတိထားမိမှာပါ။ နောက်နှစ်တွေမှာ ပိုဆိုးသွာတဲ့ သဘောဖြစ်နေလို့ စာရင်း မသွင်းတော့တာနဲ့ တူတယ်။ “မီးတွင်းမှာ သေသွားရတဲ့ အမျိုးသမီးများ စာရင်းတောင် အသွင်းမခံရပါလား။”

သတင်းတို့၊ စာရင်းတို့ ထုတ်ပြန်တော့ အရင်စာရင်းနဲ့ နောက်စာရင်း နှိုင်းယှဉ်ရင် “တိုးတက်၊ ကောင်းမွန်၊ အောင်မြင်တယ်” ဆိုတာကို သိပ်ပြောချင်ကြတယ်။ အကောင်းတွေ တိုးလာစေ၊ အဆိုးတွေ နည်းလာစေဆိုမှ မျက်နှာပန်းက လှမှာကိုး၊ သတိကြီးကြီး ထားတတ်ကြတယ်။ သတိကြီးတယ်ဆိုတာ ကောင်းတာပေါ့။ သတင်းရေးသူတွေ အမျိုးမျိုးရှိသလို ကိုးကားတာကလဲ တမျိုးတမျိုးကြီး ဖြစ်နေမှာပါဘဲ။ ဗမာပြည်မှာ စာရင်းဇယား၊ ကိန်းဂဏန်းဆိုတာ ကိုးကားချင်ရင် “လေဖမ်း ဒန်းစီးရသလိုမျိုး” ကိုး။

ကျွန်တော်တို့ တိုင်းပြည်မှာ ၁ နှစ်မှာ မွေးလူနာပေါင်း ၁့၃ သန်းရှိပါတယ်။ ၂ဝဝ၅ မေလ ၂ ရက်က (ဆင်ဟွာ) သတင်း ဌာနကနေ ကျန်းမာရေးဌာနကို ကိုးကားပြီး မြို့နယ်ပေါင်း ၁၂ဝ က၊ အိမ်ထောင်စုပေါင်း ၂ သိန်းခွဲကို UNICEF နဲ့ပေါင်းပြီး၊ ဆန်းစစ်မယ်လို့ ပါတယ်။ ၂ဝဝဝ ခုနှစ် တုံးက မွေးလူနာ ၁ သိန်းမှာ သေရတဲ့ မိခင်ပေါင်းက ၄၃ဝဝ ရှိတယ်လို့ပါတယ်။ ၂ဝဝ၉ ဇန္နဝါရီလ သတင်းတခုမှာ UN Population Fund (UNFPA) အဆိုအရ နှစ်တိုင်း မိခင်ပေါင်း ၃၈ဝဝ သေဆုံး နေရတယ်လို့ ဆိုတယ်။

၂ဝဝ၉ ဇွန်လ တတိယပါတ်ထုတ် (မြန်မာ တိုင်းမ်) မှာ မိခင်နှင့်ကလေး ကျန်းမာရေး တိုးတက်လာတယ်လို့ ဖတ်ရတယ်။ သာဓု ခေါ်ရမှာပေါ့။ တပါတည်း မှတ်ချက်ပြုထားတာက တိုးတက်လာတယ် ဆိုတာကို ကိန်း ဂဏန်းတွေနဲ့ ပြမရဘူးတဲ့။ ဘာ့လိုလဲ ဆိုတော့ ခိုင်လုံတဲ့ သတင်းအချက်အလက် ရဘို့ ခက်ခဲလို့ပါတဲ့။ အားရှိစရာလို့ ပြောရမလားတော့ မသိဘူး၊ ဗမာပြည်ဟာ အရှေ့တောင်-အာရှမှာ အဆိုးဆုံး ဖြစ်ပေမဲ့ ၂ဝဝ၅ မှာ ၁၉၉ဝ ကထက် ၄၅့၅% တောင်မှ လျော့ကျခဲ့တယ်။ ၂ဝ၁၅ ရောက်ရင် မီးတွင်းသေနှုန်းကို ၄ ပုံ ၃ ပုံ လျော့ကျစေရမယ်တဲ့။ ဒုတိယအကြိမ် သာဓုခေါ်ပါတယ်။

၂ဝဝ၈ ခုနှစ်အတွင်း ကလေးဖွါးရာမှာ ၅၇%ကဘဲ ကြွမ်းကျင်တဲ့ သူတွေနဲ့ မွေးကြတယ်။ သေဆုံးရသူတွေထဲက ၈၇% က တောပိုင်းမှာ ဖြစ်တယ်။ သေသူတွေဟာ ဆေးရုံ ဆေးခန်းမှာ ၁ဝ%၊ လမ်းမှာ ၂% နဲ့ အိမ်မှာက ၈၈% ရှိတယ်လို့ တိတိ ကျကျ တွေ့တယ်။ သားဖွါး ဆရာမ တယောက်ဟာ ရွာ ၁၆ ရွာကို ကြည့်ပေးနေရတယ်လို့ပါ ထောက်ပြတာ တွေ့ရတယ်။ ပြည်နယ် တခုမှာ အရံသားဖွါး-ဆရာမ ဖြစ်အောင် သင်တန်းပေးတာ ၃ လစာကို ၁ ပါတ်ထဲ ပေးလိုက်သတဲ့။ ကိုယ်တိုင် တက်လာသူကနေ ပြောတာပါ။ ဒီသတင်း အမှန်မျိုးက စာရင်းဇယား၊ သတင်းများမှာ ပါတာ မဟုတ်ဘူး။

ANC (Antenatal Care) ကိုယ်ဝန်ဆောင် စောင့်ရှောက်ခြင်း http://dts-medicaleducation.blogspot.com/2010/03/anc-antenatal-care.html
LSCS and Normal labor ဗိုက်ခွဲမွေးတာ နဲ့ ရိုးရိုးမွေးတာ http://dts-medicaleducation.blogspot.com/2011/02/lscs-and-normal-labor.html
LSCS ဗိုက်ခွဲ မွေးရခြင်း http://dts-medicaleducation.blogspot.com/2010/06/q-and-on-lscs_13.html

Dr. တင့်ဆွေ
၂-၁၂-ဝ၉

Breast Cancer Today ရင်သား-ကင်ဆာ အရင်ကနဲ့မတူပါ

Breast cancer ရင်သား-ကင်ဆာ ဟာ ဆရာဝန်တွေအဖို့ရော လူနာတွေအတွက်ပါ။ လွန်ခဲ့တဲ့ အနှစ် ၂ဝ ကနဲ့ မတူတော့ပါ။ ပျောက်ကင်း-ချမ်းသာလာတဲ့နှုန်း မြင့်မားလာနေတယ်။ ကျန်းမာရေးအသိ ပိုရှိလာနဲ့ စောစောစီးစီး သိပြီး ထိရောက်တဲ့ကုသမှုတွေ ရှိလာတာကို ကျေးဇူးတင်ရမယ်။ ဒါတောင် တနှစ်မှာ အမေရိကန် အမျိုးသမီးပေါင်း ၂ သိန်းလောက် ရင်သား-ကင်ဆာနဲ့ ဆေးလာကုနေကြရသေးတယ်။

• Breast Cancer Symptoms ရင်သား-ကင်ဆာမှာ ဘယ်လိုလက္ခဏာတွေ ရှိသလဲ
ဘာမှကို မခံစားရသူတွေ မနည်းဘူး။ တချို့က ရင်သားမှာ မနာတဲ့ အကျိတ်တွေ့တယ်။ တချို့မှာ ရင်သား အရွယ်အစား ပြောင်းလာတယ်။ တချို့ ချိုင်းနေရာ ဖေါင်းလာတယ်။ တချို့ နို့ကနေ တခုခုထွက်တယ်။ ရင်သားနာတာဟာ ကင်ဆာ မဟုတ်ဘို့ များတယ်။

Inflammatory Breast Cancer နို့နာနဲ့တူတဲ့ ရင်သားကင်ဆာဆိုတာ အတော်ရှားပါတယ်။ ကြီးလာတာ မြန်တယ်။ အကျိတ်သပ်သပ်ရယ်လို့ မတွေ့တတ်ဘူး။ အပေါ်ယံအရေပြားက ထူထဲ၊ ရဲလာမယ်။ လိမ်မော်ခွံနဲ့ ဆင်တယ်။

• Breast Cancer and Mammograms (မင်မိုဂရမ်)
စောစောသိလေ ကောင်းလေဆိုတာ ရင်သား-ကင်ဆာမှာ သိပ်မှန်တယ်။ (မင်မိုဂရမ်) စစ်တာနဲ့သိနိုင်တယ်။ လက်နဲ့ စမ်းမတွေ့ခင်ကတည်းကနေ သိတယ်။ American Cancer Society ကနေ အသက် ၄ဝ ကျော်သူတိုင်း ဖြစ်နိုင်ခြေ အုပ်စုမှာပါနေရင် တနှစ်တခါ (မင်မိုဂရမ်) ရိုက်ဘို့ အကြံပြုထားတယ်။ ၅ဝ-၇၄ နှစ်ရှိသူတိုင်း ၂ နှစ်တခါစစ်ဘို့ ပြောထားတယ်။

• Breast Ultrasound and MRI (အာလ်ထွာဆောင်း) နဲ့ (အမ်အာရ်အိုင်)
(အာလ်ထွာဆောင်း) ရိုက်ရင် Cysts (ဆစ်စ်) ခေါ်တဲ့ အထဲမှာ အရည်လိုဟာရှိနေတဲ့အိတ်ကို သိနိုင်တယ်။ ဒီလိုတွေ့တာ ကင်ဆာ မဟုတ်ပါ။ ရင်သား-ကင်ဆာ ဖြစ်နိုင်ဘို့ အလားအလာရှိသူတွေကို Mammogram routine screening ပုံမှန် ဆန်ကာတင်စစ်နည်း (မင်မိုဂရမ်) နဲ့အတူ MRI ပါရိုက်ရမယ်။

Breast Self-Exams ကိုယ့်ဖါသာ စစ်ဆေးနည်းကလဲ အထောက်အကူပြုပါတယ်။ လတိုင်းစစ်နေသင့်တယ်။ စစ်ဆေးနည်းကို ဆရာဝန်ဆီကနေ လေ့လာသင်ယူထားပါ။ ကိုယ့်ဖါသာရှာလို့ မတွေ့ပေမဲ့ မရှိတာလို့တော့ မပြောနိုင်ပါ။

• Lump အကျိတ်စမ်းရရင် ဘာလုပ်မလဲ ပဌမဆုံးအချက်က အစိုးရိမ်မကြီးပါနဲ့။ ရင်သား-အကျိတ် ၈ဝ% ဟာ ကင်ဆာ မဟုတ်ပါ။ ဒါပေမဲ့ ဆရာဝန်ကိုတော့ပြပါ။ Cysts (ဆစ်စ်) အကျိတ်ဖြစ်နိုင်တယ်၊ လစဉ်လာ ရာသီခွင်ကြောင့် အပြောင်းအလဲ ဖြစ်နိုင်တယ်။ ကလေးနို့တိုက်နေတုံး အဆင်မသင့်တာလဲ ဖြစ်နိုင်တယ်။ Breast Biopsy အသားစ ထုတ်ယူစစ်ဆေးခြင်းက ရောဂါနာမည်ကို သေခြာစေမယ်။

• Hormone-Sensitive Breast Cancer ဟော်မုန်းသက်ရောက်မှုရှိတဲ့ ရင်သား-ကင်ဆာ အမျိုးအစား
Estrogen (အီစထိုဂျင်) နဲ့ Progesterone (ပရိုဂျက်စတီရုံး) ဟော်မုန်း ၂ မျိုးရဲ့ သက်ရောက်မှုအရ အပြောင်းအလဲ ဖြစ်စေနိုင်တဲ့ ရင်သား-ကင်ဆာ ဟုတ်-မဟုတ်ကို Biopsy အသားစဖြတ်ယူစစ်ဆေးတာလုပ်ရင် သိစေမယ်။ Receptors ဆိုတာကို တွေ့ရမယ်။ Estrogen (ER-positive) ဒါမှမဟုတ် Progesterone (PR-positive) ဒါမှမဟုတ် ၂ မျိုးလုံး ဖြစ်နိုင်တယ်။ တချို့မှာ ၃ ပုံ ၁ ပုံမှာ ဘယ်ဟာမှ မပါဘူး။ ပါတာအတွက် ဟော်မုန်းဆေးတွေသုံးပြီး ကုသနိုင်တယ်။ ၂ဝ% နည်းပါး HER2 ခေါ်တဲ့ (ပရိုတင်း) တွေတွေ့ရတယ်။ ဒီလိုအမျိုးအစားကို HER2-positive လို့သတ်မှတ်မယ်။ ပြန့်ပွါးတာ မြန်တယ်။ ကုသမှု တနည်းသုံးရတယ်။

• Breast Cancer Stages ရင်သား-ကင်ဆာ အဆင့်သတ်မှတ်မှု
ရင်သား-ကင်ဆာကို ရောဂါနာမည်တပ်ပြီးတာနဲ့ တဆက်ထဲလုပ်မှာက ဘယ်အဆင့်ရောက်နေပြီလဲ။ ဆိုလိုတာက ဘယ်လောက်ကြီးနေလို့ ဘယ်အထိပြန့်နေပြီလဲ။ အဆင့် သုညကနေ လေးအထိ သတ်မှတ်တယ်။ ဒါကိုသိမှ ဘယ်လိုနည်း သုံးပြီးကုမလဲ ဆုံးဖြတ်ရတယ်။

• Breast Cancer Surgery ခွဲစိတ်ကုသနည်း
ခွဲနည်း အမျိုးမျိုးရှိတယ်။ Lumpectomy ဆိုတာ Breast-conservation surgery အကျိတ်ကိုသာထုတ်ပြစ်ပြီး ရင်သားကိုချန်ထားနည်း။ Mastectomy ရင်သားတခုလုံး ထုတ်ပြစ်နည်း။

• Radiation Therapy ဓါတ်ကင်နည်း
High-energy rays ပြင်းတဲ့ဓါတ်ရောင်ခြည်သုံးရတယ်။ ကင်ဆာ-ဆဲလ်တွေကိုသေစေမယ်။ ခွဲစိတ်ပြီးမှလဲလုပ်တယ်။ ဆေးပေးနည်းနဲ့လဲတွဲတယ်။

• Chemotherapy ဆေးပေးနည်း
တကိုယ်လုံးက ရှိသမျှ ကင်ဆာ-ဆဲလ် တွေကို သတ်ပြစ်မယ်။ အကြောဆေး၊ စားဆေး နဲ့ ထိုးဆေးတွေရှိတယ်။ ခွဲပြီးမှလဲပေးတယ်။ နောက်ပိုင်းကျနေတဲ့ အဆင့်အတွက်လဲ ထိန်းနိုင်အောင် ပေးတယ်။ ဆံပင်ကျွတ်၊ ပျို့၊ အားယုတ်၊ ရောဂါပိုးဝင်ဆိုတဲ့ ဘေးထွက်-ဆိုးကျိုးတွေ ဖြစ်နိုင်တယ်။

• Hormone Therapy ဟော်မုန်းပေးနည်း
ER-positive နဲ့ PR-positive breast cancer အမျိုးအစားတွေအတွက် ကောင်းတယ်။ ခွဲစိတ်ပြီးနောက် ပေးရတာများတယ်။ ရင်သား-ကင်ဆာဖြစ်ဘို့ အန္တရာယ်ရှိနိုင်သူတွေကိုလဲ ပေးနိုင်တယ်။

• Targeted Drugs ဆေးပေးကုသနည်း
ဆေးသစ်တွေသုံးတယ်။ HER2-positive breast cancer အမျိုးအစားမှာ HER2 ပရိုတင်းတွေများနေတယ်။ ဒီဟာတွေကို ပစ်မှတ်ထားပြီး တားမဲ့ဆေးသုံးတယ်။ (ခီမို) ဆေးနဲ့ တွဲတတ်တယ်။

• Breast Cancer Survival Rates ရင်သား-ကင်ဆာ ဘယ်လောက်အသက်ရှင်မှာလဲ
ဘယ်အခြေအနေမှာ စသိသလဲအပေါ်မှာ အများကြီးမူတည်တယ်။ American Cancer Society အလိုအရ အဆင့် (၁)မှာ စသိပြီး ဆေးကုရင် ၅ နှစ်သေခြာပေါက်ရှင်မှာ ရာနှုန်းပြည့်။ နောက်ကျမှသိလေလေ အသက်ရှင်နေနိုင်ဘို့ နှစ် နည်းလေလေ။ အဆင့် (၄) ကျမှသိရင် ၂ဝ% အထိသာရှိမယ်။ ကံကောင်းသူတွေ (ဆေးကုနည်းကောင်းရင်) ဒိထက် ရှည်ပါအုံးမယ်။

• Life After Diagnosis ရင်သား-ကင်ဆာရှိနေတယ်လို့ သိတဲ့နောက် ဘယ်လိုနေမလဲ
ကင်ဆာဆိုတာ ဆရာဝန်တွေပြောစရာမလိုအောင် ဆိုးတာတော့ သိနေကြပြီ။ အသေအခြာ၊ စောစော၊ စနစ်တကျ ကုသရင် အများကြီး ကောင်းစေမယ် ဆိုတာတော့ ပြောပါရစေ။ နေ့တဓူဝကိစ္စမျိုးတွေ အရင်လိုတော့ မလုပ်နိုင်၊ မလုပ်သင့်ပါ။ တကိုယ်တည်းလိုလို ခံစားရနိုင်တယ်။ မိတ်ဆွေတွေ အမျိုးတွေနဲ့ ပိုပြီးထိစပ်ဆက်ဆံပါ။ အားပေးမှုရယူပါ။ Support group ဘဝတူအုပ်စုတွေမှာ ပါဝင်ပါ။

• Breast Reconstruction ရင်သားအသစ်လုပ်ခြင်း
ရင်သားတခုလုံး ထုတ်လိုက်ရသူတွေက Reconstructive surgery အတုပြန်လုပ်တဲ့ ခွဲစိတ်နည်းလုပ်နိုင်တယ်။ အရေပြား၊ ခွဲစိတ်ထုတ်ပြစ်လိုက်တဲ့ နို့သီး၊ နို့ (တစ်ရှူး) တွေ အစားလုပ်ပေးနည်းဖြစ်တယ်။ Breast implant နို့အတုထည့်နည်း နဲ့ ကိုယ့်ခန္ဓာကိုယ် တခြားနေရာက (တစ်ရှူး) တွေယူပြီး အသစ်တည်ဆောက်နည်းလို့ ရှိတယ်။ ရင်သားထုတ်တဲ့အချိန်မှာ တခါတည်းလဲလုပ်တာရှိတယ်။ နောက်မှ အေးအေးဆေးဆေး လုပ်တာလဲရှိတယ်။ (သပ်သပ် ရေးထားပါတယ်။)

