တရုတ် တံတား အသစ် ကျိုးကျ

တံတား ကျိုးကျမှုကြောင့် လူ ၃ ယောက်သေဆုံး

 တရုတ်နိုင်ငံ အရှေ့မြောက်ပိုင်း မှာ ရှစ်လမ်းသွား ကားလမ်းပေါ်က တံတား အသစ်တစင်း ရဲ့ တစိတ်တဒေသ ပြိုကျပြီး လူ ၃ ယောက် သေဆုံးခဲ့ပါတယ်။

ကုန်တင်ကားကြီး လေးစီး သွားလာနေစဉ် မီတာ တရာလောက်ရှိတဲ့ အစိတ်အပိုင်းတခုပြိုကျပြီး ကားတွေ ပြုတ်ကျသွားခဲ့တာဖြစ်ပါတယ်။

ဒီတံတားဟာ ဟာဗင်မြို့ထဲက လေဆိပ်သွား ဟိုက်ဝေးလမ်းမကြီး ပေါ်မှာ ရှိတာ ဖြစ်ပြီး တံတားဆောက်ခဲ့တာ တနှစ်သာ ကြာပါသေးတယ်။

တနှစ် ကျော်ကာလအတွင်းမှာ တခြား အရေးပါတဲ့ တံတားကြီး ခြောက်စင်းမှာလည်း အလားတူ ပျက်စီးမှုမျိုးတွေ ဖြစ်ခဲ့တယ်လို့ ရှင်ဟွာ သတင်းဌာနကဆိုပါတယ်။

တရုတ်ပြည်ရဲ့ ကားလမ်း ရထားလမ်း ကွန်ယက်ကြီးကို လျင်လျင်မြန်မြန် ချဲ့ထွင် ဆောက်လုပ်ရေး စီမံကိန်းကြီးမှာ ခြစားမှုတွေနဲ့ အသုံးစရိတ် ချွေတာမှုတွေကြောင့် အခုလို ဖြစ်ရတယ်ဆိုတဲ့ စွပ်စွဲချက်တွေ ကျယ်ကျယ် ပြန့်ပြန့်ရှိပါတယ်။

ဘီဘီစီ (မြန်မာပိုင်း)

ရခိုင်ပြည်နယ် ကိစ္စကြောင့် ဝါရှင်တန်၏ မြန်မာ့ရေးရာ မူဝါဒ အပေါ်ထိခိုက်မှု မရှိဟု သံအမတ်ကြီးပြောကြား

ရန်ကုန်၊ သြဂုတ် - ၂၄
ရခိုင်ပြည်နယ်တွင် ပြီးခဲ့သည့် ဇွန်လအတွင်းဖြစ်ပွားခဲ့သော ဆူပူအုံကြွမှုများကြောင့် မြန်မာနိုင်ငံအပေါ်ထားရှိသော အမေရိကန်ပြည်ထောင်စု၏ ပိတ်ဆို့ အရေးယူမှု လျှော့ချပေးရေး ဆိုင်ရာ မူဝါဒအပေါ် ထိခိုက် နစ်နာမှု မရှိကြောင်း မြန်မာဆိုင်ရာ အမေရိကန် သံအမတ်ကြီး ဒဲရစ်မစ်ချဲလ်က ပြောကြားကြောင်း The Wall Street Journal က သြဂုတ်လ ၂၄ ရက်နေ့တွင် ရေးသား ဖော်ပြသည်။

