အခြေခံဥပဒေခုံရုံးနှင့် ပတ်သတ်ပြီး လွှတ်တော် ကိုယ်စားလှယ် ၂၂ ဦးက ဆွေးနွေးမှုများ ပြုလုပ်လျက်ရှိ

ယနေ့ကျင်းပနေသော ပြည်ထောင်စုလွှတ်တော်၌ နိုင်ငံတော်ဖွဲ့စည်းပုံ အခြေခံဥပဒေခုံရုံးနှင့် ပတ်သတ်ပြီး လွှတ်တော် ကိုယ်စားလှယ် ၂၂ ဦးက ဆွေးနွေးမှုများ ပြုလုပ်လျက် ရှိနေပြီး လွှတ်တော် ကိုယ်စားလှယ်အချို့၏ ဆွေးနွေးမှု အချို့မှာ အောက်ပါအတိုင်း ဖြစ်ပါသည်။

“လွှတ်တော်အသီးသီးက ဖွဲ့စည်းထားသည့် ကော်မတီ၊ ကော်မရှင်၊ အဖွဲ့များ၏ ပြည်ထောင်စုအဆင့်နှင့် ပတ်သက်၍ အဓိပ္ပါယ်ဖွင့်ဆိုပေးရန် အဆိုပြုချက်တင်သွင်းရာတွင် နိုင်ငံတော်သမ္မတမှ တိုက်ရိုက်တင်သွင်းခြင်း မဟုတ်ဘဲ ဦးမင်းဇော်၊ (ညွှန်/ချုပ်)ဟု လိပ်မူပြီး တင်သွင်းထားခြင်း ဖြစ်ကြောင်း၊ ဥပဒေတွင် နိုင်ငံတော် သမ္မတကိုယ်စား မည်သူက တင်သွင်းခွင့်ရှိကြောင်း မပါရှိဘဲ ခြွင်းချက်ပေးထားခြင်း မရှိကြောင်း၊ ထို့ကြောင့် မူလမှစတင်၍ မှားယွင်းသော ဆုံးဖြတ်ချက် ဖြစ်ကြောင်း၊ ထိုသို့ အဓိပ္ပါယ်ဖွင့်ဆိုရန် ခုံရုံးအား တာဝန်ပေးရာတွင် မည်သည့် ဥပဒေပြဋ္ဌာန်းချက် ကို တိတိကျကျအဓိပ္ပါယ် ဖွင့်ဆိုပေးရန် အချက်မပါသည့်အတွက် လုပ်ထုံးလုပ်နည်းနှင့် မညီကြောင်း၊ ထို့ကြောင့် ခုံရုံးအနေဖြင့် မှားယွင်းစွာ ဆုံးဖြတ်ခဲ့ကြောင်းကို ပြန်လည် ထုတ်ပြန်ပေးရန်” ဦးခက်ထိန်နန် (ကချင်ပြည်နယ် မဲဆန္ဒနယ် ) က ထည့်သွင်းဆွေးနွေးခဲ့သည်။

“ဖွဲ့စည်းပုံအခြေခံ ဥပဒေတစ်ခုတည်းကို ဆွဲကိုင်၍ အဓိပ္ပါယ်ဖွင့်ဆို၍ မရကြောင်း၊ ဖွဲ့စည်းပုံအခြေခံဥပဒေတွင် ပြည်ထောင်စုအဆင့်ဟု တိကျစွာအဓိပ္ပါယ်ဖွင့်ဆိုထားခြင်း မရှိသဖြင့် ပြည်ထောင်စု အဆင့်မဟုတ်လျှင် အခြားအဖွဲ့အစည်းများဖြစ်သော နိုင်ငံတော် ကာကွယ်ရေးနှင့်လုံခြုံရေးကောင်စီ၊ စာရင်းစစ် ချုပ်ရုံး၊ ဘဏ္ဍာရေးကော်မရှင်၊ ပြည်ထောင်စုရာထူးဝန်အဖွဲ့ ၊ နိုင်ငံတော်ဖွဲ့စည်းပုံ အခြေခံဥပဒေခုံရုံး၊ အပါအ၀င် အခြားပြည်ထောင်စုအဆင့်ဟု သတ်မှတ်ထားသည့် အဖွဲ့များသည်လည်း ပြည်ထောင်စု အဆင့်ဟု သတ်မှတ်၍ မရကြောင်း၊ ဖွဲ့စည်းပုံ အခြေခံဥပဒေနှင့်အညီ အဆိုပါ အဖွဲ့အစည်းများအတွက် တည်ဆဲ ဥပဒေများ ကို ပြဋ္ဌာန်းထားခြင်း ဖြစ်ကြောင်း” ဒေါ်နန်းဝါနု (ကွန်ဟိန်း မဲဆန္ဒနယ်) က ထည့်သွင်းဆွေးနွေးခဲ့သည်။