Breast Forms ရင်သားပုံစံအတု သုံးနည်း။ Breast-shaped prosthesis ခေါ်တယ်။ ခွဲစိတ်စရာမလိုဘူး။ ကိုယ်လိုချင်သလို ဝတ်ဆင်နိုင်တယ်။

• Risk Factors ရင်သား-ကင်ဆာ ဖြစ်စေနိုင်တဲ့ အလားအလာရှိသူတွေ
ကိုယ်အလေးချိန် များသူတွေ၊ ကိုယ်လက်လေ့ကျင့်ခန်း မလုပ်သူတွေ၊ အရက်သေစာ သောက်စားသူတွေ၊ ကိုယ်ဝန်တားဆေး တချို့၊ သွေးဆုံးချိန်မှာ ဟော်မုန်းဆေးပေးကုသသူတွေ၊ ဒီလိုဆေးတွေကြောင့်ဖြစ်တာမျိုးက ဆေးဖြတ်လိုက်ရင် ဖြစ်နိုင်ခြေ အလားအလာလဲ ရပ်တန့်သွားမယ်။ ရင်သား-ကင်ဆာက လွန်မြောက်လာသူတွေရဲ့ အတွေ့အကြုံအရ လူနေမှုပုံစံ ပြုပြင်ခြင်းဟာ အများကြီးအထောက်အကူပြုတာ တွေ့ရတယ်။ သုတေသနတွေ ဆက်လုပ်နေပါတယ်။

• Why Me ကျမကျမှ ဘာလို့ဖြစ်ရသလဲရှင်
o ပဌမအချက်က မိန်းမဖြစ်နေလို့ပါ။ (ဆောရီး)။
o ယောက်ျားတွေမှာ အဆ ၁ဝဝ နည်းကြတယ်။
o အမျိုးသမီး အသက် ၅၅ နှစ် ကျော်သူတွေ။
o အမေမှာ ဒါဖြစ်ဘူးတယ်ဆိုလို့ သိပ်မစိုးရိမ်ပါနဲ့။ မျိုးရိုးမလိုက်တာ ၈ဝ% ရှိတာလဲ သတိပြုပါ။

o တချို့မှာ Breast Cancer Genes ရင်သား-ကင်ဆာ မျိုးဗီဇ ပါနေတယ်။ အဲဒီ Genes မျိုးဗီဇတွေကို BRCA1 နဲ့ BRCA2 လို့ ခေါ်တယ်။ ဒါရှိနေသူတွေထဲက ၈ဝ% က ရင်သား-ကင်ဆာ ဖြစ်စေနိုင်တယ်။ မျိုးဗီဇအကြောင်း ဆရာဝန်တွေ သိတာ နည်းသေးတယ်။ ကံတရားလို့ပြောတာ ဘယ်သူငြင်းနိုင်ပါသလဲ။

Dr. တင့်ဆွေ
၎-၃-၂ဝ၁၂

Antioxidants (အင်တီ-အောက်စီဒင့်)

Thu, Mar 15, 2012 at 12:34 AM
အခုတလော ကျန်းမာရေးနဲ့ ဆေးလောကမှာ ခဏခဏပြောနေ၊ ကြားနေရတဲ့ Antioxidant တွေအကြောင်း ပြည့်ပြည့်စုံစုံ၊ မြန်မာလို ရှင်းပြတဲ့ ဆောင်းပါးတစ်ပုဒ်လောက် တင်ပေးပါလားခင်ဗျာ။

Antioxidants (အင်တီ-အောက်စီဒင့်) တွေဆိုတာ အကြမ်းပြောရရင် မကောင်းတာတွေဘေးကနေ (ဆဲလ်) တွေကို အကာကွယ်ပေးနေတဲ့ ဓါတ်တွေ ဖြစ်တယ်။ ဒီနေရာမှာ မကောင်းတာတွေကို Free radicals (ဖရီး-ရက်ဒီကယ်လ်) ခေါ်တယ်။ ကိုယ်ခန္ဓာ ကနေလဲ အစားအစာတွေ ကျေချက်ရာကနေ ထုတ်ပေးသလို ဘေးပါတ်ဝန်းကျင်ကနေလဲ လာတယ်။ ဥပမာ မီးခိုးငွေ့၊ ဓါတ်ရောင်ခြည်။ (အင်တီ-အောက်စီဒင့်) တွေကနေ နှလုံးရောဂါ၊ ကင်ဆာ နဲ့ တခြားရောဂါတွေ မရစေနိုင်ဘူး။ အသီးအနှံတွေနဲ့ အသီးအရွက်တွေမှာ ပါနေတယ်။ အစေ့အဆံတွေ၊ အသား-ငါးတွေမှာလဲ ပါတယ်။

(အင်တီ-အောက်စီဒင့်) တွေကို နာမည်နဲ့ပြောရင် Beta-carotene (ဘီတာ-ကယ်ရိုတင်း)၊ Lutein (လူတိန်း)၊ Lycopene (လိုင်ကိုပိန်း)၊ Selenium (ဆလဲနီယမ်)၊ Vitamin A (ဗီတာမင်-အေ)၊ Vitamin C (ဗီတာမင်-စီ) နဲ့ Vitamin E (ဗီတာမင်-အီး) တွေ ဖြစ်ကြတယ်။

လူ့ကိုယ်ခန္ဓာမှာရှိတဲ့ သန်းထောင်ပေါင်းများစွာသော (ဆဲလ်) တွေဟာာ အန္တရာယ်တွေနဲ့ အမြဲရင်ဆိုင်နေကြရတယ်။ အစာ အာဟာရ မရတာမျိုးကနေ (ဗိုင်းရပ်စ်) ပိုးတွေဝင်တာ စသဖြင့်ဖြစ်နိုင်နေတယ်။ ဒါတွေက တခါတလေမှ ဖြစ်လာနိုင်ပေမဲ့ အမြဲတန်းရှိတဲ့ အန္တရာယ်ကတော့ (ဖရီး-ရယ်ဒီကယ်လ်) တွေဖြစ်တယ်။ (ဆဲလ်) တွေကို ပျက်စီးသွားနေနိုင်သလို မျိုးဗီဇ ပြောင်းတာအထိ ဖြစ်စေနိုင်တယ်။ မသင့်တဲ့အစာတွေထဲမှာလဲ (ဖရီး-ရယ်ဒီကယ်လ်) တွေပါနေမယ်။ ကောင်းတဲ့အစာတွေ စားတာမှန်ပေမဲ့ အစာကျေချက်ရာကနေ ထွက်လာတာတွေထဲမှာ ပါတယ်။ လေထဲ၊ နေရာင်ထဲကနေလဲ ရသေးတယ်။

Antioxidants (အင်တီ-အောက်စီဒင့်) လို့ခေါ်တာက သိပ်မတိကျဘူး။ Electron donor (အီလက်ထရွန်) ပေးသူလို့က ပိုမှန်တယ်။ Electron grabbers (အီလက်ထရွန်) ဆုပ်ယူသလိုလုပ်တာလဲ ရှိသေးတယ်။

၁၉၉ဝ ကျော်လောက်ကစပြီး သိပ္ပံပညာရှင်တွေက သိလာတာပါ။ (ဖရီး-ရယ်ဒီကယ်လ်) တွေနဲ့ ကင်ဆာ၊ မျက်စိ မကောင်းတာနဲ့ နာတာရှည်ရောဂါတွေနဲ့ ဆိုင်တာကို သိလာရတယ်။ (အင်တီ-အောက်စီဒင့်) ကြွယ်ဝတဲ့ အသီးအနှံတွေကို အစားနည်းသူတွေမှာ အဲဒီရောဂါတွေ ပိုဖြစ်နေကြတာကိုလဲ သိလာရတယ်။ ဒီစာကို ဆက်ဖတ်စေချင်ပါတယ်။

Beta-carotene နဲ့ Vitamin E တွေကို တခုချင်းလေ့လာတယ်။ အဖြေရလဒ်တွေ မရခင်ကတည်းကနေ (အင်တီ-အောက်စီဒင့်) တွေဟာ နှလုံးရောဂါနဲ့ ကင်ဆာကို ခံတိုက်မဲ့လက်နက် ဖြစ်တယ်လို့ (မီဒီယာ) တွေကနေ ရေးလာတယ်။ ပြောသလောက်၊ ရေးသလောက်၊ ကြော်ညာသလောက်တော့ မဟုတ်ပါ။ စမ်းသပ်မှုတွေရဲ့က အဖြေတွေ ရောထွေးနေပါတယ်။

တချို့ဆိုရင် ဘာမှမထူးတာလဲ တွေ့ရတယ်။ သုတေသနတချို့က မဟုတ်ပါဘူးအထိ ပြောတာလဲ ရှိလာတယ်။ ပြောင်းပြန်တောင်ဖြစ်မလား သံသယရှိသေးပြန်တယ်။ ဥပမာ Beta-carotene စားလို့ ဆေးလိပ်သောက်သူတွေမျာ Lung cancer အဆုပ်-ကင်ဆာ ပိုဖြစ်နိုင်တယ်လို့ လေ့လာမှုတခုက ဆိုထားတယ်။ ၁၈ နှစ်ဆက်တိုက် Physicians' Health Study လေ့လာမှုတခု အရတော့ အသင့်အတင့် အကျိုးရစေတယ်လို့ ဆိုတယ်။ ဒါပေမဲ့ ဒေါ်လာသန်း ၅ဝဝ တန်ဘိုးရှိနေတဲ့ စီးပွါးရေး ဈေးကွက်အရ ကြော်ညာတွေ၊ စိုက်ပျိုးတာတွေက ဆက်လက် လုပ်နေရှိနေဆဲ ဖြစ်ပါတယ်။
• ကျန်းမာနေတဲ့ အမျိုးသမီးပေါင်း ၃၉၈၇၆ ယောက်ကို သဘာဝကရတဲ့ (ဗီတာမင်-အီး) 600 IU တရက်ခြား ၁ဝ နှစ်တာ သောက်စေခဲ့တယ်။ တအုပ်စုက ဒါမသောက်ဘူး။ နှလုံးရောဂါနဲ့ ကင်ဆာအဖြစ်နည်းတယ်လို့ မတွေ့ရပါ။ ဒါပေမဲ့ နှလုံးရောဂါနဲ့ သေဆုံးမှုကတော့ ၂၄% လျော့ကျတယ်။ အကျိုးမယုတ်စေတာတော့ သေခြာတယ်။
• တကယ် နှလုံးရောဂါရှိနေသူတွေကို ပေးကြည့်တာလဲ မထူးလှပါ။ Beta-carotene ကလဲ ထူးမခြားနားဘဲ။ Cancer နဲ့ Antioxidants ကလဲ မရေရာပါ။
• Age-Related Eye Disease အသက်ကြီးလို့ မကောင်းဖြစ်လာတဲ့ မျက်စိဝေဒနာ နဲ့ Antioxidants မှာတော့ ကောင်းတာလာတွေ့ရတယ်။ ၆ နှစ်တာလေ့လာမှုအရ vitamin C, Vitamin E, Beta-carotene, and Zinc တွဲပေးတာက ရောဂါကာကွယ်ရာမှာ အကျိုးရှိတာ တွေ့ရတယ်။

Potential Hazards ဆိုးတာကော ရှိသလား။
• ဖင်လန်မှာ ဆေးလိပ်သောက်တဲ့ ယောက်ျားတွေကို Beta-carotene ပေးတော့ အဆုပ်-ကင်ဆာ ပိုဖြစ်သလို တွေ့ရတယ်။
• Asbestos (မီးခံပြားလုပ် ပစ္စည်း) နဲ့ ထိတွေ့နေရသူတွေကို Beta-carotene + Vitamin A ပေးတယ်။ အဆုပ်-ကင်ဆာ ပိုဖြစ်နေပြန်တယ်။
• SU.VI.MAX trial စမ်းသပ်မှုမှာလဲ အမျိုးသမီးတွေမှာ Vitamin C, Vitamin E, Beta-carotene, Selenium နဲ့ Zinc ပေးတော့ အရေပြား-ကင်ဆာနဲ့ ဆက်စပ်နေတယ်။

အခြေခံကျတာကိုပြောရရင် နာတာရှည်ရောဂါတွေနဲ့ ကင်ဆာရှိနေသူတွေကို ဒီလိုဆေးမျိုးပေးတာ၊ စားစေတာက ရှိနေပြီး ရောဂါကို ဘာမှ သက်ရောက်မှု မဖြစ်စေနိုင်ပါ။ သုတေသနတွေကို ကောင်းတယ်ဆိုတာရော မကောင်းလောက်ဘူး ဆိုတာတွေပါ ကံသေကမ္မ ပြောမရသေးပါ။ Antioxidants တွေဟာ Immune System ရောဂါပြီး-စနစ်ကို ကောင်းစေလို့ Super Foods ဖြစ်တယ်လို့ရေးတာတွေလဲ ရှိပါတယ်။ Supermarket ကနေ ကြော်ညာတာ ဖြစ်ပါတယ်။ Colds and Flu အအေးမိတာနဲ့ တုပ်ကွေးကို ကောင်းစေတယ်လို့သာ ရေးလို့ မဆိုးလှပါ။

• Beta-carotene တွေက Apricots တရုပ်-ဆီးသီး၊ Asparagus ကညွတ်၊ Beets မုံလာဥအမျိုးမျိုး၊ Broccoli မုံလာပွင့်စိမ်း၊ Cantaloupe သခွါးမွှေး၊ Carrots မုံလာဥနီ၊ Corn ပြောင်း၊ Green peppers ငရုပ်ပွ၊ Kale ကိုက်လန့်၊ Mangoes သရက်သီး၊ Turnip ခါကြက်ဥ၊ Collard greens မုံလာစိမ်းတမျိုး၊ Nectarines, Peaches မက်မုံသီး၊ Pumpkin ဖရုံသီး၊ Squash သခွါးသီး၊ Spinach ဟင်းနုနွယ်၊ Sweet potato ကန်စွန်းဥ၊ Tangerines ရှောက်တမျိုး၊ Tomatoes ခရမ်းချဉ်သီး၊ Watermelon ဖရဲသီးတွေမှာပါတယ်။
• Vitamin C က Berries ဘယ်ရီသီး၊ Broccoli မုံလာပွင့်စိမ်း၊ Brussels sprouts မုံလာစိမ်းထုပ်၊ Cantaloupe သခွါးမွှေး၊ Cauliflower မုံလာပွင့်၊ Grapefruit ကဗလာသီး၊ Honeydew သခွါးတမျိုး၊ Kale ကိုက်လန့်၊ Kiwi ကီဝီသီး၊ Mangoes သရက်သီး၊ Nectarines မက်မုံ၊ Orange လိမ်မော်သီး၊ Papaya သင်္ဘောသီး၊ Ted, green or yellow peppers ငရုပ်သီးအမျိုးမျိုး၊ Snow peas တပင်လုံးစားရတဲ့ပဲတမျိုး၊ Sweet potato ကန်စွန်းဥ၊ Strawberries စထောဘယ်ရီ၊ Tomatoes ခရမ်းချဉ်သီးတွေမှာ ပါတယ်။
• Vitamin E က Broccoli မုံလာပွင့်စိမ်း၊ Carrots မုံလာဥနီ၊ Mustard မုံညင်း၊ Turnip greens ခါကြက်ဥ၊ Mangoes သရက်သီး၊ Nuts အစေ့အဆံ၊ Papaya သင်္ဘောသီး၊ Pumpkin ဖရုံသီး၊ Red peppers ငရုပ်သီး၊ Spinach ဟင်းနုနွယ်၊ Sunflower seeds နေကြာစေ့တွေမှာ ပါတယ်။
• Zinc က oysters ခရု၊ Red meat, Poultry အသားအမျိုးမျိုး၊ Beans ပဲအမျိုးမျိုး၊ Nuts အစေ့အဆံ၊ Seafood ပင်လယ်စာ၊ Whole grains ဖြူနေအောင် ချွတ်မထားတဲ့အဆံတွေ၊ Dairy products နို့ထွက်အစာတွေမှာ ပါတယ်။
• Selenium က Brazil nuts ဘရာဇီးလ်ပဲ၊ Tuna ကျူနာငါး၊ Beef အမဲသား၊ Poultry ကြက်-ဘဲသား၊ Fortified breads ပေါင်မုံ့တွေမှာ ပါတယ်။

တနေ့တာ လိုအပ်ချက်
• Beta-carotene = 3 - 6 milligrams
• Selenium = 55 micrograms
• Vitamin C = 90 milligrams (ယောက်ျား)၊ 75 milligrams (မိန်းမ)၊
• Vitamin E = 15 milligrams
• Zinc = 11 milligrams (ယောက်ျား)၊ 8 milligrams (မိန်းမ)၊

မြန်မာပြည်မှာ ပညာရပ်ဆိုင်ရာစာတွေကို အင်္ဂလိပ်လိုက နေယူကြရတယ်။ စာလုံးလေးကအစ၊ စာတပုဒ်၊ စာတအုပ်လဲ အဲလိုယူထားတော့ အထင်ကြီးစရာ ဖြစ်တယ်။ ကျန်းမာရေး သတင်းတို့ ဆေးပညာစာတို့ကိုတော့ အင်္ဂလိပ်စာလုံးတွေနဲ့ ညှပ်ရေးတိုင်း အထင်တခွဲသား မထားကြစေချင်ပါ။ အဆန်းလေးတွေကို စိတ်ဝင်စားကြတာတော့ မှန်ပါရဲ့၊ ဆန်းတိုင်း သစ်တိုင်း အကောင်းချည်း မဟုတ်ပါ။ ဘက်စုံ-ဒေါင့်စုံ၊ အချိန်ကုန်အောင် လေ့လာထားမှ တကယ်အကျိုးရှိစေမှာ ဖြစ်ပါတယ်။

Dr. တင့်ဆွေ
၁၆-၃-၂ဝ၁၂

Friday, March 9, 2012

မရဲ့ မောင်လေးနဲ့ မောင်လေးရဲ့ မမကြီးတွေ စဉ်းစားဖို့ပါ

06/03/2011

ဆရာ ကျွန်တော် တိုင်ပင်စရာ တစ်ခု ရှိလို့။ အခု ကျွန်တော့် အသက်က ၂၀ ပါဆရာ။ ကျွန်တော့် ချစ်သူက အသက် ၂၉ ပါ။ အသက်က တော်တော် ကွာနေတယ် ဆရာ။
အဲဒါ ကျွန်တော့် သူငယ်ချင်းတွေက ၀ိုင်းပြောနေကြတယ်။ အဖွားကြီးကို ယူရင် မင်းဘ၀တော့ လူညွန့်တုံးပြီတဲ့ ဆရာ။ မိန်းကလေးတွေက အသက် ၄၀ ကျော်ရင် အဲဒီဘက်တွေ စိတ်မပါတော့ဘူးတဲ့။
အဲဒီကိစ္စတွေကြောင့် ကျွန်တော် အမြဲ စ်ိတ်ညစ်နေရတယ် ဆရာ။ သူ့ကို ကျွန်တော် ချစ်တယ်။ ဒါပေမဲ့ အဲဒီကိစ္စတွေ တွေးလိုက်ရင် ကျွန်တော် တွေဝေသွားတတ်တယ်။ အဲဒါဆရာ့ဆီက အကြံဉာဏ် တောင်းမလို့ပါ ဆရာ။ ဘယ်လို လုပ်ရင် ကောင်းမလဲလို့။
ပြီးတော့ မိန်းကလေးတွေ သွေးဆုံးပြီးသွားရင် HIV/AIDS ရောဂါကို သူတို့ဆီက မကူးတော့ဘူးဆိုတာ သေချာလားဆရာ။ ကျွန်တော် မေးတာကို ကျေးဇူးပြုပြီး ပြန်ဖြေပေးပါ ဆရာ။

