ရန်ကုန်နှင့် မန္တလေးမြို့များတွင် City Plan များရေးဆွဲအကောင်အထည်ဖော်သွားရန်နိုင်ငံတော်သမ္မတပြောကြား

နေပြည်တော် ဩဂုတ် ၁၃

စီမံကိန်းကော်မရှင် ဥက္ကဌ နိုင်ငံတော်သမ္မတ ဦးသိန်းစိန်သည် ယနေ့ နံနက် (၉) နာရီတွင် နိုင်ငံတော်သမ္မတရုံး အစည်းအဝေးခန်းမကျင်းပသည့် စီမံကိန်းကော်မရှင်ဒုတိယအကြိမ် အစည်းအဝေးသို့တက်ရောက်ပြီး အမှာစကားပြောကြားသည်။

အစည်းအဝေးသို့ဒုတိယသမ္မတ ဒေါက်တာစိုင်းမောက်ခမ်း၊ ပြည်ထောင်စုဝန်ကြီးများ၊ ပြည်ထောင်စုရှေ့နေချူပ်၊ ပြည်ထောင်စုစာရင်းစစ်ချူပ်၊ ပြည်ထောင်စုရာထူးဝန်အဖွဲ့ဥက္ကဌ၊ တိုင်းဒေသကြီး / ပြည်နယ်အစိုးရအဖွဲ့ ဝန်ကြီးချူပ်များ၊ ကိုယ်ပိုင်အုပ်ချူပ်ခွင့်ရ တိုင်း/ဒေသ ဥက္ကဌများ တက်ရောက်ကြသည်။

ရှေးဦးစွာ စီမံကိန်းကော်မရှင်ဥက္ကဌ နိုင်ငံတော်သမ္မတ ဦးသိန်းစိန်ကအဖွင့်အမှာစကားပြော ကြားသည်။ ပြောကြားချက်အပြည့်အစုံမှာ အောက်ပါအတိုင်းဖြစ်သည်-

ကျွန်တော်တို့ ဒီကနေ့ အစည်းအဝေးကတော့ ပြီးခဲ့တဲ့ အစည်းအဝေးမှာ ကျွန်တော်တို့ ချမှတ်ခဲ့ကြတဲ့ Reform Stretegy နဲ့ပတ်သက်ပြီး မြို့ပြနဲ့ ကျေးရွာများ ဖွံ့ဖြိုးတိုးတက်ရေး အတွက် ထိထိရောက်ရောက် အကောင်အထည်ဖော် ဆောင်ရွက်နိုင်ကြရန် အခြေခံ လိုအပ်ချက်ဖြစ်တဲ့ City Plan ၊ Town Plan နဲ့ Village Plan တို့ ရေးဆွဲရေးနဲ့ပတ်သက်ပြီး ရန်ကုန်မြို့နဲ့ မန္တလေးမြို့တို့ရဲ့ City Plan များကို လေ့လာ ဆွေးနွေး အကောင်အထည်ဖော် ဆောင်ရွက်ကြဖို့ ဖြစ်ပါတယ်။

မြို့ပြနဲ့ကျေးလက်စီမံကိန်းများ ရေးဆွဲရာမှာ--------

သတင်းအပြည့်အစုံဖတ်ရန်

ဒေါ်အောင်ဆန်းစုကြည် နဲ့ သူရဦးရွှေမန်း တွေ့ဆုံဆွေးနွေး

အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် နဲ့ ပြည်သူ့လွှတ်တော် ဥက္ကဌ သူရဦးရွှေမန်း တို့ ဒီကနေ့ နေ့လည်ပိုင်း လွှတ်တော်အစည်းအဝေးခေတ္တရပ်နားချိန်မှာ သီးသန့် တွေ့ဆုံဆွေးနွေးခဲ့ကြကြောင်း သိရပါတယ်။ တွေ့ဆုံပွဲဟာ ၂ နာရီ နီးပါးခန့်ကြာမြင့်ခဲ့ပြီး ဆွေးနွေးချက်တွေကို သတင်းထုတ်ပြန်ဖို့ မရှိကြောင်း ပြန်ကြားရေးတာဝန်ခံ NLD ပြည်သူ့လွှတ်တော်ကိုယ်စားလှယ် ဦးအုန်းကြိုင်က ပြောပါတယ် ။

လွှတ်တော်ဥက္ကဌ နဲ့ တွေ့ဆုံပြီးနောက် ဒေါ်အောင်ဆန်းစုကြည်ဟာ လွှတ်တော်ရေးရာကော်မတီဥက္ကဌတွေ နဲ့လည်း တွေ့ဆုံ ဆွေးနွေးခဲ့ပါတယ်။

ဒီကနေ့ ပြည်သူ့လွှတ်တော်အစည်းအဝေးမှာ နိုင်ငံခြားရင်းနှီးမြှုပ်နှံမှု ဥပဒေကြမ်းကို အတည်ပြုကြောင်းလဲ သိရပါတယ်။
RFA 

ဒေါ်အာင်ဆန်းစုကြည် နေပြည်တော် ဒက္ခိဏသီရိ မြို့နယ်၊ ကျေးရွာ ဒေသခံတွေ ရဲ့ လိုအပ် ချက်တွေ ကို တွေ့ဆုံဆွေးနွေး

ဒေါ်အာင်ဆန်းစုကြည် အနေနဲ့ နေပြည်တော် ဒက္ခိဏသီရိ မြို့နယ်၊ ကျေးရွာ ဒေသခံတွေ ရဲ့ လိုအပ် ချက်တွေ ကို တွေ့ဆုံဆွေးနွေးခဲ့ပါတယ် ။

ဒေသခံတွေဘက်က လယ်ယာမြေ အသိမ်းခံ၇မှု ကျောင်းစ၇ိတ်မတတ်နိုင်မှု လျှပ်စစ်မီးမ၇၇ှိမှုတွေကို တင်ပြသွားတယ်လို့ သိ၇ပြီး ဒေါ်အာင်ဆန်းစုကြည်က လယ်ယာမြေ အသိမ်းခံ၇မှုအတွက် NLD ဥပဒေထောက်ကူပြု ပညာရှင်အဖွဲ့တွေမှတဆင့် ဆောင်၇ွက်ပေးမှာဖြစ်

ပြီး အခမဲ့ပညာဒါနကျောင်း စီစဉ်ပေးပြီး ကျေး၇ွာတွေမှာ သွားေ၇ာက် ပညာသင်ကြားပေးလိုသူများအတွက်လည်း ဆ၇ာအတတ်သင် သင်တန်းများပို့ချပေးသွားမည်ဖြစ်ကြောင်း ပြောသွားခဲ့ပါတယ်။

မိမိတို့မှာ အစိုး၇အဖွဲ့အစည်း မဟုတ်ပဲ လုပ်နိုင်တဲ့ အခြေအနေမှာလည်း အကန့်အသတ်သာ၇ှိကြောင်း ဦးစွာ၇ှင်းပြထားလိုပြီး တတ်နိုင်သလောက်တော့ လုပ်ပေးသွားမှာ ဖြစ်တဲ့အကြောင်းလည်း ဖြည့်စွက်ပြောကြားသွားပါတယ်။

facebook: Zaw Min Oo

ဆော်ဒီအာရေးဗီးယားဘုရင် Abdullah က အမေရိကန်ဒေါ်လာ သန်း ၅၀ အကူအညီပေးဖို့ မနေ့က အမိန့်ထုတ်ပြန်

မြန်မာနိုင်ငံက ဘင်္ဂလီ ရိုဟင်ဂျာတွေအတွက် ဆော်ဒီအာရေးဗီးယားဘုရင် Abdullah က အမေရိကန်ဒေါ်လာ သန်း ၅၀ အကူအညီပေးဖို့ မနေ့က အမိန့်ထုတ်ပြန်လိုက်ပါတယ်။ ဆော်ဒီအာရေးဗီးယား အစိုးရ သတင်းဌာနက ရိုဟင်ဂျာ မူဆလင်တွေဟာ လူမျိုးတုန်း သတ်ဖြတ်မှုတွေ၊ အဓမ္မပြောင်းရွှေ့ခံရမှုတွေ၊ အဓမ္မပြုကျင့်ခရမှုတွေ အပါအ၀င် လူ့အခွင့်အရေး ချိုးဖေါက်မှုတွေ ခံနေရတယ်လို့ ပြောဆိုကြောင်း သိရပါတယ်။

တခြားသတင်းတပုဒ်မှာတော့ မြန်မာနိုင်ငံက မူဆလင် ရိုဟင်ဂျာ အရေးကို စိုးရိမ်ကြတဲ့ ဗြိတိန်အပါအ၀င် တခြား နိုင်ငံတွေ အနေနဲ့ ဘင်္ဂလားဒေ့ရ်ှနိုင်ငံကိုပဲ ဖိအားပေးနေတာမျိုးမဟုတ်ပဲ မြန်မာအစိုးရနဲ့ တိုက်ရိုက် ပြောဆိုကြဖို့ ဘင်္ဂလားဒေ့ရ်ှ ၀န်ကြီးချုပ် Mrs. Sheikh Hasina က ပြောလိုက်ပါတယ်။

ဒီအတောအတွင်း ရခိုင် တိုင်းရင်းသားများ တိုးတက်ရေးပါတီ(RNDP)က မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တောမတ်စ် ကင်တားနား (Tomas Qintana) ရဲ့မြန်မာပြည်ခရီးစဉ်အပြီး ရခိုင်ပြည်နယ်အရေး ပြောဆိုချက်တွေကို ကန့်ကွက် လိုက်ပါတယ်။