Ref: EMG

နိုင်ငံတော် ဖွဲ့စည်းပုံ အခြေခံဥပဒေ ခုံရုံးနှင့် ပတ်သက်သော ကိစ္စရပ်ကို ယနေ့ကျင်းပမည့် ပြည် ထောင်စု လွှတ်တော်၌ အပြီးအပြတ်ဆွေးနွေးမည်

နိုင်ငံတော် ဖွဲ့စည်းပုံအခြေခံ ဥပဒေခုံရုံးနှင့် ပတ်သက်သော ကိစ္စရပ်ကို ယနေ့ ကျင်းပမည့် ပြည်ထောင်စု လွှတ်တော်၌ အပြီးအပြတ်ဆွေးနွေးမည်ဖြစ်ကြောင်း ပြည်ထောင်စု လွှတ်တော်၌ သတင်းရယူနေသည့် Eleven Media Group သတင်းထောက်က ပြောပါသည်။

ယနေ့ကျင်းပမည့် ပြည်ထောင်စု လွှတ်တော် အစည်းအဝေး၌
ဆွေးနွေးမည့် အစီအစဉ်များတွင် နိုင်ငံတော် ဖွဲ့စည်းပုံ အခြေခံဥပဒေ ခုံရုံးအနေဖြင့် လွှတ်တော် အသီးသီးက ဖွဲ့စည်းထားသည့် ကော်မတီကော်မရှင်နှင့် အဖွဲ့တို့အား ပြည်ထောင်စု အဆင့် အဖွဲ့အစည်းအဖြစ် ထည့်သွင်း အဓိပ္ပါယ် ဖွင့်ဆိုခြင်းသည် ဖွဲ့စည်းပုံအခြေခံ ဥပဒေပါ ပြဌာန်း ချက်များနှင့် ညီညွတ်ခြင်း မရှိကြောင်း ဆုံးဖြတ်ခဲ့သည့် ဆုံးဖြတ်ချက်သည် နိုင်ငံတော် ဖွဲ့စည်းပုံအခြေခံ ဥပဒေဆိုင်ရာ ခုံရုံးအနေဖြင့် ဖွဲ့စည်းပုံ အခြေခံ ဥပဒေနှင့် ဖွဲ့စည်းပုံ အခြေခံ ဥပဒေဆိုင်ရာ ခုံရုံးဥပဒေများ အရ လုပ်ပိုင်ခွင့်မရှိဘဲ လုပ်ဆောင်ခဲ့ခြင်း ဖြစ်ပြီး တည်ဆဲဥပဒေများပါ ပြဌာန်းချက်များကို ဆန့်ကျင်၍ မှားယွင်းစွာ ဆုံးဖြတ်ခဲ့ခြင်း ဖြစ်ပါသဖြင့် နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးသည် မှားယွင်း ဆောင်ရွက် ခဲ့မိ ကြောင်းကို နိုင်ငံတော် ဖွဲ့စည်းပုံ အခြေခံပဒေဆိုင်ရာ ခုံရုံးက ကြေညာချက် ထုတ်ပြန်ပေးရေး အတွက် ပြည်ထောင်စု လွှတ်တော်က တိုက်တွန်းပေးရန် အဆိုကိုပြည်ထောင်စု လွှတ်တော် ကိုယ်စားလှယ်များက ဆွေးနွေးခြင်း၊ပြည်ထောင်စု အဆင့် အဖွဲ့အစည်းဝင်က ပြန်လည် ရှင်းလင်း ဆွေးနွေးခြင်း ပြည်ထောင်စု လွှတ်တော်၏ အဆုံးအဖြတ် ရယူခြင်း အစီအစဉ်ပါဝင်ခဲ့ပါသည်။