သည်ဘလော့(ဂ်)ထဲက Last Post On Masturbation ဆိုတဲ့ စာရဲ့ အောက်မှာ မေးသွားတဲ့ မေးခွန်းပါ။ စာရောက်နေတာ တစ်လကျော် နှစ်လနား နီးနေပြီ ဖြစ်ပေမယ့် ကျွန်တော့်မှာ ဗျာများနေတာနဲ့ အခုမှ အဖြေပေးလိုက်နိုင်ပါတယ်။
ယောက်ျားလေးက ငယ်နေပြီး မိန်းကလေးက အသက်ကြီးနေရင်၊ ဒါမှမဟုတ် ရွယ်တူဖြစ်နေရင် အဲလို ချစ်သူစုံတွဲတွေ အိမ်ထောင်ပြုတဲ့အထိ ကျွန်တော်က လုံးဝ အားမပေးချင်ပါဘူး။ “ယောက်ျားပဇင်း၊ မိန်းမ ပုခက်တွင်း”ဆိုတဲ့ မြန်မာဆိုရိုးစကားဟာ အမှန်တော့ ဆင်ခြင်တုံတရားနဲ့ ပြည့်ဝတဲ့ စကားလို့တောင် ဆိုနိုင်ပါလိမ့်မယ်။
ယောက်ျားနဲ့ မိန်းမတို့ရဲ့ ကိုယ်ခန္ဓာဖွဲ့စည်းပုံတွေ ကွာခြားပါတယ်။ အလားတူပဲ ကိုယ်ခန္ဓာဖွံ့ဖြိုးမှုနဲ့ ယိုယွင်းမှုမှာလည်း အကြီးအကျယ် ကွာပါတယ်။ ယောက်ျားလေးတွေ ၁၃-၄ နှစ်မှာ ပုဆိုးကွင်းသိုင်းနဲ့၊ ဘောင်းဘီတိုနဲ့ ကလေးတစ်ယောက်လို အရပ်ထဲ လည်ဆော့လို့ ကောင်းနေပေမယ့် မိန်းကလေး အဲဒီ့အရွယ်ဟာ အပျိုရည် အပျိုသွေးတွေ စတင်နေပါပြီ။ အမျိုးသမီးတို့ရဲ့ လစဉ်ဓမ္မတာ သွေးပေါ်တာလည်း အဲဒီ့အရွယ်လောက်ဆိုရင် စပါပြီ။ ပြောရရင် အဲဒီ့အရွယ်ဟာ မိန်းကလေးတွေ လင်ယူသားမွေးဖို့အတွက် စတင် ပြင်ဆင်ချိန်ပါပဲ။ ယောက်ျားလေးတွေအတွက်ကျတော့ အဲဒါက တစ်နှစ်၊ နှစ်နှစ်လောက် နောက်ကျပါတယ်။ အလွယ်ပြောရရင် ကြီးကောင်ဝင်ရာမှာ မိန်းကလေးက ယောက်ျားလေးတွေထက် စောပါတယ်။ အရပ်အမောင်း၊ ကိုယ်လုံးကိုယ်ဖန်မှာတင် သည်အချက်က တအားသိသာပါတယ်။
ကြီးကောင်ဝင်ရာမှာ ယောက်ျားတွေထက် စောသလို အရွယ်ကျရာမှာလည်း မိန်းမတွေက ယောက်ျားတွေထက် စောပြန်တယ်။ မိမိကိုယ်မိမိ တအား ထိန်းသိမ်းတတ်တဲ့ မိန်းမတွေ၊ ဘ၀ပေး ကုသိုလ်ကောင်းတဲ့ မိန်းမတွေကျတော့ ၅၀ ကျော်၊ ၆၀ လောက်အထိ အပြင်ပန်းအမြင်မှာ တင့်တင့်တယ်တယ် ရှိနေနိုင်သေးတာ မှန်ပေမယ့် အဲဒါက အနည်းစုသာ ဖြစ်ပါတယ်။ နောက်တစ်ခုက အပြင်ပန်းမှာသာ တင့်တယ်နေပြီး အတွင်းပိုင်းက ယိုယွင်းနေတာတွေကိုကျတော့ သူ့အိမ်ထောင်ဖက်မှသာ သိနိုင်တာမျိုးပါ။
အများစုအတွက်ကတော့ ၄၀ ကျော်လာ၊ ကလေးသားမြေး ရပြီးချိန်မှာ အပြင်ပန်းမှာတင်ပဲ ပုံပျက်ပန်းပျက် ဖြစ်လာတတ်ပါတယ်။ အတွင်းပိုင်း ယိုယွင်းမှုကလည်း သိသာလာတတ်တယ်။
ပြဿနာက ကျွန်တော့်ဆီ စာရေးလာတဲ့ အသက် ၂၀ လူငယ်လေးရဲ့ သူငယ်ချင်းတွေ ပြောသလို မိန်းမတွေ ၄၀ ကျော်လာချိန်မှာ လိင်စိတ်တွေ ကုန်ခမ်းသွားတာ မဟုတ်ပါဘူး။ လိင်စိတ်ဆိုတာ ခြောက်ခမ်းရိုးထုံးစံလည်း မရှိပါဘူး။ ကိုယ်ရော၊ စိတ်ပါ ကျန်းမာနေရင် လိင်စိတ်ဟာ အရွယ်သုံးပါးစလုံးမှာ ရှိနေနိုင်ပါတယ်။
မိန်းမတွေရဲ့ လိင်စိတ်ဟာ ယောက်ျားတွေလို မဟုတ်ဘဲ အလကားနေရင်း ထကြွမနေတတ်တာတော့ အမှန်ပါပဲ။ အဲဒါကျတော့ အရွယ်နဲ့ မဆိုင်ပါဘူး။ ဘယ်အရွယ် မိန်းမဖြစ်ဖြစ်၊ ဘယ်လောက် သွေးသားကောင်းကောင်း၊ တစ်ဖက်သားရဲ့ လှုံ့ဆော်မှု မရှိဘဲနဲ့ မိန်းမတစ်ယောက်ရဲ့ လိင်စိတ်ဟာ အလကားနေရင်း ထ ဖြစ်ခဲလှပါတယ်။ ရှားရှားပါးပါး၊ တစ်ထောင်တစ်ယောက်၊ တစ်သောင်းတစ်ယောက်လောက်သာ ယောက်ျားများနည်းတူ အလကားနေရင်း လိင်စိတ်တွေ နိုးကြားတတ်တာပါ။
ယောက်ျားတွေကတော့ အားအားရှိ သည်စိတ်က ဦးဆောင်နေပါတယ်။ မျက်စိအာရုံ၊ နားအာရုံကြောင့်၊ ဘာမဟုတ်တဲ့ အတွေ့အထိခဏတာလေးကြောင့် လိင်စိတ် နိုးကြားလွယ်တာ ယောက်ျားများပါပဲ။ အပြာကားတွေ၊ အပြာစာအုပ်တွေရဲ့ အဓိက ပရိသတ်ဟာ ယောက်ျားသားများသာ ဖြစ်ပါတယ်။ မိန်းမသားတွေက မကြည့်ဖူး၊ မမြင်ဖူးသေးလို့သာ ခဏတဖြုတ် ကြည့်ကြပါလိမ့်မယ်။ ယောက်ျားတွေလို စွဲစွဲလန်းလန်းကြီး မဖြစ်ကြပါဘူး။ တချို့မိန်းမတွေဆိုရင် အဲဒါတွေ ကြည့်ပြီး၊ ဖတ်ပြီး၊ အော်ဂလီဆန်လာ၊ ရွံရှာစက်ဆုပ်လာတတ်ကာ နဂိုက ရှိနေတဲ့ လိင်စိတ်တောင် ငုပ်ကုန်တတ်ပါတယ်။
ပြောချင်တာက အလကားနေရင်း လိင်စိတ်နိုးကြားတတ်တဲ့ ယောက်ျားသားတစ်ယောက်ဟာ အရွယ်လွန်နေသည့်တိုင် သည်စိတ်တွေ ပြင်းပြနေတတ်တဲ့ သဘာဝကိုပါပဲ။ ယောက်ျားတစ်ယောက်ဟာ “ဖွဲတစ်ဆုပ်နိုင်တဲ့အထိ” သည်စိတ်တွေ ပြင်းထန်နေတတ်ပါတယ်။
အသက် ၄၅ နှစ်အရွယ် ယောက်ျားတစ်ယောက်ဟာ ကိုယ်နဲ့ ရွယ်တူလည်းဖြစ်၊ ကိုယ့်အိမ်ထောင်ဖက်လည်းဖြစ်တဲ့ အသက် ၄၅ နှစ်အရွယ် မိန်းမတစ်ယောက်ကို မြင်ရုံနဲ့ ရင်မခုန်တော့တာတော့ အင်မတန် သေချာတဲ့အချက်ပါ။ အဲဒီ့မတိုင်ခင် နှစ် ၂၀ လောက်ကတော့ သည်မိန်းမအပေါ် မြင်ရုံနဲ့ ရင်ခုန်ခဲ့ဖူးမှာ မှန်ပေမယ့် နှစ် ၂၀ လောက် ပေါင်းဖက်လာပြီးတဲ့အခါမှာတော့ သူ့အတွက် သည်မိန်းမဟာ ရင်ခုန်စရာ တစ်စက်မှ မရှိတော့မှာ သေချာပါတယ်။ ယောက်ျားတို့ရဲ့ အချိန်မရွေး၊ နေရာမရွေး၊ လူပုဂ္ဂိုလ်မရွေး နိုးကြားနိုင်တဲ့ လိင်စိတ်အရ အဲဒီ့မိန်းမကို လိင်ဆက်ဆံဖို့အတွက်တော့ နိုးကြားချင် နိုးကြားနေနိုင်ပါသေးတယ်။ ဒါပေမယ့် တကယ်တမ်းမှာ ၄၅ နှစ် ယောက်ျားတစ်ယောက်ဟာ ကိုယ့်အိမ်ထောင်ဖက်မှအပ တခြားတစ်ပါးသော မိန်းမများကိုသာ ရင်ခုန်နေပါပြီ၊ လိင်စိတ်အရလည်း ပိုမို နိုးကြား တောင့်တနေတတ်ကြပါပြီ။ ခါရာအိုခေဆိုင်တွေ၊ အနှိပ်ခန်းတွေ၊ ဇိမ်ခန်းတွေဆီ ရောက်နေတဲ့ ယောက်ျားတွေရဲ့ အရွယ်တန်းကို ကြည့်ရင် ၄၀ နဲ့ အထက် ပရိသတ်က အဆမတန် များပြားနေတာကို တွေ့ရမှာပါ။ သည်အချက်နဲ့တင် ကျွန်တော်ပြောနေတဲ့ “နွားအို မြက်နုကြိုက်”လာတဲ့ သဘောက အလွန်ထင်ရှားပါတယ်။
အဲ… ယောက်ျားက ၄၅ နှစ်၊ မိန်းမက ၅၀၊ ဒါမှမဟုတ် ၅၅ နှစ်ဖြစ်နေရင်တော့လား၊ အဲဒီ့ယောက်ျားဟာ ကျင့်ဝတ်စည်းကမ်းတွေအရသာ သူနဲ့ ပေါင်းလာခဲ့တဲ့ မိန်းမ အပေါ်မှာ သားမှတ်မှတ် မယားမှတ်မှတ် ပေါင်းနေဦးမှာပေမယ့် လစ်တာနဲ့ ကြောင်သူတော် ကြွက်သူခိုး လုပ်နေမှာလည်း မလွဲပါဘူး။ ဒါမှမဟုတ်လည်း အတွင်းလှိုက်ပြီး တရိရိနဲ့ စိတ်အဆင်းရဲကြီး ဆင်းရဲနေတော့မှာပါ။ လူရှေ့မှာလည်း ကိုယ့်မိန်းမကို ပွဲမထုတ်ရဲတဲ့ ဘ၀ကို ရောက်နေတာတွေလည်း ကျွန်တော့် မျက်လုံးနဲ့ တပ်အပ်မြင်ခဲ့ဖူးပါတယ်။
ခြွင်းချက်တော့ ရှိသပေါ့။ ယောက်ျားက ခြေမဲ့လက်မဲ့၊ မိန်းမက ပိုက်ဆံချမ်းသာတယ်၊ ဘ၀ ရပ်တည်မှုအတွက် အဲဒီ့မိန်းမက ခုနစ်ဆွေး ရှစ်ဆွေးလည်းဖြစ်၊ အမယ်ကြီးအိုကြီးလည်း ဖြစ်နေသည့်တိုင် အဲဒီ့မိန်းမကို အိမ်ထောင်ဖက်အဖြစ် ပေါင်းဖက်လိုက်တဲ့ လူငယ် ယောက်ျားတစ်ယောက်စ နှစ်ယောက်စလည်း ကျွန်တော် မြင်ခဲ့ဖူးပါတယ်။ သူတို့ကကျတော့ ငွေမက်လို့ ယူထားတာမို့ အဲဒီ့မိန်းမကြီးတွေ ကြည်ဖြူဖို့အရေးအတွက် စိတ်မပါဘဲ တအား ကြင်နာပြ၊ တအား ယုယပြနေတာတွေလည်း တွေ့ဖူးပါတယ်။
နောက်တစ်မျိုးက မိန်းမလည် သိန်းကြွယ်တွေပါ။ သူတို့က ယောက်ျားတကာနဲ့ နေခဲ့ဖူးပြီး ယောက်ျားကျောကို ကောင်းကောင်းသိထားကြသူတွေဖြစ်ပါတယ်။ အဲလို မိန်းမတွေကျတော့လည်း လင်ငယ်ငယ်လေးကို မလှုပ်နိုင်အောင် အနုနည်းနဲ့ ချုပ်ထားတဲ့ အတတ်ပညာတွေကို တတ်ကျွမ်းကြတာမို့ သူတို့ လင်လေးတွေခမျာ မလူးသာ မလွန့်သာ ဖြစ်နေတတ်ကြပါတယ်။ ဒါပေမယ့် အဲလို မိန်းမမျိုးက သိပ်ကို နည်းတဲ့ အနည်းစုမျှသာ ဖြစ်ပြီး လင်လေးတွေကလည်း မလစ်လို့သာပါ၊ လစ်တာနဲ့ သူတို့ကလည်း ကွယ်ရာမှာ ခြေများဖို့ အသင့်ဖြစ်နေတတ်ကြပါတယ်။ မိန်းမလည် သိန်းကြွယ်တွေကလည်း အဲလို ခြေများတာကို သိသွားရင် မသိချင်ယောင်ဆောင်နေပြီး သူတို့နည်းနဲ့ သူတို့၊ လင်ကလေးတွေ သူတို့ချည်တိုင်ကို အချိန်တန်ရင် ပြန်ခစားလာအောင် လုပ်ထားတတ်ကြပါတယ်။
အဲတော့ကာ အားလုံးကို ချုပ်လိုက်မယ်ဆိုရင် ယောက်ျားတို့ရဲ့ အခါခပ်သိမ်း နိုးကြားနေတတ်တဲ့ လိင်စိတ်၊ ယောက်ျားတွေရဲ့ ရိုးလွယ်တဲ့စိတ်၊ ယောက်ျားတွေရဲ့ မိန်းမ တစ်ယောက်တည်းနဲ့ မရောင့်ရဲတတ်တဲ့ မွေးရာပါ သဘာဝများကြောင့် “ယောက်ျား ပဇင်း၊ မိန်းမ ပုခက်တွင်း”ဆိုတဲ့ စကားက ပေါ်ပေါက်လာရတာပဲလို့ အတတ်ပြောနိုင်ပါတယ်။
ယောက်ျားနဲ့ မိန်းမ အသက် ၁၈ နှစ်လောက်များ ကွာနေလို့ကတော့ အဲဒီ့ယောက်ျားဟာ သူ့မယားလေးကို အရိပ်တကြည့်ကြည့်နဲ့ ချစ်မ၀နိုင်အောင် ဖြစ်နေမှာ သေချာပါတယ်။ ယောက်ျားက ၄၀၊ မိန်းမက ၂၂ နှစ်၊ ယောက်ျားက ၅၀ မိန်းမက ၃၂ နှစ်၊ ယောက်ျားက ၆၀၊ မိန်းမက ၄၂ နှစ်… ယောက်ျား ဘယ်အရွယ်ပဲ ရောက်သွားသွား သူ့မိန်းမက ရိုးချင်စရာ မကောင်းတော့မှာ တအား သေချာလို့ နေပါတယ်။ ကျွန်တော့်မျက်စိအောက်မှာလည်း အဲလို လင်မယားတွေ တွေ့ဖူးပါတယ်။ အမလေးဗျာ… အဲလို ယောက်ျားကြီးတွေများ သူတို့ မိန်းမကို ချစ်လိုက်တာမှ တုန်လို့။ ဖူးဖူးလည်း ဘာမှုတ်ကြသလဲ မမေးနဲ့။ ဟိုမိန်းမလေးတွေ အအေးတောင် မိကုန်မလား အောက်မေ့ရတယ်။
သူတို့လောက် မကွာပါဘူး။ ကျွန်တော့်မိန်းမက ကျွန်တော့်ထက် ၇ နှစ်ပဲ ငယ်ပါတယ်။ ဒါပေမယ့် အဲဒီ့အရွယ် ကွာဟမှုကလည်း ကျွန်တော်တို့ အိမ်ထောင်ရေး သာယာခြင်းရဲ့ အဓိက အချက်တစ်ချက်ထဲမှာ ပါပါတယ်။ ကျွန်တော်တို့ အိမ်ထောင်သက်ဆိုရင် မကြာခင် ၂၃ နှစ် ပြည့်ပါတော့မယ်။ ကျွန်တော့်မိန်းမကို ကျွန်တော် မရိုးနိုင်သေးပါဘူး။ လိုချင်တပ်မက်နေဆဲသာ ဖြစ်ပါတယ်။ ကျွန်တော့်ဘာသာ ကျွန်တော် ၀ါသနာ သိပ်ကြီးလွန်းလို့ သူနဲ့ အိမ်ထောင်မကျခင်ကရော၊ သူနဲ့ အိမ်ထောင်ကျပြီးတဲ့ နောက်မှာပါ ရည်းစားတွေ ထားဖြစ်ခဲ့သေးပေမယ့် တကယ်တမ်းမှာ ကျွန်တော့်မိန်းမကို ကျွန်တော် ဘယ်သူနဲ့မှ မလဲနိုင်၊ အစားမထိုးနိုင်ပါဘူး။ (ဒါကတော့ သွေးသားကိစ္စအပြင် တခြား အရေးကြီးတဲ့ စိတ်နေသဘောထားတွေလည်း ပါဝင်နေပါတယ်။)
အမှန်ကို ၀န်ခံရရင် အိမ်ထောင်ကျပြီးတဲ့နောက်ပိုင်း ကျွန်တော် ကျူးလွန်ခဲ့တဲ့ အမှုတွေထဲမှာ ကျွန်တော့်ထက် အသက် ၁၈ နှစ်ငယ်သူ တစ်ဦးလည်း ပါပါတယ်။ သူ့ကိုကျတော့ လိင်ပိုင်းအရ ကျွန်တော် အတော်သာယာသွားခဲ့ဖူးပါတယ်။ ကျွန်တော်လည်း ယောက်ျားပီပီ မြက်နုကြိုက်တဲ့ နွားအိုကြီး ဖြစ်ခဲ့ဖူးတာပေါ့ခင်ဗျာ။ အတည်ယူဖို့အထိတောင် မကြံကောင်း မစည်ရာ ကြံခဲ့ဖူးပါတယ်။ အဲလောက် မွှန်သွားတာပါ။ ကံသီလို့သာ ကျွန်တော် ဒုက္ခမတွေ့ရတာပါ။
အဲတော့ အခု လူငယ်လေးကိုလည်း ကျွန်တော်က ပြင်းပြင်းထန်ထန် တားချင်ပါတယ်။ ကျွန်တော်အခု ပြောတဲ့ စကားတွေအားလုံးက အသက်အရွယ်၊ အတွေ့အကြုံတွေ အပေါ်မှာ အခြေခံထားတာ ဖြစ်ပါတယ်။ နောက်တစ်ချက်က လူ့ခန္ဓာဗေဒ၊ လိင်စိတ်နဲ့တကွ လူ့စိတ်နဲ့ လူ့အပြုအမူတို့ရဲ့ အပြောင်းအလဲများအပေါ်မှာ သိပ္ပံနည်းကျ စူးစမ်းဖော်ထုတ်ထားတဲ့ စိတ်ပညာသဘောတွေလည်း အနည်းနဲ့ အများ ပါဝင်ပါတယ်။
အရာတိုင်းမှာ ခြွင်းချက်ရှိတာကို လက်ခံပါတယ်။ ဒါပေမယ့် ခြွင်းချက်ဟာ ခြွင်းချက်မျှသာ ဖြစ်ပြီး ယေဘုယျက ယေဘုယျပါပဲ။ ကိုယ့်ကျမှ အဲဒီ့ ခြွင်းချက်အတိုင်း ဖြစ်လိမ့်မယ်လို့ ထင်မြင်ယူဆခြင်းဟာ ထီထိုးတာနဲ့ တူပါတယ်။ ထီလက်မှတ် အစောင်ပေါင်း တစ်သိန်း၊ တစ်သန်းမှာ တစ်ယောက်သာ ပေါက်နိုင်တာမျိုးပါ။ ဒါမှမဟုတ်လည်း ကံကို ယုံပြီး မီးပုံထဲ ခုန်ချလိုက်သလိုသာ ဖြစ်နိုင်ပါတယ်။ ခြွင်းချက်အရ မီးပုံထဲ ကျသွားပေမယ့် မီးမလောင်ခဲ့ဖူးသူတွေ ရှိတယ်ဆိုတဲ့ အသိလေးနဲ့ ကိုယ်လည်း အဲဒီ့ ခြွင်းချက်ထဲ ပါတန်ကောင်းရဲ့လို့ တွေးကာ ခုန်ချလိုက်မယ်ဆိုရင် ကိုယ့်ပြဿနာနဲ့ ကိုယ်ပါ။ လောင်မြိုက်တော့ ကိုယ်ပဲ ခံရမှာပါ။
“မိန်းမတွေများ နှာခေါင်းမပါရင် ဟိုသင်းတောင် စားတယ်”လို့ အပြောခံရတဲ့ အခု ကျွန်တော့်ဆီ စာရေးလာတဲ့ ၂၀ အရွယ် လူငယ်လေးရဲ့ ရည်းစားလို ၂၉ နှစ်အရွယ် မိန်းမပါ။ အဲဒီ့မိန်းမမှာ နှာခေါင်းလည်း မပါ၊ ဦးနှောက်လည်း မပါရှာပါဘူး။ ဦးနှောက်က ရိုးရိုးလေးပါပဲ။ အသက်အရွယ်ဆိုတာ ရပ်နေတဲ့ အရာမဟုတ်ဘူးဆိုတာလေးကို မြင်ဖို့လေးလောက်ပဲ လိုပါတယ်။ အခု ၂၀/၂၉ ပေမယ့် နောက် နှစ်၂၀ ကြာရင် ၄၀/၄၉ဆိုတာကို မြင်ဖို့ပါ။ ၄၀ အရွယ် ယောက်ျားသားတွေကို ပတ်ဝန်းကျင်မှာ ကြည့်လိုက်ရင် ကျော့လို့၊ မော့လို့၊ ၃၀ ကျော်အလား ထင်ယောင်မှားလောက်အောင် နုပျို စိုလန်းနေဆဲ ဖြစ်နေတာကို မြင်ရပါလိမ့်မယ်။
၄၉ အရွယ် မိန်းမသားတွေကိုလည်း ပတ်ဝန်းကျင်မှာ ကြည့်လိုက်မယ်ဆိုရင် ရွဲပလဲပြီး ပုံမလာ ပန်းမလာနဲ့ မိန်းမချင်းတောင်မှ မျက်နှာလွှဲလိုက်ချင်စရာ ဖြစ်နေတာက အများစုဆိုတာကိုလည်း မြင်ရပါလိမ့်မယ်။ ၅၀/၅၉ ဆိုရင်တော့ မပြောပါနဲ့တော့ဗျာ။ ဟုတ်ကဲ့… ကျွန်တော် ၅၄ နှစ်ထဲမှာပါ။ အိမ်က မိန်းမကို အားနာလွန်းမက အားနာလာလို့သာ ကျွန်တော့် ခြေကို မနည်း ချုပ်ထားရပါတယ်။ စိတ်ထဲမှာတော့ ဖြူဖြူပြာပြာ နီနီဝါ၀ါ ဝေဆာမြူးလို့လွင်တွေ တွေ့ရင် သရိုးသရီဖြစ်လို့ ကောင်းနေဆဲဖြစ်သလို ကျွန်တော် ဆွတ်ရင် ညွတ်ကျလာနိုင်တဲ့ အရွယ်လှလှ သူငယ်မတွေလည်း မကြာခဏ ဆုံနေရဆဲပါပဲ။ အင်း… ၅၉ နှစ် မိန်းမဆိုရင်တော့ ယောက်ျားလေးတွေက “အမေ” “အမေကြီး”စသဖြင့် ခေါ်ပြီး ရိုသေနေကြမှာဖြစ်တဲ့အပြင် ဘယ်အစ်ကို ပုရိသကမှလည်း အဲဒါကြီး ကြည့်ပြီး နိုးကြားလာနိုင်စရာ အကြောင်း မမြင်တော့ပါဘူး။
သူ့ဦးနှောက်ကို သည်လောက်လေး သုံးလိုက်ရုံနဲ့ သည် ၂၀ အရွယ် လူငယ်လေးနဲ့ ဆက်စခန်းသွားတာကို ရပ်တန်းက ရပ်သင့်ပါပြီ။
ချစ်တာကတော့ဗျာ၊ ဘယ်သူ့ကိုမဆို၊ ဘယ်အရွယ်မှာ မဆို ချစ်လို့ ရပါတယ်။ အထူးသဖြင့် အချစ်ဆိုတာဟာ မပေါင်းမဖက်ဘဲ နေလိုက်တာနဲ့ တစ်ပြိုင်နက် ရင်ထဲမှာ သေတစ်ပန် သက်တစ်ဆုံး သိမ်းထားပြီး ကြည်နူးစရာ ကောင်းနေတတ်တဲ့ အရာမျိုးပါ။ သည့်ထက် တစ်ဆင့်မြှင့်ပြီး ပြောရရင် ချစ်တယ်လို့တောင် ဖွင့်မပြောလိုက်ဘဲ ရင်ထဲမှာ သိမ်းထားလိုက်ရတဲ့ အချစ်မျိုးတွေက ဖွဲမီးလို ကိုယ့်ကို တငွေ့ငွေ့လောင်ပြီး သေသည်အထိ ချစ်မဆုံးအောင် ဖြစ်နေတတ်စမြဲပါ။
အချစ်ရဲ့ သင်္ချိုင်းက အိမ်ထောင်ရေးသာ ဖြစ်ပါတယ်။ အဲဒါကို အိမ်ထောင်သည် အတော်များများ သတိထားမိကြပါတယ်။ သာယာတဲ့ အိမ်ထောင်ရေး အများစုမှာ အကြွင်းအဖြစ် ကျန်ရစ်တာက သံယောဇဉ်သာ ဖြစ်ပါတယ်။ အချစ် မဟုတ်တော့ပါဘူး။
နောက်ဆုံးတစ်ချက်က သွေးဆုံးတာနဲ့ HIV ပိုးနဲ့က ဘယ်လိုမှ မပတ်သက်ပါဘူး။ HIV ပိုးဟာ သွေးရှိနေသမျှ ခိုအောင်းနေနိုင်တာမျိုးမို့ အသက်ရှိနေသူ လူသားမှန်သမျှ ဘယ်အရွယ်မှာဖြစ်ဖြစ် ကူးစက်ခံရနိုင်ပါတယ်။ သွေးဆုံးတဲ့ မိန်းမဆီက သည်ပိုး မကူးတော့ဘူးဆိုတဲ့ အလွဲစကားကို ဘယ်သူကောင့်သားကများ တီထွင်လိုက်သလဲ မသိဘူး။ ကိုယ့်သင်္ချိုင်း ကိုယ်တူးတဲ့ ယုံတမ်းစကား အလွဲကြီးပါခင်ဗျား။
ကျွန်တော်ကတော့ ပြောသင့်တဲ့ စကားကို ပြောလိုက်ပြီးပါပြီ။ ကျန်တာတော့ ကိုယ့်သဘောနဲ့ ကိုယ်ပါhttp://nookycontent.wordpress.com/2011/03/06/360/#comment-1464