သြဂုတ်လ(၁၂)ရက်ရက်စွဲနဲ့ ထုတ်ပြန်တဲ့ RNDP ရဲ့ကြောငြာချက်တွေထဲမှာ 'ရိုဟင်ဂျာ'ဆိုတဲ့ စကားလုံးကို တောမတ်(စ်)ကင်တားနားက သုံးနှုန်းပြောဆိုတာဟာ ရခိုင်လူမျိုးတွေရဲ့ သမိုင်းအစဉ်အလာနဲ့ ဖြစ်တည်မှုကို အသိအမှတ် မပြုရာ ရောက်နေ တဲ့အတွက် အဲဒီ စကားလုံးကို သုံးနှုန်းခြင်းမပြုဖို့ တိုက်တွန်းထားကြောင်း ရခိုင်တိုင်းရင်းသားများ တိုးတက်ရေးပါတီ (RNDP) အတွင်းရေးမှူး ဦးခိုင်ပြည်စိုးက RFA ကို ပြောပါတယ်။

၁၉၈၂ ခုနှစ် မြန်မာနိုင်ငံသားဥပဒေ (Burma Citizenship Law)ကို ပြန်လည်သုံးသပ်ပေးရန်ဆိုတဲ့ တောင်းဆိုခြင်းနဲ့ ပတ်သက်လို့လည်း နိုင်ငံတစ်နိုင်ငံရဲ့ အတည်ပြုပြဌာန်းထားတဲ့ ဥပဒေကို လေးစားလိုက်နာဖို့တိုက်တွန်း ကြောင်း၊ ဒါ့အပြင် မစ္စတာ ကင်တားနားဟာ ပဋိပက္ခဇာစ်မြစ်ကို တစ်ဖက်သတ်အမြင်နဲ့ ဖိအားပေး ပြောဆိုခြင်း ကြောင့်အဖြစ်မှန်တရား ပေါ်ထွက်နိုင်စရာအကြောင်း မရှိတဲ့အတွက် ကမ္ဘာ့ကုလသမဂ္ဂ အနေနဲ့ သမာသမတ် ကျတဲ့ အထူးကိုယ်စားလှယ်တစ်ဦး ပြောင်းလဲတာဝန်ပေးအပ်ဖို့ တောင်းဆိုကြောင်း RNDP ပါတီရဲ့ ကြေငြာချက်မှာ ဖော်ပြထားပါတယ်။

RFA Burmese

 

ရွှေပြည်သာမြို့နယ် အမှတ်(၁၈)ရပ်ကွက် ဦးဘိုးလှိုင်လမ်းမှာ နေထိုင်သူများ နေစရာ အစားပြန်ပေးဖို့ဆန္ဒပြတောင်းဆို

ရွှေပြည်သာမြို့နယ် အမှတ်(၁၈)ရပ်ကွက် ဦးဘိုးလှိုင်လမ်းမှာ နေထိုင်နေတဲ့ ကျူးကျော်အိမ်(၉၀)ကျော်ကို
အာဏာပိုင်တွေက သြဂုတ်လ(၁၅)ရက်နေ့ နောက်ဆုံးဖယ်ရှားခိုင်းတဲ့အတွက် တခြားနေရာ တခုမှာ နေစရာ အစားပြန်ပေးဖို့ နေထိုင်သူတွေက ဆန္ဒပြတောင်းဆိုကြပါတယ်။

အခုလို ဆန္ဒပြဖို့ မြို့နယ်ရဲစခန်းမှာ သြဂုတ်လ(၈)ရက်နေ့က လျှောက်ထားခဲ့တာဖြစ်ပြီး၊ တရားဝင် ခွင့်ပြုချက် မနေ့က ရရှိခဲ့တယ်လို့ သိရပါတယ်။ ဒီကနေ့ ဆန္ဒပြရာမှာ မနက်(၁၀)နာရီကနေ နေ့လည် (၁၂)အထိ ရွှေပြည်သာမြို့နယ် ဦးဘိုးလှိုင်လမ်းကနေ ရွှေပြည်သာစက်မှုဇုံ စီမံခန့်ခွဲရေးရုံးအထိ ချီတက်ခဲ့ကြတာဖြစ်ပါတယ်။ အာဏာပိုင်တွေက တစုံတရာ တားဆီးနှောက်ယှက်တာ မရှိပေမယ့် မှတ်တမ်းဓာတ်ပုံရိုက်ယူတာ၊ အနီးကပ်စောင့်ကြည့်တာတွေရှိခဲ့ပါတယ်။

ရွှေပြည်သာမြို့နယ် အမှတ်(၁၈)ရပ်ကွက် ဦးဘိုးလှိုင်လမ်းမှာရှိတဲ့ ကျူးကျော်အိမ်အများစုဟာ အဲဒိနေရာမှာ နေထိုင်လာတာ ၅နှစ်ကနေ ၁၀နှစ်အထိ ရှိနေပြီလို့ သိရပါတယ်။ နေထိုင်ဖို့အတွက် ရပ်ကွက်အာဏာပိုင် တွေကို ငွေကျပ် (၂) သောင်းခွဲလောက်အထိ ပေးခဲ့ကြရတယ်လို့လည်း ဆိုပါတယ်။

အဲဒီအတောအတွင်း အင်းစိန်မြို့နယ် ခ၀ဲခြံရပ်ကွက် စက်မှု(၁)၀င်းထဲမှာရှိတဲဆိုင်ခန်း (၂၀)ကျော်ကိုလည်း အခုသီတင်းနှစ်ပတ်အတွင်း ဖယ်ရှားပေးဖို့ အာဏာပိုင်တွေက ညွှန်ကြားထားတဲ့အတွက် မပြောင်းရွှေ့လိုတဲ့ ဆိုင်ခန်းရှင်တွေက သမ္မတရုံးကို လက်မှတ်ရေးထိုးတင်ပြထားသလို၊ (၈၈) မျိုးဆက်ကျောင်းသားတွေကိုလည်း အကူအညီတောင်းခံထားတယ်လို့ ပြောပါတယ်။

ဒီသတင်းကို RFA သတင်းထောက်မသူဇာ ပေးပို့တာပါ။

နိုင်ငံတော်သမ္မတ ဦးသိန်းစိန်နှင့် ဒေါ်အောက်ဆန်းစုကြည် ဒုတိယအကြိမ်တွေ့ဆုံ

သြဂုတ်- ၁၂
နိုင်ငံတော်သမ္မတ ဦးသိန်းစိန်နှင့် အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ပြည်သူ့လွှတ်တော် ကိုယ်စားလှယ်ဒေါ်အောင်ဆန်းစုကြည်တို့သည် နေပြည်တော်၌ ယနေ့နံနက် ၉ နာရီခန့်က တွေ့ဆုံခဲ့ပြီး တစ်နာရီခန့်ကြာ ဆွေးနွေးမှုများ ပြုလုပ်ခဲ့ကြောင်း ဒေါ်အောင်ဆန်းစုကြည်၏ ကိုယ်ရေး အရာရှိဒေါက်တာတင်မာအောင်က အတည်ပြု ပြောကြားသည်။

မည်သည့်အကြောင်းအရာများ ဆွေးနွေးခဲ့သည်ကိုမူ အမျိုးသားဒီမိုကရေစီ အဖွဲ့ချုပ်အနေဖြင့် သတင်းထုတ်ပြန်ရန် မရှိဘဲ သမ္မတရုံးကသာ ထုတ်ပြန်ပါလိမ့်မည်ဟု အမျိုးသားဒီမိုကရေစီအဖွဲ့ချုပ်ပါတီ ဗဟိုအလုပ်အမှုဆောင် ဦးအုန်းကြိုင်ကပြောကြားသည်။

ယခုတွေ့ဆုံမှုသည် နိုင်ငံတော်သမ္မတနှင့် ဒေါ်အောင်ဆန်းစုကြည်တို့ နှစ်ဦး၏ ဒုတိယအကြိမ်မြောက် သီးသန့်တွေ့ဆုံမှုဖြစ်သည်။
7Day News Journal

ပြည်သူ့လွှတ်တော်ဝက်ဆိုက်လွှင့်တင်

ပြည်သူ့လွှတ်တော်ဝက်ဆိုက်အား pyithuhluttaw.gov.mm လိပ်စာဖြင့်စမ်းသပ်လွှင့်တင်ထားကြောင်းသိရသည်။
ဝက်ဆိုက်ကြည့်ရှုလိုပါက

မြစ်ရေကြီးမှု အခြေအနေသတင်း

(၂၀၁၂ ခုနှစ်၊ သြဂုတ်လ (၁၁)ရက် (၁၃း၀၀)နာရီအချိန် ထုတ်ပြန်ချက်)

င၀န်မြစ်ရေသည် ယနေ့မြန်မာစံတော်ချိန် (၁၂း၃၀)နာရီအချိန် တိုင်းထွာချက်အရ ငါးသိုင်းချောင်းမြို့တွင် (၁၁၉၈)စင်တီမီတာသို့ ရောက်ရှိနေပြီး၊ စိုးရိမ်ရေမှတ်အထက် (၆၈)စင်တီ မီတာ (၂.၂-ပေခန့်) ကျော်လွန်နေပါသည်။ အဆိုပါမြစ်ရေသည် နောက် (၃)ရက်အတွင်း ယင်းမြို့၏ စိုးရိမ်ရေမှတ် (၁၁၃၀)စင်တီမီတာ အထက်တွင် ဆက်လက်တည်ရှိနိုင်ပါသည်။

စစ်တောင်းမြစ်ရေသည် ယနေ့မြန်မာစံတော်ချိန် (၁၂း၃၀)နာရီအချိန် တိုင်းထွာချက်အရ တောင်ငူမြို့တွင် (၆၂၆)စင်တီမီတာသို့ ရောက်ရှိနေပြီး၊ စိုးရိမ်ရေမှတ်အထက် (၂၆)စင်တီမီတာ (၀.၈ -ပေခန့်) ကျော်လွန်နေပါသည်။ အဆိုပါမြစ်ရေသည် ယနေ့မွန်းတည့်မှ နောက် (၃)ရက်အတွင်း ယင်းမြို့၏ စိုးရိမ်ရေမှတ် (၆၀၀)စင်တီမီတာ အထက်တွင် ဆက်လက် တည်ရှိနိုင်ပါသည်။