“ခုံရုံးနဲ့ ပတ်သက်တဲ့ အဆိုကို ဆွေးနွေးဖို့ ပထမက ပြည်ထောင် လွှတ်တော် ကိုယ်စားလှယ် ၃၉ ဦး အမည်စာရင်း ပေးထား ပါတယ်။ နောက်ပိုင်းမှာတော့ ၇ ဦး ထပ်တိုးပါတယ်။ စုစုပေါင်း ၄၆ ဦး ဆွေးနွေးကြမှာပါ။ ထပ်တိုးထားတဲ့ ၇ ဦးမှာ ဒေါ် အောင်ဆန်းစုကြည် ပါဝင်လာပါတယ်။ နောက်ပြီး
ဆွေးနွေးမယ့် ၄၆ ဦးထဲမှာ တပ်မတော်သား ကိုယ်စားလှယ် ၃ ဦးပါဝင်ပါ တယ်။ ဆွေးနွေးမယ့် သူတွေအတွက် တစ်ယောက်ကို အချိန် ၁၅ မိနစ်စီ ပေးထားပါတယ်။ ညနေ ၃ နာရီ မိနစ် ၃၀ မတိုင်မီ အပြီးသတ် ဆွေးနွေးကြရမှာပါ။ ညနေ ၃ နာရီ မိနစ် ၃၀ အချိန် ရောက်ရင်တော့ ကိုယ်စားလှယ် ၄၆ ဦး ဆွေးနွေး ပြီးသည် ဖြစ်စေ၊ မပြီးသည် ဖြစ်စေ ဆွေးနွေးမှုကို ရပ်ပြီး ပြည်ထောင်အဆင့် အဖွဲ့အစည်းဝင်က ပြန်လည် ရှင်းလင်းမှာ ဖြစ် ပါတယ်။ ပြည်ထောင်စု အဆင့် အဖွဲ့အစည်းဝင်က ရှင်းလင်းပြီးရင်တော့ လျို့ဝှက်မဲပေးစနစ်နဲ့ ပြည်ထောင်စု လွှတ်တော်ရဲ့ အဆုံးအဖြတ် ရယူမှာ ဖြစ်ပါတယ်"ဟု ပြည်ထောင်စု လွှတ်တော်၌ သတင်းရယူနေသည့် Eleven Media Group သတင်း ထောက်က ပြောပါသည်။

Eleven Media Group

 

ပြည်ထောင်စု လွှတ်တော် အစည်းအဝေး သြဂုတ်လ ၂၇ ရက်နေ့

ယနေ့ (သြဂုတ်လ ၂၇ ရက်နေ့) တွင် ကျင်းပမည့် ပြည်ထောင်စု လွှတ်တော် အစည်းအဝေး၌ အောက်ပါ အကြောင်း အရာများကို ဆွေးနွေးကြ မည် ဖြစ်ပါသည်။

(၁) နိုင်ငံတော် ဖွဲ့စည်းပုံ အခြေခံဥပဒေ ခုံရုံးအနေဖြင့် လွှတ်တော် အသီးသီးက ဖွဲ့စည်းထားသည့် ကော်မတီ ကော်မရှင်နှင့် အဖွဲ့တို့အား ပြည်ထောင်စု အဆင့် အဖွဲ့အစည်းအဖြစ် ထည့်သွင်း အဓိပ္ပါယ် ဖွင့်ဆိုခြင်းသည် ဖွဲ့စည်းပုံအခြေခံ ဥပဒေပါ ပြဌာန်းချက်များနှင့် ညီညွတ်ခြင်း မရှိကြောင်း ဆုံးဖြတ်ခဲ့သည့် ဆုံးဖြတ်ချက်သည် နိုင်ငံတော် ဖွဲ့စည်းပုံအခြေခံ ဥပဒေဆိုင်ရာ ခုံရုံးအနေဖြင့် ဖွဲ့စည်းပုံ အခြေခံ ဥပဒေနှင့် ဖွဲ့စည်းပုံ အခြေခံ ဥပဒေဆိုင်ရာ ခုံရုံးဥပဒေများ အရ လုပ်ပိုင်ခွင့်မရှိဘဲ လုပ်ဆောင်ခဲ့ခြင်း ဖြစ်ပြီး တည်ဆဲဥပဒေများပါ ပြဌာန်းချက်များကို ဆန့်ကျင်၍ မှားယွင်းစွာ ဆုံးဖြတ်ခဲ့ခြင်း ဖြစ်ပါသဖြင့် နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးသည် မှားယွင်း ဆောင်ရွက် ခဲ့မိ ကြောင်းကို နိုင်ငံတော် ဖွဲ့စည်းပုံ အခြေခံပဒေဆိုင်ရာ ခုံရုံးက ကြေညာချက် ထုတ်ပြန်ပေးရေးအတွက် ပြည်ထောင်စု လွှတ်တော်က တိုက်တွန်းပေးရန် အဆိုကို တပ်မတော်သား ကိုယ်စားလှယ် သုံးဦး အပါအ၀င် လွှ