"ဆူပူအကြမ်းဖက်မှုတွေအင်မတန်လျင်မြန်စွာ ဖြစ်ပေါ်သွားတယ်၊ ကြောက်မက်ဖွယ် ကောင်းလောက်အောင် ကူးစက် ပြန့်နှံ့ခဲ့တယ်ဆိုတဲ့ ကိစ္စတွေက ကျွန်တော်တို့ကို အံ့အား သင့်လောက်အောင် ဖြစ်စေခဲ့တယ် ဆိုတာကိုတော့ ကျွန်တော့်အနေနဲ့ ပြောလိုပါတယ်။ ဒါပေမဲ့ အဲဒီကိစ္စက ပိတ်ဆို့ အရေးယူမှု အပေါ်ထားရှိတဲ့ ကျွန်တော်တို့ရဲ့ သဘောထားကို ထိခိုက်မှု ရှိမယ်လို့ မထင်မိပါဘူး။ ကျွန်တော်တို့အတွက် မြန်မာနိုင်ငံမှာ ပိုပြီး ရှုပ်ထွေးတဲ့ စိန်ခေါ်မှုတွေ ရှေ့မှာ ရှိနေပြီဆိုတဲ့ သဘောမျှသာဖြစ်ပါတယ်" ဟု နှစ်ပေါင်း ၂၂ နှစ်တာ ကာလအတွင်း ပထမဆုံး မြန်မာနိုင်ငံဆိုင်ရာ အမေရိကန် သံအမတ်ကြီးဖြစ်လာသူ ဒဲရစ်မစ်ချဲကဆိုသည်။

ရိုဟင်ဂျာပဋိပက္ခအများစုမှာ၎င်းတို့အား နိုင်ငံတွင်း နေထိုင်ခွင့်ပြုရန် ငြင်းဆန်ကြသူ မြန်မာနိုင်ငံသားများထံမှ ထွက်ပေါ်လာခြင်းဖြစ်ကြောင်း ၎င်းက ဆက်လက်ပြောဆိုသည်။
"နိုင်ငံသားတွေအကြား သည်းညဉ်း မခံနိုင်မှုနဲ့ ခွဲခြား ဆက်ဆံမှု သဘောထားကို အနက်ရှိုင်းဆုံး အနေအထားနဲ့ တွေ့မြင်ရတာဟာ ကြမ္မာငင်မှုတစ်ခုပါ"

ဆူပူအုံကြွမှုများသည် လူ့အဖွဲ့အစည်းတွင်း နက်ရှိုင်းစွာ အမြစ်တွယ်နေသည့် သည်းညဉ်း မခံတတ်သော သဘောတရားများနှင့် အတူထွက်ပေါ်လာကြောင်း၊ အဆိုပါ သည်းညဉ်းမခံတတ်သည့် သဘောတရားမှာလည်း လူ့အဖွဲ့အစည်းအတွင်း ကြီးမား ထင်ရှားသော သာဓကတစ်ခု သဖွယ် ရှိနေပုံရကြောင်း ၎င်းကပြောကြားသည်။

ထို့ပြင် သံအမတ်ကြီး ဒဲရစ်မစ်ချဲလ်က ရခိုင်ပြည်နယ်တွင်းရှိ ဗုဒ္ဓဘာသာဝင်များ အကြား ဖြစ်ပေါ်နေသည့် စိတ်ခံစားချက်ကို အမေရိကန်ပြည်ထောင်စုက နားလည်ပါကြောင်း၊ နိုင်ငံတကာ အဖွဲ့အစည်းများက ရိုဟင်ဂျာ အရေးကိစ္စအပေါ် အလွန်အမင်း အသားပေး ပြောဆိုခဲ့သည်ဟူသော အချက်ကိုလည်း မိမိတို့က သိရှိ နားလည်ထားပါကြောင်း ပြောကြားသည်။

လက်ပန်းတောင်းတောင် ကြေးနီ ထုတ်လုပ်ရေး စီမံကိန်း အနီး ဒေသခံလူထု ၃၀၀ ကျော် လယ်ယာမြေ သိမ်းပိုက်ပွဲဆန္ဒပြ

စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပန်းတောင်းတောင် ကြေးနီ ထုတ်လုပ်ရေး စီမံကိန်း ဆက်လက် အကောင်အထည် ဖော်နေတဲ့ နေရာမှာ လယ်ယာမြေ အသိမ်းခံထားရတဲ့ ကျေးရွာပေါင်း ၂၆ ရွာက ဒေသခံလူထု ၃၀၀ ကျော် ဟာ အလံတွေ၊ ဆိုင်းဘုတ်တွေ ကိုင်ဆောင်ပြီး လယ်ယာမြေ သိမ်းပိုက်ပွဲလို့ အမည်ပေးထားတဲ့ ဆန္ဒပြပွဲကို ဒီကနေ့ နေ့လည်ပိုင်းမှာ စတင်လိုက်ကြပါတယ်။
facebook

ရန်ကုန်မြို့တွင်း တွင်ရေကြီးမှုဓါတ်ပုံများ

ပြည်တွင်းသတင်း ဌာနများမှ ပုံများရယူ အသုံးပြုထားသည်

လွှတ်တော်အပေါ်တွင် လွှမ်းမိုးသော အဖွဲ့အစည်း (သို့မဟုတ်) လူပုဂ္ဂိုလ်တစ်ဦးမျှ မရှိကြောင်း ဖွဲ့စည်းပုံ အခြေခံဥပဒေခုံရုံးနှင့်ပတ်သက်၍ အမျိုးသားလွှတ်တော်မှ စတင်ဆောင်ရွက်မည်ဖြစ်သဖြင့် သည်းခံစောင့် ဆိုင်းပေးရန် ပြည်သူ့လွှတ်တော် ဥက္ကဌပြောကြား

လွှတ်တော်အပေါ်တွင် လွှမ်းမိုးသော အဖွဲ့အစည်း (သို့မဟုတ်) လူပုဂ္ဂိုလ်တစ်ဦးမျှ မရှိကြောင်း ဖွဲ့စည်းပုံ အခြေခံဥပဒေခုံရုံးနှင့်ပတ်သက်၍ အမျိုးသားလွှတ်တော်မှ စတင်ဆောင်ရွက်မည်ဖြစ်သဖြင့် သည်းခံစောင့် ဆိုင်းပေးရန် ပြည်သူ့လွှတ်တော် ဥက္ကဌပြောကြား

လွှတ်တော်အပေါ်တွင် လွှမ်းမိုးသော အဖွဲ့အစည်း(သို့မဟုတ်) လူပုဂ္ဂိုလ်တစ်ဦးမျှမရှိကြောင်း၊ ဖွဲ့စည်းပုံ အခြေခံဥပဒေခုံရုံးနှင့် ပတ်သက်၍ အမျိုးသားလွှတ်တော်မှ စတင်ဆောင်ရွက်မည်ဖြစ်သဖြင့် မိမိတို့ လွှတ်တော်၏ အခန်းကဏ္ဍ ရောက်ရှိလာသည့် အခါတွင် ဆောင်ရွက်ဖွယ်ရာများ ဆောင်ရွက်နိုင်အောင် သည်းခံစောင့်ဆိုင်းပေးပါရန် ပြည်သူ့လွှတ်တော်ဥက္ကဌ သူရဦးရွှေမန်းက သြဂုတ်လ ၂၄ရက်နေ့တွင် ကျင်းပသည့် ပထမအကြိမ် ပြည်သူ့ လွှတ်တော် စတုတ္ထပုံမှန်အစည်းအဝေးတွင် ပြောကြားခဲ့သည်။