Source: မိုးလေဝသနှင့် ဇလဗေဒ ညွှန်ကြားမှု ဦးစီးဌာန

OIC အဖွဲ့ကိုမြန်မာနိုင်ငံမှဖိတ်ခေါ်

ရခိုင်ပြည်နယ်က လူမျိုးရေးတင်းမာမှုတွေကို အထူးစိုးရိမ်နေဆဲဖြစ်ပေမဲ့ OIC အစ္စလမ္မစ်နိုင်ငံများအဖွဲ့က စွပ်စွဲသလို လူမျိုးတုန်းသတ်ဖြတ်နေတယ်ဆိုတာ မဟုတ်မမှန်တဲ့အကြောင်း အမေရိကန်ပြည်ထောင်စုက ပြောကြားလိုက်ပါတယ်။

မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေး ကိုယ်စားလှယ် Tomas Quintana ပြီးခဲ့တဲ့ သီတင်းပတ်က ရခိုင်ပြည်နယ်ကို သွားရောက်ချိန်

မှာ အမေရိကန်တာဝန်ရှိပုဂ္ဂိုလ်တွေလည်း လိုက်ပါသွားခဲ့ပါတယ်။ ဘင်္ဂလီရိုဟင်ဂျာတွေကို မြန်မာအစိုးရက တရားမဲ့ လူမျိုတုန်းသတ်ဖြတ် ကျူးလွန်နေတာကို နိုင်ငံတကာကရပ်တန့်သွားအောင် အရေးယူ ဆောင်ရွက်ပေးတာမရှိလို့ စိတ်ပျက်ရတဲ့အကြောင်း OIC အတွင်းရေးမှူးချုပ် Ihsanoglu က ပြောကြားပြီး နာရီပိုင်း အကြာမှာ အမေရိကန်ပြည်ထောင်စုက အဲဒီလို ပြောတာလည်း ဖြစ်ပါတယ်။

ဒီလို ရက်ရက်စက်စက်ကျူးလွန်နေတယ်လို့ စွပ်စွဲခံနေရတဲ့နေရာကို အချက်အလက် ရှာဖွေရေးအဖွဲ့တဖွဲ့ စေလွှတ်ဖို့ ဆွစ်ဇာလန်နိုင်ငံ ဂျီနီဗာမြို့မှာရှိတဲ့ ကုလသမဂ္ဂ အစ္စလမ္မစ်အဖွဲ့က လူ့အခွင့်အရေးကောင်စီကို အရေးတကြီးမေတ္တာရပ်ခံသင့်တယ်လို့လည်း OIC အစ္စလမ္မစ်နိုင်ငံများအဖွဲ့ အတွင်းရေးမှူးချုပ်က အကြံပေးပါတယ်။ ဒါ့အပြင် ဖြစ်ရပ်တွေနဲ့ ပတ်သက်ပြီး အစ္စလမ္မစ် စုံစမ်းရေးကော်မတီတရပ်ဖွဲ့စည်းဖို့လည်း သူက အဆိုပြုပြီး နောက်တကြိမ်ကျင်းပမယ့် ၀န်ကြီးအဆင့်ညီလာခံမှာ အစီရင်ခံစာတစောင် တင်သွင်းသင့်တယ်လိ်ု့ ပြောပါတယ်။

ဒီအတောအတွင်း ၀ါရှင်တန် မြို့တော် မှာ သြဂုတ်လ ၃၁ ရက်က စတင်ကျင်းပမယ့် လေးရက်ကြာ ညီလာခံမှာ ဘင်္ဂလီရိုဟင်ဂျာတွေ ထွက်ပြေးရတဲ့ ကိစ္စဆွေးနွေးမယ်လို့ ISNA- မြောက်အမေရိက အစ္စလမ္မစ် အသင်းက ကြေငြာပါတယ်။

ရခိုင်ပြည်နယ်ကို လာရောက်ကြည့်ရှုဖို့ ကမ္ဘာ့အကြီးဆုံး မူဆလင်အဖွဲ့ဖြစ်တဲ့ OIC အစ္စလာမ် ပူးပေါင်း ဆောင်ရွက်ရေး အဖွဲ့ကို မြန်မာနိုင်ငံက ဖိတ်ခေါ်ထားတယ်လို့နောက်ဆုံးသိရှိရပါတယ်။

ရုပ်ရှင်ပိတ်ကားပေါ်က နိုင်ငံတော်အလံ

"ရုပ်ရှင်ပိတ်ကားပေါ်မှာ နိုင်ငံတော် အလံကို လွှင့်ထူပြသနေတဲ့ အခါ ထိုင်နေတယ် ဆိုရင် ရှက်ဖို့ အလွန်ကောင်းမှာ ဖြစ်ကြောင်း မြန်မာနိုင်ငံ ရုပ်ရှင် အစည်းအရုံး ဥက္ကဋ္ဌ ပြောကြား"

မြန်မာရုပ်ရှင်ကြည့် ပရိသတ်များ ရုပ်ရှင်ရုံများကို လာရောက်ပြီး ရုပ်ရှင် ဇာတ်ကားများ ကြည့်ရှုကြတဲ့ အခါ ရုပ်ရှင်ဇာတ်ကား မပြသေးခင် ရုပ်ရှင် ပိတ်ကားပေါ်မှာ နိုင်ငံတော် အလံ လွှင့်ထူပြသတဲ့အခါ ထိုင်နေတယ် ဆိုရင် ရှက်ဖို့ အလွန်ကောင်းမှာဖြစ်ကြောင်း

မြန်မာနိုင်ငံ ရုပ်ရှင်အစည်းအရုံး ဥက္ကဋ္ဌ ဦးဇင်ဝိုင်းကပြောပါတယ်။
”ကိုယ့်ရဲ့နိုင်ငံတော် အလံကို လွှင့်ထူနေတဲ့ အချိန်မှာ ထိုင်နေတယ်ဆိုရင် ရှက်ဖို့ အလွန် ကောင်းပါတယ်။ ကိုယ့်နိုင်ငံတော်အလံကို တစ်မိနစ်လောက် လွှင့်ထူတာကို ထပြီးတော့ အလေးမပြုချင်တဲ့ နိုင်ငံသားတွေနေတဲ့ နိုင်ငံတစ်နိုင်ငံဟာ တိုးတက် ထွန်းကားတဲ့နိုင်ငံ တစ်နိုင်ငံဖြစ်လာဖို့ ဆိုတာ အလှမ်းဝေးနေပါလိမ့်မယ်” လို့ မြန်မာနိုင်ငံ ရုပ်ရှင် အစည်းအရုံး ဥက္ကဋ္ဌ ဦးဇင်ဝိုင်းကပြောပါတယ်။ နိုင်ငံတော်အလံကို ရိုသေစွာ အလေးပြုဖို့အတွက် စာတန်းများ၊ နောက်ခံ စကားပြောများနဲ့ အသိပေးပြောကြား တာတွေ ရှိနေတဲ့ အပေါ်ကိုလည်း ”အဲဒါတွေက လူတွေကို ပညာပေးသဘောမျိုးပါပဲ။ ကိုယ့်နိုင်ငံတော် အလံကို လေးစားရ ကောင်းမှန်းသိအောင်၊ အလေးပြု ဖို့ ကောင်းရမှန်း သိအောင် လုပ်ဆောင် ပညာပေးနေ ကြရတာပါပဲ။ ဒီလိုမှ မရဘူး ဆိုရင်တော့ အရေးယူဖို့ အဆင့်တွေ ဘာတွေဖြစ်လာမှာပါ”လို့ မြန်မာနိုင်ငံ ရုပ်ရှင်အစည်းအရုံး ဥက္ကဋ္ဌ ဦး ဇင်ဝိုင်းက ပြောပြပါတယ်။ ဇူလိုင် ၁၂ ရက်နေ့က ကျင်းပ ပြုလုပ်ခဲ့တဲ့ အမျိုးသား လွှတ်တော် အစည်းအဝေး မှာလည်း ရုပ်ရှင်ရုံများ ရုပ်ရှင်ပြသခြင်း မပြုမီ နိုင်ငံတော် အလံကို ပြသရာမှာ ရုပ်ရှင်ကြည့် ပရိသတ်များ အနေနဲ့ နိုင်ငံတော် အလံကို အလေးပြုခြင်း အစဉ်အလာ အားနည်းနေခြင်းနဲ့ ပတ်သက်ပြီး ဆွေးနွေးခဲ့ပြီး ဖြစ်သလို နိုင် ငံတော် အလံကို အလေးပြု၊ ဂါရဝပြုရန် အတွက် မလိုက်နာပါက ပြစ်မှု ဆိုင်ရာ ဥပေဒပုဒ်မများနဲ့ အညီ အရေးယူ ခံရ နိုင်ကြောင်း သိရှိရပါတယ်။

ထက်လူလူ

ပေါ်ပြူလာဂျာနယ်

မြန်မာနိုင်ငံသတင်းစာဆရာအသင်း နိုင်ငံလုံးဆိုင်ရာ ညီလာခံမှ ဗဟိုအလုပ်အမှုဆောင်ကော်မတီဝင် ၂၁ ဦးအား ရွေးချယ်