တ်တော် ကိုယ်စားလှယ် ၃၉ ဦးက ဆွေးနွေးခြင်း၊ ပြည်ထောင်စု အဆင့် အဖွဲ့အစည်းဝင်က ပြန်လည် ရှင်းလင်း ဆွေးနွေးခြင်း ပြည်ထောင်စု လွှတ်တော်၏ အဆုံးအဖြတ် ရယူခြင်း။

(၂) နိုင်ငံတော် သမ္မတ၏ သဘောထား မှတ်ချက်များနှင့် အတူ ပြန်လည်ပေးပို့လာသော ပို့ကုန် သွင်းကုန် ဥပဒေကြမ်းနှင့် စပ်လျဉ်း၍ ပြည်ထောင်စုလွှတ်တော် နာယကက ဖတ်ကြားခြင်း။ ဥပဒေကြမ်း ပူးပေါင်း ကော်မတီ၏ လေ့လာတွေ့ရှိချက်နှင့် သဘောထားမှတ်ချက်များကို ဥပဒေကြမ်း ပူးပေါင်း ကော်မတီက
ရှင်းလင်း တင်ပြခြင်း။

(၃) နိုင်ငံတော်ပိုင် စီးပွားရေး အဖွဲ့အစည်းများသို့ လှည့်ပတ် ရံပုံငွေအဖြစ် နိုင်ငံတော် ဘဏ်မှ ချေးယူသုံးစွဲရန် ကိစ္စနှင့် စပ်လျဉ်း၍ သက်ဆိုင်ရာ ပြည်ထောင်စု အဆင့် အဖွဲ့အစည်းဝင်က ရှင်းလင်းတင်ပြခြင်း။ ဥပဒေကြမ်း ပူးပေါင်းကော်မတီ၏ လေ့လာတွေ့ရှိချက်နှင့် အစီရင်ခံစာကို ရှင်းလင်း တင်ပြခြင်း။

(၄) ခုနှစ်ကြိမ်မြောက် အာရှ-ဥရောပ ပါလီမန်များ မိတ်ဖက်အစည်းအဝေးသို့ တက်ရောက်ရန် ရှိကြောင်းနှင့် ပြည်ထောင်စု လွှတ်တော်အား အာရှ-ဥရောပ ပါလီမန် အဖွဲ့ဝင်အဖြစ် လက်ခံမည့် အခြေအနေကို ပြည်ထောင်စု လွှတ်တော် နာယကက လွှတ်တော်သို့ အသိပေးတင်ပြခြင်း။

(၅) ပြည်ထောင်စု လွှတ်တော် နာယကက တိုင်းဒေသကြီး ပြည်နယ်အချို့ရှိ ခရိုင်မြို့နယ် ကျေးရွာ နယ်နိမိတ်များ စိစစ်ခြင်းတို့ကို တင်ပြခြင်းနှင့်
ပြည်ထောင်စု လွှတ်တော်က မှတ်တမ်းတင်ခြင်း။

Ref: EMG

ကနေဒါ ကုန်သွယ်ရေးဝန်ကြီး Ed Fast မြန်မာနိုင်ငံသို့ လာမည်

ကနေဒါ ကုန်သွယ်ရေးဝန်ကြီး Ed Fast သည် မြန်မာနိုင်ငံသို့ လာမည့် စက်တင်ဘာလ ၂ ရက်နေ့တွင် လာရောက်မည်ဖြစ်ကြောင်း အဆိုပါဝန်ကြီးရုံး၏ သတင်းထုတ်ပြန်ချက်အရ သိရသည်။

မြန်မာနိုင်ငံသို့ မလာရောက်မီ ကနေဒါ ကုန်သွယ်ရေးဝန်ကြီး Ed Fast သည် ဗီယက်နမ်၊ ထိုင်း၊ ကမ္ဘောဒီးယားနိုင်ငံများသို့ သွားရောက်မည်ဖြစ်ပြီး ကမ္ဘောဒီးယားနိုင်ငံတွင် လာမည့် သောကြာနေ့တွင် ကျင်းပမည့် အာဆီယံနိုင်ငံများနှင့် ကနေဒါနိုင်ငံမှ ကုန်သွယ်ရေးဝန်ကြီးများ၏ ပထမဆုံးအကြိမ်အစည်းအဝေးတွင် ပူးတွဲသဘာပတိအဖြစ် ဆောင်ရွက်မည်ဖြစ်ကြောင်း သိရသည်။