ဘဲစုတ် ဘဲနာ ဘဲကလချာ

11/11/2010

ဆရာ ခင်ဗျား
ကျွန်တော်က ဆရာ့စာတွေကို အမြဲ စောင့်ဖတ်နေကျပါ။ ဆရာ့စာတွေက ဗဟုသုတ တိုးပွားစေပါတယ်။
ကျွန်တော့် ပြဿနာ ဆရာ့ကို တင်ပြချင်လို့ပါ။ ကျွန်တော် ကိုးလပိုင်း ၂၁ ရက်နေ့က ကျွန်တော့် ကောင်မလေးနဲ့ ဆက်ဆံခဲ့တယ်။ ကွန်ဒုံး သုံးခဲ့တယ်။
ကျွန်တော်တို့ တည်းခိုခန်းမှာ တစ်ည တူတူအိပ်ကြတာဆိုတော့ ဆက်ဆံလိုက်၊ မောရင် နားလိုက်၊ ပြီးရင် နှစ်ယောက် မဆက်ဆံတာတောင် ထိထားလိုက်၊ ကိုင်လိုက် လုပ်နေကြပါတယ်။ ဆက်ဆံတယ် ဆိုပေမဲ့လည်း အတွင်းထဲထိ အကုန်ဝင်အောင်လည်း မထည့်နိုင်ဘူး။

သူက နာလွန်းတော့ အစပိုင်း ၀င်ရုံရှိသေး ထပ်မထည့်တော့ပဲ ဒီအတိုင်းပဲ ပွတ်နေ ပြုနေရာကနေ ပြီးသွားတာပါ။ သူကတော့ လုံးဝ မပြီးဘူး။ ကြောက်နေတယ် ထင်တယ်။

ကျွန်တော်က မအောင့်နိုင်ဘဲ ပြီးသွားတော့ ဒီအတိုင်း သူစိတ်ကျေနပ်စေဖို့ သူ့ဟာနဲ့ ကျွန်တော့်ဟာကို ထိကပ်ထားလိုက်တယ်။ ကွန်ဒုံးကတော့ ပြီးသွားတဲ့ သုံးခါ စလုံး ကျနော် တပ်ထားပါတယ်။

ဒါပေမဲ့ သူက အခု ရာသီ မလာဘူးတဲ့။ အောက်တိုဘာ တစ်လလုံး ရာသီမလာဘူး။ ခု နိုဝင်ဘာ ရောက်နေပြီ။ နောက် ကျွန်တော်နဲ့ သူနဲ့ ဆက်ဆံတဲ့နေ့က စက်တင်ဘာ ၂၁ ရက်နေ့၊ သူ ရာသီ ပြီးတဲ့နေ့တဲ့။

ကျွန်တော်က အခု တစ်နေရာ ရောက်နေတယ်။ သူက တစ်နေရာမှာ။ ကျွန်တော် ဘာလုပ်ရမှန်းလဲ မသိတော့ဘူး။ သူ့ကိုလည်း ယူဖို့ အဆင်မပြေသေးဘူး။ ကျွန်တော် အရမ်း နောင်တရနေမိတယ်။ သူ့ကိုလည်း ဘယ်လို ပြောရမှန်းမသိတော့ဘူး။ ကျွန်တော်က ကွန်ဒုံး သုံးရင်၊ အထဲကို ၀င်အောင် မထည့်ရင် ကိုယ်ဝန်မရဘူး ထင်နေတာ။ ကူညီပါဦး ဆရာရယ်။ ဘာလုပ်ရမလဲဆိုတာ… ကျွန်တော် သူ့ကို ဒုက္ခပေးမိပြီဗျာ။

ကျေးဇူးတင်စွာ စောင့်နေပါ့မယ်ဆရာ

သီဟ

အချက်အလက်က မပြည့်စုံဘူး။ အဖြေရ ခက်နေတယ်။ ဒါနဲ့ စာပြန်လိုက်တယ်။ ကိုယ့်လူ အသက်ဘယ်လောက် ရှိပြီလဲဆိုတော့ ၂၈ နှစ်တဲ့။ အင်း… အသက် ၂၈ နှစ် အရွယ် ယောက်ျားလေးတစ်ယောက်ကလည်း ချာလိုက်တာလို့ ပြောချင်ပေမယ့် ကျွန်တော်တို့ဆီမှာ ဒါမျိုးတွေကို ပွင့်ပွင့်လင်းလင်း ချပြ ဆွေးနွေးတဲ့ အလေ့အထ မရှိတော့လည်း ၂၈ နှစ် မပြောနဲ့၊ ၆၀ ကျော် ယောက်ျားတွေတောင် အမှန်းကမ်းလမ်း မသိတာကို သွားသတိရမိတယ်။

ဘယ့်နှယ့်ဗျာ… သူ့ဟာက “သူက နာလွန်းတော့…”လို့ ဆိုထားကတည်းက ဘာအပျိုးမှ ကောင်းကောင်းကန်းကန်း မပါဘဲ ကောက်ရိုးပုံ တန်းသွားမှန်း အလွန် သိသာတာပဲ။ ပြီးတော့ ပြောလိုက်သေး… “သူကတော့ လုံးဝ မပြီးဘူး၊ ကြောက်နေတယ် ထင်တယ်”ဆိုတာကြီးက ပါသေး။ ကျွန်တော့်စာတွေ ဖတ်ထားပါတယ်လို့ ပြောတာ အတော် ယုံချင်စရာ ကောင်းနေတယ်။ မိန်းမတစ်ယောက်ကို ကောက်ရိုးပုံဟေ့ဆိုရုံနဲ့ ပြီးအောင် လုပ်နိုင်မယ်လို့ ကျွန်တော် တစ်ခါမှ မရေးဖူးပေါင်ဗျာ။ သူဖတ်ထားတာက အပြာစာအုပ်တွေသာဖြစ်မှန်း အလွန် သိသာစေတဲ့ စကားတွေပါပဲ။

အမယ်… ကျွန်တော်က မအောင့်နိုင်ဘဲ ပြီးသွားတော့ သူ ကျေနပ်အောင် ထိတောင် ထားပေးပါသေးသတဲ့။ ချာချက်က ကမ်းကုန်လို့ ပြောရတော့မယ် ထင်ပါတယ်။ တကယ့်လူပါပဲ။

သူက သုံးကြိမ်စလုံးမှာ ကွန်ဒုံး သုံးတယ်လို့ ဆိုထားပေမယ့် တစ်ကြိမ်နဲ့ တစ်ကြိမ်ကြားမှာ ကွန်ဒုံး မရှိဘဲ ထိထားတာကြောင့် သည်ပြဿနာ ရှိလာတာလို့ မှန်းဆလို့ ရပါတယ်။ အဲဒါ မသိသားဆိုးရွားတာပါပဲ။ သေချာအောင် သူ့ကို မေးလိုက်တော့ ဟုတ်တယ်။

သူက ပြီးသွားတယ်။ ကွန်ဒုံးထဲမှာ ပြီးတာပေမယ့် အပျင်းထူ၊ ရေ ထမဆေးဘဲ ကွန်ဒုံးကို ဖယ်ရှားပြီး သကာလ “သူ ကျေနပ်အောင် ထိထားပေးတာ”ကြီးက ကလေးမကို ဒုက္ခပေးတာ အများကြီး ဖြစ်နိုင်ပါတယ်။ သုက်နဲ့ ထိတွေ့ထားတဲ့ လက်တောင်မှ ယောနိနားမှာ မထားကောင်းပါဘူး။ သုက်ပိုးဆိုတာ သာမန် မျက်စိနဲ့ မမြင်နိုင်တဲ့ ပိုးတွေဖြစ်ပါတယ်။ အခုဟာက လက်တောင် မဟုတ်ဘဲ သုက်လွှတ်ခဲ့တဲ့ ငယ်ပါ၊ သုက်တွေ ကောင်းစွာ ပေကျံနေတဲ့ ငယ်ပါနဲ့ ယောနိနဲ့ ကာလရှည်ကြာစွာ ထိထားခဲ့တာကြောင့် သုက်ပိုးများဟာ ယောနိထဲကို ခုန်ပျံ ကျော်လွှား ၀င်ရောက်သွားဖို့ အခွင့်အလမ်းတွေ တစ်ပုံတစ်မ ရသွားပါတယ်။