ယနေ့ကျင်းပလျက်ရှိသည့် မြန်မာနိုင်ငံသတင်းစာဆရာအသင်း နိုင်ငံလုံးဆိုင်ရာ ညီလာခံမှ ဗဟိုအလုပ်အမှုဆောင်ကော်မတီဝင် ၂၁ ဦးအား ရွေးချယ်ခဲ့ပြီး အဆိုပါ ၂၁ ဦး အနက်မှ ဥက္ကဌ ဒုဥက္ကဌများနှင့် အခြားတာဝန်ရှိပုဂ္ဂိုလ်များကို ဆက်လက်ရွေးချယ်တင်မြှောက်ခဲ့သည်။

ရွေးကောက်တင်မြှောက်ခံရသူများမှာ
 

(၁ )ဥက္ကဌ-ဦးစိုးသိန်း(မောင်ဝံသ)
(၂ )ဒုဥက္ကဌ-၁ ဦးကိုကို(ကိုကို စက်မှုတက္ကသိုလ်)
(၃ )ဒုဥက္ကဌ-၂ ဦးသီဟစော
(၄ )ဒုဥက္ကဌ-၃ ဦးဝင်းငြိမ်း
(၅ )အတွင်းရေးမှူး-ဦးဖိုး

(၆ )နိုင်လင်း
(၇ )တွဲဖက်အတွင်းရေးမှူး-၁ ဒေါက်တာမျိုးမင်းထိုက်
(၈ )တွဲဖက်အတွင်းရေးမှူး-၂ ဦးကျော်စွာမင်း
(၉)တွဲဖက်အတွင်းရေးမှူး-၃ ဒေါ်မေသင်္ကြန်ဟိန်
(၁၀)ဘဏ္ဍာရေးမှူး-ဒေါ်ဆင့်ဆင့်အောင်
(၁၁)စာရင်းစစ်-ဦးအောင်သူမြိုင်
(၁၂)ပြန်ကြားရေးမှူး-ဦးမြတ်ခိုင်
(၁၃)နိုင်ငံတကာ ဆက်ဆံရေးမှူး- ဦးအောင်လှထွန်း 

တို့ဖြစ်ကြသည်။

7 Day News Journal (သြဂုတ် ၁၁)

AGD ၏ညောင်ရွှေဘဏ်ခွဲတွင်ငွေလဲကောင်တာစတင်ဖွင့်လှစ်မည်

                                                   ညောင်ရွှေ ရှိအာရှစိမ်းလန်းမှုဖွံ့ဖြိုးရေးဘဏ်ခွဲ


အာရှစိမ်းလန်းမှုဖွံ့ဖြိုးရေးဘဏ်၏ ညောင်ရွှေဘဏ်ခွဲတွင် နိုင်ငံခြားငွေလဲကောင်တာ (Money Changer) ကို ၁၃-၈-၂၀၁၂ ရက်နေ့မှ  စတင်ပြီး ဖွင့်လှစ်မည်ဖြစ်ပြီး၊ မည်သူမဆို အမေရိကန်ဒေါ်လာ တစ်သောင်းနှင့်ညီမျှသော နိုင်ငံခြားငွေကို မည်သည့်စာရွက်စာတမ်းမှ မလိုအပ်ဘဲ လွတ်လပ်စွာ လဲလှယ်နိုင်မည်ဖြစ်ကြောင်းကိုယင်းဘဏ်ရဲ့ ဖေ့ဘုတ်စာမျက်နှာမှာဖော်ပြထား ပါတယ်။ နိုင်ငံခြားငွေလဲနှုန်းထားများမှာ ဗဟိုဘဏ်မှ သတ်မှတ်ပေးသော Reference Rate ပေါ်တွင် သတ်မှတ်စည်းကမ်းအတိုင်း တွက်ချက်ထားသော နှုန်းထားဖြစ်ပြီး၊ ရန်ကုန်မြို့ရှိ အာရှစိမ်းလန်းမှုဖွံ့ဖြိုးရေးဘဏ်၏ ငွေလဲကောင်တာများမှ နှုန်းထားနှင့် အတူတူပင်ဖြစ်ကြောင်းနဲ့ ရန်ကုန်၊ မန္တလေး၊ မော်လမြိုင်နှင့် ညောင်ရွှေမြို့များတွင် နိုင်ငံခြားငွေလဲကောင်တာ (၇)ခုကို ဖွင့်လှစ်လုပ်ကိုင်လျက်ရှိကြောင်းသိရပါတယ်။

လယ်သိမ်းခံ တောင်သူများ၏ ငြိမ်းချမ်းစွာ စုဝေး လှည့်လည်ခွင့် လျှောက်ထားမှု ဒုတိယအကြိမ် ငြင်းပယ်ခံရ

မုံရွာ၊သြဂုတ် ၁၁
သတ္တုတွင်း ၀န်ကြီးဌာန နှင့် မြန်မာ့ စီးပွားရေး ဦးပိုင် လီမိတက် တို့၏ အကျိုးစီးပွားများ ပါဝင်နေသော လက်ပန်းတောင်းတောင် ကြေးနီ စီမံကိန်း အနီးမှ လယ်သိမ်းခံ တောင်သူများ၏မုံရွာမြို့တွင် ငြိမ်းချမ်းစွာ စုဝေးခွင့် လျှောက်ထားခြင်းအား ဒုတိယအကြိမ်တွင်လည်း ငြင်းပယ်ခြင်း ခံခဲ့ရကြောင်း လယ်ဧက များစွာ သိမ်းဆည်း ခံခဲ့ရသည့် ၀က်မှေးရွာခံ တစ်ဦးက ပြောကြားသည်။

ဒုတိယအကြိမ်နေဖြင့် ငြိမ်းချမ်းစွာ စုဝေးခွင့်အား မုံရွာမြို့ အမှတ်(၁) ရဲစခန်းနှင့် ဆားလင်းကြီးမြို့နယ် ရဲစခန်းများသို့ သြဂုတ်လ ၇ ရက်နေ့မှ စတင်၍ ၁၀ရက်နေ့ အထိ ၅ ရက် ဆက်တိုက် စာတင်ခဲ့ပြီး ငြင်းပယ်သည့်စာမှာ ယနေ့ သြဂုတ်လ ၁၁ ရက်နေ့တွင် ပြန်လည် ရောက်ရှိလာကြောင်း ငြိမ်းချမ်းစွာ စုဝေး လှည့်လည်ခွင့် လျှောက်ထားမှုတွင် ဦးဆောင်သူ တစ်ဦးကပြောကြားသည်။မုံရွာမြို့ရဲတပ်ဖွဲ့မှူးက ပြန်ကြားသောစာတွင် လျှောက်ထားသူများ၏ အခင်းဖြစ်ရာနေရာသည် မုံရွာခရိုင် ဆားလင်းကြီးမြို့နယ် လက်ပန်းတောင်း ကြေးနီ စီမံကိန်း ဖြစ်ပြီး ၄င်းနေရာတွင်သာ မိမိတို့၏ လိုလားချက်နှင့် ဆန္ဒကို ဖော်ထုတ် တောင်းဆို၍ စီမံကိန်း တာဝန်ရှိသူများနှင့် ညှိနှိုင်း ဖြေရှင်းသင့်ပါသည်။ မုံရွာမြို့သို့ လာရောက် ဆန္ဒပြလိုခြင်းသည် ဥပဒေပုဒ်မ (၃)ခ ပါ ရည်ရွယ်ချက် နှင့်အညီ သဘောရိုးသားမှု မရှိသဖြင့်၊ ဆီလျော် သက်ဆိုင်မှု မရှိခြင်း မုံရွာမြို့နေ ပြည်သူလူထု၏ အကျိုးစီးပွားနှင့် လူထုအတွက် စိတ် အနှောက်အယှက် ဖြစ်ပေါ်လာနိုင်ခြင်း ပြဿနာနှင့် မသက်ဆိုင် သောမုံရွာမြို့၏ တည်ငြိမ် အေးချမ်းမှု တရားဥပဒေ စိုးမိုးမှုနှင့် ပြည်သူတို့၏ အကျိုးစီးပွား အလို့ငှာ နည်းဥပဒေ ပုဒ်မ (၁၆)အရ ငြင်းပယ်သည်ဟု ဖော်ပြထားကြောင်း ၀က်မှေး ရွာခံတစ်ဦးက ပြောပြသည်။

voa

သြဂုတ်လ (၁၁)ရက်နေ့  RFA မနက်ပိုင်းအသံလွှင့်အစီအစဉ်

သြဂုတ်လ (၁၁)ရက်နေ့  RFA မနက်ပိုင်းအသံလွှင့်အစီအစဉ်

လူ့အခွင့်အရေး ကိုယ်စားလှယ် ကင်တားနားနေရာကို လူစားထိုးပေးဖို့ နိုင်ငံရေးပါတီ ၂၄ခုတောင်းဆို