အာဆီယံသည် ကနေဒါနိုင်ငံ၏ ကုန်သွယ်ဖက်နိုင်ငံများစာရင်းတွင် ခုနစ် နေရာတွင် တည်ရှိနေပြီး နှစ်ဖက်ကုန်သွယ်မှုတန်ဖိုးမှာ ပြီးခဲ့သည့်နှစ်က အမေရိကန်ဒေါ်လာ ၁၅ ဒသမ ၅ ဘီလျံ ရှိကြောင်း သိရသည်။

ကနေဒါ ကုန်သွယ်ရေးဝန်ကြီး Ed Fast ၏ အရှေ့တောင်အာရှနိုင်ငံများခရီးစဉ်မှာ သြဂုတ်လ ၂၆ ရက်နေ့က စတင်ခဲ့ပြီး စက်တင်ဘာလ ၃ ရက်နေ့တွင် ပြီးဆုံးမည်ဖြစ်သည်။
Ref: EMG

မဟာချိုင် လ၀က မြန်မာအလုပ်သမ တစ်ဦးကို မဖွယ်မရာ ပြုမူ

သြဂုတ်လ ၂၆
မြတ်ညို(အလွတ်သတင်းထောက်)
  ဘန်ကောက်မြို့အနီး မဟာချိုင်နယ်မြေ ကထုန်ဘန်မြို့ ကီလိုစစ်စောင်တွင်နေထိုင်သည့်CD ပြား အလုပ်ရုံ အလုပ်သမ မသဲမိုး ဆိုသူအား ယနေ့နေ့ လည်ပိုင်းက မဟာချိုင် လ၀က ၂ဦး ကားဖြင့်ရောက်လာပြီး ပတ်စပို့ စစ်ဆေးပြီးနောက် ပါးကိုဖျစ်ညှစ် ပြီး ၂ကြိမ်နမ်းသွားကြောင်း ကာယကံရှင်အမျိုးသမီးကပြောသည်။
              
လက်ရှိ အိမ်ထောင်သည် ကလေးတစ်ဦးမိခင် အ သက် ၂၁ နှစ်အရွယ် မသဲမိုး က“ သမီးက ရေချိုးပြီးလို့ အ၀တ်လဲနေ တာ၊ တောမော(လ၀က) ကားနဲ့ ရောက်လာပြီး သမီးအခန်းထဲ ဟိုကြည့် ဒီကြည့်လုပ်တယ်။ သမီးကိုပတ်စပို့ ၀တ်ပါမစ် စစ်တယ်။   မြန်မာပြည်ကို ပြန်ပို့ထားတဲ့ သမီးတို့ မှာ ကလေး ဓါတ်ပုံကပ်ထား တာရှိတယ်လေ။ တောမော ပုလိပ်က ကလေးရှိလားတဲ့မေးတယ်၊ သမီးကလည်း ရှိတယ်လို့ ပြောတယ်။ဘာမပြောညာမပြောနဲ့ သမီး ပါး၂ဘက်ကို ကိုင်ပြီးတော့ ၂ကြိမ်တိုင်တိုင် နမ်းတယ်ရှင့်” ဟုပြောသည်။

သူမ၏ အမျိုးသား က  အလုပ်မှ ပြန်လာစဉ် ဇနီးဖြစ်သူ အဖြစ်အပျက်အား ပြောပြသဖြင့်  အခန်းပိုင်ရှင်အားမေးမြန်းကြည့်ရာ မဟာချိုင်တောမော မှဖြစ်ကြောင်း သိရှိရသည်ဟု သူမ၏ ခင်ပွန်းဖြစ်သူကပြောသည်။
                    
မဟာချိုင်နယ်မြေတွင်တာဝန်ထမ်းဆောင်ကြသည့်  ရဲအချို့နှင့် တောမော(လ၀က) အချို့ တို့သည် မြန်မာအလုပ်သမားများအား ဖမ်းဆီးငွေညှစ်ခြင်း၊ လှပသည့်မြန်မာအမျိုးသမီးများအား ဖမ်းဆီးပြီး မဖွယ်မရာ ပြုမူခြင်းများနှင့် ရွှေငွေနှင့် လက်ဝတ်လက်စားများအား လုယက်ခြင်းများ မကြာမကြာပြုကျင့်လေ့ ရှိကြောင်းကိုယ်တိုင် ခံစားသူများပြောပြချက်အရ သိရှိရသည်။
     