အဲတော့လည်း ဖြစ်ပြီပေါ့။ အခုကျတော့မှ ယူဖို့ကလည်း အဆင်မပြေသေးဘူးဆိုပဲ။ အသက် ၂၈ နှစ်ရောက်နေတာတောင် အိမ်ထောင်ပြုဖို့ အဆင်သင့် မဖြစ်သေးဘူးဆိုရင် ဘယ်တော့ အဆင်သင့်ဖြစ်မှာတုံးလို့ ငေါ့မေးရမလို ဖြစ်နေတယ်။ ၄၈ နှစ်လောက်ကျမှ အဆင်ပြေမယ် ထင်ပါရဲ့။ အဲလို ကိုယ့်အကြောင်း ကိုယ်သိနေရင်လည်း သေချာ လေ့လာ စူးစမ်း ဖတ်ရှုပြီးမှ ကမျင်းကြော ထဖို့ ကောင်းတာပေါ့။ အခုကျတော့မှ မျက်လုံးပြူး မျက်ဆံပြူးနဲ့ “ကျွန်တော် ဘာလုပ်ရမလဲ ဆရာ” လာလုပ်နေတော့ ကိုယ့်သားအရင်းသာဆိုရင် နားရင်း သုံးချက်လောက် ပိတ်ရိုက်ပြီး ဘာမှ မလုပ်နဲ့၊ သည်လောက်တောင် အသုံးမကျတဲ့ မင့်ဟာကိုသာ စင်းတီတုံးပေါ် တင်ပြီး အရင်းကနေ တိလိုက်ပေတော့ဟေ့လို့ ပြောချင်စိတ်က ပေါက်သွားတယ်။ တကယ်ဗျာ… ယောက်ျားတွေများ (ကျွန်တော်လည်း ပါပါတယ်) တော်တော် နန့်ကြောဆွဲချင်တာကလား။

သည်မှာ အများ သင်ခန်းစာ ယူထိုက်တာက ယောနိရဲ့ အနီးအနား ပတ်ဝန်းကျင်မှာ သုက်နဲ့ ထိတွေ့ထားသော အရာ၊ ဘယ်အရာကိုမှ မထားကောင်းဘူး ဆိုတဲ့ အချက်ပါပဲ။http://nookycontent.wordpress.com/2010/11/11/009/#comment-1462

အမျိုးသမီးတွေ ပြီးတယ်ဆိုတာ…

26/12/2010

သည်ဘလော့ကို ဖတ်ရတာ အသိ ဗဟုသုတ တိုးပါတယ်။ အခုလို ဖော်ပြပေးတဲ့ ဆရာ့ကိုလည်း ကျေးဇူးတင်ပါတယ်။ ပြီးခြင်း မပြီးခြင်းဆိုတာ ဘာလဲ မသိဘူး…??? မသိလို့ မေးတာပါ။

ဒီဇင်ဘာ ၁၇ ရက်နေ့က သည်ဘလော့(ဂ်)ရဲ့ ကွန်မန့်တစ်ခုမှာ ရေးပြီး မေးသွားတာပါ။
တော်တော် အဖြေရကျပ်တဲ့ မေးခွန်းပါပဲ။ တတ်နိုင်သမျှ ကြိုးစားပြီး ဖြေပေးလိုက်ပါတယ်။

ပထမဆုံးက အဖြေရကျပ်ဆို နှာချေတာ၊ ဒါမှမဟုတ် သမ်းဝေတာနဲ့ နှိုင်းလိုက်ရင် အဖြေရကျပ်တယ်ဆိုတာ ရှင်းသွားမှာပါ။ နှာချေချင်တဲ့အခါ ဟတ်ချိုးလို့ ချေလိုက်ရချိန်မှာ ဘယ်လို ခံစားရလဲလို့ မေးရင် ဘယ်သူ ဖြေနိုင်မလဲ။ ကိုယ်ခန္ဒာမှာ အဲဒီ့အချိန် ဘယ်လိုဖြစ်သလဲ၊ ဘာလဲ၊ နှာချေတယ်ဆိုတာ ဘာလဲ။ ဖြေကြည့်စေချင်ပါတယ်။ လူတိုင်း ချေဖူးပေမယ့် နှာချေတယ်ဆိုတာ ဘယ်လိုလေးပါလို့ အင်မတန် အပြောရ ခက်ပါတယ်။ သမ်းလိုက်တာလည်း အတူတူပါပဲ။ ပါးစပ်ကို အားရပါးရ ဟပြီး ၀ါးခနဲ သမ်းလိုက်တာတော့ မှန်တယ်။ အဲဒါ ဘာလဲ၊ ဘယ်လို ခံစားရလဲဆိုတာ အလွန် အဖြေရခက်လှပါတယ်။ အမျိုးသမီးတစ်ယောက် ပြီးတယ်ဆိုတာလည်း အလားတူပါပဲ၊ အဖြေရ ကျပ်လှပါတယ်။
အမျိုးသားတစ်ယောက်အတွက်ကျတော့ သူ့ငယ်ပါကနေ သုက်ရည်တွေ ထွက်ကုန်တာကို ပြီးတယ်လို့ အပြတ်အသား ပြောနိုင်ပါတယ်။ အမျိုးသမီးမှာကျတော့ အဲလို ရုပ်လက္ခဏာနဲ့ လက်ဆုပ်လက်ကိုင် ပြစရာ ဘာမှ မရှိဘူး။
နောက်တစ်ချက်က အနောက်တိုင်း သုတေသနများအရ အမျိုးသမီး ၂၅ % သာလျှင် ချစ်တင်းနှောရင်း (၀ါ) လိင်ဆက်ဆံရင်းနဲ့ ပြီးနိုင်ပါတယ်။ ယောက်ျားကျတော့ ၉၀ % ကျော်ဖြစ်နေတာနဲ့ကို ဒါဟာ အင်မတိ အင်မတန် ဖြစ်တောင့်ဖြစ်ခဲဆိုတာ သေချာနေပါတယ်။
မကြာသေးခင်က ကြုံခဲ့ဖူးတာ တစ်ခုရှိပါတယ်။ အသက် ၆၀ ကျော် မိတ်ဆွေသစ်တစ်ဦးနဲ့ ခရီးအတူသွားဖြစ်ကြရင်း ရင်းနှီးလာလို့ သည်ကိစ္စတွေ ပြောဖြစ်ကြတဲ့အခါ သူက အမျိုးသမီးတွေ မပြီးဘူးလားလို့ တအံ့တသြ မေးလာပါတယ်။ တကယ်တော့ သူဟာ မြေးရနေပြီဖြစ်တဲ့ ကလေးသုံးယောက် ဖခင်ပါ။ ဒါနဲ့ ကျွန်တော်လည်း သူ့ကို မေးမိတယ်။ “ဘာလဲ အစ်ကိုကြီးက အစ်ကိုကြီး မိန်းမကို ပြီးလားလို့ မေးတတ်တယ် မဟုတ်လား”ဆိုတော့ ဟုတ်တယ်လို့ သူက ဖြေပါတယ်။ ဒါနဲ့ “ဟိုကလည်း ခေါင်းညိတ်တယ်၊ ဒါမှမဟုတ် ပြီးတယ်လို့ ပြောတာချည်းပဲ မဟုတ်လား”ဆိုတော့ သူက ဟုတ်တယ်တဲ့။ ကျွန်တော့်မှာ တအား ရယ်ချင်သွားပေမယ့် သူ့ကိုရော သူ့မိန်းမ အမယ်ကြီးကိုပါ သနားမိသွားပါတယ်။ ကျွန်တော်တို့မှာက သည်လိုအကြောင်းအရာတွေကို လူသိရှင်ကြား ချပြဆွေးနွေးလို့ မရတာမို့ အများစုဟာ ထင်တစ်လုံးနဲ့ ရမ်းကြိတ်နေကြပါတယ်။ သူလို အမျိုးသားတွေက ကျွန်တော်တို့ ပတ်ဝန်းကျင်မှာ ၉၀ % မက ရှိနေမှာလည်း အသေအချာပါပဲ။
ကိုင်း… အမေးရှိတော့ အဖြေရှိလာပါပြီ။
ပထမဆုံး လိင်ဆက်ဆံမှု မစတင်ခင် အပျိုးကာလက အရေးကြီးပါတယ်။ အမျိုးသမီးတွေဟာ အမျိုးသားတွေနဲ့ မတူပါဘူး။ အမျိုးသားတွေကတော့ “ဆင်လိုက်တုန်းတောင် ငယ်ပါတင်းနိုင်ကြသူများ”ဖြစ်ပေမယ့် အမျိုးသမီးတွေက ဆင်လိုက်တာ ဝေးစွ၊ စိတ်ထဲမှာ တစ်ခုခု ကြောင့်ကြနေမိတာနဲ့ လိင်စိတ်နိုးကြားဖို့ အင်မတန် ခက်ခဲပါတယ်။ ကိုယ်ရောစိတ်ပါ ကျန်းမာနေပေမယ့် အမျိုးသမီးတွေရဲ့ အတွေးထဲမှာ မိသားစုကိစ္စတွေ၊ စီးပွားရေးကိစ္စတွေ၊ လူမှုရေးကိစ္စတွေက လွှမ်းမိုးထားစမြဲပါ။ ဒါ့ကြောင့် အပျိုးကာလနဲ့ သူတို့ကို စိတ်ပြောင်းအောင် လုပ်ပေးဖို့ လိုပါတယ်။
အပျိုးမှာ အဆင့်ဆင့်ရှိပါတယ်။ ပထမဆုံးက လင်ကိုမယား စိတ်လက် ကြည်ကြည်သာသာနဲ့ ကြည်ကြည်နူးနူး ရှိအောင် လုပ်ဖို့ လိုပါလိမ့်မယ်။ လက်ကလေး ကိုင်တာ၊ ပါးကလေးနမ်းတာ၊ ဆံပင်ကလေး နမ်းတာလေးတွေဟာ တကယ့် အပျိုးပါပဲ။ အိမ်ထောင်သက် နှစ်ပေါင်း ၃၀ ပဲ ရှိနေနေ မပျက်မကွက် လုပ်ဆောင်ရမယ့်အထဲမှာ အဲဒါတွေ ပါပါတယ်။
အဲဒီ့ကမှတစ်ဆင့် အရှိန်လေး နည်းနည်း ရပြီဆိုရင် ပြင်သစ်အနမ်း၊ အနမ်းစို စသဖြင့် ခေါ်တဲ့ နှုတ်ခမ်းချင်း နမ်းတာက ဆက်လာရပါတော့မယ်။ သည်မှာလည်း လင်ရယ် မယားရယ်ဖြစ်လာမှတော့ တစ်ယောက်တစ်ယောက် ရွံနေလို့ မရတော့ပါဘူး။ ဒါ့အပြင် မြန်မာ အမျိုးသမီးအတော်များများက အဲဒီ့အနမ်းကို မတုံ့ပြန်တတ်ဘူး။ ရွံ့နေတတ်တယ်။ အဲတော့ အမျိုးသားက သင်ပေးဖို့ လိုပါတယ်။ အမျိုးသားကလည်း တတ်ဖို့ လိုတာပေါ့ဗျာ။ ပြင်သစ်အနမ်း ဋီကာကို နောက်ကျတော့မှ တစ်ပုဒ် သတ်သတ် ရေးပေးမယ်။ ဟုတ်ပြီလား။
အဲဒီ့အဆင့်ကနေ နောက်တစ်ဆင့် တက်ရာမှာလည်း မလောရပါဘူး။ ယောက်ျားအများစု မှားတတ်တဲ့ အမှားက နမ်းရင်းနဲ့ သူ့လက်ကြီးက အမျိုးသမီးရဲ့ ရင်သားဆီ တန်းရောက်သွားတတ်တာပဲ။ ဟား… အလွဲကြီး ခင်ဗျ။
အမျိုးသမီးတွေရဲ့ ကိုယ်ခန္ဒာမှာ အာရုံနိုးတဲ့နေရာတွေ များစွာ ရှိပေမယ့် ရင်သားကို တန်းသွားတာကြီးက နေရာမကျဘူးခင်ဗျ။ ဖက်ထားရင်းကနေ လက်မောင်းလေး ပွတ်၊ ကျောလေးပွတ် လုပ်ရတယ်။ ရင်ခုန်လာအောင် နှူးရတယ်။ သူ့လက်ကြီးက ငါ့ရင်သားဆီ ရောက်လာတော့မှာ… ဟော… ရောက်တော့မယ်… ဟင်… ဟုတ်လဲ ဟုဘ်ဘူး… အဲဒီ့ ရွှေလက်က ဘယ်ရောက်သွားရပြန်တာလဲ မောင်ရယ်… ဟင့်… ဆိုတာမျိုး ဖြစ်လာအောင် စိတ်ရှည်လက်ရှည် လုပ်နိုင်လေ အခြေအနေ ကောင်းလေလေပါပဲ။
အဲလိုနဲ့ ရင်သားတွေကို ညင်ညင်သာသာ ထိတွေ့ပေးရပါတယ်။ ချိုလုံးလေးတွေကိုလည်း အတူတူပေါ့။ ညင်သာဖို့ လိုပါတယ်။ အမျိုးသမီးအနေနဲ့ သူ့ကို ချစ်တယ်၊ မြတ်နိုးတယ်၊ ယုယတယ်ဆိုတဲ့ ခံစားမှု ရလာအောင် လုပ်ရမှာပါ။ နှုတ်ခမ်းချင်း ဂဟေဆက်ထားတာလည်း မပျက်စေဘဲ လက်က ရင်သား၊ ခြေထောက်က ခြေထောက်ချင်း ပွတ်သီးပွတ်သပ် ကယုကယင် နေပေးနိုင်ရင်တော့ အကောင်းဆုံးပါပဲ။
အဲဒီ့ကမှ အရှိန်လေး တော်တော်ရပြီဆိုရင်တော့ နှုတ်ခမ်းကို နေရာ ရွှေ့လို့ ရပါပြီ။ သည်နေရာမှာ ပစ်မှတ်က ချိုလုံးတွေ ဖြစ်ပေမယ့် အဲဒါကိုလည်း အလောတကြီး မဟုတ်ဘဲ သိုင်းသိုင်းဝိုင်းဝိုင်း ဖွဲ့ဖွဲ့နွဲ့နွဲ့လေး လုပ်ပေးတတ်ဖို့ လိုပြန်ပါတယ်။ လုပ်တတ်ရင် အမျိုးသမီးဘက်က အတော့်ကို အဆင်သင့်ဖြစ်လာပါပြီ။
ပါးစပ်က နေရာရွေ့သွားတော့ လက်က အားနေတယ်၊ ဘာလုပ်ရမလဲလို့ မေးရင် အဖြေရှိပါတယ်။ လက်က ဗိုက်သား၊ ဆီးခုံ၊ ပေါင်၊ ဒူး စတာတွေကို ညင်သာစွာ ထိတွေ့ပေးနေနိုင်ပါတယ်။ သည်မှာလည်း ဦးတည်ချက်က ယောနိဖြစ်ပေမယ့် ရင်သားမှာတုန်းကလိုပဲ အမျိုးသမီးက အလိုချင် အတောင့်တဆုံး အခြေအနေ ဖြစ်လာတဲ့အထိ ရစ်သီ ရစ်သီနဲ့ အရစ်ရှည်နိုင်လေ အကျိုးရှိလေပါ။ တကယ်လို့ အဲဒီ့နေရာကို လက်နဲ့ မဟုတ်ဘဲ ပါးစပ်နဲ့ပဲ စခန်းသွားလိုသေးတယ်ဆိုရင်လည်း လက်က ယောနိကလွဲလို့ ခါးအောက်ပိုင်း ကျန်တဲ့ နေရာအနှံ့ကို ထိတွေ့ထားနိုင်ပါတယ်။
ပါးစပ်နဲ့ ထိတွေ့ဖို့ ကြံရင်လည်း ချက်ချင်း တန်းမသွားသင့်သေးဘူး။ အမျိုးသမီး သိပ်လိုချင်လာအောင် ရစ်သီရစ်သီ လုပ်ပေးဖို့ လိုတယ်ခင်ဗျ။
ဒါဟာ အပျိုးကာလပါပဲ။ အတွေ့အကြုံ နည်းသူ အမျိုးသမီးများအတွက် အဲဒီ့ အပျိုးကာလဟာ နာရီဝက် ၄၅ မိနစ်လောက် အချိန်ယူဖို့ လိုပါတယ်။ အိမ်ထောင်သက် ရင့်နေတယ်ဆိုရင်တောင်မှ အပျိုးကို အဖျင်းဆုံး မိနစ် ၂၀ လောက် အချိန်ယူရပါမယ်။ ကြာလေ၊ အချိန်ဆွဲနိုင်လေ၊ အမျိုးသမီးအတွက် အရှိန်တက်လေပါ။
အဲလို အရှိန်တက်လာတဲ့အခါမှာတော့ အမျိုးသမီးဟာ မသိမသာလေး နွေးလာပါလိမ့်မယ်။ စိတ်ဆန္ဒတွေ တက်ကြွလာပါလိမ့်မယ်။ သူ့ကိုယ်ခန္ဒာက သွေးတွေကလည်း ယောနိနဲ့ ယောနိထိပ်က အကြောဆိုင် အဖုအထုံး (အစေ့လေး)ဆီကို တိုးနေပါပြီ။ သည်အချိန်မှာ ယောနိအတွင်းပိုင်းနံရံကလည်း တဖြည်းဖြည်းနဲ့ ချွေးသီးချွေးပေါက်များကျသလို စိမ့်ရာက နစ်လာပါတော့မယ်။ သည်အချိန်မှာမှ လိင်ဆက်ဆံမှု လုပ်ရတော့မှာပါ။
အဲလိုနဲ့ အာရုံက ဆင့်ကာ ဆင့်ကာ နိုးလာတဲ့အခါမှာတော့ သွေးက တင်ပါးဆုံရိုးတ၀ိုက်မှာ ဆက်ပြီး တိုးနေပါတယ်။ အသက်ရှူလည်း ပြင်းလာတယ်။ နှလုံးခုန်နှုန်းလည်း တက်လာပါပြီ။ ယောနိရဲ့ အတွင်းပိုင်းကလဲ ငယ်ပါကို ဆုပ်ညှစ်ဖို့အတွက် ကျဉ်းသွားသလို အပြင်ပိုင်းကကျပြန်တော့ ငယ်ပါကို ကြိုဆိုဖို့အတွက် ကျယ်လာပါတယ်။
အားလုံး အဆင်ပြေနေပြီ၊ အနှောင့်အယှက် ကင်းနေပြီ၊ ဖုန်းလည်း ထမမြည်ဘူး၊ ကိုယ့်ခင်ပွန်းကလည်း အခြေအနေကို ဆက်ထိန်းထားနိုင်မယ်ဆိုရင်တော့ လိင်အင်္ဂါတွေ၊ တင်ပါးဆုံတွေ၊ တင်ပါးတွေ၊ ဆီးခုံတွေနဲ့ ပေါင်တွေဆီက အာရုံကြောများနဲ့ ကြွက်သားများဟာ တဖြည်းဖြည်း တင်းသထက် တင်းလာပါတော့မယ်။ တင်းရင်းတင်းရင်းကနေ ဟာခနဲ ဖြစ်သွားပြီး သာယာမှုအပေါင်း ခညောင်းစွာ အားလုံး ပွင့်ထွက်သွားသလို ခံစားလိုက်ရပါမယ်။ အဲဒါ ပြီးတာပါပဲ။
အဲသလို ပြီးလိုက်ချိန်မှာ သားအိမ်၊ ယောနိနဲ့ စအိုတို့က ၀.၈ စက္ကန့်မှာ တစ်ကြိမ်နှုန်းလောက်နဲ့ ကြုံ့ကြုံ့သွားပါလိမ့်မယ်။ သိပ် ပြင်းပြင်းထန်ထန် ပြီးတာ မဟုတ်ဘဲ တော်ရုံပြီးတာဆိုရင် အဲလို ကြုံ့တာက သုံးကြိမ်မှ ငါးကြိမ်လောက်သာ ဖြစ်ပါတယ်။ တကယ့်ကို အပြင်းထန်ဆုံး ပြီးတယ်ဆိုရင်တော့ ၁၀ ကြိမ်မှ ၁၅ ကြိမ်အထိ ဖြစ်တတ်ပါတယ်။ အဲဒါမှ ပြီးတာ အစစ်ပါ။
အဲလို ပြီးခြင်းဟာ အစေ့ကို တိုက်ရိုက် လှုံ့ဆော်လို့သော်လည်းကောင်း၊ ယောနိကို လှုံ့ဆော်လို့သော်လည်းကောင်း၊ နှစ်ခုလုံး ပေါင်းရုံးထားတဲ့ အပေါ်မှာသော်လည်းကောင်း မူတည်နေတတ်သလို အမျိုးသမီး တစ်ယောက်နဲ့ တစ်ယောက်လည်း မတူပါဘူး။
တချို့အမျိုးသမီးတွေကျတော့ ပြီးချိန်မှာ တခြားကိုယ်ခန္ဒာအစိတ်အပိုင်းတွေ ဖြစ်တဲ့ ခြေဖျားတွေပါ ကုပ်သွားတတ်သလို မျက်နှာမှာလည်း မဲ့ရှုံ့သွားတတ်တယ်။ တချို့ကျတော့ ထူးဆန်းတဲ့ အသံတွေနဲ့ ညည်းညူတယ်။ အများစုကတော့ ရုတ်တရက် နာကျင်သွားသလို မျက်နှာထားမျိုးနဲ့ ဖြစ်သွားတတ်ပါတယ်။ အမှန်တော့ နာကျင်တာ မဟုတ်ပါဘူး။
နယ်သာလန်နိုင်ငံ တက္ကသိုလ်တစ်ခုရဲ့ နောက်ဆုံးတွေ့ရှိချက်အရဆိုရင်တော့ သည်အချိန်မှာ အမျိုးသမီးတွေရဲ့ ဦးနှောက်ထဲက ကြောက်ရွံ့မှုနဲ့ ခံစားမှုများကို ထိန်းချုပ်နေတဲ့ အစိတ်အပိုင်းတွေ ရပ်ဆိုင်းသွားတယ်လို့ ဆိုပါတယ်။ ရုတ်တရက် သတိလက်လွတ် ဖြစ်သွားတယ်ပေါ့။
သိပ်သေချာတဲ့ အချက်တစ်ချက်က အမျိုးသမီးအများစုအတွက်က အစေ့ကို မပြတ် လှုံ့ဆော် မပေးနိုင်ဘူးဆိုရင် ပြီးဖို့ အင်မတန် ခဲယဉ်းတယ်ဆိုတဲ့ အချက်ပါပဲ။ ဒါ့ကြောင့် အမျိုးသမီးတွေ လိင်ဆက်ဆံရင်းနဲ့ ပြီးချင်ရင်၊ ပြီးစေချင်ရင် အမျိုးသမီးက အပေါ်ကနေတဲ့ ကိုယ်နေဟန်ထားက အသင့်တော်ဆုံးပါပဲ။ ဒါမှ သူ့ကိစ္စအတွက် သူ့ဘာသာ လိုသလို ချိန်ညှိလို့ ရနိုင်သလို အစေ့နဲ့ အမျိုးသားရဲ့ ငယ်ပါအရင်း ဆီးခုံအောက်နားက အသားနဲ့ မပြတ်ထိတွေ့အောင်လည်း ကြံဆောင်နိုင်ပါလိမ့်မယ်။
သည်လောက်ဆိုရင် အမျိုးသမီး ပြီးတယ်ဆိုတာနဲ့ ပတ်သက်လို့ လိုတာထက် ပိုပြီး အတော်လေး ပြည့်ပြည့်စုံစုံ ရှင်းပြနိုင်ခဲ့ပြီလို့ ယူဆပါတယ်။
စာကြွင်း - တကယ် သည်ကိစ္စတွေကို လေ့လာ သိရှိထားတဲ့ ယောက်ျားဆိုရင် ကိုယ့်ဇနီးကိုယ် “ပြီးလား”လို့ မေးစရာ မလိုပါဘူး။ မမေးဘဲ သိနိုင်ပါတယ်။ မေးပြီဆိုကတည်းက အဲဒီ့ယောက်ျားသားဟာ အပြာစာအုပ်တွေ၊ အပြာရုပ်ရှင်တွေရဲ့ သွန်သင်မှု အလွဲအမှားတွေကိုသာ နှလုံးသွင်းထားလေတဲ့ “ငတုံး”လို့သာ မှတ်ကြပါခင်ဗျား။
http://nookycontent.wordpress.com/2010/12/26/333/ မှကူယူဖော်ပြပါသည်။