သြဂုတ် ၁၀
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူးကိုယ်စားလှယ် မစ္စတာ သောမတ်အိုဟေး ကင်တားနားရဲ့ နေရာကို အခြား သူတစ်ဦးနဲ့ အစားထိုးပေးဖို့ နိုင်ငံရေးပါတီ ၂၄ ခု ခေါင်းဆောင်တွေက ကုလသမဂ္ဂဒုတိယ အတွင်း ရေးမှုး ချုပ် မစ္စတာ ဗီဂျေးနမ်ဘီယားရဲ့ နိုင်ငံရေးအကြံပေး Mrs. Marianne Hagen နဲ့ဒီကနေ့ တွေ့ဆုံစဉ်
တိုက်တွန်း ပြောကြားလိုက်ပါတယ်။ို ရခိုင်အရေးနဲ့ ပက်သက်ပြီး မစ္စတာ ကင်တားနားရဲ့ပြောဆိုချက်တွေဟာ မျှတမှုမရှိတဲ့အတွက်အခုလိုတိုက်တွန်း ပြောဆိုခဲ့ကြတာ ဖြစ်တယ်လို့ တွေ့ဆုံပွဲကို တက်ရောက်ခဲ့တဲ့ ဒီမိုကရက်တစ်ပါတီ(မြန်မာ)ရဲ့ အထွေထွေ အတွင်းရေးမှုး ဒေါ်သန်းသန်းနုက RFA ကိုပြောပါတယ်။ မရမ်းကုန်းမြို့နယ်မှာရှိတဲ့ Myanmar Egress ရုံးမှာ ကျင်းပခဲ့တဲ့ အဲဒီ တွေ့ဆုံပွဲမှာတိုင်းရင်းသားညီလာခံ ခေါ်ယူရေးကိစ္စ၊ပီပြင်တဲ့ ပြည်ထောင်စုစနစ် ပေါ်ပေါက်ရေးကိစ္စနဲ့ ဘိန်းစိုက် ပျိုးမှုလျော့ကျရေး ကိစ္စတွေကိုလည်း ဆွေးနွေးခဲ့တြယ်လို့ သိရပါတယ်။ မစ္စတာ ဗီဂျေးနမ်ဘီယားရဲ့ နိုင်ငံရေးအကြံပေး Mrs. Marianne Hagen ရဲ့နိုင်ငံရေးပါတီ ခေါင်းဆောင်တွေရဲ့ တင်ပြချက်တွေကို ကုလသမဂ္ဂ အထက်အရာရှိတွေထံ ပြန်လည်အစီရင်ခံမယ်လို့ ပြောကြားခဲ့တယ်လို့ သိရပါတယ်။

Daw Aung San Suu Kyi meet with Ms. NOOYI

အမြုတေစာနယ်ဇင်းကောင်စီနှင့်ပတ်သက်သည့် Eleven Media Group ၏ သဘောထား

၁။         စာနယ်ဇင်းအမြုတေကောင်စီတွင် ပါဝင်သောသူများနှင့် ပတ်သက်ပြီး အောက်ပါအချက်များကို သဘောမတူပါ။
(က) ဦးဆောင်မည့် ဥက္ကဋ္ဌနှင့် ဒုဥက္ကဋ္ဌတို့သည် စာနယ်ဇင်းလုပ်ငန်းများနှင့် ဂျာနယ်လစ်များ၏ အရေးအရာ ကိစ္စများကို နားလည်ကျွမ်းကျင်သူများ မဟုတ်ပါ။ မြန်မာနိုင်ငံ၏ တရားစီရင်ရေး စနစ်သည် လည်းကောင်း၊ တရားသူကြီးများ၏ ကိုယ်ကျင့်တရားနှင့် ဂုဏ်သိက္ခာပိုင်းသည် လည်းကောင်း၊ ယုံကြည်လက်ခံနိုင်မှုနှင့် ပတ်သက်၍ အများပြည်သူကြား မေးခွန်းထုတ်စရာများ ရှိနေသည်မှာ အထင်အရှားဖြစ်ပါသည်။ ၎င်းအခြေအနေမျိုးတွင် အငြိမ်းစားတရားသူကြီး တစ်ဦးအား စတုတ္ထမဏ္ဍိုင်အား ထိန်းကွပ်ပေးမည့် ဦးဆောင်နေရာတွင် ထားခြင်းမှာ လုံးဝမလုပ်ဆောင်သင့်သော အရာဟု Eleven Media Group မှ ရှုမြင်ပါသည်------

သတင်းအပြည့်အစုံဖတ်ရန်

ကျောက်တော်၊ မင်းပြား၊ မြောက်ဦး မြို့များကို ဗုဒ္ဓဟူးနေ့မှ စ၍ ညမထွက်ရ ကာဖျူးအမိန့် ထုတ်ပြန်

ရခိုင်ပြည်နယ်၊  ကျောက်တော်၊ မင်းပြား၊ မြောက်ဦး မြို့များကို ဗုဒ္ဓဟူးနေ့မှ စ၍ ညမထွက်ရ ကာဖျူးအမိန့် ထုတ်ပြန်ထားသည်ဟု ကျောက်တော် အုပ်ချုပ်ရေးမှူးရုံး ဝန်ထမ်းတဦးက မဇ္ဈိမကို ပြောသည်။
အဆိုပါအမိန့်အရ ကျောက်တော်မြို့နယ်တွင် ည ၇ နာရီမှ နံနက် ၅ နာရီထိ၊ မင်းပြားနှင့် မြောက်ဦးမြို့နယ်များတွင် ည ၁ဝ နာရီမှ နံနက် ၄ နာရီအထိ အိမ်ပြင်မထွက်ရန် တားမြစ်ထားသည်ဟုလည်း အဆိုပါဝန်ထမ်းက ပြောသည်။
“ကျောက်တော်မှာရော ကျောက်တော် အပိုင် ရွာတွေမှာပါ ဒီအမိန့်က အကြုံးဝင်တယ်လို့ ကျောက်တော် အုပ်ချုပ်ရေးမှူးရုံးမှာ စာကပ်ထားပါတယ်။ ကျနော်တို့ကတော့ မီးလောင် ဖျက်ဆီးခံရတဲ့ ဂုတ်ပီထောင့် ရွာကို စားနပ်ရိက္ခာ၊ ဆေးနဲ့ ငွေတွေ သွားကူဖို့ စီစဉ်ထားပါတယ်” ဟု ကျောက်တော် ရခိုင်အမျိုးသား ပရဟိတ အဖွဲ့မှ အတွင်းရေးမှူး ကိုမြတ်လှ က မဇ္ဈိမကို ပြောသည်။
ကာဖျူးအမိန့် ထုတ်ပြန်ရခြင်းနှင့်ပတ်သက်၍ သြဂုတ်လ ၄ ရက်နေ့နှင့် ၅ ရက်နေ့များတွင် ကျောက်တော်မြို့နှင့် ငါးမိုင်ခန့်အကွာရှိ ဂုတ်ပီထောင့် ကျေးရွာတွင် အိမ်ခြေ ၁ဝဝ ကျော် မီးရှို့ခံခဲ့ရပြီး လူ ခုနှစ်ဦး သေဆုံးသည့် ဖြစ်ရပ်
နှင့် ကျောက်တော်နှင့် ၇၉ မိုင်ခန့်ဝေးသည့် ရွာ ငါးရွာတွင် လူနေအိမ်များ မီးရှို့ခံခဲ့ရခြင်းတို့ကြောင့် ဖြစ်နိုင်သည်ဟု ယူဆကြောင်း လေးဝတီ ရခိုင်ငြိမ်းချမ်းရေး ကွန်ယက်မှ အဖွဲ့ဝင်အချို့က ယူဆကြသည်။
ရခိုင်ဒေသတွင်း ဖြစ်ပေါ်ခဲ့သော ပဋိပက္ခများ၊ အကြမ်းဖက်မှုများကြောင့် စစ်တွေ၊ ဘူးသီးတောင်၊ မောင်တော၊
ကျောက်ဖြူ၊ ရမ်းဗြဲ၊ သံတွဲ စသည့် မြို့နယ်များကို ဇွန်လ ၈ ရက်နေ့မှစတင်၍ ညမထွက်ရအမိန့် ပုဒ်မ ၁၄၄ ထုတ်ပြန်ခဲ့သည်။ ထို့နောက် ဇွန် လ ၁ဝ ရက်နေ့မှစ၍ ရခိုင်ပြည်နယ် တခုလုံးကို သမ္မတ ဦးသိန်းစိန် က အရေးပေါ် အခြေအနေ ကြေညာထားသည်။
အေးကျော့ခိုင် |
ရန်ကုန် (မဇ္ဈိမ)

၂ဝ၁၃ အမှီ ၅ဝဝဝတန်ဖုန်းထွက်ရှိရေး ရွှေပြည်တံခွန်က တင်ဒါဝင်ပြိုင်မည်

၅ဝဝဝတန်ဖုန်းထုတ်လုပ်မည်ပာု သတင်းထုတ်ပြန်ထားသော ရွှေပြည်တံခွန်ကုမ္ပဏီက ဆင်းကဒ်ထုတ်လုပ်ခွင့်ရရှိရေးအတွက်   မြန်မာဆက်သွယ်ရေးမှ ခေါ်ယူမည့် ဖုန်းထုတ်လုပ်ခွင့် နိုင်ငံတကာ တင်ဒါခေါ်ယူခြင်းအား ဝင်ရောက်ယှဉ်ပြိုင်မည်ဖြစ်ကြောင်း သိရသည်။

 လက်ရှိအချိန်တွင် တင်ဒါစည်းမျဉ်း စည်းကမ်းများအား လေ့လာလျှက်ရှိကြောင်းထိုတင်ဒါ အောင်မြင်မှုနှင့်  ခေါ်ယူချိန် အပေါ်မူတည်၍ ၅ဝဝဝတန်ဖုန်းထွက်ရှိလာမည်ဖြစ်ကြောင်း ရွှေပြည်တံခွန်ကုမ္ပဏီပြောရေးဆိုခွင့်ရှိသူ ဦးလွင်နိုင်ဦးကပြောသည်။

 “၅ဝဝဝတန်ဖုန်းထွက်ရှိဖို့ ထွက်ရှိဖို့ ကျွန်တော်တို့ တင်ဒါဝင်ပြိုင်မှာပါ။ ဒီပုံစံအတိုင်း သွားမယ်ဆို ၂ဝ၁၃အမှီ ၅ဝဝဝတန်ဖုန်း ထွက်လာနိုင်ပါတယ်။”ဟု ဦးလွင်နိုင်ဦးက ဆက်လက်ပြောသည်။

 အဆိုပါတင်ဒါခေါ်ယူမှုနှင့် ပတ်သက်ပြီး နိုင်ငံတကာအတိုင်ပင်ခံအဖွဲ့ များခေါ်ယူပြီးမှသာ တင်ဒါခေါ်ယူ နိုင်မည်ဖြစ်ကြောင်း   မြန်မာ့ဆက်သွယ်ရေးမှ တာဝန်ရှိသူတစ်ဦး၏ဇူလိုင်လ နောက်ဆုံးအပတ်က  မြစ်မခသို့ ပြောကြားမှုအရ သိရှိရသည်။