 ပြီးခဲ့သည့် သြဂုတ်လ ၁၈ ရက်နေ့ကလည်း အဆိုပါနယ်မြေ မီးပွိုင်တွင် အသက်၄၀ ကျော်အရွယ် မြန်မာ
အမျိုးသမီးတစ်ဦးအား ရဲစခန်းအတွင်းသို့ ခေါ်ယူသွားခဲ့ပြီး ဘတ်ငွေ တစ်သောင်းကျော်အား အဓမ္မယူဆောင် ရုံသာမက အ၀တ်ချွတ်ကာ မဖွယ်မရာပြုကျင့်ခဲ့သည်။ အတူတူပါလာသည့် သားကြီး ကိုလက်သီးဖြင့်ထိုးကာ၁ နှစ်ခွဲအရွယ်သားငယ်ကို ကြောက်လန့် အောင် အော်ဟစ်ခဲ့သည်။   ထို့ကြောင့် ဘန်ကောက် မြို့ အခြေစိုက် ထိုင်းနိုင်ငံရောက် မြန်မာအလုပ်သမားများအဖွဲ့ MAT က ကူညီဆောင်ရွက်ပေးခဲ့သဖြင့် လုယက် ခံခဲ့ရသည့်   ငွေ များကို ပြန်လည် ရရှိခဲ့ပြီး ပြစ်မှုကျူးလွန်သည့် ပုလိပ်များကို ရာထူးချထားခဲ့ကြောင်းအဆိုပါ အမျိုးသမီးပြောပြချက် အရ သိရှိရသည်။
ရွှေလုပ်သား

ထိုင်း-မြန်မာပူးတွဲ နယ်စပ်ဒေသရေးရာ ကော်မတီ (JBC) အစည်း အဝေးကို ပုဂံမှာ အောက်တို ဘာလ အတွင်း ကျင်းပမည်ဖြစ်

ထိုင်း-မြန်မာ နယ်စပ် ပြဿနာ အဖြေရှာရေး ဆွေးနွေးကြဖို့ မြန်မာအစိုးရက သဘောတူ လိုက်တဲ့ အကြောင်း ထိုင်း နိုင်ငံခြားရေး ၀န်ကြီးဌာနက ပြောဆို လိုက်တယ်လို့ တနင်္လာနေ့ထုတ် Bangkok Post သတင်းစာမှာ ဖော်ပြလိုက် ပါတယ်။

ထိုင်း-မြန်မာပူးတွဲ နယ်စပ်ဒေသရေးရာ ကော်မတီ (JBC) အစည်း အဝေးကို ပုဂံမှာ အောက်တို ဘာလ အတွင်း ကျင်းပမှာဖြစ်တယ်လို့ JBC ပူးတွဲ ဥက္ကဋ္ဌ Vasin Teeravechyan က ပြောပါတယ်။ ချင်းရိုင် မြို့ Mae Fah Luang တက္ကသိုလ်မှာ ကျင်းပတဲ့ လာအို၊ မြန်မာ နဲ့ ထိုင်းကိုယ်စားလှယ်တွေရဲ့ နယ်စပ်အရေး နှီးနှောဖလှယ်ပွဲမှာ JBC ပူးတွဲ ဥက္ကဋ္ဌ မစ္စတာ Vasin က ပြောဆိုလိုက်တာပါ။
၃ နိုင်ငံ နယ်ခြားမျဉ်း ကြီးကြပ်ရေး ကိုယ်စားလှယ်တွေဟာ မစ္စတာ Vasin နဲ့ အတူ ထိုင်း-မြန်မာ နယ်စပ် Mae Sai-Nam Ruok မြစ် ဖြတ်ကူးတဲ့ ဒုတိယမြောက် ချစ်ကြည်ရေးတံတားကို သွားရောက် စစ်ဆေးခဲ့ပါတယ်။

