ဦးကျော်သောင်းသည် မေလ ၄ ရက်နေ့ သမ္မတရုံး၊ ပြည်တွင်း၊ ပြည်ပ လုပ်သားကော်မတီ၊ ဝန်ကြီးဌာန အပါ အဝင် စာပါ အချက်အလက်များ မှားယွင်းနေသည့် ကိစ္စနှင့် ကုမ္ပဏီကို အကြိမ်ကြိမ် အကျင့်ပျက် ဟူသည့် အသုံး အနှုန်းကြောင့် တရားစွဲဆိုရခြင်း ဖြစ်သည် ဟု Lover world အေဂျင်စီ မှ မန်နေဂျင်း ဒါရိုက်တာ ဒေါ်ချိုချိုစန်း က ဧရာဝတီသို့ ပြောသည်။
“ဦးကျော်သောင်း အချက်အလက် မမှန်မကန် ပေးပို့တဲ့အတွက် ကျမတို့ တရားစွဲထားတာပါ။ ကုမ္ပဏီကို စော်ကား သော လူကိုစော်ကားသော စကားရပ်တွေပါတယ်။ ကျမတို့ရဲ့ပုဂိုလ် အကျိုးစီးပွားရေး အတွက် နစ်နာ သွားတဲ့အတွက် ယာယီအမှတ် ၄၈၅/၂၀၁၆ နဲ့ သင်္ဃန်းကျွန်းမှာ အမှုစွဲဆို တိုင်ကြားထားတယ်။ သင်္ဃန်းကျွန်း တရားရုံးက ကြားနာပြီးတဲ့အခါမှာ ကျင့်ထုံး၂၀၂ အရ သုဝဏမြို့နယ် ရဲစခန်းကို စစ်ဆေးဖို့ တာဝန်ပေးခဲ့ပါ တယ်”ဟု ဒေါ်ချိုချိုစန်း က ဆိုသည်။
ဦးကျော်သောင်းအမှုကိုလက်ရှိတွင် ပုဒ်မတပ်ဆင်ထားခြင်းမရှိသေးကြောင်း၊ ဦးကျော်သောင်း တရားရုံးကို လာရောက် အမှုရင်ဆိုင်မှ ပုဒ်မတပ်မည် ဖြစ်ကြောင်း နှင့် ဦးကျော်သောင်းဘက်မှ မှန်ကန်မှုရှိရင် လာရင်ဆိုင် မည် ဟု မျှော်လင့်ကြောင်းလည်း ဒေါ်ချိုချိုစန်းက ပြောဆိုသည်။
ထိုကိစ္စ နှင့် ပတ်သက်ပြီး MAT ဒါရိုက်တာ ဦးကျော်သောင်း က “ကျနော် ရင်ဆိုင်သွားမယ်။ တရားရုံးမှာလည်း ဖြေရှင်းချင်ပါတယ်။ ကျနော် အဲ့ဒီလိုခေါ်တဲ့အတွက် ဝမ်းသာပါတယ်”ဟု သတင်းစာ ရှင်းလင်းပွဲတွင် ပြောကြား သွားသည်။
MAT အဖွဲ့သည် ထိုင်းနိုင်ငံရောက် မြန်မာ ရွှေ့ပြောင်းအလုပ်သမား အရေးကို ကူညီဆောင်ရွက်နေသည့် အဖွဲ့ တဖွဲ့ ဖြစ်သည်။
No comments:
Post a Comment