 သို့ သော် နိုင်ငံတကာ အကာအတိုင်ပင်ခံခေါ်ယူမှုအား သြဂုတ်(၁)ရက်နေ့တွင် အတိုင်ပင်ခံ ပုဂ္ဂိလ်များ အဖွဲ့ခေါ် ယူမည်ပာုသိရသော်လည်း လက်ရှိအချိန်အထိ အတိုင်ပင်ခံစာရင်းအား ကြေညာခြင်း မရှိသေးကြောင်းကိုလည်း သိရသည်။

 အဆိုပါရွှေပြည်တံခွန်ကုမ္ပဏီအနေဖြင့် ၅ဝဝဝတန်ဖုန်းထုတ်လုပ်ရန်နည်းပညာမှာ အသင့်ရှိနေပြီး မြန်မာ့ဆက်သွယ်ရေးမှ ခွင်ပြု မိန့်ကျရန်လိုအပ်သဖြင့်  နိုင်ငံတကာတင်ဒါ ဝင်ရောက်ယဉ်ပြိုင် ရခြင်းဖြစ်ကြောင်းသိရသည်။

 ''ကျွန်တော်တို့အနေနဲ့ ဒီတင်ဒါမှာအောင်မြင်သွားရန် မြန်မာ့ ဆက်သွယ်ရေးနဲ့ ပူးပေါင်းပြီးသား ဖြစ်မှာပါ''ပာု ရွှေပြည်တံခွန်က တာဝန်ရှိသူက ဆက်ပြောသည်။

မြန်မာဆက်သွယ်ရေးအနေဖြင့်  ဇန်နဝါရီလအတွင်းက ၅ဝဝဝတန်ဖုန်းထုတ်လုပ်မည့်စီမံကိန်းအား နည်းပညာအရ အချိန်များစွာယူရဦးမည်နှင့် ဥပဒေကြောင်းအရ ကိုက်ညီမှုမရှိသည့်အတွက် ၅ဝဝဝ တန်ဖုန်း ကိစ္စမှာ လောလောဆယ်တွင် မဖြစ်နိုင်သေးကြောင်း ကြေညာခဲ့ သည်။

 အဆိုပါ ၅ဝဝဝတန်ဖုန်း ထုတ်လုပ်ရန်ကိစ္စနှင့် ပတ်သက်၍ လူမှုအဖွဲ့ အစည်းအချို့ ဦးဆောင်မှုဖြင့်  လူထုလက်မှတ်များဖြစ် သမ္မတထံမှ ဆင်းကဒ်ထုတ်လုပ်ရန်တောင် ဝိုင်းဝန်းတောင်းဆို ခဲ့ကြောင်း ကိုလည်း သိရှိရသည်။

 မြန်မာနိုင်ငံတွင် ၁၈၈၄ခုနှစ်မှစတင်၍ တယ်လီဖုန်းဝန်ဆောင်မှုများ စတင်အသုံးပြုခဲ့ ရာ အိတ်ချိန်း ဌာန ၈၈၇ခု ၊အော်တိုနှင့် လက်သုံးဖုန်းလိုင်းအင်အား ၇၃၄၂၁၉ လိုင်း၊ မိုက်ခရိုဝေ့စခန်း ၂၂၉ခု၊ မိုက်ခရိုဝေ့လိုင်းစက်ကြောင်း ၁ဝ၆ခု ၊မိုက်ခရိုဝေ့ခယ်နယ်ပေါင်း ၅ဝ၂၂ဝ ရှိခဲပြီးဂြုလ်တုဆက်သွယ် ရေးမြေပြင်စခန်း ၂ခုနှင့်  ဂြုလ်တုဆက်သွယ်ရေးချယ်နယ် ၆ဝ၃ခုနှင့် အပြည်ပြည်ဆိုင်ရာ ဆက်သွယ်မှုချယ်နယ် ၁၇၆၄ ခုအား တပ်ဆင်ပေးခဲ့ပြီး ယခုတင်ဒါခေါ်ယူပြီးပါက ပုဂ္ဂလိကနှင့် ပူးပေါင်းလုပ်ကိုင်ခွင့်ရရမည် ဖြစ်သည်။

စောဇင်ညီ(မြစ်မခ)
by Myit Makha Mediagroup 

ရန်ကုန်တိုင်းဒေသကြီးအတွင်းအကြမ်းဖက်မှုကျူးလွန်နေသည့်ဂိုဏ်းတစ်ဂိုဏ်းမိပြီ

ရန်ကုန်တိုင်း ဒေသကြီးအတွင်း လှည့်လည်ကာ အကြမ်းဖက် လုယက်မှုများ ကျူးလွန်နေသည့်  ဂိုဏ်းတစ်ဂိုဏ်းကို ရဲအထူး တပ်ဖွဲ့ဝင်များနှင့်  မြို့နယ်ရဲစခန်းမှ တပ်ဖွဲ့ဝင်များမှ ဇူလိုင်၂၀ရက်တွင် ဖမ်းဆီးမိခဲ့ကြောင်း သိရသည်။

ယင်းကဲ့သို့အကြမ်းဖက် အနုကြမ်းစီးသည့် ကိစ္စများတွင် ဂိုဏ်းခေါင်းဆောင်ဟု ဆိုသူမှာ မင်းမင်း (ခ) ဇော်မင်းသိန်း ဆိုသူဖြစ်ပြီး---

သစ်ထူးလွင်

သတင်းအပြည့်အစုံဖတ်ရန်

Voice ဂျာနယ်ကို စွဲဆိုထားသော အမှုအား လာမည့် ၂၃ ရက်နေ့ ရုံးချိန်းတွင် စွဲချက် တင်သင့် ၊မတင်သင့်ကို ကြားနာ စစ်ဆေးမည်

ရန်ကုန်၊ သြဂုတ် ၉
သတ္တုတွင်း ဝန်ကြီးဌာနက Voice ဂျာနယ်ကို စွဲဆိုထားသော အမှုအား လာမည့် ၂၃ ရက်နေ့ ရုံးချိန်းတွင် စွဲချက် တင်သင့် ၊မတင်သင့်ကို ကြားနာ စစ်ဆေးမည် ဖြစ်ကြောင်း ဒဂုံမြို့နယ် တရားသူကြီး ဒေါ်ခင်သန့်ဇင်က ယနေ့ ရုံးချိန်းတွင် ဒဂုံမြို့နယ် တရားရုံး၌ ပြောကြားသည်။

"စွဲဆိုထားတဲ့ ပုဒ်မနဲ့ ကိုက်ညီမှုရှိ၊ မရှိကို စစ်ဆေးမှာပါ။စွဲချက် မတင်ရင် အမှုက လွတ်မယ်။စွဲချက် တင်ရင်တော့ အမှုကို ဆက်လက် ရင်ဆိုင်ရအုံးမှာပါ။''ဟု Voice ဂျာနယ်ဘက်မှ လိုက်ပါ ဆောင်ရွက် နေသည့် တရားလွှတ်တော် ရှေ့နေ ဦးဝင်းရွှေက မီဒီယာများ၏ မေးမြန်းမှုကို ပြန်လည်ဖြေ ကြားသည်။

"အခု အချိန်မှာတော့ စွဲချက်တင်မယ်၊မတင်ဘူး ဆိုတာပြောလို့ မရသေးဘူး။အစ်မတို့ဘက်ကတော့ စွဲချက် မတင်အောင် အကောင်းဆုံး လျှောက်လဲချက် ပေးမှာပဲ။သူတို့ဘက်ကလည်း စွဲချက် တင်နိုင်အောင် ကြိုးစားကြမှာဘဲ " ဟု အထက်တန်း ရှေ့နေ ဒေါ်ခိုင်စန္ဒာက ပြောကြားသည်။

တရားရုံး အနေဖြင့် ယခုကဲ့သို့ ရုံးချိန်းများစွာ ခေါ်ယူ၍ အမှုကို ကြားနာ စစ်ဆေး နေသောကြောင့် စွဲချက် တင်မည်ဟု ယူဆရကြောင်း၊စွဲချက် မတင်လိုပါက ကြားနာ စစ်ဆေးမှုများကို အချိန်ကြာမြင့်စွာ လုပ်ရန် မလိုကြောင်း Voice ဂျာနယ်၏ အယ်ဒီတာချုပ်က ပြည်တွင်း စာနယ်ဇင်း သမားများ၏ မေးမြန်းမှုကို ပြန်လည် ဖြေကြားသည်။

ယနေ့ သြဂုတ်လ (၉) ရက်နေ့ ရုံးချိန်းသည် သတ္တုတွင်း ဝန်ကြီးဌာနက Voice ဂျာနယ်ကို တရားစွဲဆိုမှု အတွက် (၁၁)ကြိမ်မြောက် ရုံးချိန်းဖြစ်ပြီး တရားလို ပြသက်သေ ဦးအောင်ကိုကို(မန်နေဂျာ၊ မြန်မာ့ စီးပွားရေး ဘဏ်ခွဲ ၃ )ကို ဒဂုံမြို့နယ် တရားသူကြီး ဒေါ်ခင်သန့်ဇင်က ဒဂုံမြို့နယ် တရားရုံးတွင် ကြားနာ စစ်ဆေးကာ (၁၂)ကြိမ်မြောက် ရုံးချိန်းကို သြဂုတ်လ (၂၃)ရက်နေ့တွင် ကြားနာ စစ်ဆေးမည် ဖြစ်သည်။

ပြည်သူ့လွှတ်တော် တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ၏ ပထမဆုံး အစည်းအဝေး