ပုဂံမှာကျင်းမယ့် ထိုင်း-မြန်မာပူးတွဲ နယ်စပ်ဒေသရေးရာ ကော်မတီ အစည်းအဝေးမှာ ထိုင်းနိုင်ငံ မဲဆောက်နဲ့ မြန်မာနိုင်ငံ မြ၀တီမြို့အကြားက သောင်ရင်းမြစ်တလျှောက် ပြဿနာ အရပ်ရပ်ကို  အဓိက ဆွေးနွေးမှာ ဖြစ်တယ်လို့ မစ္စတာ Vasin က ပြောပါတယ်။ နှစ်ဘက်စလုံးက လိုက်နာဖို့ လမ်းညွှန်ချက်တွေကို ဆွေးနွေးပြီး နားလည်းမှု စာချွန်လွှာ လက်မှတ်ရေးထိုးနိုင်ရေး မျှော်လင့်နေတယ် လို့လည်း ဆိုပါတယ်။ နယ်စပ် ပြဿနာကို နိုင်ငံရေးအတွက် အသုံးမချစေလိုကြောင်း၊ နယ်စပ်ဂိတ်တွေ မကြာခဏပိတ်ခြင်း အားဖြင့် နယ်စပ်ဒေသ ကုန်သွယ်ရေးနဲ့ လမ်းပန်းဆက်သွယ်ရေး ထိခိုက် နစ်နာစေတယ်လို့ မစ္စတာ Vasin ကပြောတဲ့အကြောင်း ဘန်ကောက်ပို့စ် သတင်းစားက ရေးသားထားပါတယ်။

တချိန်တည်းမှာပဲ ထိုင်းဝန်ကြီးချုပ်ဟောင်း တက်ဆင်ရှင်နာဝပ် (Thaksin Shinawatra) ဟာ မြန်မာနိုင်ငံကို နိုဝင်ဘာလ အတွင်း လာရောက်ဖို့ရှိတယ်လို့ Pheu Thai ပါတီက အမတ် Nakhon Ratchasima Suchart Pinyo က မနေ့က တနင်္ဂနွေနေ့က ပြောဆိုလိုက်ပြီး ဘာကိစ္စနဲ့ မြန်မာနိုင်ငံကို သွားမှာလဲ ဆိုတာကိုတော့ ပြောဆိုခြင်း မရှိဘူးလို့ ဒီနေ့ထုတ် ဘန်ကောက်ပို့စ် သတင်းစာမှာ ဖော်ပြလိုက်ပါတယ်။

Pheu Thai ပါတီက အမတ်တွေ၊ အနီဝတ် တက်ဆင် ထောက်ခံသူတွေ အတော်များများ တဦးချင်းအနေနဲ့ရော အုပ်စုလိုက်ပါ မစ္စတာ တက်ဆင် ကိုတွေ့ဖို့ မြန်မာပြည်ကို သွားကြဖို့ရှိတယ်လို့ မစ္စတာ Pinyo ကပြောပါတယ်။

 ဗွီအိုအေ (မြန်မာဌာန)

ကားဈေးကွက်ကစားလို၍ ထွက်ပေါ်ခဲ့သည့် သတင်းမှားကြောင့် ကားအရောင်းအဝယ်ယာယီမြင့်တက်

မော်တော်ယာဉ်ပါမစ်ထုတ်ပေးမှု ရပ်ဆိုင်းလိုက်သည်ဆိုသောကောလဟာလသတင်းအမှားများကြောင့် တစ်ပတ်အတွင်း ကားအရောင်း ပြခန်းများနှင့်ပြင်ပကားပွဲစားတန်းများတွင် ကားဝယ်ယူမှု သိသိသာသာမြင့်တက်ခဲ့ကြောင်းသိရသည်။

'' ဒီသတင်းဘယ်က ထွက်လာလဲဆိုတာတော့ မသိဘူး။ ဒါပေမယ့် ကောလဟာလထွက်တဲ့တစ်ပတ်အတွင်းလောက်မှာ ကားတွေ တော်တော် ရောင်းထွက်သွားတယ်။အများဆုံးရောင်းရတာတော့ ၁၃၅ဝစီစီ ကားတွေပဲ။ တစ်ပတ်အတွင်း ၁၅စီးလောက်ကိုထွက်သွားတယ်။ အခုတော့ ပြန်ငြိမ်သွားပါပြီ'' ဟု Myo Motor Services co.ltdပိုင်ရှင် ဦးအောင်မျိုးဝင်းကပြောသည်။

ပါမစ်ထုတ်ပေးမှုရပ်ဆိုင်းလိုက်သည်ဆိုသောသတင်းမှာမှန်ကန်မှုမရှိကြောင်းကိုလည်းစီးပွားရေးနှင့် ကူးသန်းရောင်း ဝယ်ရေးဝန်ကြီးဌာနမှ ငြင်းဆိုထားသည်။