ဖန်တစ်ရာတေနေတဲ့ အမေး

09/10/2010

တစ်ယောက်က နိဒါန်းစာမျက်နှာမှာ ကွန်မန့်ရေးသွားတယ်။ ရှင်တွေ ထပ်နေပေမယ့် မိန်းကလေးအစစ်က မေးတာဖြစ်ချင်မှ ဖြစ်မယ်၊ ဖြစ်ချင်လည်း ဖြစ်နိုင်ပါတယ်။ ထားပါတော့။ သူ့ ကွန်မန့်ကို ပြန်ဖော်ပြလိုက်ပါတယ်။

နောက်ထပ် post အသစ်တွေကို ဖတ်ချင်ပါတယ်။ အခုတင်ထားတာတွေက ဖတ်ပြီးသွားပါပြီ။ ဗဟုသုတအများကြီး ရပါတယ်။ ကျေးဇူးအရမ်းတင်ပါတယ်။
သိချင်တာလေးတခု ရှိပါတယ်။
အဲ့ဒါကတော့ အပျိုစစ်မစစ် ဘယ်လို သိနိုင်မလဲဆိုတာပါပဲ။ နောက်တခု ကြားဖူးတာက အပျိုတကယ်စစ်တယ်ဆိုရင် ပထမဆုံးအကြိမ်မှာ သွေးထွက်တယ်ဆိုတာ ဟုတ်ပါသလားရှင်။ အရမ်းနာတယ်ဆိုတာကော ဟုတ်ပါသလားရှင်။ အရမ်းသိချင်ပါတယ်ရှင်။
မေမွန်း

အင်း… အခုတင်ထားတာတွေတော့ ဖတ်ပြီးပြီလို့တော့ ပြောတာပဲ။ အဲဒီ့ အပျိုစစ်တဲ့ ပြဿနာကလည်း ကျွန်တော်တို့ အရှေ့တိုင်းမှာ အတော့်ကို ရေပန်းစားနေဆဲပါပဲလေ။ ဒါနဲ့ ပတ်သက်လို့ ရှေ့ပိုင်းမှာတော့ အတော် ပြောခဲ့ပြီးပါပြီ။
သူ့မေးခွန်းကို တိုက်ရိုက် ဖြေပါ့မယ်။ မိန်းကလေးသာ မေးတာဆိုရင်တော့ ကိုယ့်ကိုယ်ကိုယ် အပျိုစစ်၊ မစစ် ကောင်းကောင်းသိတာပေါ့ဗျာ။ ရှင်းနေတာပဲ။ ကညာမြှေး ရှိခြင်း၊ မရှိခြင်းက တခြား၊ ယောက်ျားတစ်ယောက်နဲ့ ဓမ္မတာအတိုင်း လိင်ဆက်ဆံဖူးတယ်၊ မဆက်ဆံဖူးဘူးဆိုတာက တခြားပဲဟာ။ ဓမ္မတာနည်းအတိုင်း လိင်မဆက်ဆံဖူးဘူးဆိုရင်၊ တစ်တစ်ခွခွ ပြောရရင် ကိုယ့်ယောနိထဲ ဘယ်ငယ်ပါမှ မ၀င်ဖူးဘူးဆိုရင် ကိုယ့်ကိုယ်ကိုယ် အပျိုစစ်မှန်း သိနိုင်နေမှာပေါ့။ အရှင်းကြီးပဲဟာ။ ဘာလို့များ မိန်းကလေးက လေကုန်ခံပြီး လာမေးနေလဲ မသိဘူးနော်။
ယောက်ျားလေးတစ်ယောက်အနေနဲ့ မိန်းကလေးတစ်ယောက် အပျိုစစ်မစစ် ဘယ်လိုနည်းနဲ့မှ မသိနိုင်ပါဘူး။ အပျိုစစ်ရင် ကညာမြှေး ရှိနေဦးမယ်ဆိုတဲ့ အယူအဆကလည်း တကယ်မှ မခိုင်လုံပဲကိုး။ ကညာမြှေးပါးလျသူတွေဟာ အပျိုမဖြစ်ခင် ပဝေသဏီကတည်းက ကစားခုန်စား လုပ်ရင်း ကညာမြှေးစုတ်ပြဲနှင့်ပြီး ဖြစ်ချင်ဖြစ်နိုင်နေသေးတဲ့အချက်က ရှိနေသေးတာကိုး။
အပျိုတကယ်စစ်ရင် ပထမဆုံးအကြိမ်မှာ သွေးထွက်တယ်ဆိုတာလည်း ယုံတမ်းစကားပါပဲ။ အဖြေက ထွက်ချင်လည်း ထွက်မယ်၊ မထွက်ချင်လည်း မထွက်ဘူး။ သွေးထွက်တာက ကညာမြှေး စုတ်ပြဲသွားတဲ့အတွက် ဖြစ်နိုင်ပါတယ်။ အထက်မှာ ပြောခဲ့သလို ကစားခုန်စား လုပ်ရင်းကဖြစ်စေ၊ ယောနိထဲကို တစ်စုံတစ်ရာ (ဥပမာ – ဂွမ်းခြောက်တောင့် tampon) လိုဟာမျိုး ထည့်ရင်းက ဖြစ်စေ ကညာမြှေးစုတ်ပြီးသား အပျိုစင်တစ်ယောက်ဆိုရင်တော့လည်း စုတ်ပြဲစရာ ကညာမြှေး မရှိတော့တဲ့အတွက် ဘာသွေးမှ ထွက်မှာ မဟုတ်ပါဘူး။ သွေးမထွက်တဲ့အတွက် သည်မိန်းမ အပျိုမစစ်ဘူးလို့ ယူဆတဲ့ ယောက်ျားဟာ တကယ်တော့ စာမဖတ်တဲ့ ယောက်ျား၊ အပြာစာအုပ်တွေကိုသာ ပြဋ္ဌာန်းစာအုပ်မှတ်နေတဲ့ ယောက်ျားသာ ဖြစ်နိုင်ပါတယ်။
အရမ်းနာတယ်ဆိုတာလည်း ပထမဆုံး အကြိမ်မှ မဟုတ်ပါဘူး။ အရမ်းနာအောင် လုပ်ချင်ရင် လွယ်ပါတယ်။ ဘာမှ မပျိုးဘဲနဲ့ အေးသာရေ၊ ကောက်ရိုးပုံဟေ့ဆိုပြီး ဟိုစခန်းကို တန်းသွား၊ ဇွတ်အဓမ္မ လိင်ဆက်ဆံရင် အကြိမ်တစ်ရာ အတွေ့အကြုံရှိပြီးလည်း အရမ်းနာနေနိုင်ပါတယ်။
ညင်သာစွာ ပျိုးယူတတ်တဲ့ အမျိုးသားနဲ့သာဆိုရင်တော့ ပထမဆုံးအကြိမ်မှာ နာရင်တောင် နာတာကို သိပ်အလေးထားဖြစ်တော့မှာ မဟုတ်ပါဘူး။ အမှန်က သတ္တ၀ါတိုင်းကို သဘာဝတရားက လိင်ဆက်ဆံဖို့ အသင့်ဖြစ်အောင် ပြင်ဆင်ပေးလိုက်စမြဲပါ။ မိန်းကလေးဘက်က ထက်သန်လာတဲ့အခါ ယောနိက ငယ်ပါအတွက် အလိုက်သင့်ဖြစ်အောင် မူလအရွယ်အစားထက် ပိုပြီး ကြီးမားလာပါတယ်။ ချောဆီများကိုလည်း အဆင်သင့် ထုတ်လုပ်ပေးထားပါတယ်။ ဒါ့ကြောင့် ပထမဆုံးအကြိမ်ပင် ဖြစ်လင့်ကစား မနာမကျင်ဘဲ သာယာမှု သက်သက်ကို ရယူနိုင်ကြပါတယ်။ အဲဒါက အမျိုးသားရဲ့ အပျိုးအတွက် အချိန်ယူမှုနဲ့ ကျွမ်းကျင်မှု အပေါ်မှာ အများကြီး မူတည်ပါတယ်။
ခြွင်းချက်အနေနဲ့ကတော့ အထက်က ပြောသလို ကညာမြှေးရှိနေသေးရင် တချက်တော့ စူးစူးဝါးဝါး နာနိုင်ပါတယ်။ ဒါပေမယ့် အများစုအတွက် နာတယ်ဆိုတာ သိပ် သိသိသာသာ မခံစားလိုက်ရပါဘူး။ စက္ကန့်ပိုင်းလောက်ကလေးပဲ ဖြစ်သွားတာပါ။ အနည်းစုမှာတော့ ကညာမြှေးက သိပ်ထူလွန်းနေပြီး အဲဒါကိုမှ မညှာမတာ ဆုတ်ဖြဲသလို ဖြစ်သွားရင်တော့ အရမ်းနာတယ်ဆိုတာ ဖြစ်နိုင်ပါတယ်။ ဒါပေမယ့် အဲဒါက မိန်းကလေး အနည်းစုမှာသာ ဖြစ်တတ်တာပါ။ ရာခိုင်နှုန်းနဲ့ ပြောရခက်ပေမယ့် အကြမ်းပြောရင် အယောက် ၅၀-၁၀၀ မှာ တစ်ယောက်လောက်ပဲ ဖြစ်နိုင်တာမျိုးပါ။
သည်လောက်ဆိုရင် အတော်ပြည့်စုံပြီ ထင်ပါတယ်။
ပို့(စ်)အသစ် မှန်မှန် မတင်နိုင်တာကို နားလည်သည်းခံပေးတော်မူကြပါ။ လိုအပ်တယ် ထင်လို့ ကိုယ့်ထမင်း ကိုယ်စားပြီး သည် ဘလော့(ဂ်)ကို ဖွင့်ပေးထားတာ မှန်ပေမယ့် ကျွန်တော့်အတွက်တော့ အချိန်ကုန်တယ်၊ မီတာကုန်တယ်၊ အညောင်းမိတယ်၊ အလုပ်ပျက်ပါတယ်။ သည်အထဲ ကော်နက်ရှင် မကောင်းရင် စိတ်ညစ်ရတာ၊ စိတ်တိုရတာက အမြတ်ထွက်ပါသေးတယ်။ သည်တော့ ကျွန်တော် အားမှ၊ အခြေအနေပေးမှ ပို့(စ်)အသစ် တင်နိုင်ပါလိမ့်မယ်။ နားလည် သည်းခံတော်မူကြပါခင်ဗျား
…http://nookycontent.wordpress.com/2010/10/09/261/ မှကူးယူဖော်ပြသည်

Thursday, February 23, 2012

၁၈နှစ်ပြည့်မှဖတ်ပါ

ဆရာရေးတဲ့ (လူပျိုဖြစ်ပြီ) မှာ ရေးထားတဲ့ နို့သီးဝိုင်းဟာ ပန်းရောင်၊ အညိုရောင် မတူကြဘူး။ အပျိုစစ် နေသ၍ (ကိုယ်ဝန် မဆောင်ဘူးသေးချိန်အထိ) ထိပ်ဖျားမှာ ပန်းရောင်လေး ရှိနေရမယ်။ အဲဒါ မိန်းကလေး အကုန်လုံးကို ပြောတာပါလား။ ထိပ်ဖျားမှာ ပန်းရောင်မရှိတဲ့ မိန်းမတိုင်းဟာ အပျို မစစ်တာလား ဆရာ။ အညိုဖြစ်နေရင် အပျိုမဟုတ်တော့ဘူးလား။ အဲဒါလေး သေချာအောင် သိချင်လို့ပါ။

ရင်သား အရောင်ကို ပြောရင် နှစ်နေရာမှာ ပြောဘို့ လိုတယ်။ Areola အရောင်ရင့်အ၀ိုင်း နဲ့ Nipple ထိပ်ဖျား။ နှစ်ခုလုံးက Virginity အပျိုရည်နဲ့ ဘယ်လို ဆက်စပ်သလဲ။ အပျိုစစ်တယ်ဆိုတာ ဘာလဲ။

ခန္ခာဗေဒက “In the virgin the areola is of a delicate rosy hue” လို့ ဆိုပါတယ်။ ဘာသာပြန်ရင် “အပျိုဘ၀မှာ နို့အလည်ဝိုင်း Areola ဟာ နှင်းဆီသွေး အရောင်ရှိတယ်” လို့ ပြောတာပါ။ ကိုယ်ဝန် ၂ လရှိတာနဲ့ အရောင်က ရင့်လာပြီး၊ Dark brown or even black color ညိုမဲမဲကနေ အနက်ရောင်အထိ ဖြစ်တယ်။ ကလေး နို့ဖြတ်ချိန် နောက်ပိုင်းမှာ အရောင် ပြန်လျှော့ ကျလာတယ်။ ဒီလို အရောင်အပြောင်းအလဲဟာ ပဌမဆုံး-ကိုယ်ဝန် ရှိတယ်-ရှိဘူးတယ် ဆိုတာကို ဆုံးဖြတ်ရာမှာ အသုံးဝင်ပါတယ်။

အပျိုစစ်စစ်ရော လူပျိုစစ်စစ်ပါ Virgin လို့ဘဲ ခေါ်တယ်။ အဓိပ္ပါယ် ဖွင့်တာ မတူကြပါ။ အများစုကတော့ “မိန်းကလေး တယောက် သူ့ဘ၀မှာ ပဌမဆုံးအကြိမ် မိန်းမအင်္ဂါ (ဗဂျိုင်းနား) ထဲကို ကျားအင်္ဂါ (လိင်တံ) ထိုးသွင်းပြီး၊ လိင်ဆက်ဆံတာ တွေ့ကြုံဘူးလိုက်တာနဲ့၊ အပျို မစစ်တော့ဘူး။” “ယောက်ျားလည်း အဲလို အတွေ့အကြုံရှိဘူးတာနဲ့ လူပျို မစစ်တော့ဘူး။” လို့ နားလည်၊ လက်ခံထားကြတယ်။ (လိင်တူ-ဆက်ဆံတာကို ဒီနေရာမှာ ချန်ထားပါရစေ။)