ပြည်သူ့လွှတ်တော် တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ၏ ပထမဆုံး အစည်းအဝေးကို ပြည်သူ့လွှတ်တော်ကော်မတီ ရေးရာဆောင် I-12 တွင် ယနေ့ နံနက်ပိုင်းက ကျင်းပခဲ့ပြီး ကော်မတီဥက္ကဌ ဒေါ်အောင်ဆန်းစုကြည် တက်ရောက်ခဲ့ပါသည်။ အဆိုပါ အစည်းအဝေး တွင် ဒေါ်အောင်ဆန်းစုကြည် က ကော်မတီတွင် ပါဝင်သော အဖွဲ့ဝင်များထံမှ တရားဥပဒေစိုးမိုးရေးအပေါ် တစ်ဦးချင်းအမြင်များကို တောင်ခံခဲ့ကြောင်း သိရှိရပါသည်။

EMG

တရားရေးအရာရှိများ ကာကွယ်သည့် ဥပဒေကို ရုပ်သိမ်းရန် အဆိုကို မဲခွဲ ဆုံးဖြတ်ခဲ့ရာ ရှုံးနိမ့်

ရန်ကုန်၊ သြဂုတ် ၉
ယနေ့ကျင်းပသော ပြည်သူ့လွှတ်တော် အစည်းအဝေး ၂၃ ရက် မြောက်နေ့တွင် သင်္ဃန်းကျွန်း မြို့ နယ် ပြည်သူ့လွှတ်တော် ကိုယ်စားလှယ် ဦးသိန်းညွှန့်  အဆို တင်သွင်းထားခဲ့သော တရားရေးအရာရှိများ ကာကွယ်သည့် ဥပဒေကို ရုပ်သိမ်းရန် အဆိုကို မဲခွဲ ဆုံးဖြတ်ခဲ့ရာ ရှုံးနိမ့်ခဲ့ရသည်။

၁၈၅၀ ပြည့်နှစ်တွင် ထုတ်ပြန်ခဲ့သော အဆိုပါ ဥပဒေမှာ နှစ်ပေါင်း ၁၆၀ ကျော် ကြာမြင့်ခဲ့သည့် အပြင် ဖွဲ့စည်းပုံ အခြေခံ ဥပဒေပါ နိုင်ငံသားများ၏ တန်းတူ အခွင့်အရေးထက် ကျော်လွန် အကာကွယ်ပေးထားကြောင်း၊ အကျင့်ပျက် ခြစားမှုများ ဖြစ်ပေါ်နေသော တရား စီရင်ရေး လမ်းကြောင်းကို ထိန်းကျောင်းနိုင်ရန် အတွက် အဆိုပါ ဥပဒေကို ရုပ်သိမ်းရန် လိုအပ်လျက် ရှိပါကြောင်း ဦးသိန်းညွှန့်က ဆွေးနွေးခဲ့သည်။

ယင်းအဆိုကို ဥပဒေရေးရာနှင့် အထူးကိစ္စရပ်များ လေ့လာ ဆန်းစစ်ရေး ကော်မရှင်က ပြန်လည် ဆွေးနွေးခဲ့ရာတွင် တရားရေး အရာရှိများအား ကာကွယ်ပေးသည့် ဥပဒေမှာ တရားသူကြီးများ၏ အဂတိ လိုက်စားမှုကို အကာအကွယ်ပေးထားခြင်း မရှိပါကြောင်း၊ တရားစီရင်ရေး တာဝန်ကို ဆောင်ရွက်ရာတွင် သဘောရိုးဖြင့် ဆောင်ရွက်ခြင်းများကို တရားမမှုဖြင့် စွဲဆိုခြင်းမှ ကင်းလွတ်စေရန် အကာအကွယ်ပေးထားခြင်းသာဖြစ်ပြီး အဂတိ လိုက်စားမှုနှင့် မတော် မတရားမှုများကို အရေးယူရန် ပိတ်ပင် ထားခြင်း မရှိပါကြောင်း အမရပူရမြို့ နယ် ပြည်သူ့လွှတ်တော် ကိုယ်စားလှယ် ဦးသိန်းထွန်းဦးက ဆွေးနွေး ခဲ့သည်။

သင်္ဃန်းကျွန်းမြို့ နယ် ပြည်သူ့လွှတ်တော် ကိုယ်စားလှယ် ဦးသိန်းညွှန့်က ပြန်လည် ဆွေးနွေးခဲ့ရာတွင် သဘောရိုးဖြင့် ဆောင်ရွက်ခြင်း ရှိမရှိ ဆိုသည်မှာ တရားရုံး၌ စစ်ဆေးခံရာ၌ ပေါ်ပေါက်သွားမည့် ကိစ္စရပ် ဖြစ်ကြောင်း မြန်မာနိုင်ငံက လက်မှတ်ရေးထိုးထားသော လူ့အခွင့်ရေး ကြေညာ စာတန်းပါ သတ်မှတ်ချက်များအရ တရားသူကြီးများကို နိုင်ငံသားများနှင့် တန်းတူ အခွင့်အရေးသာ ပေးရမည် ဖြစ်ကြောင်း ပြန်လည် ဆွေးနွေးခဲ့သည်။

ဦးသိန်းညွှန့်၏ အဆိုကို ပြည်သူ့လွှတ်တော်၌ မဲခွဲ ဆုံးဖြတ်ခဲ့ရာ ထောက်ခံမဲ ၁၂၁ မဲ၊ ကန်ကွက်မဲ ၂၂၄မဲ၊ ကြားနေမဲ ၃၇ မဲ ရရှိခဲ့သဖြင့် အဆိုမှာ ရှုံးနိမ့်ခဲ့ရသည်။

သင်္ဃန်းကျွန်းမြို့ နယ် ပြည်သူ့ လွှတ်တော် ကိုယ်စားလှယ် ဦးသိန်းညွှန့်မှာ တရားရုံးများ မထီမဲ့မြင် ပြုမှု ဥပဒေအား ပြင်ဆင်/ရုပ်သိမ်းရေး အဆို၊ ၁၉၅၀ ပြည့် အရေးပေါ်စီမံမှု ဥပဒေ ပုဒ်မ ( ၅ ) ည အား ပြင်ဆင်ရေး အဆို၊ အစိုးရ မဟုတ်သော NGO အဖွဲ့အစည်းများအား မှတ်ပုံတင်ခွင့်ပြုရေး အဆိုတို့ကို တင်သွင်းခဲ့သူ ဖြစ်သည်။

The Voice Weekly

ထိုင်းနိုင်ငံတွင် မြန်မာလူငယ် ၃ ဦး ဖောက်ထွင်းမှုဖြင့် ဖမ်းဆီးခံရ

ထိုင်းနိုင်ငံ မဲဆောက်မြို့မှာ မြန်မာဆယ်ကျော်သက် ၃ ဦးကို ဖောက်ထွင်းခိုးယူမှုတွေနဲ့ ဖမ်းဆီးထားတယ်လို့ မဲဆောက်မြို့ရဲအရာရှိက ဒီဗွီဘီကို ပြောပါတယ်။

မဲဆောက်မြို့ပြည်သူတွေက ပစ္စည်းအခိုးခံရမှု၊  နေအိမ် ဖောက်ထွင်းခံရမှုတွေ ရဲစခန်းမှာ နေ့စဉ်လိုလို လာတိုင်နေတဲ့ အတွက် မသင်္ကာဖွယ် လူငယ် ၃ ဦးကို နောက်ယောင်ခံလိုက်ကြည့်ခဲ့ပြီး မနေ့ညနေ ၅ နာရီလောက်မှာ ၀င်ရောက်ဖမ်းဆီးခဲ့တာလို့ မဲဆောက်မြို့မရဲစခန်းက တာဝန်ကျ စခန်းမှူး ဒု-ဗိုလ်မှူးကြီး ရ၀လိတ် ချူမ့်ရင်က ပြောပါတယ်။

“မဲဆောက်မြို့ ဆုမ်ဒစ်ပန်းခြံအနောက်က တိုက်ခန်းမှာ ငှားနေတဲ့ အသက် ၁၆-၁၇ နှစ် အရွယ် မြန်မာလူငယ် ၃ ဦးဟာ အလုပ်အကိုင် မယ်မယ်ရရမရှိဘဲ ၀တ်ကောင်းစားလှနဲ့ မြို့ထဲမှာ သုံးဖြုန်း လည်ပတ်နေတာတွေ့လို့ မသင်္ကာ ဖြစ်ခဲ့ပါတယ်။ သူတို့ကို လွန်ခဲ့တဲ့ လပိုင်းကတည်းက စောင့်ကြည့်ခဲ့တာဖြစ်ပြီး မနေ့က သွားစစ်တာမှာ ဗွီဒီယိုကင်မရာ၊ ပန်ကာ၊ လက်ဝတ်လက်စား၊ ကွန်ပြူတာ၊ တီဗွီ စတဲ့ ခိုးရာပါ ပစ္စည်းတွေရော၊ ငွေသား ဘတ် ၁ သောင်း ၂ ထောင်ပါ ဖမ်းဆီးရမိခဲ့တယ်” လို့ စခန်းမှူးက ပြောပါတယ်။

လူငယ် ၃ ဦးကို ဆက်ပြီး စစ်ဆေးမေးမြန်းရာမှာ ဖောက်ထွင်းမှု ကျူးလွန်ကြောင်း၊ အကြိမ် ၂၀ ထက်မနည်း ကျူးလွန်ခဲ့ကြောင်း၊ ပစ္စည်းတွေကို မြ၀တီဘက်မှာ ထုခွဲရောင်းချကြောင်း ၀န်ခံခဲ့တယ်လို့ ဆိုပါတယ်။