'ဒီကောလဟာလက မဟုတ်ပါဘူး။ ကျွန်တော်တိုလဲခဏခဏ ဖုန်းဆက်ပြီးမေးနေကြပါတယ်။ဒီသတင်းမဟုတ်ကြောင်းကိုလဲ ကျွန်တော်တို့ စီးပွားကူးသန်းဝက်ဘ်ဆိုဒ်မှာတင်ထားပါတယ်'ဟုစီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှတာဝန်ရှိသူတစ်ဦးကပြောသည်။

ထိုကဲ့သို့ သတင်းအမှားမှာ စီးပွားရေးလုပ်ငန်းရှင်ကြီးများမှကားဈေးကွက်ကို ကစားလို၍ ယခုကဲ့သို့ ကောလဟာလ သတင်းများထုတ်လိုက်သည်ဟုထင်မြင်ကြောင်း ဝါရင့်ကားဝယ်ရောင်းလုပ်ကိုင်သူ ဦးကျော်က သုံးသပ်သည်။

'ဘာကို ရည်၇ွယ်ပြီးအခုလို သတင်းထုတ်လဲတော့ မသိဘူး။ ဒါပေမယ့်ဒီလိုကြီးကြီးမားမားမျိုးကို ပိုက်ဆံရှိတဲ့ စီးပွားရေး လုပ်ငန်းရှင်ကြီးတွေလောက်ပဲ တတ်နိုင်တာ။ ဆယ်စီးလောက်ထိ ဆက်တိုက်ရောင်းရတယ်။ အမြတ်ရတယ်ဆိုပေမယ့် သူတို့လောက်တော့ မရပါဘူး။ ကျွန်တော်တို့လုပ်ငန်းက သေးတာကိုး'ဟု ဦးကျော်က ပြောသည်။

မော်တော်ယာဉ်ပါမစ်ထုတ်ပေးခြင်းကို မော်တော်ယာဉ်တင်သွင်းခွင့်ဆိုင်ရာကြီးကြပ်ရေးမှူးကော်မတီ ၏ကြီးကြပ်မှုဖြင့် နေ့ခြင်းပြီး (One StopServices)အဖွဲ့မှ ယာဉ်အို/ဟောင်းအပ်နှံ၍ အစားထိုးပါမစ်ထုတ်ပေးမှုကို ၂ဝ၁၁ခုနှစ် စက်တင်ဘာလ(၁၉)ရက်နေ့ မှ စတင်ဆောင်ရွက်ပေးခဲ့သည်။

ပို့ကုန်သွင်းကုန်ကုမ္ပဏီများ၊ သင်္ဘောသာများ၊ဟိုတယ်ခရီးသွားလုပ်ငန်းလုပ်ကိုင်သူများ၊ နိုင်ငံခြားရေးဝန်ထမ်းများ၊ပြည်ပတွင် သွားရောက်အလုပ်လုပ်ကိုင်နေသူများ စသည့်သူများအားပါမစ်ထုတ်ပေးခြင်းကို ၂ဝ၁၁ခုနှစ် နိုဝင်ဘာလ (၃ဝ)ရက်နေ့တွင်စတင်ဆောင်ရွက်ပေးခဲ့ကြောင်းကိုလည်း သိရသည်။

နိုင်ငံခြားငွေစာရင်း ဖွင့်လှစ်ထားသောနိုင်ငံသားတိုင်းအားအထူးပါမစ်ထုတ်ပေးခြင်းကို ၂ဝ၁၂ခုနှစ် မေလ(၇)ရက်နေ့မှစတင် ဆောင်ရွက်ပေးခဲ့ပြီး ၂ဝ၁၂ခုနှစ် ဇူလှိုင်လကုန်ထိ စာရင်းများအရမော်တော်ယာဉ်အစီးရေ (၈၈၆၆)စီးနှင့် မော်တော်ယာဉ် အရောင်းစင်တာများမှဝယ်ယူခွင့်ပါမစ် (၈၂၃၂)ခု တို့အားအသီးသီထုတ်ပေးခဲ့ပြီးပုဂ္ဂလိကလုပ်ငန်းရှင် ကုမ္ပဏီများအား အငှားယာဉ် တက္ကစီ(၈၃၈)စီးထုတ်ပေးခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှထုတ်ပြန်ချက်များအရ သိရသည်။
သတင်း-ကျော်ဇင်မန်း(မြစ်မခ),ဓာတ်ပုံ-အရည်ကြို