ဘယ်လို ခေါ်ခေါ်ပါ၊ အခြေအနေ အမျိုးပေါင်း များစွာ ဖြစ်နေနိုင်တယ်။ အပျိုစစ်စစ်၊ လိင်ဆက်ဆံဘူးပေမဲ့ အိမ်ထောင် မကျသေးသူ၊ လိင်ဆက်ဆံတာ များလှပေမဲ့ ကိုယ်ဝန်မရဘူးသူ၊ ကလေး မမွေးဘူးသူ၊ ကိုယ်ဝန်ရှိလို့ ပျက်-ဖျက်ဘူးပြီး၊ အိမ်ထောင်မရှိ၊ ကလေးမရှိသူ၊ ဗမာတွေက တခုလပ်၊ တလင်ကွာ၊ မုဆိုးမ ခေါ်ကြပေမဲ့ သူများဆီမှာ ယောက်ျား မရှိရင်လဲ (ဆင်ဂယ်လ်) ဘဲ၊ ယောက်ျား မယူဘဲ ကလေးရသူကို (ဆင်ဂယ်လ်-မားသား)။ ဦးစားပေးတောင် ခံရမယ်။ ရှိသေးပါတယ် အအိုပေမဲ့ ပျိုအောင် လုပ်ထားသူဆိုတာ ကလေးမွေးပြီး မ-အင်္ဂါကို ခွဲစိတ် ပြုပြင်ထားသူ၊ အပျိုမြှေး အသစ်ပြုပြင်ထားသူ၊ ဒါ့အပြင်လဲ ရှိချင် ရှိအုံးမှာ။

Virginity ပျက်ယွင်းတာကို ဆေးပညာအရ စစ်လို့ ရနိုင်ပါတယ်။ Rape အဓမ္မပြုကျင့်လို့ ရာဇ၀တ်မှု ဖြစ်ရင် ဆရာဝန်ဆီ ခေါ်လာရတယ်။ ဆေးစစ်ရာမှာ (၁) Rape အထမြောက်-မမြောက်၊ ယောက်ျား သုတ်ပိုး ပေကျန်နေတာ လိုက်ရှာပြီး၊ ဓါတ်ခွဲအတည်ြ့ပုချက် ယူပေးရတယ်။ (၂) အသက်ငယ်ရင် အသက် ပြည့်-မပြည့်ပါ စစ်ရသေးတယ်။ (၃) ထိခိုက် ဒဏ်ရာတွေ ရှိ-မရှိ ကြည့်ရတယ်။ (၄) တကယ်လို့ ခံရသူဟာ အပျိုဖြစ်ခဲ့ရင် အပျိုရည် ပျက်တဲ့ အချက်ပါ ကြည့်ရတယ်။

လိင်ဆက်ဆံဘူးတာနဲ့ ရင်သားအရောင် မပြောင်းလဲသေးပါ။ ရာသီဖြစ်စဉ်က ရင်သားကို တစုံတရာ သက်ရောက်စေတယ်။ တင်းတာ၊ နာတာမျိုး ဖြစ်တတ်တယ်။ အသက်ရလာရင် အ၀ိုင်းရော ထိပ်ဖျားပါ အရောင် ရင့်လာတယ်။ ကိုယ်ဝန်ရှိတယ် ဆိုတာနဲ့ ပြောင်းလဲတာတွေ တလှေကြီးထဲမယ် ရင်သား ပြောင်းလဲတာလဲ ပါတယ်။ ရင်သား ထိပ်ဝိုင်း အရောင် ရင့်လာပြီး၊ နို့သီး-ထိပ်ဖျားက အရောင်လဲ ပြောင်းတယ်။ “အသားအရောင် ဖြူဖြူ၊ ညိုညို၊ နို့သီး-ထိပ်ဖျား အလည်လောက်မှာ ပန်းရောင် စက်ကလေး ရှိနေရင် ကိုယ်ဝန် မဆောင်ဘူးသေးသူ” လို့ ပြောနိုင်ပေမဲ့၊ ပန်းရောင် မတွေ့ရရင် အပျို မဟုတ်ဘူးလို့ အရင်ထုတ် ဆေးစာအုပ်တွေက ဆိုပေမဲ့ ရာနှုန်းပြည့် မမှန်ပါဘူးတဲ့။

ယောက်ျားတွေမှာ အသက်ကြီးလာလို့ ဟော်မုန်း အချိုးအစား ပြောင်းချိန်မှာ နို့အုံက မိန်းမတွေလို ကြီးလာရင် Gynecomastia လို့ ခေါ်တယ်။ Testosterone ဟော်မုန်း နည်းလာလို့ပါ။

“နို့” ဟာ Mammals နို့တိုက်သတ္တ၀ါ အထီးမှာ ပါတယ် ဆိုယုံသာ မြင်ရပြီး၊ အမမှာတော့ သိသိသာသာ၊ ထူးထူးခြားခြား၊ မရှိမဖြစ် အသုံးဝင်လှတဲ့ မျိုးပွားခြင်းဆိုင်ရာ အင်္ဂါတခု ဖြစ်ပါတယ်။ Breasts ကို Mammary Gland လို့ခေါ်တာက Milk နို့ရည် ထုတ်ပေးတဲ့ အိတ်လို့ ပြောတာပါ။ ဘယ်လောက် လေးတယ်၊ တင်းတယ်၊ ပြော့တယ်၊ ဘယ်ပုံပန်း ရှိတယ်ဆိုတာ အတော်ကြီး မတူကြပါ။ အစက ကမ္ဘာလုံးခြမ်း လိုရှိရာကနေ ကြာရင် ခေါင်လောင်းပုံ ဖြစ်လာတယ်။ ကိုယ်ဝန်ဆောင်ရင် သိသိသာသာ ပိုကြီးပြီး၊ ကလေး နို့တိုက်နေချိန်မှာ အကြီးဆုံး။ များသောအားဖြင့် ဘယ်ဘက်က ပိုကြီးတယ် ဆိုတာကို ဆေးပညာကရော အရပ်စကားပါ ထပ်တူကြတယ်။ နို့အင်္ဂါဟာ လုံးဝန်းတယ် ဆိုပေမဲ့ တိတိကျကျ ပြောရင် အထက်-ဘေးဘက်၊ ချိုင်းဘက်ဆီ နဲနဲ ပိုရှည်ထွက်နေတယ်။ ဆေးစာမှာ Tail of breast အမြီးလို့ ခေါ်တယ်။

Nipple နို့သီးမှာ ပြွန်ပေါက်လေးတွေ ၁၅-၂၀ ရှိတယ်။ Nipple piercing လုပ်ရင် အဲဒါတွေ ပျက်စီးစေတယ်။ Nipple ဟာ ဆလင်ဒါပုံ၊ ကတော့ပုံနဲ့၊ ၁၀ မီလီမီတာ မြင့်တယ်။ သူ့ကို ဆွပေးရင် သန်မာမှု Erection ဖြစ်နိုင်တယ်။ နို့သီးထိပ်ကို ဆွလို့ သန်မာမှု ဖြစ်ရတာက Erectile tissue ကြောင့် မဟုတ်ပါ။ ကြွက်သားနု Smooth muscle ကြောင့် ဖြစ်ရတာပါ။ ကြက်သီး-မွေးညင်းထတာမျိုး၊ ရာသီဥတု အေးရင် ဖြစ်ရတာမျိုးလိုပါဘဲ။ လိင်စိတ်ကြောင့်လည်း ဖြစ်ပါတယ်။ မင်းသမီးကို အဲဒီ နေရာကို ရေခဲ အကပ်ခိုင်းပြီး ချစ်ခန်း-ကြိုက်ခန်း ရိုက်ရတယ်။ နို့စို့နေရင်လည်း ဖြစ်တယ်။ ဒီနှစ်မျိုးလုံးက Oxytocin ဟော်မုန်းကြောင့်ပါ။ တချို့မှာ ဒီလို ဆွပေးတာနဲ့ဘဲ Orgasm လိင်စိတ်ပြည့်ဝခြင်း ဖြစ်နိုင်တယ်လို့ ပြောတယ်။

နို့သီးအခြေ အရောင်အရင့် အ၀ိုင်းကို Areola ခေါ်တယ်။ သူ့အပေါ်မှာ တခြားနေရာက ချွေးထွက် အိတ်တွေထက် ပိုကြီးတဲ့ အိတ်လေးတွေရှိပြီး၊ အဆီထုတ်ပေးတာမို့ ကလေးနို့စိုနေတုံး အကာကွယ် ပေးရာကျတယ်။ Nipple က Pink ပန်းရောင် ဒါမှမဟုတ် Brownish hue ခပ်ညိုညို အရောင် ဖြစ်တယ်။ ပန်းရောင်က ပိုလှတယ် ပြောရင် "မဟူရာ" မလေးတွေက ကလောတယ်။ "ပန်းရောင်ဘဲ ကြိုက်ရင် ၀က်မကြီးဆီ သွားပါလား" တဲ့။

(အေရီယိုလာ) က အရောင် မတူကြသလို အရွယ်အစား သာမက ပုံပန်းလဲ မတူကြပါ။ အများဆုံးက စက်ဝိုင်းလို ရှိကြပေမဲ့ Elliptical ဘဲဥပုံလည်း ရှိသေးတယ်။ ယောက်ျားတွေမှာ အချင်း ၁ လက္မရှိကြပြီး၊ မိန်းမတွေက ၁့၂ ကနေ ၄ လက္မအထိ ရှိကြတယ်။ ဒီအ၀ိုင်းက ဘာလို့ပါတာလဲကို မှန်းပြောတခုရှိတယ်။ နို့ဆာတဲ့ကလေး ရှာရတာ လွယ်အောင်တဲ့။ မဟုတ်နိုင်ပါ။ ကလေးဆိုတာ မွေးကတည်းက သူ့ပါးကလေးကို တခုခုနဲ့ ထိလိုက်တာနဲ့ နို့မှတ်ပြီး၊ ခေါင်း လှည့်လာမယ်။ နို့ရှာရာမှာ မျက်စိ မလိုပါ။

ကိုယ်ဝန် မဆောင်ဘူးသူ တချို့မှာ Breast နဲ့ Areola အရောင် အတော်နီးစပ်အောင် တူနေတတ်တယ်။ အိမ်ထောင်ရှိပေမဲ့ ကိုယ်ဝန်မဆောင်ဘူးသူနဲ့ အပျိုဘ၀မှာ အခန့်မသင့်လို့ မှားယွင်းမိတာမို့ ဖျက်ဆေးသောက်ရသူတို့ ရင်သား အရောင် မတူကြပါ။ သူငယ်ချင်းတွေ ပြောကြ-ငြင်းကြတာတခု ရှိတယ်။ မိန်းကလေး တယောက်မှာ နှုတ်ခမ်း အရောင်နဲ့ နို့သီးဖျား အရောင်က တူကြသတဲ့။ “မရွှေတိကျ” က လာသေးတယ်၊ အပေါ် နုတ်ခမ်း အရောင်နဲ့သာ တူတာပါတဲ့။

မွေးကာစ ယောက်ျားလေးဖြစ်ဖြစ်၊ မိန်းကလေးဖြစ်ဖြစ် နို့ရည်ထွတ်တာ မ-ဟော်မုန်း သတ္ထိအရ ဖြစ်တယ်။ နို့ဆိုတာ ၂ ခုထဲလို့ သိကြပေမဲ့၊ တချို့မှာ ၂ ခုမက ရှိတတ်တယ်။ ဗိုက်ထဲ နေတုံးကတည်းက ရှိခဲ့တာပါ။ မင်းသား Mark Wahlberg တီဗွီ တင်ဆက်သူ Lily Allen အဲလီဇဗက် (၁) ရဲ့မယ်တော် Anne Boleyn တို့မှာ တတိယနို့ ရှိကြတယ်။ ဂျမ်းစ်-ဘွန်း ရုပ်ရှင် “ရွှေသနတ်နဲ့လူ” ထဲက လူဆိုးဆရာကြီး Francisco Scaramanga မှာလည်း အဲလို အပိုရှိတာကို ပြသေးတယ်။

လမ်းလျှောက်ရင်း၊ ပြေးရင်းကနေဖြစ်တဲ့ အခြေအနေတခုကို Jogger's nipple လို့ ခေါ်တယ်။ နို့သီးအဖျား နာ၊ ခြောက်၊ အနေရခက်၊ သွေးထွက်တာမျိုး ပြောတာပါ။ ၀တ်ထားတဲ့ အ၀တ်အစားနဲ့ ပွတ်တိုက်မှုကြောင့် ဖြစ်ရတယ်။ ဒါ့ကြောင့် အတွင်းခံ မပါဘဲ ပြေးပါတဲ့။ ရှက်တတ်ရင်တော့ တထပ်ထဲ ခပ်ချောင်ချောင်သာ ၀တ်ပါတဲ့။ မြင်ကြရင်လဲ ကျန်းမာရေးအရ ၀တ်ကြတာလို့ သိထားလိုက်ပေါ့။

ယဉ်ကျေးမှု မတူရင် တန်ဘိုးထားမှု ကွဲပြားတယ်။ အံ့သြရလောက်အောက် မတူတာတွေ ရှိတယ်။ ဟောလိဝုဒ် ရုပ်ရှင် တခုမှာ အသက် ၁၈ နှစ်လဲ ပြည့်ပြီ၊ ကောလိပ် သွားရတော့မယ်၊ Virgin ဘ၀နဲ့ မသွားချင်ဘူးလို့ မင်းသမီးလေးကို အပြောခိုင်းတယ်။ သူ့စရိုက်နဲ့သူ ကိုက်ပါတယ်။ သတို့သမီးကို စစ်သလား ဘယ်သူကမှ မမေးဘူး။ တထောင့်တည ပုံပြင် တခုထဲမှာ သမီးရဲ့ မင်္ဂလာဦးမှာ ဖအေလုပ်သူက အော်တဲ့အသံကို နားစွန့်နေသတဲ့။ မအေက မနက်ကျရင် အိပ်ရာခင်း သွေးစွန်းတာ လိုက်ရှာသတဲ့။ သူများတွေ လက်ညှိုးထိုးမနေနဲ့ ပုဂံခေတ်မှာ ပန်းဦးလွှတ်ထာ မလုပ် မနေရတဲ့။

ယောက်ျားနဲ့ ပဌမဆုံး ဆက်ဆံချိန်မှာ သွေးထွက်တာဖြစ်ရင် အပျိုစစ်တယ်။ သွေးမထွက်ရင် အပျိုမဟုတ်ဘူးလို့ မပြောဘဲ အပျိုမြှေး မရှိသူဖြစ်တယ်လို့ ပြောလာကြတယ်။ အဲဒီသွေးက အပျိုမြှေး စုတ်ပြဲသွားလို့ ထွက်တာကိုး။ တခြားကြောင့် သွေးထွက်တာတွေလဲ ရှိပါတယ်။ Endometritis, Yeast, Infections, Cervical Dysplasia, Vaginitis, Cervical Polyps, Chlamydia, Gonorrhea & other STDs ရောဂါတခုခု ရှိနေရင်လဲ သွေးထွက်နိုင်တယ်။ လိင်ဆက်ဆံလို့ မဟုတ်ဘဲ အပျိုမြှေး စုတ်ပြဲစေနိုင်တဲ့ အကြောင်းတွေလဲ ရှိတယ်။ စက်ဘီးစီး၊ မြင်းစီး၊ ထိခိုက်ဒဏ်ရာရ၊ (မာစတာဘေးရှင်း) လုပ်၊ ဆေးစစ်တုံးက ကရိယာထည့်လို့။

အပျိုစစ် လက္ခဏာဆိုတာတွေကို ဆေးပညာအရ ပြောပါဆိုရင် -
• ရင်သား၊ တင်းနေမယ်၊ လုံးဝန်းပြီး ဆန့်နိုင်-ကြုံ့နိုင်တယ်၊ နို့သီးထိပ်က မာတင်းတင်း၊ အောက်ခြေ အ၀ိုင်းက ပင်ကိုယ်အသားအရောင် လိုက်ပြီး ပန်းရောင်ကနေ ညိုမဲမဲနေမယ်၊ နိုးသီးအဖျားမှာ ပန်းရောင်အစက်ရှိမယ်၊
• မိန်းမကိုယ် အပြင်နုတ်ခမ်းသား လုံးဝန်းပြီး၊ ဆန့်နိုင်-ကြုံ့နိုင်တယ်၊ နုတ်ခမ်းသား နှစ်ဖက် ထိကပ်နေမယ်၊ အတွင်းနုတ်ခမ်းသား နဲ့ မ-အစိတွေကို လုံးဝ ဖုံးအုပ်နေမယ်၊
• မိန်းမကိုယ် အတွင်း-နုတ်ခမ်းသား ပန်းရောင်ရှိမယ်၊ ထိရင် သိလွန်းတယ်၊
• မ-အစိ Clitoris သေးငယ်တယ်၊
• အတွင်း-နုတ်ခမ်းသားနှစ်ခုကို ဘေးဖယ်ကား ကြည့်တဲ့အခါ မြင်နိုင်တဲ့နေရာ Vestibule ကျဉ်းတယ်၊
• မိန်းမကိုယ် အောက်ဖျား အလယ်နေရာ Fourchette အကောင်းပကတိ ရှိနေတယ်၊
• မိန်းမကိုယ် အောက်ဖျား အလယ်နေရာရဲ့ဆုံချက် Posterior commissure အကောင်းပကတိ ရှိနေတယ်၊
• ဗဂျိုင်းနား Vagina ကျဉ်းတယ်၊
• ဗဂျိုင်းနားကို ဖုံးထားတဲ့အလွှာ အရောင်က နီတယ်၊ ထိရင် သိလွန်းတယ်၊ ဘေးနှစ်ဖက် ထိကပ်နေတယ်၊
• အပျိုမြှေး Hymen အကောင်း ပကတိ ရှိနေတယ်၊ လက်ချောင်း တချောင်းစာထက် ပိုမဆံ့ဘူး၊ နုတ်ခမ်းသားက စုတ်ပြဲသလို မဟုတ်ရဘူး၊ တိတိကျကျ ဖြစ်နေရမယ်။