သူတို့တတွေကို မြန်မာပြည်ဘက်ခြမ်း ပြန်ပို့ဖို့အတွက် လောလောဆယ် မြ၀တီရဲစခန်းနဲ့ ဆက်သွယ်ဆောင်ရွက်နေပြီး ခိုးရာပါပစ္စည်း လက်ခံဝယ်ယူသူကိုပါ ဖမ်းဆီးအရေးယူပေးဖို့ တောင်းဆိုထားကြောင်း စခန်းမှူးက ပြောပါတယ်။

ဖမ်းဆီးရမိပစ္စည်းတွေကို သက်ဆိုင်ရာ ပိုင်ရှင်ဖြစ်သူတွေက ဒီနေ့ မနက်မှာ ပြန်ယူသွားကြတယ်လို့ ဆိုပါတယ်။ ကျူးလွန်သူတွေဟာ အသက် ၁၈ နှစ်အောက် ကလေးတွေဖြစ်တဲ့အတွက် အမည်ရင်းကို ဖော်ပြခွင့်မရှိဘူးလို့ မဲဆောက်ရဲစခန်းက ပြောပါတယ်။
ဒီကိစ္စနဲ့ ပတ်သက်လို့ မေးမြန်းဖို့ မြ၀တီမြို့ရဲစခန်းကို ဆက်သွယ်ပေမယ့် မရသေးပါဘူး။
by နန်းမြနဒီ  (ဒီဗွီဘီ)

သမ္မတဦးသိန်းစိန် ရခိုင်ခေါင်းဆောင်များနှင့် ပြည်နယ်တည်ငြိမ်ရေး ဆွေးနွေး

သမ္မတဦးသိန်းစိန်ဟာ မနေ့က ရခိုင်တိုင်းရင်းသားပါတီခေါင်းဆောင်နှစ်ဦးကို အလွတ်သဘောတွေ့ဆုံပြီး ရခိုင်ပြည်နယ် တွင်း တည်ငြိမ်းအေးချမ်းရေးကိစ္စကို ဆွေးနွေးခဲ့ပါတယ်။

သမ္မတ ဦးသိန်းစိန်ဟာ ရခိုင်တိုင်းရင်းသားများ တိုးတက်ရေးပါတီဥက္ကဋ္ဌ ဒေါက်တာအေးမောင်နဲ့ ရခိုင်ဒီမိုကရေစီ အဖွဲ့ဥက္ကဋ္ဌ ဦအေးသာအောင်တို့နဲ့ တွေ့ဆုံဆွေးနွေးခဲ့တာပါ။

ဆွေးနွေးခဲ့တဲ့ အကြောင်းအရာနဲ့ ပတ်သက်ပြီး ဒေါက်တာအေးမောင်က “သူဆွေးနွေးတဲ့ အထဲမှာ ပြည်တွင်းပဋိပက္ခလေးတွေ၊ နိုင်ငံတကာရဲ့အမြင်တွေ၊ နောက် တည်ငြိမ်မှုရဲ့ အရေးကြီးပုံ၊ တိုင်းပြည်ငြိမ်းချမ်းတည်ငြိမ်မှပဲ လုပ်စရာရှိတာ ဘာလုပ်မလဲဆိုတာလေးတွေ၊ နောက် ပြင်းထန်တဲ့ အစွဲအလန်းလေးတွေကို ဖြေစရာတွေနဲ့ ဖြေလျှော့ဖို့။ အစိုးရနဲ့ ပူးပေါင်းပြီး တိုင်းပြည်အေးချမ်းအောင် ကူညီကြဖို့။ နောက် ရခိုင်မှာ အေးချမ်းတဲ့နေရာတွေမှာ မဖြစ်ဖို့ ဒီအသိုင်းအ၀ိုင်း ၂ ခု ငြိမ်းချမ်းတည်ငြိမ်အောင် ဘယ်လိုထိန်းမလဲဆိုတာကို သူ့ဘက်ကိုယ့်ဘက်ပေါ့၊ ကျနော်တို့ဘက်က ကျနော်တို့ ပါတီဆိုတာမျိုးက လူထုရဲ့ဆန္ဒနဲ့ လူထုနဲ့ တသွေးထဲတသားတည်း ဖြစ်နေမှပဲ ပါတီဆိုတာမြဲတာကိုး။ အဓိကကတော့ တရားဥပဒေစိုးမိုးဖို့ကို ၀ိုင်းဝန်းဖြေရှင်းဖို့ပါပဲ။”

ရခိုင်ပါတီတွေရဲ့ ခေါင်းဆောင်တွေဟာ သြဂုတ် ၈ ရက်နေ့ ကနဦးပိုင်းမှာလည်း ရွေးကောက်ပွဲကော်မရှင်ဥက္ကဋ္ဌ ဦးတင်အေး အပါအ၀င် တပ်မတော်အကြီးတန်း အရာရှိကြီးတွေနဲ့လည်း ရခိုင်ပြည်နယ် တည်ငြိမ်အေးချမ်းရေး အတွက် တွေ့ဆုံဆွေးနွေးခဲ့ကြတယ်လို့ ပြောပါတယ်။

ဒေါက်တာအေးမောင်က “လက်ရှိ အခြေအနေ ဘယ်လိုဖြစ်လာနိုင်တယ်၊ ဘာကြောင့်ဖြစ်တယ်၊ ဘယ်လိုလုပ်ရင်ကောင်းနိုင်မလဲဆိုတာကို ဗိုလ်ချုပ်ကြီးတင်အေးနဲ့ ဆွေးနွေးတာပေါ့။ သူတို့ဘက်ကလည်း ရှင်းပါတယ်။ ဗိုလ်ချုပ်ကြီး လှမင်းလည်း ရှင်းတယ်၊ ဗိုလ်ချုပ်သိန်းဌေးလည်း အနည်းအကျဉ်းပြောတယ်၊ ဗိုလ်ချုပ် ကျော်ဇံမြင့်လည်း ပြောတယ်။ ဦးတင်အေးက အဖွင့်အရင်၊ နောက် ကျနော်တို့ဘက်ကလည်း ၄ ဦးပါတယ်။ ကျနော်တင်ပြတယ်။ ဦးဘရှိန်တို့၊ ဦးထွန်းအောင်ကျော်တို့၊ ဦးဖေသန်းတို့ကလည်း တွေ့တာလေးတွေကို ဆွေးနွေးပါတယ်။ ဟိုဘက်ကတော့ ဦးအေးသာအောင် တယောက်တည်းပဲ ပြောချိန်ရလိုက်ပါတယ်။ 

by ​အေး​နိုင်  (ဒီဗွီဘီ)

ထိုင်း Vita စက်ရုံမှ့ မြန်မာရွှေ့ပြောင်း အလုပ်သမားအရေး ဖြေရှင်းတော့မည်

ထိုင်းနိုင်ငံ ပြည်သူ့ဝန်ထမ်း ဆက်ဆံရေးအဖွဲ့ (SERC) နှင့် ထိုင်းအလုပ်သမား ကြံ့ခိုင်ရေးကော်မတီ (TLSC) တို့ ပူးပေါင်း Vita အစားအသောက်ထုတ် စက်ရုံမှ ရွှေ့ပြောင်းလုပ်သားများ၏အလုပ်သမား အခွင့်အရေး ချိုးဖောက်ခံရမှုများအား ကိုင်တွယ်ဖြေရှင်းသွားမည်ဟု သိရသည်။ ထိုင်းနိုင်ငံ ကန်ချနာဘူရီပြည်နယ် သမကခရိုင်ရှိ Vita အစားအသောက်လုပ်ငန်း စက်ရုံသုံးရုံတွင် မြန်မာရွှေ့ပြောင်းလုပ်သား(၇၀၀၀) ခန့် လုပ်ကိုင်နေကြပြီးလွန်ခဲ့သည့် လေးလခန့်မှစကာ တရားဥပဒေနှင့်အညီ ထိုင်းလုပ်သားများနှင့် တပြေးညီ လုပ်ခလစာရရှိရန်အတွက် ဆန္ဒပြ တောင်းဆုခြဲ့သော်လည်း ယခုအချိန်အထိ ပြေလည်တိုးတက်မှု မရှိသေးဘဲ မြန်မာရွှေ့ပြောင်းအလုပ်သမားများ၏ အလုပ်သမားအခွင့်အရေးများ ချိုးဖောက်ခံနေရဆဲဖြစ်သည်။ ၂၀၁၂ ခုနှစ် ဧပြီလ (၁၁) ရက်မှ စတင်ခဲ့သော ပြောင်းရွှေ့အလုပ်သမားတို့၏ ဆန္ဒပြမှုများမှာ လုပ်ခလစာနည်းပါးခြင်းနှင့် လုပ်ငန်းခွင် လုံခြုံစိတ်ချမှု မရှိခြင်းတို့ကြောင့်ဖြစ်ပြီး ဆန္ဒပြမှုကြောင့် Vita အစားအစာလုပ်ငန်းစက်ရုံရှိ မြန်မာရွှေ့ပြောင်းလုပ်သားများ၏ အခွင့်အရေးများကို ချိုးဖောက်ခံနေရခြင်း၊ မမျှမတဆက်ဆံခံနေရခြင်းတို့ကို ပြည်သူတို့က သိရှိခဲ့ရသည်။ ထို့ကြောင့် ထိုင်းနိုင်ငံရှိ ရွှေ့ပြောင်းလုပ်သားများ၏ အခွင့်အရေးကို ကာကွယ်ရေးအတွက် SERC နှင့် TLSC တို့ ပူးပေါင်း ဆောင်ရွက်မည်ဖြစ်ပြီး Vita အစားအသောက်လုပ်ငန်းစက်ရုံမှ ရွှေ့ပြောင်းမြန်မာ အလုပ်သမားများအရေးကို လုပ်သားများနှင့် အသေးစိတ်ပူးပေါင်းဖြေရှင်းသွားမည်ဟု သိရသည်။ Popular Myanmar News Journal