သာပေါင်းမဲဆန္ဒနယ်မှ ဦးဝင်းသန်း တင်သွင်းသည့် "ပြည်သူ့ လွှတ်တော်ဥက္ကဌ၏ ၁၄.၈.၂၀၁၂ ရက်စွဲပါ သ၀ဏ်လွှာနှင့် နိုင်ငံတော် သမ္မတက ပြန်လည်ပေးပို့သော သ၀ဏ်လွှာများနှင့် စပ်လျဉ်း၍ ပြည်သူ့လွှတ်တော် ကိုယ်စားလှယ်များ၏ မှန်ကန်သော ဆန္ဒကို မည်သို့ သဘောထားသည်ကို ရှင်းရှင်းလင်းလင်း သိခွင့်ရရှိသင့်ပါကြောင်း" အ ရေးကြီးအဆိုကိုတင်သွင်းခဲ့သည့် အတွက် ပြည်သူ့လွှတ်တော် ဥက္ကဌ သူရဦးရွှေမန်းက ယခုကဲ့သို့ ပြန်လည်ဖြေကြားခဲ့ခြင်းဖြစ်သည်။

 

နိုင်ငံတော်သမ္မတရုံး ရှင်းလင်းချက်

သမ္မတကြီး၏ လွှတ်တော်တွင်ဖတ်ကြားမည့် ဆိုင်းငံ့ထားသော သ၀ဏ်လွှာမှရခိုင်အရေးနှင့်ပက်သက် သော အကြောင်းအရာအား နိုင်ငံတော်သမ္မတရုံးမှ ညွှန်ကြားရေးမှူး ဦးဇော်ဌေး နှင့် VOA တို့မေးမြန်းချက်

ပြည်သူ့ လွှတ်တော် ဥက္ကဌ သူရ ဦးရွှေမန်းက ကြာသပတေးနေ့ မနက်ပိုင်း လွှတ်တော် အစည်း အဝေး တက်ရောက်ဖို့ ပျက်ကွက်ခဲ့တာနဲ့ ပတ်သက်ပြီး သောကြာနေ့ လွှတ်တော်မှာ ဖြေရှင်းချက် ပေးခဲ့ရ

ပြည်သူ့ လွှတ်တော် ဥက္ကဌ သူရ ဦးရွှေမန်းက ကြာသပတေးနေ့ မနက်ပိုင်း လွှတ်တော် အစည်း အဝေး တက်ရောက်ဖို့ ပျက်ကွက်ခဲ့တာနဲ့ ပတ်သက်ပြီး သောကြာနေ့ လွှတ်တော်မှာ ဖြေရှင်းချက် ပေးခဲ့ရ ပါတယ်။

 ပြည်သူ့ လွှတ်တော် ဥက္ကဌ သူရဦးရွှေမန်းနဲ့ အမျိုးသား လွှတ်တော် ဥက္ကဌနဲ့ ပြည်ထောင်စု လွှတ်တော် နာယက ဦးခင်အောင်မြင့်တို့ က သမ္မတ ဦးသိန်းစိန်နဲ့ တွေ့ဆုံ ခဲ့ကြတဲ့ အတွက် ကြာသပတေးနေ့ မနက်ပိုင်း ကျင်းပမယ့် လွှတ်တော် အစည်းအဝေး တွေကို ရပ်နား ထားခဲ့ရ ပါတယ်။

REF:BBC

၂၀၁၃ ဆီးဂိမ်းအမီ ပြည်တွင်း၌ မာစတာနှင့်ဗီဇာကတ်များ အသုံးပြုနိုင်မည်ဟုဆို

၂၀၁၃ ဆီးဂိမ်းအမီ ပြည်တွင်း၌ မာစတာနှင့် ဗီဇာကတ်များ အသုံးပြုနိုင်မည်ကြောင်း CB ဘဏ်၏ ဦးဆောင်ညွှန်ကြားရေးမှူး ဦးဖေမြင့်ကပြောသည်။ လက်ရှိပြည်တွင်း၌ Myanmar Payment Union ကို စတင်အသုံးပြုနိုင်တော့မည်ဖြစ်ပြီး ထိုသို့အသုံးပြုပြီး ၉ လခန့်အကွာတွင် မာစတာနှင့် ဗီဇာကတ်များ အသုံးပြုနိုင်မည်ဟု