ဆရာဝန်ပြောတာထက် ကိုယ့်ကိုယ်ကို အသိဆုံး ဖြစ်ကြမှာပါ။
Drတင့်ဆွေ

ရက်ရွေးချယ်၍ ဓမ္မတာသွေးပေါ်စေခြင်း

ဒီတစ်ခေါက်ဆောင်းပါးမှာတော့ အမျိုးသမီးတွေ ရဲ့ လစဉ်ပေါ်နေကျ ရာသီသွေး ပေါ့ အဲဒီရာ သီသွေးပေါ် တဲ့အချိန်ကို မိမိလိုအပ်သလို ရှေ့တိုးလို့ရတယ် နောက်ဆုတ်လို့ ရတယ်ဆို တဲ့အကြောင်းလေး ကို ပြောပြ သွားမှာဖြစ် ပါတယ် ။ ကိုယ်အရေးကြီးတဲ့အ ချိန်မှာ ဒီလိုကိစ္စနဲ့ကြုံလာရင် ရှေ့တိုးချင်တယ် ၊ နောက် ဆုတ်ချင် တယ်ဆိုရင် အဲဒီအကြောင်းကို ကာယကံရှင်အမျိုးသမီးအနေနဲ့သိဖို့လိုပါတယ် ။ တစ်ခုပြောချင်တာက ဒီလိုကိစ္စ ကို ဆောင်ရွယ်ပေးတဲ့ နေရာမှာ သားဖွားမီးယပ်ဆရာဝန်မှမဟုတ်ပါဘူး ။ အထွေထွေရောဂါကုဆရာဝန် တွေ family doctors တွေနဲ့ နောက်ဆုံးပြောရရင် တောဖက်တွေမှာဆိုရင် သွားဖွားဆရာမ တွေ ကိုယ်တိုင် လုပ်ဆောင်ပေးနိုင်တဲ့အပိုင်းဖြစ်ပါတယ် ။ ဒီနေရာမှာ သွေးပေါ်ခြင်းအကြောင်းကို အရင်ဆုံးပြောချင်ပါတယ် ။ တချို့တော့ သွေးပေါ်ခြင်းနဲ့ပတ်သတ်လို့ ထမင်းစားရေသောက် သဘောမျိုး ဘာမှအခက်အခဲမရှိပေမယ့် တချို့ မှာတော့ ဆိုးဆိုးရွားရွားကြုံရလေ့ရှိပါတယ် ။ တချို့က သွေးပေါ်ခါနီးရင် အိပ်မပျော်ခြင်း ၊ ဆုံးဖြတ် ချက်မ ချနိုင် ခြင်း ၊ စိတ်ဇဝေဇ၀ါဖြစ်ခြင်း စတာတွေနဲ့ ကြုံရလေ့ရှိတယ် ။ သွေးပေါ်လိွုှ့ ကိုက်ခဲပြီး အိပ်ရာထဲ လဲသွား တဲ့လူရှိ သလို သာမန် ရေနွေးအိပ်နဲ့ကပ်ရုံနဲ့မသက်သာပဲ စားဆေး ထိုးဆေးတွေနဲ့မှ သက်သာသွားတဲ့ လူတွေ လည်းရှိပါတယ် ။

ပထမဆုံး ဆိုးရွားမှုအပိုင်း မှာ ကဏ္ဍ ၂ ခုရှိပါတယ် ။ ပထမကတော့ သွေးပေါ်တော့မယ်ဆိုရင် တစ်ရက် နှစ်ရက် သုံးရက်လောက် ကြိုပြီးဒုက္ခပေးတတ်ပါတယ် ။ ဘာဖြစ်လဲဆိုရင် ဗိုက်ကြီး ကယ် လာပြီး လေတွေ တဘုန်းဘုန်းနဲ့ ဗိုက်ကြီးတင်းလာပါတယ် ။ တင်းတင်းကျပ်ကျပ်နဲ့ နေရတာ လွတ်လွတ်လပ်လပ် ပေါ့ပေါ့ပါးပါး မရှိတော့ဘူး ။ စိတ်ဓါတ်တွေ ကျလာတယ် ။ ဆုံးဖြတ်မှု မပီပြင်တော့ဘူး ။တ စ်ခုခုလုပ်မယ်ဆိုရင် လုပ်ရကောင်းနိုးနိုး မလုပ် ရကောင်းနိုးနိုးနဲ့ ဇဝေဇ၀ါဖြစ်တတ်ပါတယ် ။ အိပ်မပျော်တော့ပဲ စိတ်အားငယ်လာတယ် ။ အနောက်တိုင်းမှာတော့ အဲဒါကို Premenstrual Tension သို့မဟုတ် Premenstrual Syndrome လို့ခေါ်ကြပါတယ်။ ဘာလို့ လည်း ဆိုတော့ ရာဇ၀တ်မှုတွေ ၊ တရားမမှုတွေ ၊ ကြီးလေးတဲ့ အမှုတွေကျူးလွန်တာတွေကို ပြန်လည် ဆန်းစစ်ကြည့် တဲ့အခါ သွေးပေါ်ခါနီး တစ်ရက်နှစ်ရက် နဲ့သွေးပေါ်နေတုန်းမှာ ဖြစ်တာများတာကိုတွေ့ရပါတယ် ။ အဲဒီအကြောင်း ကို သုတေသန လုပ်ထားတာတွေလည်းရှိပါတယ် ။ အမှန်တော့ေ သွးပေါ်ခါနီးမှာ အမျိုးသ မီးတွေ ရဲ့ စိတ်ပိုင်းဆိုင်ရာဟာ ပုံမှန်တော့မဟုတ်ပါဘူး ။ ပြောင်လဲမှုရှိပြီး စိတ်ဓါတ်ကျနေတဲ့သူရှိသလို ဆုံးဖြတ်မှု အားနည်း တဲ့သူလည်းရှိပါတယ် ။ စိတ်တိုနေပြီး အိပ်မပျော်ပဲ ဘာတစ်ခုမှ စိတ်ဝင်စားခြင်းမရှိပဲ အာရုံမစိုက်နိုင်တဲ့ အမျိုးသမီးတွေရှိပါတယ် ။

အဲဒီလိုအမျိုးသမီးတွေအနေနဲုဒီလို ရက်ရွေးချယ်ပြီး သွေးပေါ်စေတဲ့နည်းက အသုံးဝင်ပါလိမ့်မယ် ။ ဒုတိယ အမျိုးအ စား ကတော့ သွေးပေါ်ခါနီးတင်မကပဲ ပေါ်ခါနီးမှာရော ပေါ်တဲ့အချိန်မှာရော အလွန်အမင်း ဆီးစပ်တွေ ကိုက် ပါတယ် ။ ကိုယ်အောက်ပိုင်းလည်းကိုက်လာပြီး နေလို့မရဘူး ။ ပုံမှန်ရေနွေးအိတ်ကပ်တာလောက်နဲ့ အနာ ကျက်ပျောက်ဆေးသောက်တာလောက်နဲ့ မရဘူး ။ ဆေးထိုးဆေးသောက် တာတွေ တောက်လျှောက် လုပ်နေ ရတယ် ။ ဒီလို အကိုက်အခဲပျောက်ဆေးအပြင်းစားတွေသုံးနေပေမယ့်လည်း မသက်သာတဲ့ အတွက်ကြောင့် တချို့ ရုံးဝန် ထမ်းတွေဆို ရုံးကနေခွင့်ယူရပါတယ် ။ အဲဒီလို ခွင့်ယူရတာကလည်း တစ်လနဲ့မပြီး နှစ်လနဲ့မပြီး လစဉ်နဲ့အမျှ ဆိုတော့ ၀န်ထမ်းကလည်းဝန်ထမ်းအလျှောက် ၊ ဆရာမကလည်းဆရာမအလျှောက် ၊ လုပ်ဖော် ကိုင် ဖက်နဲ့ အထက်လူကြီးတွေရဲ့ငြိုငြင်မှုကိုခံရလေ့ရှိပါတယ် ။ ကျောင်း သူတွေဆိုရင် လည်း ကျောင်း ပျက်တာများလာတဲ့အတွက် စာသင်တဲ့နေရာမှာ အနှောက်အ ယှက်ဖြစ်လာ တာကိုတွေ့ ရပြီးနောက် ဆုံး စာမေးပွဲဖြေတဲ့အထိပါ အနှောက်အယှက်ဖြစ်နိုင်ပါတယ် ။ ဒါကြောင့် မဖြစ်မနေ ကိုယ်လုပ်ရမယ့် ကိစ္စနဲ့ ကြုံလာ ရင် ရှေ့ကိုတိုးပြီး ဓမ္မတာ ပြီးနှင့်အောင်လုပ်ထားမလား နောက်ဆုတ်ပြီး အားလုံးပြီး မှ သွေးပေါ် ခွင့်ပေးမလား ကိုယ်ကြိုက်သလို လုပ်ဖို့ အခွင့်အလမ်းရှိပါတယ် ။

မီးယပ်သွေးပေါ်ခြင်းသဘောတရား

မီးယပ်သွေးပေါ်တယ်ဆိုတာ အမျိုးသမီးတစ်ဦးရဲ့သွေးသားထဲမှာ Oestrogen နဲ့ Progesterone လို့ခေါ် တဲ့ ဟော်မုန်းဓါတ်နှစ်ခုက တဖြည်းဖြည်းသွေးထဲမှာ များလာပါတယ် ။ အဲဒီလိုများလာတာနဲ့အမျှ သားအိမ် ရဲ့အတွင်း လွှာကလည်း ထူထူလာပါတယ် ။ တစ်လကုန်သွားလို့ လေးပတ်လောက် ဒါမှမဟုတ် ရက် ၃၀ လောက်ကျတဲ့အခါ ကျတော့ သွေးသားထဲမှာရှိတဲ့ ဟော်မုန်းဓါတ်တွေကလည်း အမြင့်ဆုံး ပမာဏရောက် လာပါတယ် ။ ဒါပေမယ့်လို့ ဒါ့ထက်ပိုမြင့်တဲ့ ဟော်မုန်းဓါတ်က ထွက်လာရပါတယ် ။ အမျိုးသမီး တိုင်း၇ဲ့ သဘာဝက ၂၈ ရက် ဒါမှမဟုတ် လေးပတ်ပြည့်တာနဲ့ ဟော်မုန်းဓါတ်ထပ်မထွက်ပဲ ဟော်မုန်းဓါတ် ကျသွားတာနဲ့ ခုနထူပြီးသားနဲ့ ဆက်လက်ထူနေတဲ့ သားအိမ်အတွင်းလွှာက ကျေပျက်ပြီး ပျော်ပြီး ကွာကျပြီး မီးယပ်သွေး အနေနဲ့ ဆင်းလာခြင်းဖြစ်ပါတယ် ။ အခြေခံကတော့ သွေးပေါ်တာကို လာနေကျထက်ပိုပြီး တစ်ပတ်တန် သည်နှစ်ပတ်တန်သည် နောက်ကျချင်တယ်ဆိုရင် နောက်ကျချင်သလောက် သားအိမ်အ တွင်းလွှာ ကို ကျေ ပျက် မသွားအောင် ထိမ်းထားနိုင်တဲ့ ဟော်မုန်းဓါတ်ကို ပြင်ပဆေးအနေနဲ့ ဆက်ပေးထားရပါမယ် ။ ဒီလို ဆက်ပေး ထားရင် သွေးပုံမှန်ပေါ်နေကျအချိန်မှာ မပေါ်တော့ဘူး ။ တစ်လနောက် ဆုတ်ချင်ရင် တစ်လပေး ထားရပါ မယ် ။ နှစ်လနောက် ဆုတ်ချင်ရင် နှစ်လပေး ထားပြီးသုံးလ နောက် ဆုတ်ချင်ရင် သုံးလပေး ထားရ မှာဖြစ်ပါတယ်။

ဒီလိုပဲ စောပြီး ပေါ်ချင်ရင်တော့ ပထမရက်ကနေ သူ့ဟာသူ မှန်မှန် ၂၈ ရက် အထိ မှန်မှန်လေး တက်နေ တဲ့ ဟော်မုန်း ဓါတ်ပမာဏ ကို ပြင်ပဆေးပေးပြီး အသွေးအသားမှာ ဟော်မုန်းဓါတ်ပမာဏ အများကြီး တက် လာအောင် ၀ုန်းကနဲ ဆိုလုပ်လိုက်ပါတယ် ။ တစ်ပတ်လောက်ဆေးပေးပြီး ရပ်လည်းရပ်လိုက်ရော တစ်ခါ တည်း သွေးပေါ်လာပါတယ် ။ Family doctor တွေအနေ နဲ့လည်း သွေးပေါ်ခြင်း ကို စောအောင်နောက် ကျအောင် ဆေးပေး ပြီး ထိမ်းချုပ်နိုင် တယ်ဆိုတာကို သိစေချင်ပါတယ်။ ငွေကုန်ကြေးကျမများသလို လနဲ့နှစ် နဲ့ချီပြီး ဆေးစားရမယ့်ကိစ္စလည်းမဟုတ်ပါဘူး ။

သွေးပေါ်ခြင်းအား ရှေ့တိုးနောက်ဆုတ်လုပ်ခြင်းအကြောင်း

ရက်ရွေ့ချင်တဲ့ အမျိုးသမီးအနေနဲ့ ရှေ့ပဲ တိုးတိုး နောက်ပဲဆုတ်ဆုတ် အနည်းဆုံး တစ်ပတ်ကနေဖြစ်နိုင် ရင်နှစ်ပတ်လောက် ထိစောပြီး ဆရာဝန်နဲ့ အချိန်ပေးဖို့လိုပါတယ် ။ အလယ်အလတ်ပြောရရင် ၁၀ ရက်လောက်စော လာရင်အဆင်ပြေပါတယ် ။ ဥပမာ အခုမှ သွေးပေါ်ပြီးတာ ၁၅ ရက်လောက်ပဲရှိသေးတယ် ။ လက်ထပ် မှာက နောက် ၁၀ ရက်ဆိုလက်ထပ်မယ် ။ လက်ထပ်ပြီးနောက်တစ်ပတ်မှာ ပျားရည်ဆမ်း ခရီးထွက်မယ် ဆိုရင် လက်ထပ်ဖို့ မတိုင်ခင် ၁၀ ရက် တစ်ပတ်အလိုမှာ ဆရာဝန်နဲ့ပြဖို့လိုတယ် ။ ဆရာဝန် က ဟော်မုန်းဓါတ် နှစ်မျိုးပါတဲ့ဆေးပေးလိုက်မယ် ။ တစ်ပတ်စာပဲပေးမယ် ။ တစ်ပတ်ပေးပြီးဆေး ရပ် လိုက်တာနဲ့တစ်ပြိုင်နက် သွေးပေါ်မယ် ။ တကယ်ပေါ်မယ့်အချိန်မှာ မပေါ်တော့ဘူး ။ စောပြီးပေါ်မယ် ။ ဒီတော့ မင်္ဂလာဦး ညမှသည် ပျားရည်ဆမ်းခရီးထွက်တဲ့အချိန်အထိ ပျော်ရွင်နိုင်ပါပြီ ။ ရှေ့စောတာက ကသီလင် တဖြစ်ပြီး နောက်ဆုတ်တာ ပိုကောင်း မယ်ထင်ရင်လည်း နောက်ဆုတ်လို့ရပါတယ် ။

Oestrogen နဲ့ Progesterone နှစ်မျိုးပါတဲ့ဆေး ။ အလွယ်ပြောရရင် အိမ်ထောင်ရှင်တွေသောက်နေကြတဲ့ OC Pill လို့ခေါ် တဲ့ ( Oral Contraceptive pill ) တွေပေါ့ ။ အဲဒီမှာ ဟော်မုန်း နှစ်မျိုးလုံးပါပါတယ် ။ ရှေ့တိုးချင် တယ်ဆိုရင် အဲဒီဆေးကို ၇ ရက် တန်သည် ၁၀ ရက်တန်သည် တောက်လျှောက်ပေးလို့ရပါတယ် ။ ဒါပေမယ့် တစ်လုံးတစ်ကြိမ်မဟုတ်ပါဘူး ။ နှစ်လုံးပေးရပါတယ် ။ တစ်နေ့နှစ်လုံး တစ်ကြိမ်နဲ့ တောက်လျှောက်ပေးပြီး ၇ ရက်သို့ မဟုတ် ၁၀ ရက် ဖြတ်လိုက်ရင် တစ်ခါတည်းသွေးပေါ်တယ် ။ ဒါက ကြိုပြီးပေါ်စေချင်တာ ။ ဖြတ်လိုက် ရင်ပေါ်မယ် ။ ပေါ်တာ သုံးလေးရက်မျှလိုက်ရင် လိုတဲ့ရက်ကို ရှောင်လို့ရသွားမယ် ။ တော်တော်လေး လွတ်ချင် ရင်တော်တော်လေးစောပေးလို့ရပါတယ် ။ နောက်ဆုတ်ဖို့ကျတော့ ရိုးရိုးကိုယ်ဝန်ဆောင်တားလေးပါပဲ ။ တစ်နေ့ တစ် လုံး ညနေပိုင်းထမင်းစားပြီးပြီးချင်းနေ့စဉ်သောက်ရပါမယ် ။ ဆေးကတ်က ၂၈ လုံးပါတယ် ။ ၂၁ လုံးက ဟော်မုန်းပါတယ် ။ ကျန်တဲ့ ၇ လုံးက သံဓါတ်ပါတဲ့အားဆေးဖြစ်ပါတယ် ။ အဲဒါမျိုးကျတော့ ခုနှစ်လုံပါတဲ့ အားဆေး ကိုမစားစေပဲ ၂၁ လုံး ကုန်တာနဲ့ နောက်ထပ် တစ်ကတ်က ၂၁ လုံးကို ဆက်စားစေရမယ် ။ ၂ လပေးရင် ၂ လ မပေါ်ဘူး ။ ၃ လပေးရင် ၃ လမပေါ်ဘူး ။ မှန်မှန် မပျက်မကွက်သောက်ဖို့လိုပါတယ် ။ နေ့စဉ် ညနေစာ စားပြီးတစ်နေ့တစ်လုံး ။ ပေါ်ချင်တဲ့အချိန် ကျမှ ရပ်လိုက်ပေါ့ ။

တစ်ခုတော့ရှိတယ် အခုလိုရေးလိုက်လို့ လူနာတွေက ဆရာဝန်တွေဆီမလာပဲ သူတို့ဘာ သာ လျှောက်သောက်နေ မလား ဆိုပြီးစိုးရိမ်စရာတော့ရှိပါ့တယ် ။ ဒါပေမယ့် မြို့ကြီးပြကြီးတွေမှာ ပဋိဇီဝပိုး သတ်ဆေးတွေကို အထိန်းအကွပ်မရှိပဲ သုံးနေကျတဲ့ အန္တရာယ်နဲ့စာရင်ဘာမှ မပြောပလောက်ပါဘူး ။ ဒါကြောင့် ဗဟုသုတ အနေနဲ့ဖြစ်စေ အမျိုးသမီးထုအတွက်ဖြစ်စေ ဆရာဝန်တွေအတွက်ဖြစ်စေ အကျိုးတစ်ခု ရှိမယ်ဆို ရင် ကျေနပ်ပါပြီ ။

Ref : Health Education on Reproductive Health by Prof . Myint Mg Mg

သက်တန့်ချို
15 August 2011

စာဖတ်ပရိတ်သတ်သူငယ်ချင်းများကို အစဉ်လေးစားသောအားဖြင့်..................