ဘဏ်လုပ်ငန်းအသိုင်းအ၀ိုင်းနှင့် နီးစပ်သူတစ်ဦးကပြောကြားသည်။ “အစက ဘာလို့ သုံးလို့မရလည်းဆိုတော့ ဒေါ်လာနဲ့ အခြေချ (Settlement) လုပ်လို့ဖြစ်တယ်။ မြန်မာကျပ်ကို စင်ကာပူနဲ့၊ မြန်မာကျပ်ကို ရင်းဂစ်နဲ့၊ မြန်မာကျပ်ကို ယွမ်နဲ့ စသဖြင့်ထုတ်ပေးတယ်။ အဲဒါတွေထုတ်တဲ့နေရာမှာ အမြဲတမ်းဒေါ်လာကို အခြေခံပြီး ထုတ်ပေးတာဖြစ်ပါတယ်။ အမေရိကန် စီးပွားရေးပိတ်ဆို့မှုရှိတဲ့အတွက် အစတုန်းက အဲဒါကိုလုပ်လို့မရဘူး။ အခု အမေရိကန်ရင်းနှီးမြှုပ်နှံသူတွေ လာလို့ရအောင် အသုံးပြုနိုင်တဲ့ သဘောဖြစ်တယ်” ဟု ဦးဖေမြင့်ကပြောသည်။ သို့သော်လည်း တစ်ဖက်သာပွင့်သည့်သဘောဖြစ်ပြီး မျှတသောအခြေအနေ မရောက်သေးကြောင်း ၎င်းကပြောသည်။ ၂၀၁၃ ခုနှစ်တွင် မာစတာနှင့် ဗီဇာကတ်များ အသုံးပြုနိုင်မည်ဖြစ်ခြင်း၏ အခြေခံအဖြစ် လက်ရှိအချိန်တွင် ATM ကတ်များကို နေရာအနှံ့ အသုံးပြုနိုင်ပြီဖြစ်ကြောင်း လာမည့်စက်တင်ဘာမှစတင်ကာ MPU ကတ်ကိုလည်း အသုံးပြုနိုင်မည်ဖြစ်ကြောင်း သိရသည်။ MPU ကိုဖော်ဆောင်ရာတွင် ငွေသားကို ကိုင်တွယ်သုံးစွဲပေးချေနေရာမှ ငွေသားကဲ့သို့ တန်ဖိုးရှိသောကတ်များဖြင့် စက်ကိရိယာနှင့် ဆက်သွယ်မှုကွန်ရက်ကို အသုံးပြု၍ ထုတ်ဝေသည့် ဘဏ်၊ အဖွဲ့အစည်း၊ သုံးစွဲသည့်ပြည်သူလူထု၊ လက်ခံသည့်ကုမ္ပဏီ၊ ဆိုင်တို့အကြား အပြန်အလှန် ယုံကြည်စိတ်ချစွာဖြင့် သုံးစွဲနိုင်ကြသည့်စနစ်ကို ဖော်ဆောင်ရခြင်းဖြစ်ကြောင်း
နိုင်ငံပိုင်သတင်းစာတွင် ဖော်ပြထားချက်အရ သိရသည်။

ရေးသားသူ -ထွန်းထွန်း

ထားဝယ် အများပိုင် ကုမ္ပဏီ အကြီးစား လုပ်ငန်းများ လုပ်ကိုင်ရန် စီစဉ်

                                      ထားဝယ်ရေနက်ဆိပ်ကမ်းတစ်နေရာ

ထားဝယ်၊ သြဂုတ် ၂၃

ထားဝယ် ဒေသခံ လုပ်ငန်းရှင်များဖြင့် ဖွဲ့စည်းထားသော ထားဝယ်ဒေသ ဖွံ့ဖြိုး တိုးတက်ရေး အများပိုင် ကုမ္ပဏီ ( DDPC ) သည် ဘဏ်၊ လေကြောင်း လိုင်း၊ ဆိပ်ကမ်း စသည့် အကြီးစား လုပ်ငန်းများ လုပ်ကိုင်ရန် ရှိကြောင်း ယင်းကုမ္ပဏီထံမှ သိရသည်။

ယင်းကုမ္ပဏီသည် ယခုလက်ရှိ တွင် မောင်းမကန် ကမ်းခြေ ဟိုတယ်ဇုန်၊ ကမြောကင်း တံတားအနီး ထားဝယ်မြစ် ကမ်းနံဘေးတွင် တည်ဆောက်မည့် ဈေးဝယ်စင်တာ၊ ထားဝယ်မြို့ ရွှေဝယ် သီရိအားကစားကွင်းအနီးတွင် တည်ဆောက်နေသည့် သင်တန်း ကျောင်းများကို စတင်အကောင်အထည် ဖော်လျက်ရှိသည်။

ကုမ္ပဏီအစုရှယ်ယာဝင်များ၊ ကရင်အမျိုးသားအစည်းအရုံး ( KNU ) အပါအ၀င် ထားဝယ်ဒေသရှိ လူထု အခြေပြု အဖွဲ့အစည်းများကို ဖိတ်ကြား ကာ ကုမ္ပဏီ၏ ရှေ့လုပ်ငန်းစဉ်များကို သြဂုတ်လ ၂၆ ရက်နေ့၌ ထားဝယ်မြို့ တွင် ရှင်းလင်းမည်ဖြစ်သည်။

ကုမ္ပဏီ၏ ယခုလုပ်ကိုင်နေသည့် လုပ်ငန်းများနှင့် ရှေ့လုပ်ငန်းစဉ်များကို ထားဝယ်ဒေသခံများသိစေရန်၊ ရှယ်ယာ ရှင်များသိစေရန် ရည်ရွယ်ပြီး ယခုကဲ့သို့ ကျင်းပရခြင်းဖြစ်ကြောင်း ထားဝယ် အများပိုင်ကုမ္ပဏီမှ ဒါရိုက်တာတစ်ဦးက ဆိုသည်။

မောင်းမကန်ကမ်းခြေမြောက်ဘက် ဟိုတယ်ဇုန်တည်ဆောက်ရန် မြေနေရာ ကို ရှင်းလင်းသည့်ကိစ္စနှင့်ပတ်သက် ပြီး မောင်းမကန်ဒေသခံများက ပွင့်လင်း မြင်သာမှုမရှိ၊ ရှေ့လုပ်ငန်းစဉ်များကို သေသေချာချာမပြောပြနိုင်ဟု ဝေဖန်သံ များ ထွက်လာပြီး တစ်လကျော်အကြာ မောင်းမကန်ဒေသခံများနှင့် ထားဝယ် ၈၈ မျိုးဆက်များမှ ယင်းကိစ္စနှင့် ပတ်သက်ပြီး အိတ်ဖွင့်စာပေးအပြီး တစ်လ ခန့်အကြာတွင် ထားဝယ်အများပိုင် ကုမ္ပဏီက ယင်းသို့ရှင်းလင်းပွဲ ပြုလုပ် ရန်စီစဉ်ခြင်းဖြစ်သည်။

အမည်တပ်ထားသကဲ့သို့ အမှန် တကယ် အများပိုင်ကုမ္ပဏီဆိုလျှင် ဒေသခံအများစု ပါဝင်လာနိုင်အောင် ကြိုးစားသင့်ပြီး ယခုလက်ရှိအချိန်တွင် ငွေကြေးအင်အား တတ်နိုင်သူ လူတချို့ သာ ပါဝင်နေရာယူနိုင်သည့်ပုံစံဖြစ်နေ သည်ဟု အသက် ၃၀ ကျော်အရွယ် ဒေသခံကုန်သည်တစ်ဦးက မှတ်ချက်ပြု ပြောကြားသည်။

Ref:The Voice